XI FƏSİL. Asiya və Sakit okean regioanunda
inteqrasiya prosesləri
Asiya-Sakit okean iqtisadi əməkdaşlığı (ATEC)
Şərqi və Mərkəzi Asiyada inteqrasiya prosesləri. ŞƏT.
ASEAN-Cənub Şərqi Asiya ölkələrin Assosiasiyası
Cənubi Asiya regional əməkdaşlıq təşkilatı. SAARC
1) Son dövrdə Şərqi Asiyada inteqrasiya prosesləri sürətlənir. Cənub-Şərqi Asiya dövlətləri Assosiasiyasından sonra ATEC Asiya-Sakit okean ərazisində yaradılmış ikinci böyük inteqrasiya qrumudur. Qeyd etməliyik ki, bu ərazidə hələ 1967-ci ildə qeyri-dövlət təşkilatı olan Sakit okean İqtisadi Şurası və 1980-ci ildə isə Sakit okean İqtisadi Əməkdaşlıq Şurası yaradılmışdır. Hər iki qurum öz milli hökumətlərindən hərtərəfli dəstək də alırdılar. Asiya-Sakit okean iqtisadi əməkdaşlıq forumu 1989-cu ilin noyabr ayında yaradılmışdır və 21 dövləti özündə birləşdirir
Bu birlik Avstraliyanın təşəbbüsü ilə yaradılmışdır. Əsas məqsəd Sakit okean hövzəsində iqtisadi ticari əməkdaşlığın inkişafını təmin etməkdir. Əvvəlcə bura daxil olan ölkələrin sayı 12, sonra 18, daha sonra 21 olmuşdur. Əvvəlcə ATEC nazirlərin görüşü səviyyəsində fəaliyyət göstərmişdir. 1993-cü ildən isə dövlət başçılarının və hökumətlərin müntəzəm görüşləri həyata keçirilir.
Asiya-Sakit okean İqtisadi Əməldaşlıq birliyinin əsas cəhətləri aşağıda göstərilir:
Bu birlikdə inteqrasiya prosesləri əsasən Trans Milli Korporasiyaların aparıcı rolu ilə həyata keçirilir.
İnteqrasiya prosesləri iqtisadi, mədəni, sosial-siyasi cəhətdən fərqlənən ölkələr arasında aparılır.
1) Asiya-Sakit Okean İqtisadi Əməkdaşlığı (APEC) Asiya-Sakit okean regionu boyunca azad ticarət və iqtisadi əməkdaşlığı inkişaf etdirməyə çalışan 21 üzv ölkənin təşkil etdiyi inteqrasiya forumudur.
Asiya-Sakit okean ərazisi dövlətləri çərçivəsində olan bu inteqrasiya prosesləri regional ittifaqlardan ibarət Cənub-Şərqi Asiya və Şimali Amerika Azad Ticarət zonasını, Cənub-Sakit okean forumunu da əhatə edir.
2) 1996-ci ildə Çinin Şanxay şəhərində birgə görüşdə Rusiya, Çin, Qazaxıstan, Tacikistan və Qırğızıstanın liderləri tərəfindən «Şanxay beşliyi» adlanan birlik yaradıldı.
