16
xüsusi münasibət olmuşdur. Azərbaycanla eyni kök, tarix və mədəniyyətə
malik qırğız xalqının, Manas elinin qüdrətli sənətkarı haqqında
Azərbaycan ziyalıları böyük fəxarət hissi ilə bəhs etmişlər. Çingiz
Aytmatovu düşündürən milli ideallar, böyük qayğılar, hər iki xalqın başına
gətirilmış ağrı-acılar eyni zamanda Azərbaycan ziyalısını da düşündürmüş
və bu baxımdan hər iki xalqın taleyində ortaq məqamlar mövcuddur
Azərbaycan xalqının görkəmli dövlət xadimi Heydər Əliyev sovetlər
birliyi vaxtında Çingiz Aytmatovun yaradıcılığına yüksək diqqət və qayğı
ilə yanaşmışdır. Sovet dövründə Çingiz Aytmatov dəfələrlə Heydər
Əliyevlə görüşmüşdür. Heydər Əliyevin layiqli davamçısı, cənab İlham
Əliyev Çingiz Aytmatova yüksək ehtiramla yanaşmışdır. 2008-ci ildə
yazıçının 80 illik yublieyinin Bakıda təntənəli surətdə qeyd olunması, ölkə
başçısı İlham Əliyevin “Dostluq” ordeninin ilk sayının Çingiz Aytmatova
təqdim etməsi Çingiz Aytmatovun xatirəsində əbədi olaraq həkk
olunmuşdur.
Çingiz Aytmatovun yaradıcılığı həm sovet dövründə, həm də
müstəqillik illərində orta və ali məktəblərdə geniş tədris olunmuşdur.
Pənah Xəlilov “SSRİ xalqları ədəbiyyatı” dərsliyində, Elman Quliyevin
qələmə aldığı və bir neçə dəfə təkmilləşdirərək çap etdirdiyi “Türk xalqları
ədəbiyyatı” dərsliyində Çingiz Aytmatovun həyat və yaradıcılığına geniş
yer verilmişdir. Çingiz Aytmatov yaradıcılığının Azərbaycanda tədqiqi və
təbliğində görkəmli ədəbiyyatşünas Vilayət Rüstəmzadə önəmli rol
oynamışdır. Çingiz Aytmatov müsahibələrinin birində Vilayət
Rüstəmzadənin onun yaradıclığının tərcüməsi və təbliğində mühüm
fəaliyyətindən bəhs etmiş və bu fəaliyyətin Azərbaycan-Qırğız ədəbi
əlaqlərinin inkişafında mühüm körpü olduğunu vurğulamışdır.
Akademik İsa Həbibbəylinin Çingiz Aytmatovun 85 illiyi ərəfəsində
“Azərbaycan” qəzetində çap olunan “Böyük ədəbiyyat heykəli”, özünün
elmi redaktoru olduğu “Çingiz Aytmatov. Türk ruhunun qələbəsi”
kitabındakı “Ədəbiyyatda milliliklə bəşəriliyin vəhdətinin Çingiz
Aytmatov modeli” və Çingiz Aytmatovun “Üz-üzə” povestinə yazdığı
“İnsan mənəviyyatının böyük ədəbiyyatı” adlı məqalələri qüdrətli
yazıçının yaradıcılıq yolunun tədqiqi baxımından mühüm əhəmiyyət kəsb
edir.
Azərbaycanın xalq yazıçısı Anar onu “tale müasirim” adlandırdığı
Çingiz Aytmatovla olan münasibətləri, görüşləri, qarşılıqlı dostluq
münasibətləri, yazılan məktublar, məqalələr nümunəyə çevrilmişdir.
Çingiz Aytmatov qırğız çölündən aldığı enerjini, qazandığı müşahidələrini
ümumbəşəri miqyasda təqdim etdi və dünya sevə-sevə bunu qəbul etdi.
17
Anar bu qəbulun əsasında duran bəşəri ideallardan bəhs edərək yazır:
“Həyat və Ölüm, Xeyir və Şər, Şərəf və Şərəfsizlik, Məhəbbət və Nifrət
məsələləri əbədidir. Bu məsələlərə insanlar hansı dövrdə, hansı ölkədə,
hansı ictimai quruluşda yaşamaqlarından asılı olmayaraq üz-üzə gəlir.
Məhz bunu dərk və ifadə edə bildiyinə görə, bu ümumbəşəri problemləri
qırğız həyatı və qırğız tarixinin gerçəklikləriylə əlaqələndirdiyinə görə
Çingiz Aytmatov, əlbəttə, ilk növbədə böyük istedadı sayəsində dünya
yazıçısı ola bildi. Əsərləri dünyanın bütün qitələrində neçə-neçə dilə
çevrilən, nəşr olunan, oxunan və sevilən bir yazıçı”
1
.
Anar nəsrin varisliyindən bəhs edərkən Cəlil Məmmədquluzadə ilə
Çingiz Aytmatov, İsa Hüseynov mərhələləri arasında körpü qurur. Onların
yaradıcılığının, ədəbi varisliyini sonrakı nəsillər üçün zəngin əsasa
çevrildiyini yazır. Anar sələflərindən bəhs edərkən 60-cılar nəslinin baş
müəlliminin Cəlil Məmmədquluzadə və daha sonrakı mərhələdə Çingiz
Aytmatov və İsa Hüseynov olduğunu vurğulamışdır. Bu məqam böyük
ədəbiyyat yolunda iki qüdrətli sənətkarı birləşdirir və özündən sonrakı
nəsillərin cəsarətli yaradıcılığı üçün zəmin hazırlayır.
Çingiz Aytmatovun Azərbaycanda sistemli tədqiqatçılarından biri
professor Leyla Gərayzadə olmuşdur. Müəllifin “Rusdilli yazıçıların
yaradıcılığında etno-epik yaddaş problemi” adlı elmlər doktorluğu
dissertasiyasının böyük bir qismi Çingiz Aytmatovun yaradıcılığının
təhlilinə həsr olunmuşdur. “Seysmik ərazi” və “Rusdilli türk yazıçıların
ideya axtarışları” adlı kitabları, “Çingiz Aytmatovun yaradıcılığında din
mövzusu və dini simvolika”, “İnsan və təbiət – Çingiz Aytmatovun
yaradıcılığının əsas leymotivi”, “Çingiz Aytmatovun yaradıcılığında
ekoloji problemlər”, “Çingiz Aytmatovun yaradıcılığında xeyir və şər
problemi”, “Çingiz Aytmatovun yaradıcılığında mənəviyyat problemi”,
“Çingiz Aytmatovun yaradıcılıq manerası”, “Murad Adcı, Oljas
Süleymenov və Çingiz Aytmatov yaradıcılığında dini simvolika, ritual və
ayinlər”, “Çingiz Aytmatovun yaradıcılığında insan və onu əhatə edən
dünya”, “Çingiz Aytmatov və Azərbaycan” adlı məqalələrində yazıçının
yaradıcılığının bir sıra tərəfləri ətraflı şəkildə tədqiq olunmuşdur. Leyla
Gərayzadənin “Çingiz Aytmatovun dünyası” adlı kitabı 2013-cü ildə
Qırğızıstanın paytaxtı Bişkekdə nəşr olunmuşdur.
Çingiz Aytmatov yaradıcılığının kökündə dünya mifoloji sisteminin
tərkibində özünəməxsus yer tutan türk mifologiyası və zəngin şifahi xalq
1
Aytmatov Çingiz. Türk ruhunun qələbəsi. Tərtibçi Elnarə Akimova. Bakı: Nağıl evi,
2013, s. 15