8
rəqslərlə müşayiətə geniş yer verilirdi. Daha aydın olmaq üçün
onların əsas mahiyyətinə, quruluşuna diqqət edək:
Cıdır tamaşaları adından göründüyü kimi, qədim türk
tayfalarının açıq havada keçirdikləri və kütləviliyi ilə fərqlənən
meydan tamaşalarındandır. Cıdır tamaşaları adətən əmək
mövsümünün sona çatması, yaxud da başlanması ilə əlaqədar ən
yaxşı at çapanların arasında keçirilən müsabiqə idi. Bu müsabiqədə
qalib çıxanların el arasında böyük hörməti olardı. Bu tamaşalar
zamanı həm də cavanlar onlara baxmağa gələn qızlar arasından seçim
edirdilər. Öz atlarını cıdıra hazırlayan cavanlar bu zaman öz
sevdikləri qızlara, atlara həsr edilmiş mahnılar oxuyar və bu
mahnıların təranələri altında həm də ritmə uyğun rəqs edərdilər.
Cıdır tamaşalarında çox zaman cavanlar sevdikləri qızın
qarşısına alma atardılar. Əgər qız həmin almanı yerdən götürərsə,
onda oğlan həmin evə elçi göndərə bilərdi.
Zorxana tamaşaları əsasən Bakı və Abşeronda, İçəri şəhərdə,
Yuxarı bazarda, Qoca karvansaranın altında və digər yerlərdə çox
qədim zamanlardan yayılmışdır. Bu tamaşalar xüsusilə bayram
günlərində icra edilirdi və burada belə mahnılar oxunurdu:
Əl-qolunu qatdadaram
Ay oğlan!
Bağrını çatdararam
Ay oğlan!
Nişanlını alıb qaçaram
Ay oğlan!
Bəlalı başına bəlalar
Açaram, ay oğlan!
Zorxana tamaşalarında tərbiyəvi əhəmiyyət daşıyan oyunlar
özünə daha çox yer tuturdu. Belə tamaşalarda müxtəlif pəhləvanların
mürəkkəb idman hərəkətlərindən sonra qızların ifasında “yuğ
hərəkətlər”, yəni rəqslər ifa olunurdu. Azərbaycanda Sovet
hakimiyyəti qurulana qədər bu oyunlar zorxanalarda əsasən ilin
payız, qış və yaz mövsümündə göstərilirdi.
9
Zorxanada qurşaqtutma mərhələsi əsasən ritmik mahnıların
təranələri altında baş verirdi və cavan oğlanlar ifa olunan mahnıların
ritminə uyğun rəqslər icra edirdilər.
Əyləncə tamaşaları əsasən xalqın asudə vaxtlarında, işdən
sonrakı boş saatlarında keçirilirdi və insanların psixologiyası ilə sıx
bağlı idi. Bu tamaşalar xalqın qəmini, çətinliklərini gülüşlə
yüngülləşdirməkdən ötrü həyata keçirilirdi. Belə tamaşalar orta
əsrlərdən başlayaraq, əsasən Cənubi Azərbaycanda, Təbrizdə,
Həmədanda çox geniş yayılmışdı. Əyləncə tamaşalarına ayrı-ayrı
kəndlərin bütün əhalisi, qoca, cavan, uşaq, gəlin, qızlar cəmləşərdi.
Bu tamaşalarda müxtəlif məzmunlu mahnılar oxunar və onların
təranələri altında rəqslər oğlanlar, qızlar, yaşlılar tərəfindən ifa
olunardı.
Kəndirbaz tamaşaları payızda məhsul mövsümü başa
çatdıqdan sonra başlayar və yeni əmək mövsümü başlanana qədər
davam edərdi. Azərbaycanda yay ayları isti olduğundan bu tamaşalar
nadir hallarda ifa olunardı. Akademik Azad Nəbiyev kəndirbaz
tamaşaları haqqında belə yazırdı:
“Kəndir üstə oynanan rəqslər qaytağı, tərəkəmə və sairədir.
