161
deyir, kişi qapıdan girəndə xanım munu qarşılamadı. Qaşını-
qavağını töküf. Soruşdu:
– Arvad, niyə elə eliyirsən?
Dedi:
– Heş nə.
– Arvad, suyun hanı?
– Xəstələnmişəm, başım ağrıyır, get suyunu da al, çörə-
yini də tap, ye.
Kişi kor-peşman girdi içəri, nə bilim, su tapdı, yüdü, yü-
mədi. Öydə hazır xörək yoxuydu. Bir qarnı aj, bir qarnı tox, kişi
gejə yatdı. Savah qalxdı, gənə ağa. yonmağa getdi. Şah gənə
getdi. Gedəndə gördü kü, kişi yonur, bir dəfə ağaca dəyəndə, iki
dəfə daşa dəyir, balta ötör. Bunu şahın qanı qəbul eləmədi. Dedi:
– Vəzir, bu işi necə pozufsan, xayiş eliyirəm, qaytar
düzəlt.
Gəldi kişinin yanına vəzir. Salam, əleykəssalamnan sonra:
– Kişi, niyə elə eleersən?
Dedi:
– Nə bilim?
Dedi:
– Kişi, bilerəm neylədiyini. Sana bir şey örgədəjəm, get
onu elə, düzələjək işdərin hamısı.
Dedi:
– Nə örgədersən?
Dedi:
– Get, otuz ildi, qırx ildi əlini yuduğun axtafanı apar
subaşında sındır, qayıdıf gələndə də ufulda. Çox ah-uf çəkən-
nən sonra arvad bezif deyəjək ki, a zalım oğlu, bir axtafadan
ötrü niyə ufulduyursan? Get təzəsini al dana. Onda arvada
deyərsən ki, arvad, otuz ildi mənim əlim bu axtafaya örgəşif,
bu axtafa mənə örgəşif. İnnən sonra mən gedəm təzəsini
162
alam, o gələ mana örgəşəsi, mən ona örgəşəsi. Ona örgəşənə
qədər mən ömrümü bağışdıyajam, öləjəm.
Kişi axşam evə gəldi. Vəzir örgətdiyini həmin qaydeynan
yerinə yetirdi. Başdadı ah-uf çəkməyə. Çəkəndə arvad dilləndi:
– Ay kişi, a bədbaxt oğlu, axtafa nəmənədi? Get beş
manat ver, təzə birin də al dana.
Dedi:
– Ey arvad, nə bilirsən nə var.
Dedi:
– Nə var?
Dedi:
– Mənim ömrüm azalıf, otuz ildi bu axtafaynan yoldaş-
dığ eliyirəm. Təzə axtafa alam gətirəm, o mana örgənə, mən
ona örgənəm. Mən onatan həyata olan borcumu verəjəm.
Qadın elə bil yuxudan oyandı ki, ə, kişisinnən mehriban
dolaner, can-ciyərdi. Az tapellər, şirinniynən az yiyillər, çox
tapellar çox yiyillər. Yaxşı da şad, gümrah yaşıyıllar. Bu gedə
şahın arvadı ola, bu şahın xasiyətini örgənə, şah da munun
xasiyətini örgənə. Onatan bu arvad da ömrünü qutarar. Təzə-
dən yerinnən qalxdı, dedi:
– A kişi, sənin başına dönüm, çöldən gəlifsən, gəl əlini yü.
Çay gətdi, çörək gətdi, şad-xürrəm yedilər, işdilər, yat-
dılar. Səhər kişi gülərüznən genə yola tüşdü. Getdi genə baş-
dadı ağacını yonmağa. Şahnan vəzir gənə gələndə gördü ki,
doğrudan da, buların bir-birinə olan məhəbbəti o qədər möh-
kəm, ehtibarlıdı ki... Kişi gənə daşın üstündə ağacı yonur,
baltası bir dəfə də olsa daşa dəymer.
Arvad da orda belə deyir:
– Kül şahın varının da başına, özünün də. Elə maa öz
ərim lazımdı.
