UOT 633/635:631.52
SUVARMA ŞƏRAİTİNDƏ MÜXTƏLİF COĞRAFİ MƏNŞƏLİ BUĞDA
SORTNÜMUNƏLƏRİNİN TEXNOLOJİ-KEYFİYYƏT GÖSTƏRİCİLƏRİNİN
TƏDQİQİ
A.M.ABDULLAYEV a.e.ü.f.d., S.M.MƏMMƏDOVA b.ü.f.d.,
S.K.HACIYEVA a.e.ü.f.d.
Azərbaycan Elmi-Tədqiqat Əkinçilik İnstitutu, Bakı ş., Sovxoz №2,
e-mail: sevka_m@yahoo.com, tel.: 5516130
Məqalədə 2013-2014-cü illərdə suvarma şəraitində kolleksiya pitomnikində yumşaq və
bərk buğdanın 1148 yerli və introduksiya olunmuş müxtəlif coğrafi mənşəli sortnümunələrinın
tədqiqinin nəticələri haqqında məlumat verilmişdir. Belə ki, bu sortnümunələrindən yüksək
təsərrüfat əhəmiyyətli əlamətlərə malik 154 nümunə seçilərək texnoloji-keyfiyyət göstəriciləri
tədqiq edilmişdir. Tədqiqatlar nəticəsində yüksək keyfiyyət göstəricilərinə malik 12 yumşaq və 5
bərk buğda nümunəsi seçilərək qiymətli başlanğıc material kimi hibridləşməyə cəlb edilmişdir.
Açar sözlər: seleksiya, kolleksiya, introduksiya, yumşaq buğda, bərk buğda, keyfiyyət
Ключевые слова: селекция, коллекция, интродукция, мягкая пшеница, твердая
пшеница, качествo
Key words: selection, collection, introduction, bread wheat, durum wheat, quality
Buğda qiymətli ərzaq bitkisi olmaq etibarı ilə ölkədə ərzaq təhlükəsizliyinin təmin
olunmasında mühüm strateji əhəmiyyətə malikdir. Təsadüfi deyildir ki, son illərdə buğdanın
məhsuldarlığının yüksəldilməsi istiqamətində dövlət səviyyəsində mühüm qərarlar verilmiş və
tədbirlər sistemi həyata keçirilmişdir.
Yumşaq və bərk buğdanın emalından alınan un, yarma, çörək və makaron məmulatları
yaşayışımızın gündəlik qidasını təşkil edir. K.A.Timiryazev (1949) qeyd etmişdir ki, yaxşı bişmiş
bir tikə çörək “İnsan əqlinin ən böyük ixtiralarından biridir”.
Hazırda dünyada qlobal iqlim dəyişikliyi baş verən bir dövrdə yüksək məhsuldarlıq
potensialına, texnoloji-keyfiyyət göstəricilərinə malik və hər cür ekstremal şəraitdə stabil məhsul
verə bilən ekoloji plastik sortların yaradılıb istehsalata tətbiqi ən aktual məsələlərdəndir və bunun
üçün başlanğıc materialın tədqiqi mühüm əhəmiyyət kəsb edir.
Bir çox tədqiqatlarla müəyyən edilmişdir ki, yeni sortların yaradılmasında başlanğıc
materialın rolu son dərəcə mühüm əhəmiyyət kəsb edir. Seleksiya elminə başlanğıc material
haqqında təlim və anlayışı ilk dəfə akademik N.İ.Vavilov gətirmişdir. O, öz əsərlərində başlanğıc
materialı seleksiyanın bünövrə daşı adlandırmaqla yeni məhsuldar sortların yaradılmasında ona
xüsusi önəm vermişdir [3, 6].
A.Abdullayev və M.Şixoyev payızlıq yumşaq buğdanın perspektiv xətt və sortlarından
ibarət olan seleksiya materiallarını tədqiq edərək qiymətləndirmiş və onlardan hibridləşmədə
istifadə edərək müsbət təsərrüfat əlamətlərinə malik sortlar yaratmışlar (Tərəqqi, Bəyaz, Murov və
s.) [2].
Ədəbiyyat məlumatlarının təhlili və apardığımız tədqiqatlar əsasında belə bir fikrə
gəlmək olar ki, başlanğıc materialın düzgün seçilməsi və onların məqsədyönlü olaraq
hibridləşməyə cəlb edilməsi gələcəkdə yüksək məhsuldar sortların yaradılmasının əsasını təşkil
edir.
Bu məqsədlə Azərbaycan Elmi-Tədqiqat Əkinçilik İnstitutunun Abşeron Yardımçı Təcrübə
Təsərrüfatında 2013-2014-cü illərdə suvarma şəraitində kolleksiya pitomnikində yumşaq və bərk
buğdanın 1148 yerli və introduksiya olunmuş müxtəlif coğrafi mənşəli sortnümunələri tədqiq
edilmişdir. Səpin, sələf paxlalı bitkilər olmaqla noyabr ayının birinci ongünlüyündə əllə
aparılmış, kütləvi cücərtilər noyabr ayının ikinci ongünlüyündə müşahidə edilmişdir. Hər bir
nümunə 1m
2
sahədə səpilmiş, standart kimi (20 nümunədən bir) yumşaq buğdalar üçün
Əzəmətli-95, bərk buğdalar üçün isə Bərəkətli-95 sortları götürülmüşdür.
