203
sultanının məmləkətində əhaliyə edilən zülmə haqsızlığa
işarə edir:
Şeyx Buxari (köylü qadınla daxil olub İldırıma) – Əfv
edərsini, lütfən şu köylü qadını dinləyin. Anadolunun şu
yoxsul anasına qulaq verin də, görün nələr söyləyir!
İldırım (qadına) – Söylə!
Qadın – Yetişmiş bir qızım vardı. Adı Lalə idi. Onu
yaşatmaq üçün hər zəhmətə qatlanıyordum. Tarlamızı
sürərkən bir tərəfdən alagöz öküzü, bir tərəfdən kəndimi
qoşaraq heyvanla bərabər çalışırdım. Laləciyim, bircə
dənəcik , yeyəcək, geyəcək tədarük edirdim.
İldırım (azacıq sərt) – Sonra?
Qadın (həyəcanla) – Sonra azğın yeniçərilər, sənin o
qaba, sərxoş əsgərlərin öküzümü aldılar. Buraxmaq
istəmədim, incitdilər. Yalvardım, söydülər. Mən heç,
əvət, mən heç. (Yaralı fəryadla) Qızım, ah yavrum...
canavarlar yardımsız bir quzuya hücum edər kimi onu
sardılar, ağlamasına, çığırmasına baxmadılar, cəllad kimi
alıb götürdülər. (Çılğınca) Ah, Laləciyim! Ah, yavrum!
Şeyx Buxari (ətrafa) – Zavallı qadın, bilməz ki,
yalvardığı padşahın içdiyi şərablar yalnız yoxsul
köylünün tökülən al qanlarından, qanlı göz yaşlarından
tədarük olunur
1
.
İldırımın hökmranlıq etdiyi məmləkətdə yoxsul,
məhkum əhalinin nəinki var-yoxu, hətta namusu da talan
edilir. Sultan isə öz kefində, öz işrətindədir.
Dramaturq bir çox yerdə müxtəlif surətlərin dili ilə
Teymurun da qan axıtmağa həris, şöhrətpərəst,
rəyasətpərəst, qəlbi hərb atəşi ilə alovlanan yırtıcı
olduğunu göstərir. Əsərdə Teymur, onun yeritdiyi siyasət
və müharibə ideyaları ilə, xalq, ordu nəfərləri, əsgərlər
arasındakı ziddiyyət də verilir. Bu cəhətdən beşinci
pərdədə əsgərlər arasında gedən mükalimə çox mənalıdır:
1
H.Cavid. ―Topal Teymur‖. Bakı, Azərnəşr, 1926, səh. 63-64.
204
Birinci əsgər – Ölüb, öldürən biz, gülüb əylənən onlar.
Ac-çılpaq qalan biz, zövqü səfaya dalan onlar.
İkinci əsgər – Onlar kimdir əcəba?
Birinci əsgər – Saraylarda kef sürən azğın padşahlar,
dəli xaqanlar, sərvət, səadət içində gülümsəyən kurnaz
vəzirlər, yaramaz vəkillər, eyşü-nuş ilə vaxt keçirən...
şahzadələr, çılğın dərəbəylər
1
.
Əsgərlər arasında olan bu mükaliməni tənqidçi
Mustafa Quliyev də ―Topal Teymur‖ haqqında yazdığı
bir məqalədə qiymətləndirmiş, yazmışdı ki: ―Əsgərlərin
müsahibəsində Teymurun təxribedici müharibələrinin,
aşağı siniflərin bu müharibədə oynadığı rolların müəyyən
cəhətləri pək aydın olaraq meydana çıxır... Qarət və
qənimət düşünməyərək vətən yolunda xidmət etməkdən
bəhs edən ikinci əsgərin sözləri daha qaneedicidir.
Burada müəllif sinfi müxalifətləri və Teymur dövlətinin
gələcək inqirazının səbəblərini göstərə bilərdi; lakin
məəttəəssüf o buna nail olmamışdır‖
2
.