«Şanxay beşliyi»nə daxil olan ölkələrin ümumi ərazisi Avrasiya materikinin beşdə üç hissəsini təşkil edir, əhalinin sayı isə təxminən 1,5 milyarddır. 1999-cu ilin avqustunda Qırğızıstanda bu 5 ölkə rəhbərlərinin görüşlərinin sonunda imzalanan Bişkek deklarasiyasında «Şanxay beşliyi»nin məqsədləri geniş və dəqiq ifadə edildi. Onun əsasını Mərkəzi Asiyada əməkdaşlıq və təhlükəsizliyin güclənməsi üzrə çoxtərəfli regional dialoqun genişləndirilməsi təşkil edirdi. Bişkek qrupu çərçivəsində 5 ölkənin təhlükəsizlik orqanlarının və xüsusi xidmət orqanlarının əməkdaşlığı barədə qərar qəbul edildi. İqtisadi və humanitar sahədə sərhədyanı əmakdaşlığın planauyğun genişlənməsi məsələsi 2000-ci ilin iyununda Düşənbədə keçirilən sammitdə müzakirə edilib. «Şanxay beşliyi»nin tarixində mühüm hadisələrdən biri 14–15 iyun 2001-ci ildə Şanxay şəhərində keçirilən dövlət başçıları səviyyəsində sammit oldu. Rusiya, Çin, Qazaxıstan, Özbəkistan, Tacikistan və Qırğızıstan prezidentləri Şanxay Əməkdaşlıq Təşkilatının (ŞƏT) yaradılması haqqında deklarasiyaya imza atdılar. ŞƏT-in məqsədləri sırasında iştirakçı dövlətlər arasında mehriban qonşuluq və dostluq, qarşılıqlı etimadın güclənməsi, müxtəlif sfera və sahələrdə müxtəlif effektiv əməkdaşlığın təşviqi, regionda sülhün, sabitlik və təhlükəsizliyin təmin edilməsi üçün birgə sayların dəstəklənməsi də var. Deklarasiyada əsas məqsədlər kimi, Mərkəzi Asiyada sülh, sabitlik və təhlükəsizliyin təmini ilə yanaşı, siyasi, iqtisadi-ticarət, elmi-texniki, mədəniyyət, təhsil, energetika, nəqliyyat, ekologiya və digər səhələrdə əməkdaşlığın inkişaf etdirilməsi də yer alıb. Yeni regional təşkilatın çərçivəsində növbə ilə dövlət başçılarının illik rəsmi görüşü və hökümət başçılarının müntəzəm görüşü keçirilir. Bununla yanaşı, əməkdaşlığın genişləndirilməsi üçün qarşılıqlı münasibətlərin yeni mexanizmlərini yaratmaq nəzərdə tutulur.
ŞƏT çərçivəsində əməkdaşlığın koordinasiyası üçün iştirakçı dövlətlərin milli koordinatorlarının şurası yaradılıb. Onun fəaliyyəti iştirakçı dövlətlərin xarici işlər nazirlərinin təsdiq etdikləri müvəqqəti nizamnamə ilə müəyyən edilir. Bu təşkilatın yeniləşdirilmiş Nizamnaməsi 2003-ci ildə Moskvada imzalanıb. ŞƏT-in iki üzvü – Rusiya və Çinin BMT Təhlükəsizlik Şurasının daimi üzvləri olması faktoru ŞƏT üzvlərinin BMT Nizamnaməsinin pinsip və məqsədlərinə bağlılığını göstərən xüsusi deklarasiyada əksini tapıb. ŞƏT-ə maraq göstərən Pakistan, Hindistan, Monqolustan və İran təşkilatda müşahidəçi statusu alıblar. Özbəkistanın ŞƏT-ə qəbulu müxtəlif cür qiymətləndirilən əlamətdar hadisədir.
2003-cü ilin mayında Moskvada ŞƏT-in III sammiti təşkilatın əsas orqanlarının iş qaydalarını, büdcənin formalaşdırılmasını və digər məsələləri müəyyənləşdirən sənədlər imzalandı, ŞƏT-in bayrağı və gerbi qəbul edildi, icraçı katibi seçildi. Moskva sammiti ŞƏT-in təşkilati qanuniləşdirilməsini yekunlaşdırdı. Onun yekunlarına dair qəbul edilən deklarasiyada ŞƏT üzvlərinin Mərkəzi Asiya və bütünlüklə dünya arenasında fəaliyyətinin xarici siyasi koordinasiyası mexanizminin işlənməsi vəzifəsi qoyuldu. ŞƏT millət-dövlət əsasında bərabər üzvlərin iştirak etdiyi beynəlxalq bir təşkilatdır. ŞƏT yeddi əhəmiyyətli alt şuradan ibarətdir. Bunların bir hissəsi illik yığıncaqlarda bir araya gələrkən, bir hissəsi daimi quruluşdadır:
Dövlət Başçıları Şurası – hər il bir dəfə nizamlı olaraq bir üzv ölkədə toplanan və dövlət başçılarının qatıldığı ən üst səviyyədəki qərar mexanizmidir. Digər şuraların əvvəldən müşavirə etdikləri əhəmiyyətli məsələlər burada qərara bağlanmaqdadır.
