25
etdirməyə başlamışdır. ―Açıq söz‖ gizlində fəaliyyət göstərən müsavatın əsas
orqanı idi.
1917 –ci ildə Rusiyada fevral – burjua inqilabı baş verdi və martdan
müsavat açıq fəaliyyətə keçdi.
1917-ci ilin aprelində Bakıda Qafqaz müsəlmanlarının, mayda isə
Moskvada
Rusiya
müsəlmanlarının
qurultayı
çağırıldı.
Qurultaylar
M.Ə.Rəsulzadənin təklifi ilə Rusiyanı federativ şəkildə qurmaq haqqında qərar
qəbul etdi. Həmin dövrdə Rəsulzadə ―Cəmaət idarəsi‖ və ―Bizə hansı hökumət
faydalıdır?‖ kitablarını nəşr etdirdi.
1917-ci ilin iyununda müsəlman demokratik müsavat partiyası ilə martda
Nəsibbəy Yusifbəylinin (1881- 1920) yaratdığı türk ədəmi – mərkəziyyət partiyası
birləşdi. Partiyanın Bakıda keçirilən Iqurultayında M.Ə.Rəsulzadə Mərkəzi
Komitənin sədri seçilmişdi. Bu qurultaydan sonra Bakıda və Azərbaycanın bütün
qəzalarında xalqımızın milli hərəkatı başlanmışdır. Həmin dövr tariximizə milli
Azərbaycan hərəkatı kimi daxil olmuşdur.
M.Ə.Rəsulzadənin ―Azərbaycan ideyası‖ və ―Azərbaycana muxtariyyət‖
şüarı İranda böyük hay-küyə səbəb olmuşdur. Başda Məlikimuara Bahar olmaqla
(1886- 1951) Tehran pariranistləri ―İran‖ qəzetində ona şiddətli etiraz etmişdilər.
M.Ə.Rəsulzadə onlara cavab vermək məqsədilə ―Açıq söz‖ qəzetində bir neçə
məqalə ilə çıxış etməli olmuşdur (№ 635, 657, 671- 673, 1918-ci il). ―Rəbi –
iştəbə‖ (Səhvin düzəlməsi) adlı məqaləsində o yazırdı: ―Bu ləkə ilə bərabər təkrar
edirəm ki, Azərbaycan yüz on il bundan qabaq həvadisi- rüzgardan təqsim olundu
və Araz çayının şimal tərəfində olan qitələri ruslar aldıqdan sonra Azərbaycan
adını götürüb Zaqafqaziya adlandırdılar ki, Mavəreyi – Qafqaz olsun ‖.
Tarixdən bildiyimiz kimi, 1804-cü ildə Gəncənin və 1806-ci ildə Bakının
rus qoşunları tərəfindən tutulması ilə Azərbaycanın Araz çayından şimalda olan
hissəsinin işğalı başa çatdırılmışdı. Bu hissəsinin, yəni Qafqaz Azərbaycanının adı
1809-cü ildən çar höküməti tərəfindən xəritələrdən və rəsmi sənədlərdən
silinmişdir. Halbuki məşhur rus qafqazşünası A. Berjenin redaktə etdiyi ―Акты
собрание Кафказской археологической комиссии‖ toplusunda, U. Butkovun,
N.Dubrovinin, N. Belyavskinin və başqalarının əsərlərində Qafqaz Azərbaycanının
adı çəkilir. Rusiya və İran arasında bağlanmış Gülüstan (12 oktyabr 1813-cü il)
və Türkmənçay (10 fevral 1828-ci il) sülh müqavilərində Rusiyada qadağan
olunmuş Qafqaz Azərbaycanın adı yoxdur. Həmin müqavilələrdən istifadə edən
tədqiqatçılar kobud səhvlərə yol vermişdir. Bütün bu araşdırmalar göstərir ki,
şəxsən M.Ə.Rəsulzadənin böyük səyi nəticəsində və onun rəhbərliyi altında
26
müsavat partiyası ölkənin tarixi adını geri qaytardı və bərpa etdi.
