291
III. İnformasiya mübadiləsi. Bu mərhələdə iştirakçılar tədqiqatın gedişində
əldə etdikləri tapıntıları, yeni informasiyanın mübadiləsini aparırlar. Qoyulmuş suala
cavab tapmaq üçün bütün iştirakçılar bir-birinin təqdimatını fəal dinləməli olurlar.
Natamam və xaotik xarakter daşıyan yeni bilikləri qaydaya salmaq, sistemləşdirmək,
müəyyən bir nəticəyə gəlmək üçün tədqiqat sualına cavab tapmaq zərurəti yaranır.
IV. İnformasiyanın müzakirəsi və təşkili. Bu mərhələ ən mürəkkəb
xarakterlidir. Belə ki, bu mərhələ, bilik, bacarıq və vərdişlərin, təfəkkürün müxtəlif
növlərinin (məntiqi, tənqidi, yaradıcı) səfərbərliyini tələb edir. Müəllim fasilitasiya
funksiyasını yerinə yetirərək (yönəldici, köməkçi suallardan istifadə etməklə) əldə
edilmiş faktların müzakirəsinə və onların sistemləşdirilməsinə kömək edir. Nəticədə
tədqiqat sualının cavabı sxem, qrafik, cədvəl və təsnifat formasında təşkil oluna bilər.
V. Nəticə və ümumiləşdirmə. Bu mərhələdə şagird nəinki əldə olunan bilikləri
ümumiləşdirməli, həm də gəldiyi nəticəni tədqiqat sualı ilə və irəli sürülmüş
fərziyyələrlə müstəqil olaraq tutuşdurmalıdır.
VI. Yaradıcı tətbiqetmə. Biliklərin mənimsənilməsinin başlıca meyarı onun
yaradıcı surətdə tətbiqidir. Yaradıcı tətbiqetmə biliyi möhkəmləndirir, onun praktiki
əhəmiyyətini şagirdə açıb göstərir. Bu mərhələdə müəllim şagirdlərə, onların kəşf
etdikləri biliklərin yaradıcı surətdə tətbiqinə dair çalışma verməklə, həmin biliyin
həmişəlik onların yaddaşlarında həkk olunmasına nail ola bilər.
Bu mərhələdə həmçinin Azərbaycanda geniş yayılmış sərbəst iş forması –
dərsdə alınmış bilik, bacarıq və vərdişlərin möhkəmləndirilməsi məqsədini nəzərdə
tutan ev tapşırıqlarına da münasibət bildirilməlidir.
VII. Qiymətləndirmə və ya refleksiya. Qiymətləndirmə şagirdlərin təlimdəki
nailiyyətlərinin dəyərləndirilməsi prosesi olub konkret meyarlar üzrə aparılmalıdır.
Müəllim şagirdləri əvvəlcədən bu meyarlarla tanış etməlidir. Qiymətləndirmə
həmçinin istənilən prosesin təkmilləşdirilməsini təmin edən bir mexanizmidir.
Təkmilləşmək üçün vaxtında öz qüsur və nailiyyətlərini aşkar etmək, uğur
292
qazanılmasına nələrin mane olduğunu və nələrin kömək etdiyini müəyyənləşdirmək
vacibdir.
Refleksiya – artıq başa çatmış prosesin şüurda inikasıdır. Təlim prosesinin
refleksiyası biliklərin mənimsənilməsinin bütün mərhələlərini təhlil etməyə və
dərindən başa düşməyə imkan verən başlıca mexanizmlərdən biridir. Refleksiyanı
həyata keçirmək üçün şagirdlərə onları yeni biliyin kəşfinə gətirib çıxarmış təlim
hərəkətlərinin alqoritmini (addımlarını) izləməyə kömək edə biləcək bir neçə sual
vermək kifayətdir.
Şagirdlərin işinin effektivlik dərəcəsi həm kəmiyyət, həm də keyfiyyətcə
qiymətləndirilə, müxtəlif metodlarla və fərqli formalarda həyata keçirilə bilər. Lakin
yadda saxlamaq lazımdır ki, qiymətləndirmə ilk növbədə şagird üçün özünüqiymət-
ləndirmə və özünənəzarət vasitəsi rolunu oynamalıdır.
