Ədalət Nəsibov
14
SAZIN-SÖZÜN ĠġIĞI
Ədalət sazının dilini düşünüb onu açmaq üçün heç
olmasa, saza gərək Ədalətin yarısı qədər bələd olasan, onun saz
sənətinə gətirdiyi yenilikləri, gülləri, xalları, döndərmələri və
ümumi saz havacatlarını musiqi dili ilə çala biləsən. Təbiidir
ki, Ədalət ömründə saz üzü görməmiş əcnəbini də heyrətlən-
dirə bilir və bunun dəfələrlə şahidi olanlar çoxdur. Deyilənlərə
görə Ədalətin ifasında lent yazısına qulaq asan Qərb bəstə-
karlarından biri həmin musiqinin tək bir alətdə çalınmağına
inanmayıb. Təsadüfən bir gün güzarı Bakıya düşən həmin
bəstəkarın sazla şəxsi tanışlığı həmin fikri alt-üst edib.
Təbiidir ki, Ədalət sənətində heyrətləndirmək çox
güclüdür. O, insanı ovsunlamağı, ağlatmağı, güldürməyi və
nəhayət, süst vəziyyətədə, az qala şok vəziyyətində saxlamağı
bacaran sənətkardır. Həmin vəziyyətlərə onun özü düşür
əvvəlcə. Sazı sinəsinə basanda Ədalət yanır, alovlanır, külə
dönür, yenidən pöhrələyən budaq kimi boy atmağa başlayır. Bu
mənzərə dinləyicinin, tamaşaçının gözü önündə baş verir.
Radio dalğalarında, televiziyada bunu hiss etmək çox çətindir.
Aşığınkı el məclisləridir, orda göstərir sənətkar öz hünərini.
“İgidi meydanda, atı sürəkdə, aşığı məclisdə sınayarlar”,-deyib
babalarımız. Neçə məclislərin, neşə-neçə ağsaqqalların
sınağından çıxıb Ədalət!
Sazı sinəsinə sıxanda heç kimi eşitməz, heç kimi görməz,
heç kimə məhəl qoymaz. Özü olar -sazı olar- öz dünyası olar
Ədalətin. Kövrələr, göynəyər, odlanar, yumaq kimi açılıb
bükülər Ədalət. Puçur-puçur tər damlaları alnında mirvari
dənələri kimi düyümlənər, baş sazın çanağı üstündə, barmaqlar
zilə enər, bəmə qalxar, dil-dil ötər telli saz. Beləcə bir müddət
heç kimdən səs çıxmaz, bütün məclisə su ələnər, hamı lal
dinməz oturar. Ədalət laylası xumarlandırar adamı, barmağını
kəssən də hiss etməzsən, “Divani” ilə açılan qapılar
“Müxəmməs” lə bağlanar. Heç kəs xəbər tutmaz vaxtın belə
Günümüzün ustad aĢıqları
15
sovuşmağından. “Təcnis”, “Qaraçı”, “Urfanı”, Cəlili” (say
hesabımı var Ədalət çaldığı havaların) çaldıqca Ədalətin də
cöhrəsi dəyişər, haldan hala düşər, göy bulud kimi qaralar,
tutular leysan yağışı başlayar simlərin ustə. Simlərlə, sazla
Ədalətin əlbəyaxa döyüşünü özün görməsən oxucu qardaş,
dediklərimə bəlkə də şübhə edər məni qınaya da bilərsən. Bu
öz işindir, ixtiyar sənindir, qardaş, amma mən gördüyümü
görüb hələ istədiyim kimi qələmə ala bilmədiyim Aşıq Ədaləti
belə görmüşəm. Ona öz ürəyimdə aşıq sənətinin Fərhadı
demişəm. Onun Bisütunu saz, külüngü təzənə, təmənnası –
yanmaqdır.
Bəli, beləcə bir aşıq alışıb alovlanar el şənliklərində, özü
gilə-gilə, əriyər, hamıya işıq paylayar –saz işığı, söz işığı. Bu
sazın işığında Azərbaycan aşıq sənəti daha görümlü, daha
aydın, daha əzəmətli görünür.