1918-ci il mayın 26-da Zaqafqaziya seymi fraksiyaların daxili çəkişmələri
nəticəsində ləğv olundu. Ertəsi gün seymin müsəlman fraksiyasına daxil olan
partiyaların üzvlərindən ibarət Azərbaycan milli şurası yarandı.Səs çoxluğu ilə
M.Ə.Rəsulzadə milli şuranın sədri seçildi. 1918-ci il mayın 28-də bütün ölkələrin
radiostansiyaları və qəzetləri Azərbaycanın istiqlaliyyətinin elan olunması
haqqında Azərbaycan milli şurasının müraciətinin bəşəriyyətə xəbər verdilər. Bu o
demək idi ki, xalqımız etnoqrafik sərhədləri daxilində azad və müstəqil yaşamaq
hüququ əldə etmişdir. Bitərəf Fətəli xan İskəndər oğlu Xoyskinin (1875- 1920)
başçılığı ilə Azərbaycan Demokratik Respublikası hökuməti təşkil olundu.
Beləliklə, Azərbaycan xalqı nəinki türkdilli xalqlar arasında. Həmçinin bütün islam
aləmində ilk dəfə olaraq respublika üsul- idarəsinə qədəm qoydu. İyunun 17-də
Azərbaycan milli şurasının iclasında M.Ə.Rəsulzadə öz alovlu nitqində deyirdi:
―Dünya müharibəsi və Rusiya inqilabının təsirləri ilə yeni doğmuş və həyat
siyasətinə qədəm basmış olan Azərbaycan qayəsi əhatə olunmaz mühüm dəqiqələr
keçirir. Bu yeni türk nuzad siyasəti rişə və buluğ bulub da millətlər zümrəsinə
vəsail – həyat olaraq girə biləcək, yoxsa sısqa cocuq kimi südəmər halında tərki –
həyat edəcəkdir? İştə bütün zehnləri işğal edən bir məsələ!‖ (―Azərbaycan‖ qəzeti,
№ 41, 1918-ci il).
Respublikanın birinci ildönümü münasibəti ilə M.Ə.Rəsulzadə yazırdı:
―Türk mənşəli bütün başqa dövlətlər meydana gələrkən xüsusən dini əsasa
söykənmişdirsə, Azərbaycan Respublikası türk milli – demokratik dövlətçiliyi
zəminində milli- mədəni təyini müqəddaratın müasir özülünə əsaslanmışdır. Bu
nöqteyi-nəzərdən respublikamız birinci türk dövlətidir‖. (―Azərbaycan‖ qəzeti, 28
may, 1919-cü il, № 110).
Azərbaycan Dövlət Universitetinin yaranmasında M.Ə.Rəsulzadənin
böyük xidmətləri vardır. ―1920-ci il üçün Azərbaycan respublikasının təqvim-
ünvanı‖ nın dördüncü hissəsindən məlum olur ki, o tarix- filologiya fakultəsində
―Osmanlı ədəbiyyatı tarixi‖ndən dərs demişdir. Onun 1920-ci ilin əvvəllərində
―Azərbaycanın təşkilində müsavat‖ adlı kitabı çapdan çıxmışdır.
1920-ci il avqustun 17-də M.Ə.Rəsulzadə Lahıcda həbsə alınmışdır.
İ.V.Stalin 1905 –ci ildə onu ölümdən qurtaran Rəsulzadəni həbsdən buraxdırmaqla,
onun qarşısında vicdan borcunu yerinə yetirmişdir. O, M.Ə.Rəsulzadəni özü ilə
birlikdə Moskvaya aparıb, RSFSR millətlər komissarlığında mətbuat müvəkkili
vəzifəsinə təyin etmişdir. 1922-ci ilin payızında Skandinaviya ölkələrinə
ezamiyyətə göndərilən M.Ə.Rəsulzadə daha geri qayıtmamışdır. Beləliklə,