68
müsabiqəli investisiya qoyuluşu mexanizmi dövlətin iqtisadi strategiyasının mühüm
tərkib hissəsi olmalıdır. Azərbaycanda əvvəlki illərin təcrübəsi mərkəzləşdirilmiş
investisiya resurslarının yerləşdirilməsinə müsabiqə yolu ilə yanaşma prinsiplərinin
gələcəkdə yayılması və təkmilləşdirilməsinin məqsədəuyğunluğunu göstərdi. Əvvəl-
lər müsabiqə yanaşması bir qayda olaraq öz xərclərini iki ildən çox olmayaraq
çıxaran yüksək səmərəli kommersiya investisiya layihələrinə aid edilirdi. Bu zaman
layihənin reallaşması üçün investor öz şəxsi vəsaitlərinin 20%-dən az olmayaraq bura
qoyurdu. Hazırda müsabiqəyə təqdim olunan layihənin keyfiyyətinə olan tələblər
konkretləşdirilir, onların müsabiqə üçün seçilməsi sistemi təkmilləşdirilir. Müsabiqə
mexanizminin böyük inkişaf imkanları dövlət təminatları şəklində dövlət köməyinin
göstərilməsi ilə əlaqədar olacaq ki, bu da səmərəli investisiya layihələri bazarını
formalaşdırmağa və investisiya sferasında yerli maliyyə-kredit institutlarının əlavə
kapitallarının cəlbinin stimullaşdırılmasına imkan verəcək. İstehsalın tədricən sabit-
ləşməsi və inflyasiyanın aşağı düşməsi şəraitində mərkəzləşdirilmiş investisiya müsa-
biqəli yerləşdirilməsinin yeni prinsiplərinin reallaşdırılması xüsusi kapital qoyuluşları
hesabına investisiya fəallığının canlanmasına kömək edir. Bundan başqa müəssisə-
lərin investisiya fəaliyyətinin həyata keçirilməsində dövlətin amortizasiya siyasətinin
rolunu yüksəltmək lazimdır. Müəssisələrin yığım üçün vəsaitlərinin çatışmadığı şərai-
tdə hökumət amortizasiyanın məqsədli istifadəsini, əsas fondların təkrar istehsalı
üçün investisiya ehtiyaclarını təmin etməyə səy göstərir. Bazar münasibətlərinin
gələcək inkişafını nəzərə almaqla bu məsələnin həlli amortizasiyanın istifadə istiqa-
mətləri üzrə sərt məhdudiyyətlər prinsipi ilə deyil, amortizasiya ayırmalarının istifa-
dəsinin müəssisələr tərəfindən onların vergiqoyma gəlirlərinə bərabərləşməsi hesabı-
na həyata keçirilməlidir.
İnvestisiya prosesinin təşkilinin səmərəli formalarının yaradılması maliyyə
sənaye qruplarının formalaşmasını nəzərdə tutur. Maliyyə sənaye qruplarının
formalaşması investisiya proqramlarının reallaşmasına kapital cəlb edilməsi üçün
əlavə imkanları təmin edir və iqtisadiyyatın sabitləşməsi və istehsalın səmərəliliyinin
yüksəldilməsi amillərindən birinə çevrilir. İqtisadiyyatın səmərəliliyinin artırılması-
69
nın maliyyə əsası bank kapitalıdır. Bu gün məhz o, investisiya axınlarının əsas
istiqamətləri haqqında mühüm qərarlar qəbul edir.
Əhalinin əmanətlərinin investisiya sahəsinə cəlb edilməsi və onların səmərəli
istifadəsi məqsədilə pay investisiya fondlarının yaradılması yaxşı olardı. Pay investisiya
fondlarının inkişaf proqramları və müvafiq normativ sənədlər işlənib hazırlanmalıdır.
Pay investisiya fondlarının əhali üçün investisiya cazibəsinin başlıca şərti investisi-
ya payının pula çevrilmə qabiliyyətinin və yüksək gəlir səviyyəsinin təmin edilməsidir.
Əmanətçilərin və səhmdarların xırda investisiya layihələrinə və əhalinin qiymət-
li kağızlara vəsait qoyuluşuna etibarının bərpasını təmin edən hüquqlarının qorunma-
sının səmərəli mexanizminin yaradılması zəruridir.
Ölkə iqtisadiyyatına investisiya qoyuluşlarının cəlbini stimullaşdıran amillərdən
biri də ölkədə azad rəqabət şəraitinin olmasıdır. İnvestisiya sahəsində rəqabətin inkişafı
üçün əlverişli şərait yaratmaq məqsədi ilə makroiqtisadiyyat və region səviyyəsində
investisiya ehtiyatlarının material ehtiyatları və tikinti təşkilatlarının istehsal gücləri ilə
tarazlazlaşdırılmış vəziyyətin əldə olunması üçün bütün səylər cəmləşməlidir.
