63
Bahadur xan Bayatların ana yurdundan danışarkən qeyd
edir: «Bayatların qəbilələri çoxdur. Mühümləri «Cidayin nəhri
kənarında yaşayan «Cidayin Bayatlar» və Məkrin nəhri
kənarında yaşayanlar isə «Məkrin Bayatlar»dır.
Bu haqda geniş məlumat «Türk ensiklopediyası»ndadır.
Oradakı məlumata görə, Bayatlar X1 əsrdən öncə Sır-
Dərya sahillərində və onun şimalındakı bozqırlarda yaşayırdılar.
Onların bir qismi sonradan səlcuq (yaxud türkmən) fəthlərinə
qatılaraq Sır-Dəryadan Adalar dənizinə (Egey dənizi) qədər
uzanan böyük imperiyaların qurulmAsında mühüm rol
oynamışdır. XIX yüzilliyin ortalarında Mərəş bölgəsində
Zülqədərin bəyliyini quran və Sivas ətrafında yurd salmağa
çalışan Şam və ya Özoğlu türkləri arasında mühüm bir mövqeyə
sahib olan və əksəri bugünkü Yozqad məntəqəsində yerləşən bu
bayatlar Şam bayatı adı ilə tanınmışdır.
XV əsrin başlanğıcında Intab ilə Hələb arasında yaşayan
bayatlar XVI əsrdə digər türkmənlərlə birlikdə Hələb türk-
mənlərini meydana gətirmiş, XVI əsrin əvvəllərində «Bayadi»
adı ilə tanınmışlar. Anadolu və Antakyada isə onlar ən məşhur
oymaqlar olan Xəfərli, Şərəfli, Qızıldonlu, Ökdənli,
Qaracaqoyunlu, Mancanıq, Qanqal və Yeni Eldə yurd salmışlar.
XVI əsrdə bunların bir qismi Qaraman, bir qismi də Adana
bölgələrinə köçmüşlər.
M.Kalankaytlının «Alban tarixi» əsərində Boqayat adlı ya-
şayış yerindən – qaladan danışılır və onun Bərdə həndəvərində
yerləşdiyi göstərilir. «Alban tarixi»ndəki Boqayat qalası Bərdə
həndəvərindədir.
Boyat//Bayat//Bayatlılar//Sincan Boyat//Qızıltəpə Bo-
yat//Boyatansüxtə//Bayatlı//Keşlakbayat//Əlbayat//Boqayat
(Tanrı odu) və s. paralelləri olan bu adın müxtəlif ərazilərdə, o
cümlədən Azərbaycanda da arealları vardır.
Azərbaycanda məskun yerlərin siyahısı Kitabında isə Ba-
yat adı ilə bağlı aşağıdakı kənd sovetlikləri, kəndlər və onların
əhalisinin milli tərkibi göstərilmişdir. 1) Ağcəbədi -Bayat kənd
64
sovetliyi, əhalisi 57,9% türklər; 2)Dəvəçi, Sincan Bayat b) Uzun
Bayat kəndləri 27,150 təsərrüfat, əhalisi 99,9% türk 3) Göyçay -
Bayat – 146 təsərrüfat, əhalisi 98,2% türk, 4) Şamaxı- Bayat 22
təsərrüfat, 88% türk (3, 144).
Hələ XIX əsrdə Azərbaycanın topoqraf alimi Ibrahim ağa
Vəkilov Azərbaycanda «Bayat» adlı 5 kənd göstərir. Onlardan
biri əvvəlki Şuşa, o biri Göyçay, biri Salyan, biri Quba, o biri isə
Şamaxı qəzalarında idi.
Q.Qeybullayev, Tofiq Əhmədov, Afət Qurbanov da boyat
tayfalarının Azərbaycandakı yaşayış ərazilərini göstərib onların
Azərbaycana gəlmə tarixini qeyd etmişlər. B.Budaqov bayat
tayfası haqqında danışarkən qeyd edir ki, onlar XIV-XV əsrlərdə
Səfəvilər dövlətinin yaranmasında fəal iştirak etmişlər (20, 115).