Son səhnədə İldırımla qarşılaşırkan Teymurun özünü
―dəli‖, İldırımı isə ―abdal‖ adlandırması təsadüfi deyildi.
Teymur – Heç maraq etmə, xaqanım. Sən kor bir abdal,
mən də dəli bir topal. Əgər dünyanın zərrə qədər dəyəri
olsaydı,
yı-
ğın-yığın
insanlara,
ucu-bucağı
yox
məmləkətlərə sənin kimi bir kor, mənim kimi bir topal
müsəllət olmazdı
3
.
Bütün bunlar aydın göstərir ki, İldırım da, Teymur da
əslində Cavidin nəzərində azğın padşahlardan, ―çılğın
dərəbəylər‖dəndirlər.
Beləliklə, Cavidin ―qan püskürən, atəş sovuran‖,
―çılğın dərəbəylərə‖, əvvəlki, ―İblis‖də olan münasibəti
bu əsərdə də dəyişmir. Bununla belə dramaturq müəyyən
1
Yenə orada, səh, 70.
2
M.Quliyev, ―Hüseyn Cavidin ―Topal Teymuru‖ haqqında‖, ―Maarif və mədəniyyət‖
məçmuəsi, 1928, № 11.
3
Bu sözlərin həqiqətən Teymurun dilindən çıxdığı haqqında tarixi məlumat vardır.
205
fikirlərini surətin dili ilə ifadə etmək xatirinə zalım, qanlı
fatehi idealizə edir, Teymuru maraqlı bir səciyyə ilə
bəzəyir: Teymur, bir tərəfdən, qanlı bir hərbçi, o biri
tərəfdən sülhpərvərdir. Gah qızğın, hərarətli, gah da
soyuqqanlıdır. Bəzən son dərəcə məğrur, xudbin, bəzən
də əksinə, olduqca sadə, təvazökardır. O həm həlim,
nəvazişkar, mərhəmətli, həm də çox ciddi, qorxunc,
amansızdır. Teymur dostlarına, yaxın adamlarına, sadiq
köməkçilərinə,
alimlərə,
şairlərə
qarşı
həssas,
mərhəmətli,
düşməninə,
rəqibinə
qarşı
amansız,
mərhəmətsizdir və h. b.
Əslində prinsipsiz bir şöhrətpərəst olan, dünya ağalığı
ehtirası ilə Şərq ölkələrini xarabazara çevirən,
kəllələrdən qalalar düzəldən və ―dünya, kainat elə bir
dəyərli şey deyil ki, iki padşaha ehtiyacı olsun‖ deyə
sadəcə insanlığın taleyi ilə əylənən və bəşəriyyəti əlində
oyuncağa çevirmək istəyən qanlı bir fateh Cavidin
əsərində müəyyən mənfi xüsusiyyətləri ilə bərabər,
əsasən haqq-ədalət naminə mübarizə aparan bir cahangir
kimi göstərilir. Teymur: ―Mən məğrurları əzmək üçün
yaradılmış bir allah bəlasıyam, tökdüyüm qanlar da
yalnız haqq və ədalət naminədir‖
1
— deyir.
Cavidin Teymuru, qurultaysız, şurasız iş görmür.
Yalnız müharibə deyil, sülh mənafeyini də nəzərə alır. O,
arzu edir ki, gələcəkdə onun məmləkəti dünyada ən
parlaq maarif və mədəniyyət ocağı, ən zəngin sənaye və
ticarət mərkəzi olsun.
Məlumdur ki, dramaturq bu yerdə Teymurun
Səmərqəndi abad etməsini, onun alimləri dost tutmasını,
başqalarından da olsa, tarixi yaxşı öyrənib bilməsini,
yaxşı bədii zövqə malik olmasını və sair tarixin verdiyi
birtərəfli məlumatı əsas götürmüşdür.
Bəs Teymurun Hindistanı, İranı, bütün Orta Asiyanı,
1
―Topal Teymur‖, səh. 21.
Dostları ilə paylaş: |