Hökumət Başçıları Şurası – hər il bir dəfə toplanan və büdcənin təsdiqi və iqtisadi müqavilələr edilməsi kimi əsas öhdəlikləri olan ikinci ən əhəmiyyətli alt mexanizmdir.
Xarici İşlər Nazirləri Şurası – Dövlət Başçıları Şurasından bir ay əvvəl toplanan və bu şuranın gündəmini təyin edən, beynəlxalq məsələlərin sıxlıqda müzakirə edildiyi təşkilatın ən funksional orqanlarından biridir.
Təqdimat Şurası – üzv ölkələrin əməkdaşlıq etdikləri sahələrdə xadimlərin (müdafiə nazirləri, polis təşkilatları, ədalət nazirləri və s.) iştirakı ilə əhatəli görüş və müqavilələrin infrastrukturunun yaradıldığı əhəmiyyətli bir orqandır.
Milli Koordinator Şurası – ildə ən az üç dəfə toplanan və ŞƏT üzvü olan ölkələrin milli koordinatorlarının qatıldığı bütün digər orqanları istiqamətləndirən orqandır.
Katiblik – Pekində olan və təşkilatın bütün işlərinin sənədləşdirildiyi, təqib edildiyi, sonrakı fəaliyyətlər üçün sənədlərin hazırlandığı daimi və əhəmiyyətli bir orqandır.
Regional Antiterror Agentliyi – Özbəkistanın paytaxtı Daşkənddə iştirak edən antiterror şöbəsidir. Daimi xarakter daşıyır.
1994-cü ildə İndoneziyanın Baqor şəhərində yüksək səviyyədə keçirilən yiğincaqda qərara alınmışdır ki, inkişaf etmiş ölkələr üçün 2010-cu ilə, digər ölkələr üçün isə 2020-ci ilə qədər azad ticarət zonaları yaradılması və investisiya dairəsində liberallaşdırma prosesi başa çatdırılmalıdır. Ümumdünya Ticarət Təşkilatı ilə razılaşmalara uyğun olaraq gömrük dərəcələrinin azaldılması həyata keçirilir.
Mütəxəssislərin fikrincə, ATEC bu regionda iqtisadi, humanitar ticarət məsələləri üzrə olan problemlərin müzakirəsi mərkəzinə çevrilir.
ABŞ-da və Aİ-da müəyyən himayədarlıq meyllərinin artması dünya ticarətinin sürətlə liberallaşdırılmasına və Asiya ölkələri ilə olan inteqrasiya proselərində məhdudiyyətliklər yarada bilər.
Hazırda inteqrasiya proseslərinin nəticəsidir ki, bu qruplaşmaya daxil olan bəzi ölkələrdə, xüsusən Asiya ölkələrində iqtisadi inkişaf və artım daha dinamik olmuşdur. Odur ki, dünya üzrə ÜDM-də onların payı xeyli artmışdır. Hazırda dünya üzrə ÜDM-in 60%-dən artığı ATEC ölkələrinin payına düşür.
Asiya-Sakit Okean İqtisadi Əməkdaşlıq Forumu bu reqionda azad ticarət və iqtisadi əməkdaşlığı inkişaf etdirən ölkələrin inteqrasiya formasıdır. Asiya-Sakit Okean İqtisadi Əməkdaşlığı təşkilatı (APEC –Asia-Pacific Economic Cooperations) 1989-cu ildə Asiya-Sakit okeanı regionunun iqtisadiyyatının milli təsərrüfatlarının vahid ərazidə inkişafı üçün yaradılmışdır.
