63
miqdarı artırılmır, o cümlədən dövriyyə vəsaitlərinin qənaət edilmiş hissəsindən əlavə
məqsədlər üçün istifadə etmək olar.
Dövretmə sürəti istehsalın həcminin artırılması, istehsal ehtiyatları və onların
səmərəli istifadəsi, yeni texnikanın tətbiqi, alınan məhsulun satılmasın kimi bir sıra
amillərdən asılıdır.
Dövriyyə vəsaitlərinin dövriyyə sürəti və həcminə aşağıdakı amillər təsir edir:
Müəssisənin ölçüsü (kiçik, orta, böyük);
Müəssisənin fəaliyyət xarakteri (pərakəndə, topdansatış və s.);
İstehsalın dövri müddəti;
Müəssisənin uçot siyasəti;
Müştərilərin ödəmə qabiliyyəti;
Müştərilərin və təchizatçıların coğrafi mövqeyi;
Zəruri resursların keyfiyyət və müxtəlifliyi;
Qiymətləndirmə və infilyasiya və s.
Dövretmə müddəti isə bir dövrün baş verməsinə sərf olunan vaxtı ifadə edir.
Dövretmə müddətini hesablamaq üçün hesabat dövründəki günlərin sayını dövretmə
sürətinə bölmək lazımdır. Düstur şəklində onu aşağıdakı kimi ifadə edə bilərik:
Y
k
=B/Ə
də
, (8) düsturu tətbiq etsək, onda Y
k
=BxD
or
/R (10)
Burada,Yk – dövriyyə vəsaitlərinin bir dövriyyəsinin gün hesabı ilə
uzunluğudur;
B – dövrdəki günlərin sayıdır (il – 360 gün, rüb – 90 gün və ay – 30 gün).
Ə
də
- dövretmə əmsalıdır.
Misal 3. Misal 1-də verilmiş məlumatlara əsasən dövretmə müddətini
hesablayaq.
Y
k
=360/5=72 gün
64
Dövriyyənin yüklənmə əmsalını hesablamaq üçün dövriyyə vəsaitlərinin orta
məbləğini əmtəəlik məhsulun miqdarına bölərək əldə etmək olar. Düstur formasında
bu əmsal aşağıdakı kimi ifadə olunur:
Ə
y
= D
or
/R (11)
Burada, Ə
y
– dövriyyənin yüklənmə əmsalını,
D
or
– dövriyyə vəsaitlərinin orta illik (rüblük, aylıq) qalığı (manatla)
R – topdansatış qiymətində satılmış olunmuş məhsulun həcmini (manatla) ifadə edir.
Misal 4. Dövriyyə vəsaitlərinin orta məbləğini 25000 manat, əmtəəlik məhsulun
həcmini isə 100000 manat kimi qəbul etsək, o zaman dövriyyənin yüklənmə əmsalı
aşağıdakı kimi alınar:
Ə
y
=25000/100000=0,25
Yüklənmə əmsalı dövriyyə əmsalının tərsi olub, 1 manatlıq satılmış məhsula
düşən istifadə olunnmuş dövriyyə vəsaitlərinin miqdarı ilə ölçülür. Onun həcminin
kiçik olması dövriyyə vəsaitlərinin dövranını daha da sürətləndirir.
Dövriyyə vəsaitlərindən istifadə göstəriciləri nəzərdən keçirilən zaman
əmtəəlik məhsulun miqdarını bütövlükdə deyil, faktiki satılan hissəsi əsas
götürülməlidir.
Dövriyyə vəsaitlərindən istifadənin səmərəliliyi dövretmə müddətinin mümkün
qədər az, dövriyyə əmsalının isə çox olması halında yüksək olur. Məsələn, neft-
kimya müəssisələrini nəzərdən keçirək. Belə müəssisələrdə dövriyyə vəsaitlərinin
dövrlərinin sayı digər sahələrdən çoxdur. Belə ki, dövriyyə vəsaitlərinin dövrlərinin
sayı ildə orta hesabla 12-15 olduğu halda başqa sənaye sahələrində bu rəqəmlər daha
aşağıdır. Bu da neft-kimya sahəsində dövriyyə vəsaitlərindən istifadənin
səmərəliliyini daha yüksək edir.
Müəssisənin dövriyyə vəsaitlərinin dövriyyə göstəricilərini hesabladıqda
dövriyyə vəsaitlərinin qalıq məbləğinin tərkibinə hesablaşma hesablarında olan nağd
pul vəsaitləri aid olunmur. Bunun səbəbi isə dövriyyə aktivlərinin dövretmə sürətinin
65
artırılması halında qənaət olunan dövriyyə vəsaitləri bankda akkumulyasiya
olunmasıdır.
Dövriyyə vəsaitlərindən istifadənin yaxşılaşdırılması material sərfinə qənaət
etməyə imkan verir. Daha az material sərf olunması isə hazırlanan məhsulun maya
dəyərini və material tutumunu aşağı salır ki, bu da müəssisənin maliyyə vəziyyətinə
müsbət təsir edir.
Material ehtiyatlarından istifadənin səmərəliliyini qiymətləndirmək üçün bəzi
göstəriciləri nəzərdən keçirmək lazımdır.
Bu göstəricilərdən biri mövcud xammaldan hazır məhsul alınması əmsalıdır, o
imkan verir ki, ilkin xammalla nə qədər məhsul istehsal edə biləcəyimizi müəyyən
edək. Bu əmsal faizlə ifadə edilir.
İkinci nəzərdən keçiriləcək əmsal materialdan istifadə əmsalıdır. Bu əmsalla
məhsul istehsalında yaranan itkilərin miqdarını əks etdirir. Bu göstəricinin də iki
forması vardır. Bunlar aşağıdakılarıdr:
Materialdan istifadənin plan əmsalı;
Materialdan istifadənin faktiki əmsalı.
Ilkin göstərici hazırlanmış məhsul vahidinin xalis çəkisinin məhsulun sərfi
normalarına əsasən istifadə olunancaq materialın həcminə nisbəti kimi hesablanır.
Materialdan istifadənin faktiki əmsalı isə hazırlanmış məhsul vahidinin xalıs
çəkisinin materialın faktiki istifadə olunmuş miqdarına nisbəti kimi hesablanır.
Materialdan istifadə əmsalı vahidə nə qədər yaxın olarsa, itki də o qədər az
olar. Elə sahələr də vardır ki, orada detalın xalis həcmi onun xüsusi çəkisinin əvəzinə
istifadə olunur.
Misal 5. Tutaq ki, məhsulun xalis çəkisi 1,5 kq, məhsul vahidinin istehsalına
məsrəf norması 2 kq müəyyən edilmişdir. Məhsulun hər birinin istehsalına faktiki
material sərfi isə 1.6 kq təşkil etmişdir. Buradan materialdan plan istifadə əmsalı və
faktiki istifadə əmsalını tapmaq üçün aşağıdakı nisbətlər hesablanmalıdır:
1,5 kq : 2 kq = 0,75 (plan istifadə əmsalı),
1,5 kq : 1,6 kq = 0,9 (faktiki istifadə əmsalı)