XII FƏSİL. Yaxın Şərq və Ərəb dövlətləri inteqrasiya prosesləri müstəvisində
Ərəb Dövlətləri Liqası siyasi inetqrasiyanın təzahürü kimi
Ərəb Maqrib İttifaqı
Islam Konfransı Təşkilatı
Fars Körfəzi Ərəb ölkələrinin iqtisadi əməkdaşlıq ittifaqı
1) Müasir dövrdə ərəb dövlətlərin həmrəylik tarixinə nəzər yetirsək, deyə bilərik ki, onların inteqrasiya proseslərində iştirakı şaxəlidir. Siyasi inteqrasiya çərçivəsində bu fəaliyyəti Ərəb Dövlətləri Liqası başlamişdir. Bu təşkilat Misir, İordaniya, Livan, Səudiyyə Ərəbistanı, İraq, Suriya və Yəmən tərəfindən 22 mart 1945-ci ildə yaradılmışdır. Hazırda isə bu təşkilatın tərkibinə 22 dövlət daxildir. Təşkilatın mənzil-qərargahı Qahirə şəhərində yerləşir. Türkiyə də bu təşkilatda müşahidəçi statusuna malikdir.
Hələ 1944-cü ildə İskəndəriyyədə, təsis konfransı keçirildi və Ərəb Dövlətləri Liqasının yaradılmasını nəzərdə tutan İskəndəriyyə protokolu imzalandı. Liqanın Nizamnaməsi Misir, Suriya, İordaniya, İraq, Livan və Yəmən dövlətləri tərəfindən imzalanmışdır. Ərəb Dövlətləri Liqası fəaliyyətinin əsas prinsipləri: dövlətlər arasında münasibətlərin qurulmasının könüllülüyü, süverenlik və müstəqilliyə qarışılıqlı hörmət, dövlətlərin bərabərliyi, münaqişələrin həll edilməsi üçün güc tətbiq edilməsinə qadağa qoyulması məsələləri idi. 1950-ci ildə Ərəb Liqası BMT-də müşahidəçi statusunu əldə etmişdir. Buna görə də Liqada Asiya və Afrika ölkələrinin şərqdə vahid Ərəb-Asiya (sonralar afroasiya) blokunda birləşməsinə nail olmuşdur.
Ərəb Dövlətlər Liqası strukturu sıradakı kimi bölünür:
Ərəb Dövlətlər Liqası Şurası
Müvafiq komitələr
Baş Katiblik
Əməkdaşlıq istiqamətləri üzrə institutlar və təşkilatlar
İqtisadi məsələlər üzrə Şura
Birləşmiş Müdafiə Şurası
Daimi hərbi komissiya orqanı
Ərəb Dövlətləri Liqası Şurası Yaxın və Orta Şərq ərəb dövlətləri nümayəndələrindən ibarət olan ali orqandır. Şuranın iclaslarını müxtəlif səviyyələrdə dövlət və ya hökümət başçıları, xarici işlər nazirləri, səfirlər və daimi nümayəndələri həyata keçirilir. Ali şura ildə iki dəfə çağırılır. Hər hansı bir dövlətin istəyi ilə növbədənkənar iclaslar da çağrıla bilər. Şurada sədrlik, ərəb əlifbasına uyğun olaraq dövlətlərin baş hərfləri sırası ilə dəyişir. Hər dövlət bir səs hüququna malikdir. Qərarlar, bir qayda olaraq, yekdilliklə qəbul edilir. Ərəb dövlətlərinə və ya bir-birinə qarşı təcavüz aktı ilə bağlı qərardırsa, konsensus metodundan istifadə edilir.
Komitələr – bütün üzv dövlətlər üçün açıqdır. Komitələrin fəaliyyəti həmçinin Liqaya üzv olmayan ərəb dövlətlərinin siyasi, sosial-iqtisadi, mədəni sahələrdə əməkdaşlığı nəzərdə tutur. Bu, ərəb dövlətləri arasında əlaqələrin möhkəmləndirilməsinə və dərinləşməsinə gətirib çıxarır.