ASOİƏ forumunun məqsədləri bunlardır:
regionda və bütün inetqrasiya məkanında iqtisadi artıma dəstək;
Dövriyyə edən əmtəələrdən, xidmətlərdən, kapitallardan və yeni texnologiyadan effektli istifadə etmək;
açıq çoxtərəfli ticarət sisteminin inkişafı və mövcudluğu.
ASOİƏ-nin fəaliyyəti üç geniş miqyasda aparılır:
ticarət əlaqələri və investisiya ab-havasının liberallaşdırılması;
ticarətə və iqtisadi münasibətlərdə investisiya siyasətində əlverişlilik;
milli ölkələrin iqtisadi və texniki əməkdaşlığı çərçivəsində iqtisadi inkişafın sürətləndirilməsi.
Ayrıca tapşırığı Asiya-Sakit okean regionunda 2020-ci ilə qədər, sənayeləşmiş ölkələrdə isə 2010-cu ilə qədər ticarət və investisiya üçün əlverişli şəraitin yaradılmasıdır. Regionun inkişafında əsas diqqət xüsusi sektorun rolunun gücləndirilməsinə yönəldilir.
Hər il nazirlər səviyyəsində görüşlər keçirilir və təhsil, elektrik enerjisi, ətraf mühit və davamlı inkişaf, əmək ehtiyatlarının inkişafı, elm və texnologiyada əməkdaşlıq, kiçik və orta bizneşin təşkili, telekommunikasiya və informasiya sənayesi, ticarət və nəqliyyat mövzularının müzakirəsi aparılır. Həmçinin on işçi qrup balıqçılıq məsələləri ilə, əmək ehtiyatları ilə, texnologiya və işləmə, dəniz ehtiyatlarının mühafizəsi, elektrikləşdirmə, telekommunikasiya, turizm, ticarət, investisiya və nəqliyyat sahəsində regional əməkdaşlıq məsələləri ilə məşğul olur.
ASOİƏ forumunun Avstraliya, Bruney, İndoneziya, Kanada, Çin Malayziya, Meksika, Yeni Zellandiya, Papua, Yeni Qvineya, Peru, Koreya Respublikası, Rusiya, Sinqapur, Amerika Birləşmiş Ştatları, Tailand, Tayvan, Filippin, Çili və Yaponiya daxildir.
Cənub Şərqi Asiyada inteqrasiya prosesləri XX əsrin 60-cı illərində inkişaf etməyə başlamışdır. 8 avqust 1967-ci ildə Bankokda Cənub Şərqi Asiya ölkələri Assosiasiyası ASEAN təsis edilmişdir. Bu region inteqrasiya qurumuna İndoneziya, Malayziya, Sinqapur, Fillipin, Tailand daxil olmuşdur. 1984-cü ildə Bruney, 1995-ci ildə Vyetnam, 1997-ci ildə Laos, Myanma, 1999-cu ildə Kamboca dövlətləri də qatılmışdır. 1992-ci ild’ Sinqapur samitində azad ticarət ərazisinin yaradılması haqqında qərar qəbul edilmişdir. Regionda sülh və təhlükəsizliyin qorunması, gğmrük tariflərinin standartlaşdırılması, ticarətin liberallaşdırılması, investisiyaların təminatı, elm, təhsil, mədədniyyət,sosial inkişaf, informasiya kommunikasiya texnologiyaları, ətraf mühit, siyasi, sosial, iqtisadi, humanitar sahələrdə əməkdaşlığı bu ölkələrin ASEAN çərçivəsində inteqrasiya istiqamətləridir. Region ərazisində əmtəələrin sərbəst dövriyyəsi vahid bazarın formalaşması subregional ticarətin mübadiləsi, rəqabət qabiliyyətinin artırmağı kimi məqsədləri Cənub Şərqi Asiya ölkələri Assosiasiyası öz qarşısına qoyur. ASEAN-nın ali orqanı dövlət və hökümət başçıların görüşüdür. Təşkilati strukturunda idarə və əlaqələndirmə orqanı Xarici İşlər Nazirliyinin illik müşavirəsidir. Parlamentlərarası Assosiasiya təsis edilmişdir. ASEAN-nın fəaliyyətini cari rəhbərlik Daimi komitə həyata keçirir. Cakartada Baş katibin rəhbərliyi ilə Daimi Katiblik fəaliyyət göstərir.