163
34. DÜZƏLDƏN DÜZƏLDƏR
Günnərin bir günü Şah Abbas vəzirinnən gəzintiyə çıxer
da, onda adət imiş. Bir zərgər tükanının qavağınnan gedəndə
görör ki, zərgərdi. Elə bir zərgərdi, həm boyu-buxunu, filanı,
hamısı biri-birinə yaraşer. Amma əli işdeer, ağzı da deyir ki,
düzəldən düzəldər. Şah Abbas vəzirə deyir:
– Ə, gəl gedəh, görəh bu nə deyir. Bu düzəldən düzəldər
nədi? Nə səbəbə belə deyir?
– Salamməlöykü!
– Əlöykəssalam!
Şah Abbas deyir ki, mənim bu barmağımdakı üzük formada
mana bir üzük qayıra bilərsənmi? Deyir:
– Lap ikisini qayırem.
Deyir:
– Elə qayırginan ki, bilinməsin ey, elə bil bir üzükdü.
Şah Abbas üzüyü zərgərə verer. Zərgər barmağının
ujunda belə tullor (yeşik kimi şeyi varıymış, üzükləri, filanı –
hamısı ordoymuş), onun içinə düşör. Şah Abbas zərgərin ba-
şını qater. Vəzirə göz vuror ki, sən üzüyü götü civəə qoy. Vəzir
üzüyü götürör, civinə qoyor. Halallaşellar. Haqqı nə olajax, nə
olmujax? Deyir ki, haqqını gələndə verərsən. Düzəldən özü
düzəldəjəh. Şah Abbas vəzirnən geder. Dənizin qırağınnan
gedəndə Şah Abbas deyir:
– Ayə, o üzüyü dənizə tulla, göröm bu hancarı düzəlder.
Dənizə tullollar, çıxellar gedellər. İndi kişi beş günə vədə
verif, üç günə vədə verif. Aradan iki gün, üç gün keçəndə zər-
gər nə qədər eliyir, üzüyü tapa bilmer. Şəyirdi varıymış. Şə-
yirdinə deyir:
– Əyə, üzüyü olmuya sən götdün?
– A kişi, nə danışersan? Neçə ildi bir yerdə işdiyirik.
Mən üzük götürənəmmi?
164
Məhətdəl qaler. Gənə “düzəldən düzəldər”i dilindən
qoymor. Kişi evə getdiyi yerdə görör, uşaxlar balıx sater, iri-
iri balıxlar. Bir iri balığ aler, aparer arvada verer, deyir:
– Arvad, pişir. Savah, Allah qoysa, bunu yeyək, əmbə
kefim də yaxşı döyül.
– Niyə?
Hal-qəzyeyi arvada söylöör ki, belə-belə, mən üzüyü
düzəldəmməsəm, Şah Abbas mənim boynumu vurajax. Üzük
yoxdu, tapılmer. Nə cür düzəldem, onun şəklini çəkməmişəm?
Kişi gənə “düzəldən düzəldər, düzəldən düzəldər” deyə-
deyə işə gəler. Kişi elə bil dünyadan köçüfdü, Allah göstər-
məsin. Arvad da balığı təmizdeer, qarnını yaranda üzük pıça-
ğın burnunda eşiyə çıxer. Həmən balığın biri üzüyü udubbuş.
Düzəldən bax belə düzəlder.
Axşam gəler. Arvad deyir, ə kişi, niyə elə eleersən? De-
yir, belə-belə, ay belə-belə… Deyir, qorxuv eləmə. Düz deyir-
sən, düzəldən düzəldər. Ala, bu üzükdümü? Kişi ba-xanda
görür ki, həmən üzükdü.
İndi vaxt daralıf, Şah Abbas gələjək. Gejiynən geder
üzüyü qayırer, yanaşı qoyor oruya. Şah Abbas gəler. Gələndə
görör, həmən kişi gənə “düzəldən düzəldər, düzəldən düzəl-
dər” deyif işdiyir.
– Salamməlöykü!
– Əlöykəssalam!
Deyir:
– Üzük hazırdımı?
Deyir:
– Bəli, hazırdı.
Şah Abbas məhətdəl qaler. – “Ə, bu dəlidi! Hancarı
hazırdı? Nə cür hazırdı?” Deyir ki, hanı? Deyir, budana, bax!
Baxer görör ki, doğrudan, üzük biri-birinnən seçilmir. Deyir:
– Ə kişi, bu nə cür oldu düzəldi?
Dostları ilə paylaş: |