A.Axundov isə boyatların Azərbaycana gəlişini IX əsrin
ikinci yarısına aid edir. Bu tayfanın adı ilə bağlı Türkmənis-
tandakı yaşayış məskənlərinin (Darqanata, Dənev, Xocambaz və
Carcou) adlarını çəkir, onların Boyat toponimi adı ilə
adlandığını qeyd edir (2, 41).
Məhəmməd Həsən Vəliyev Baharrı Boyat tayfalarının
Azərbaycana gəlişindən söz açmış, onların Səfəvilər tərəfindən
indiki Quba qəzasında ləzgiləri tabe etmək və yerli hökm-
darların qüvvətlənməsi üçün yerləşdirilməsini qeyd etmişdir. O,
həmçinin Boyatların öz adlarını verdiyi kəndlərin adını da
göstərmişdir.
Göyçay qəzasında –Boyat-Məlik Umud, Bayat-Nadir
Cavad qəzasında –Sincan Bayat, Uzun Bayat
Şamaxı qəzasında –Bayat
Şuşa qəzasında –Bayat
Beləliklə, Azərbaycan ərazisində Ağcəbədi rayonunda
Boyat kənd adı, Ucar, Neftçala və Şamaxı rayonlarında eyni adlı
Boyat kəndi, Dəvəçi rayonunda Boyat və Sincan Boyat kəndləri,
Dərbənddə Boyatlar məhəlləsi var. Yuxarıda adını çəkdiyimiz
Qərbi Azərbaycanın Quqark (Qara kilsə) rayonunda Bayatlar
kəndi olmuşdur.
65
Tədqiqatçılarımız Boyat adının mənşəyini və mənasını
müxtəlif baxımdan açıqlayırlar.
XII əsr dünyanın ən böyük dilçilərindən olan Mahmud
Kaşğarlı özünün «Türk dilinin lüğəti» əsərində boyat qəbiləsinin
adını çəkir və onu Oğuz tayfasının bir qolu kimi göstərmişdir.
O, bu sözün «ulu tanrı» mənası verdiyini qeyd etmişdir(54,718).
XV əsr türk –uyğur şairi, alim Yusif Balasaqunlu özünün
məşhur «Kutadqu biliq» əsərində Bayat adını qeyd edir. O,
Bayat tanrı adını çəkir və «Bayat adlı ilə sözüm başladım»-deyə
onu yad edir. Düzdür Boyat azərbaycanlıların keçmişdə
tapındığı tanrı adlarından biridir. Lakin bu tanrının hansı inamla
bağlı olduğu bilinmir.
Bəzi tədqiqatçılar Bayatın su ilə bağlı ərən-tanrı olduğunu
göstərməkdədir. Bu barədə L.N.Qumilyov öz əsərində qeyd
etmişdir ki, qədim türklər (o sıradan da azərbaycanlılar) təbiətin
sahibləri sayılan və Yer-Su adlandırılan ərən-tanrılara inam
bəsləmişlər(94, 80).
Əbülqazi xan Xivəli isə «Bayat»ın mənasını «dövlətli» ki-
mi izah etmişdir.
Əcdər Fərzəli Boyat adının mənasını açırkən yazır: «Bo-
yatla bağlı köhnəlmək mənasında boyat, boyatımaq isə boqu -
tanrıya qalmaq məzmunundadır. Necə ki, andıra qalmaq da elə
tanrıya qalmaqdır. Və «tanrı»dakı səslərin yerdəyişməsindən
yaranmış «andır» (antır) sözü dünya dillərinin bir qismində – ən
çox hind-Avropa dillərində «tanrı» məzmununda işlənir. Əslində
«Bayat» tanrı adı da «Bayat» qəbilə adından asılı olmayaraq
mövcud olub. Dindar qocalar tanrını belə səciyyələndirərdilər:
«Ey bu dünyanın sahibi.» Bəy-bay da odlu-sulu yerin - dünyanın
sahibinə deyilib. Və belə imtiyaz sahibi «ibtidai oğuzun təsəvvü-
ründə» yalnız tanrı ola bilərdi. «Bay»dan törənmiş «Baq» hələ 5
min il əvvəl Şumer mənbələrində tanrı mənasındadır.
«Boqoy at» variantında da «boq» komponenti məhz tan-
rını təmsil edir. Boqoyat-Boq ata-Tanrı ata, Boq-od-Tanrı-od…
Dostları ilə paylaş: |