Vegetasiya müddətində təcrübə sahəsində aqrotexniki qulluq işləri bölgə üçün müəyyən
edilmiş metodika əsasında həyata keçirilmiş, səpinlə birlikdə hektara 100 kq kompleks gübrə
(omofocka), erkən yazda kollanma fazasında hektara təsiredici maddə hesabı ilə 90 kq azot
gübrəsi (NH
4
NO
3
) verilmişdir. Vegetasiya dövründə nümunələr üç dəfə (kollanma və çiçəkləmə
mərhələsinin sonu, dənin formalaşma mərhələsinin başlanğıcında) suvarılmışdır.
Tədqiqat illərində başlanğıc material kimi yüksək aqronomik xüsusiyyətlərinə və
xəstəliklərə davamlılığına görə seçilmiş yerli və müxtəlif coğrafi mənşəli 100 yumşaq və 54 bərk
buğda nümunələrində kompleks texnoloji-keyfiyyət göstəriciləri qəbul edilmiş metodika əsasında
təyin edilmişdir [4, 5].
Tədqiq edilən yumşaq və bərk buğda nümunələri standart sortlarla müqayisə edilmiş və
texnoloji-keyfiyyət göstəricilərinə görə standartdan fərqlənən nümunələr qruplaşdırılaraq təhlil
edilmişdir.
Tədqiqat illərində dənin şüşəvariliyinə görə standartla (50,0%) müqayisədə tədqiq olunan
yumşaq buğda nümunələrinin 90%-i standartdan yüksək (69-100%), 10%-i isə aşağı (unlu-49)
göstəriciyə malik olmuşdur. Dənin şüşəvariliyi; Nota-100%, Faktor-84%, Zimorodok-83%
(Rusiya), Renan (Fransa)-81,2%, Günəşli-97%, Qırmızı gül 1-92%, Azəri-78%, Murov 2-88,7%,
Şəfəq 2-85% (Azərbaycan) və s.sortnümunələrində nəzarətdən yüksək; SH Morg (İngiltərə), SG
4.7063 (CIMMYT), Qiymətli 2/17 və s. sortnümunələrində isə illərdən asılı olaraq unlu-18,5%-
olmaqla nəzarətdən aşağı olmuşlar.
Tədqiq edilən bərk buğda nümunələrində dənin şüşəvariliyi yüksək və qənaətbəxş (38,8-
100%) olmaqla yerli nümunələrdən; Bərəkətli 95 -93,5%, Qarabağ, Tərtər-100%, Qaraqılçıq 2 -
81,7%, xarici mənşəli nümunələrdən; Rac 91 (Hindistan)-94%, Zatino (Fransa)-89,0% və s. bu
göstəriciyə görə daha çox fərqlənmişlər.
Kleykovinanın miqdarına görə nümunələrin 56%-i standartdan (Əzəmətli 95 -30,3%)
yüksək (30.9-38%), 44%-i isə aşağı (25,6-30,2) göstəriciyə malik olmuşdur. Xarici mənşəli
nümunələrdən- Renan (Fransa)-34,2%, Fin buğdası (Finlandiya)-38,4%, yerli nümunələrdən isə -
Qobustan-32,0%, Murov 2-34.6%, Pərzivan 2-34,4% və s. kleykovinanın miqdarına görə
standartdan yüksək, Lastoçka (Rusiya)-26,8%, Kroşka (Rusiya)-27,2 və s. aşağı göstəriciyə malik
olmuşlar.
Kleykovinanın keyfiyyəti onun elastiklik xassələri ilə xarakterizə olunur və digər
göstəricilərlə yanaşı eyni zamanda kleykovinanın deformasiya əmsalı (KDƏ) ilə müəyyən edilir.
Bu göstərici yumşaq buğda nümunələrində illərdən asılı olaraq kəskin fərqlənmiş və nümunələrin
23,3%-i standartdan yüksək (96,3-100,9) və 76,7%-i isə standartdan (104,7%) aşağı (105-115,5)
göstəriciyə malik olmuşdur.
Tədqiq olunan bərk buğda nümunələrinin 13,6%-i standartdan (104,6) yüksək (83,1-102,7),
86,4%-i standartdan aşağı (105,7-119,2) göstərici ilə xarakterizə olmuşlar. 2013-cü illə
müqayisədə 2014-cü ildə keyfiyyət göstəriciləri nisbətən yüksək olmuşdur. Eyni aqrotexniki
tədbirlər fonunda keyfiyyət göstəricilərinin illərdən asılı olaraq dəyişməsi bu göstəricinin
formalaşmasında iqlim şəraitinin mühüm rol oynadığını deməyə imkan verir. Analoji nəticələr
digər tədqiqatçılar tərəfindən də qeyd edilmişdir [1, 7].
2014-cü ildə tədqiq olunan yumşaq buğdaların 71,2%-i standartdan (99,6) yüksək (82,7-
99,2), 28,8%-i isə aşağı (100,1-111,5) səviyyə göstərmişlər. Kleykovinanın deformasiya əmsalına
görə Faktor-88,6; Zimorodok (Rusiya)-82,7; yerli nümunələrdən: Zirvə 85 -86,1; Günəşli -88,0;
Qırmızı gül 1 -94,5 və s. sortnümunələri nisbətən yüksək göstərici ilə fərqlənmişlər.
Analoji hal bərk buğdalarda da müşahidə edilmişdir. Belə ki, standart Bərəkətli 95 sortunda
bu göstərici 96,9 olmuş, onunla müqayisədə sortların 45%-i standartdan yüksək (94,4-87,8), 55%-
i standartdan aşağı (99,2-109,2) göstəriciyə malik olmuşlar. Kleykovinanın deformasya əmsalı
Zatino (Fransa)-87,7; yerli nümunələrdən; Altun -94,2; Muğan -94,5; Əlincə 84 -91,6 və s.
Dostları ilə paylaş: |