4) Cənubi Asiya regional əməkdaşlıq təşkilatının əsası (CARƏA, uyğun olaraq ing. – SAARC) Banqladeş, Butan, Hindistan, Maldiv, Nepal, Pakistan və Şri-Lanka dövlət və hökumət başçılarının 1985-ci ilin dekabrında Banqladeşin Dakka şəhərində keçirilən birinci görüşündə qoyulmuşdur.
CARƏA institutsional təşkilat strukuruna ali hakimiyyət orqanlarından ibarət olan dövlət, yaxud hökumət başçılarının illik görüşləri; ümumi siyasətinin hazırlanmasına və qiymətinə cavabdehlik daşıyan fövqəladə sessiyalar şəraitində və yaxud ildə iki dəfə iclası keçirilən xarici işlər nazirləri Şurası aiddir. Siyasətin ümumi əlaqələndirilməsinə və yeni əməkdaşlıq sahələrinin müəyyən edilməsinə cavabdeh olan seçilən katiblərin Daimi komitəsi; təşkilatçılığa və idarəetməyə məsul böyük vəzifəli şəxslərin Proqramlaşdırıcı komitəsi; beynəlxalq proqramların və regional layihələrin hazırlanmasını həyata keçirən Texniki komitə və onların yerinə yetirilməsinə cavabdehlik daşıyan Məhkəmə komitəsi daxildir.
Xüsusi əməkdaşlıq sahələrinə kənd təsərrüfatı, sənaye, rabitə, ətraf mühit, səhiyyə, əhali məşğulluğu, meteorologiya, və narkotika qaçaqmalçılığı, kənd yerlərinin inkişafı, elm və texnologiya, turizm, nəqliyyat, qadın problemləri və istehsalatda məşğulluq sahələri daxildir. CARƏA-nın mühüm təşəbbüsü insanlar arasında sosial əlaqənin inkişafı üçün radio və videomateriallar mübadiləsini həyata keçirən audiovizual mübadilə proqramı və informasiya-komunikasiya mübadilələri əhəmiyyət daşıyır. İqtisadi əməkdaşlıq Cənubi Asiya inkişaf Fondu regionlararası ticarətin və region ölkələrinin təchizatının liberallaşdırılmasını nəzərdə tutan 1993-cü ildə qəbul edilən CARƏA-nın Preferensial ticarət müqaviləsi əsasında həyata keçirilir. Qərarlar bütün səviyyələrdə yekdillik əsasında qəbul edilir; ikitərəfli və mübahisəli məsələlər CARƏA-nın iclaslarına çıxarılır. Regional əməkdaşlıq ikitərəfli, yaxud çoxtərəfli əməkdaşlığın əvəzi sayılmır, lakin ona suveren bərabərlik, ərazi toxunulmazlığı, siyasi müstəqillik və başqa ölkələrin daxili işlərinə müdaxilə etməmək prinsiplərinə hörmət göstərməyə əsaslanan əlavələr edilir.
CARƏA Cənubi Asiya regionu ölkələrinin iqtisadiyyat, mədəniyyət, texnologiya və elm sahəsində aktiv birgə işlər və qarşılıqlı yardım əməkdaşlıq forumlarını özündə təmsil edir. O, həm də qarşılıqlı etimadın möhkəmləndirilməsi və bir-birinin problemlərinə düzgün münasibət göstərilməsi kimi ümumi maraqlara aid olan məsələlər üzrə beynəlxalq forumlarda əməkdaşlığın gücləndirilməsinə böyük əhəmiyyət verir. Katibliyi Katmanduda yerləşir.
Dostları ilə paylaş: |