Elxan MƏMMƏDLĠ
Əməkdar Mədəniyyət ĠĢçisi
Filologiya ü. f. Doktoru
Ədalətin apardığı toy məclislərində, şənliklərində, kon-
sertlərdə olmuşam. Cürbəcür yerlərdə: redaksiyada, “Naxçı-
van” mehmanxanasında, kafedə saatlarla söhbət etmişik,
sazdan, sənətdən danışmışıq. Axırıncı dəfə son sualı da aşıq
Ədalət verib:
-Bax, kişi kimi düzünü de. Mənim məclislərimdə səni
qane etməyən, narazı salan cəhət nədi? Möyləşoğlu demiş: Ev
bizim, sirr bizim. Çatışmazlıqlarımı açıq de, səhvlərimi
düzəldim, bir də təkrar eləməyim. Axı el qabağına çıxıram.
Mən Ədalətə cavab verə bilmədim. Düzü heç bu haqqda
fikirləşməmişdim.
Məti OSMANOĞLU
Ədalət Nəsibov
16
SAZIN DAHĠSĠ
İnsanın ürəyi bəzən qürbətə bənzəyir. Adam hərdən öz
içində darıxır, öz könlü ona darlıq edir. Düşünürsən ki, neçə
edim bu labirintdən çıxım. Döyükürsən, çırpınırsan içinin
qaranlıgında əldən düşüb döyükürsən. Hönkürmək istəyirsən
qəhər bogazına ilişib qalır, hıçqırmaq keçir könlündən, amma
səsin bogazında can verir insanın könlü qürbətə dönəndə vətən
axtarır.Vətən isə o anda qara sazımız olur. İnsan qara sazın sə-
sinə sıgınır. İllahda ki, o sazı Ədalət Nəsibov çalanda adam bir
ayrı aləmdə olur. Ədalətin sazı vətəndir. Çün ki, Ədalət saz
çalanda vətənə çevrilir.Türk dünyası boyda vətənə çevrilir, türk
dünyası boyda bir sevda olur. Adamlar tanıyıram Ədalət Nəsi-
bov saz çalanda xəstə olsa belə balınca dirsəklənib xəyal atına
süvar olub haralara getməyib ki. Aşıq Ədalət Nəsibov müasir
Azərbayçan aşıq sənətinin Şahdağıdı. O Şah dağ ki, başı bulut-
dan nəm çəkir. Ədalət Nəsibov haqqında yazmaq, düşüncələri-
ni düşünmək, fikir söyləmək mühakimə yürütmək, həqiqətən
də, çətindir. Mənə elə gəlir ki, elm dəryası olsanda gərək elə
olasan ki, Ədalətin sazının işığını görə biləsən. Ədalət Nəsibov
aşıq sənətinə gətirdiyi yeniliklər saza böyük ugur gətirdi. Fik-
rimcə böyük sənətkarın sənət irsi daha dərindən örgənilməlidir.
Ustad sənətkardan filmlər çəkilməli bədii əsərlər yazılmalıdır.
Ədalət Nəsibov sənətinin irsini anlamaqda acizik. Baş-
dan-başa kodlarla sehirlənmiş qeyri-adi dərəcədə füsnükar ifa
tərzi Ədalət Nəsibovun ruhi dünyasının qapısına aparır bizi,
amma açar vermir ki, qapını açıb icəri daxil olaq. Bəlkə də
aylarla, illərlə yol getməliyik ki, heç olmasa Ədalət Nəsibov
sənətinin qapısından içəri boylana bilək. Mənim üçün Ədalətin
sazı bütöv vətənin obrazı, milli və mənəvi birliyimizin sim-
voludur. Ədalətin sazında xalqımızın ölməz ruhu, dövlətçiliyi-
mizin əbədi qüdrəti yaşayır.
Ġradə SARIYEVA
Dostları ilə paylaş: |