İnvestisiya prosesinin normalaşdırılması üzrə tədbirlər görülən zaman mərkəz-
ləşdirilmiş maliyyələşmənin həcmini xeyli azaltmaq və bu vəsaiti preoritet sahələrdə
uyğunsuzluğun aradan qaldırılmasına, kiçik müəssisələrin tikintisi və rekonstruksi-
yasına yğnəltmək, istifadəsiz qalmış istehsal güclərinin digər regionlarda obyektlərin
tikintisi üçün istifadə olunmasinda tikinti təşkilatlarına kömək göstərmək zəruridir.
İqtisadiyyata investisiya qoyulmasının stimullaşdırması tədbiri kimi investorlar
üçün əlverişli rejimin yaradılmasına peşəkarların cəlbi ilə əhalinin və müəssisələrin
sərbəst vəsaitlərini toplayan qarşılıqlı fondlar formasında institusional investorların
inkişafının stimullaşdırılması siyasıtini də göstərmək olar. Ümumiyyətlə, istehsal
sektoruna qoyulan investisiyaların həcmi hökumətin aparmış olduğu iqtisadi
siyasətdən asılıdır.
Azərbaycanda investisiya mühitinin təkmilləşdirilməsi istiqamətində davam
etməkdə olan islahatlara və artıq əldə edilmiş nailiyyətlərə baxmayaraq qeyri-neft
sektoruna, xüsusilə emal sənayesinin istehsal sahələrinə investisiyaların cəlb edilməsi
sahəsində hələ çox işlər görülməlidir. İstehsal sahələrində investisiya fəallığının artı-
70
rılması üçün stimullaşdırıcı iqtisadi siyasətin həyata keçirilməsi və belə siyasətin
səmərəliliyinin artırılması ölkə iqtisadiyyatının davamlı inkişafı və dünya iqtisadiy-
yatına inteqrasiyası baxımından mühüm əhəmiyyət kəsb edir.
Qeyd etdiyimiz kimi, respublikamızda investisiya mühiti yaxşılaşdırılması üzrə
dövlət tərəfindən bu vaxta qədər xeyli işlər həyata keçirilmişdir. Bunu nəzərə alaraq
Dünya Bankı və Beynəlxalq Maliyyə Korporasiyası tərəfindən hazırlanan "Doing
Business 2009" hesabatında Azərbaycan biznes mühitinin yaxşılaşdırılması sahəsində
ən islahatçı ölkə elan edilmişdir. "Doing Business 2010" hesabatında isə ölkəmiz öz
mövqelərini qoruyub saxlamış və "Doing Business 2011" hesabatında Azərbaycan
183 ölkə arasında 54-cü yeri tutmuşdur. Hesabatda 2006-cı ildən etibarən 5 il ərzində
Azərbaycanın biznes mühiti üzrə əhəmiyyətli islahatlar apardığı və biznes mühitinin
təkmilləşdirilməsinə xüsusi diqqət ayırdığı qeyd edilmişdir. "Qlobal Rəqabətlilik
Hesabatın"da Azərbaycan MDB ölkələri arasında 1-ci yer, makroiqtisadi mühitin
stabilliyi altindeksi üzrə 139 ölkə arasında 13-cü yeri tutmuşdur.
3.3. Ölkə сянайесиндя рягабятгабилиййятли мящсул истещсалынын стимуллашдырылмасы
Müasir dövrdə Azərbaycan dövlətinin iqtisadi siyasətinin əsas istiqamətlərindən
biri ölkə iqtisadiyyatının rəqabət qabiliyyətinin yüksəldilməsidir. Məhz rəqabət qabi-
liyyətli iqtisadiyyata malik olan ölkə əhalinin artan maddi və mənəvi talabatının dol-
ğun ödəyə bilər. Bu baxımdan hökumət inzibati və iqtisadi metodlardan istifadə edə-
rək ölkə iqtisadiyyatının rəqabət qabiliyyətinin yüksəldilməsinə yönəldilmiş tədbirlər
həyata keçirir.
Ölkədə rəqabət qabiliyyətli iqtisadiyyat formalaşdırmaq üçün ayrı-ayrı sahələrə
hökumət tərəfindən edilən güzəşt və yardımlar iqtisadiyyatın strukturunu təkmilləş-
dirmək və iqtisadi səmərəliliyi yüksəltmək məqsədi daşıyır. Lakin təcrübə göstərir ki,
ölkə iqtisadiyyatında ayrı-ayrı sahələrin rəqabət qabiliyyətinin güzəşt hesabına
yüksəldilməsinə nail olmaq mümkün deyil. Ölkənin rəqabət qabiliyyətinə təbii üstün-
lüklərlə yanaşı, ölkədə siyasi sabitlik, valyuta rejimi, işçilərin ixtisas səviyyəsi, satış
bazarı, infrastrukturanın inkişaf səviyyəsi və digər amillər ciddi şəkildə təsir göstərir.
Dostları ilə paylaş: |