Bunların ahəngi altında oynayana və atılıb düşənə rustambaz və ya
kəndirbaz deyərdilər. Onun təlxəyi də olardı. O, çuxanı tərsinə geyib
boynundan və qollarından zınqırov asar, üzünə dəridən bir üzlük
taxıb aşağıda oyun çıxarmaqla və yamsılamaqla pul yığardı. Təlxək
hərdən yuxarıya xitabən:
Can qardaş!
Hünər kimin üçündür?
Hünər sənin üçündür. - deyirdi. Əgər simin üstündə bir
qaytağı oynasan, bu yığılan ağalar bizə cibxərcliyi verərlər. Usta,
balabanı kök elə!”.
Sim pəlvan tamaşaları Cənubi Azərbaycanın Təbriz,
Həmədan şəhərlərində, Bakı və onun ətraf kəndlərində orta əsrlərdə
çox inkişaf etmişdi. Sim pəlvanları sim üstündə oynamaq və rəqs
etməklə bərabər, eyni zamanda akrobatik hərəkətlər göstərərdilər.
Sim pəlvanları eyni zamanda akrobat qızlardan da sim üstündə
10
oynamaq, rəqs etmək üçün istifadə edərdilər. Lakin bu tamaşalarda
çox çılğın rəqslərdən az istifadə olunardı.
Masxara tamaşaları həm Cənubi, həm də Şimali
Azərbaycanda orta əsrlərdə çox geniş yayılmışdı. Masxara sözü
məzhəkə sözünə yaxındır və Azərbaycanda bu tamaşa növü gülüşlə
əlaqədar olub. Belə tamaşalar Avropa xalqlarında olduğu kimi,
Yunanıstanda, Özbəkistanda, İranda, Tacikistanda da geniş
yayılmışdı.
“İran Azərbaycanında komediya ustaları hoqqabaz kələkbaz,
masxaraçı, həm də məzhəçi şəklində işlədilib”.
Maraqlı cəhətlərdən biri də bu idi ki, həmin tamaşalar kiçik
meydançalarda göstərilirdi. Zurnaçılar dəstəsi də müxtəlif xarakterli
havalar çalardılar. Bu zaman cavanlar meydana atılaraq rəqslər ifa
edərdilər. Əvvəlcə bu havalar zurnanın zil səsində səslənərdi, sonra
da onu balabançı öz rəqsləri ilə, mahnıları ilə əvəz edərdi. Məhz
bunlardan sonra masxarabaz meydana dəvət olunardı.
Qaraçı tamaşaları XIX əsrdə geniş yayılmış və qaraçılar
tərəfindən göstərilən tamaşalardır. Bu tamaşalar orta əsrlərdə Şərqin
bir sıra şəhərlərində, o cümlədən Məşhəddə, Ərdəbildə, Xoyda da
çox yayılmışdı. Köçəri qaraçı həyatından götürülmüş həmin
tamaşalar müxtəlif qəbildən olan insanlar tərəfindən maraqla
qarşılanırdı.
Formasına, quruluşuna görə diqqəti cəlb edən tamaşalarda
qaraçı mahnıları ilə bərabər, çılğın qaraçı rəqsləri də göstərilirdi.
Qaraçı tamaşaları açıq havada keçirilər və bir neçə saat davam edərdi.
Bu tamaşalarda əsasən meydan keşikçisi, dəfçi və rəqqasə qızlar
iştirak edərdi. Qaraçı dəstələrində musiqiçilərdən balabançı və
zurnaçı, daha sonralar isə qarmonçu da iştirak edirdi.
Qaraçı tamaşalarında oyunbaz ayıdan da istifadə olunurdu.
Bu oyunda dəfdə ritmik ahəngin təranələri altında ayı rəqs edərdi.
Bundan sonra rəqqasə qızlar isə müxtəlif qaraçı rəqsləri ifa edərdilər.
Belə rəqslərdən biri də “Şələxo” Azərbaycan xalq rəqsidir. Bu rəqsə
ayı gəzdirən və meymun oynadan qaraçılar öz tamaşalarında lazımi
yer verərdilər. Sərhəd bilməyən qaraçı dəstələri bu rəqsdən qonşu
Gürcüstanda və digər Qafqaz məkanlarında da istifadə etdikləri üçün
Dostları ilə paylaş: |