Fəal dərsin motivasiya mərhələsi çox mürəkkəb proses olub, müəllimdən xüsusi
bacarıq tələb edir. Dərsin bütün sonrakı gedişi məhz motivasiyanın nə dərəcədə
uğurlu yaradılması və həyata keçirilməsindən asılıdır. Dərsin nəticəsində əldə
olunmalı bilik və ideyalar motivasiyanı formalaşdıran amillərdir. Bu mərhələdə
müəllim problemli situasiyanı yaratmağı bacarmalıdır. Motivasiyanın sonu tədqiqat
sualının müəyyənləşdirməsi ilə nəticələnməlidir. Motivasiya və onun nəticəsi olan
tədqiqat sualı bilavasitə dərsin məqsədi və nəticəsi ilə uzlaşmalıdır. Tədqiqat sualı
dəqiq və qısa ifadə olunmaqla yanaşı açıq sual kimi qoyulmalı və müxtəlif cavablar
ortaya çıxarmalıdır.
Motivasiyanın yaradılmasının bütün mümkün olan yollarını tədqiqatçılar üç
qrupa bölürlər.
1.
Rəmzi (simvolik) materialın şərhi (Bu rəsm, fotoşəkil, simvol, melodiya,
əşya, rəvayət və s.ola bilər). Bu halda şagirdlərə “Bu nəyi bildirir?”, “Bunun bizim
öyrəndiyimiz mövzuya nə kimi aidiyyəti var?” kimi suallarla müraciət oluna bilər.
2.
Sual verməyə həvəsləndirmə. Təfəkkür prosesini aktuallaşdıran sualları üç
növə ayırırlar
293
Öyrənilən mövzu üzrə naməlum olan məsələləri müəyyənləşdirən suallar:
”...haqqında biz nəyi bilirik və nəyi bilmirik?...haqqında daha nələri bilmək istərdik?
Sualların içərisindən mövcud tədqiqata uyğun olanlar seçilib ayrılır və müəllim
tədqiqat sualını dəqiqləşdirmək üçün şagirdləri onu daha dəqiq ifadə etməyə yönəldir.
Açıq suallar (iki və daha çox cavabı olan suallar).
Öyrənilən mövzuya aid suallar açar sözlərin köməyi ilə verilir (“açar” sözlər:
xassələr, xüsusiyyətlər, funksiya, növlər, tiplər, rol, əhəmiyyət, səbəb, nəticə, əlaqə,
qarşılıqlı əlaqə, qüsur və üstünlük, struktur və s.).
3. Problemin müxtəlif yollarla həll edilməsi (məsələnin müxtəlif üsullarla
uğurlu həlli, yaxud həlli imkanı, hansısa hadisənin bir neçə bərabərdəyərli səbəbinin
olması).
Bu prosesin ən mühüm nailyyətlərindın biri düşünmənin sərbəstliyi və
müstəqilliyidir.
Motivasiyanın yaradılması aşağıdakı hallarda doğru hesab olunur:
Motivasiya nəticəsində müxtəlif fərziyyələrin meydana çıxması.
Tətbiq olunan motivasiya üsulunun məqsədəuyğunluğu. Motivasiyanın
yaradılması zamanı öyrənilən materialın xarakteri və onun şagirdləri bu sahədəki bilik
səviyyəsinə uyğunluğu nəzərə alınmalıdı.
Müxtəsərlik, vaxta qənaət. Motivasuyanın həyata keçirilmə müddəti 5-7
dəqiqədən çox olmamalıdır.
Qoyulmuş problemin şagirdlər tərəfindən dərk edilməsinin asanlıq dərəcəsi.
Problem uşaqların inkişaf səviyyəsinə və onların yaş imkanlarına uyğun olduqda
təfəkkür prosesini şövqləndirir, əks təqdirdə o, təfəkkürün süstləşməsinə səbəb ola
bilər.
Motivasiyanın uğurlu yaradılmasında aşağıdakı amillərin nəzərə alınmasının
da böyük rolu var:
motivasiya qismində istifadə olunan materialın xüsusiyyətləri;
Dostları ilə paylaş: |