Əlavə 2
Sənaye müəssisələrində və digər obyektlərdə könüllü
yanğından mühafizə dəstələri haqqında
ƏSASNAMƏ
1. Ümumi qayadalar
1.1 Sənaye müəssisələrinin, tikintilərin, bazaların, anbarların və digər obyektlərin yanğından mühafizə tədbirlərinin keçirilməsi məqsədilə fəhlələrdən, mühəndis-texniki işçilərdən və qulluqçulardan ibarət könüllü yanğından mühafizə dəstələri yaradılır.
1.2 İdarə tabeli yanğın təhlükəsizliyi xidmətinin mövcudluğundan asılı olmayaraq obyektlərdə könüllü yanğından mühafizə dəstələri yaradılır.
1.3 Könüllü yanğından mühafizə dəstələrinin təşkili, onların fəaliyyətinə rəhbərlik edilməsi və fəhlələr, qulluqçular, mühəndis-texniki işçilər arasında kütləvi-izahat işlərinin aparılması obyektlərin rəhbərlərinə həvalə olunur.
1.4 Könüllü yanğından mühafizə dəstələri obyektlərin miqyasından, quruluşundan və xüsusiyyətindən asılı olaraq, ümumobyekt və ya sexlər üzrə yaradılır.
Könüllü yanğından mühafizə dəstələrinin rəisləri obyektin (sexin) rəhbərinə tabedir və öz vəzifələrini idarətabeli yanğın təhlükəsizliyi xidməti rəisinin rəhbərliyi altında yerinə yetirir.
1.5 Könüllü yanğından mühafizə dəstələrinin rəisləri, onların müavinləri və bölmə rəisləri obyektin (sexin) rəhbərliyi tərəfindən təyin edilir.
2. Könüllü yanğından mühafizə dəstələrinin vəzifələri
2.1 Könüllü yanğından mühafizə dəstəsinə həvalə edilir:
- obyektdə (sexdə) yanğına qarşı rejimə riayət olunmasına və yerinə yetirilməsinə nəzarət etmək;
- obyektdə (sexdə) yanğına qarşı rejimə əməl olunmasının vacibliyi haqqında fəhlələr və qulluqçular arasında izahat işlərinin aparılması;
- ilkin yanğınsöndürmə vasitələrinin vəziyyətinə və istifadəyə hazırlığına nəzarət etmək;
- yanğın baş verərkən yanğın dəstələrini çağırılması və obyektdəki (sexdə) yanğından mühafizə vasitələri ilə baş verən yanğının söndürülməsi üçün təxirəsalınmaz tədbirlərin görülməsi.
2.2 Zəruri hallarda, könüllü yanğından mühafizə dəstəsinin üzvləri yağın avtomobillərini, motopompaların, digər səyyar və stasionar yanğından mühafizə vasitələrinin döyüş hesabı tərkibində iştirak edə bilər, sexlərdə və digər obyektlərdə növbə çəkə bilər.
Dostları ilə paylaş: |