Baş Katiblik – mənzil-qərargahı Tunisdə yerləşir. Baş Katiblik Şura tərəfindən beş il müddətinə seşilən baş katib tərəfindən idarə olunur. O, Liqanın qərarlarını həyata keçirir. Baş Katib üzv dövlətlərin diqqətini mühüm məsələlərə cəlb etmək hüququna malikdir. İnstitutlar və ixtisaslaşmış orqanlar – ƏDL tərəfindən təsis edilən xüsusi icra koordinasiya orqanlardır. Təhsil, mədəniyyət və elm üzrə Ərəb Təşkilatı; Ərəb Menecment Təşkilatı; Ərəb Əmək Təşkilatı; Ərəb İqtisadi Birliyi Şurası; İqtisadi və sosial inkişaf üzrə Ərəb Fondu; Afrikada iqtisadi inkşaf üzrə Ərəb Bankı; Ərəb Peyk Rabitə İnstitutu; Ərəb Kənd Təsərrüfatı İnkişafı Təşkilatı; Ərəb Poçt İttifaqı; Ərəb Neft İnstitutu və s. inteqrasiya qurumları fəaliyyət göstərir.
2) İqtisadi və siyasi birliyə yönəldilən Şimali Afrika Ərəb dövlətlərinin inteqrasiya qurumu Ərəb Maqrib İttifaqıdır. Bu təşkilatın yaradılması 1958-ci il Tunis və Mərakeşin müstəqilliyinin əldə edilməsi və 1989-cı ildə əməkdaşlıq sazişin qəbul olunmasi ilə reallaşmışdır. 17 fevral 1989-cu ildə Şimali Afrika dövlət başçıları Mərakeşdə Əlcəzair, Liviya, Tunis, Mavritaniya və mərkəz ölkələrin ittifaqını təsis etdilər. Bu birliyin məqsədləri qəbul edilən müqavilədə göstərilir. Bunlar: birləşdirilən xalqların qardaş əlaqələrinin möhkəmləndirilməsinə, cəmiyyətlərin inkişafına, vətəndaş hüquqlarının müdafiəsinə dəstək verilməsi, bütün sahələrdə vahid siyasətin aparılması, elmi-texniki tərəqqinin inkişafına, sülhün və təhlükəsizliyin qorunmasına birgə fəaliyyət göstərmək kimi məsələlər nəzərdə tutur. Maddi, təbii ehtiyatların, insan və əmək resurslarının balanslaşdırılmış və istifadasi əsasında əmtəələrin, xidmətlərin, kapitalın, əmək imkanlarının azad hərəkəti üçün təminat Ərəb Maqrib İttifaqının vacib vəzifələrdir. 2001-ci ildə ƏMİ ittifaq dövlətlərinə iqtisadiyyatlarına, xarici investisiyalar üzrə Maqrib Bankı yaratdı. Ərəb Maqrib İttifaqında sosial- iqtisadi inteqrasiyanın əsas istiqamətləri nəqliyyat, rabitə, təhsil, səhiyyə, informasiya-komunukasiya texnologiyalari sahələrində əməkdaşlıqdır. 2005-ci ildə ƏMİ birgə İnformasiya Agentliyinin yaradılması haqqında qərar qəbul edildi. Bu inteqrasiya qurumu çərçivəsində birgə layihələrin reallaşdırılmasına dair müqavilələr imzalanmışdır, müştərək şirkətlər yaradılmışdir.
3) İslam Konfransı Təşkilatı 1971-ci ildə yaradılmışdır və öz tərkibində və əlli dörd üzv-dövlətdən ibarət olmuşdur.. Mərkəzi Afrika Respublikası, Toqo və Şimali Kipr Türk Respublikası müşahidəçi statusuna malikdirlər. Beynəlxalq təşkilatın məqsədləri islam dövlətlərinin maraqlarını dəstəkləmək, sosial, iqtisadi inkişafını təmin etmək və bütün sahələrdə Müsəlman ölkələrinin maraqlarının, hüquqlarının təmin olunmasına, həmrəyliyin əldə edilməsinə nail olmaqdan ibarətdir. Fələstin ərəblərinin öz vətənlərində hüquqlarının tam təsdiqinə dair 1974-cü ildə Laxor Deklarasiyasına əsasən konfransın qərarı ilə 1975-ci ildə gələcək Yerusəlim ( Qüds) məsələləri üzrə Əl-Qüds daimi komitə yaradılmışdır. Kasablanka xartiyasına əsasən 14 yanvar 1984-cü ildə regional barışıq və birlik üzvləri arasında razılıq əldə edilmişdir və müvafiq komitələr yaradıldı. İKT beynəlxalq münasibətlərdə aktiv rol oynayır. Buna misal olaraq Əfqanıstana aid olan 28 yanvar 1979-cu il Məkkə deklarasiyasını və körfəzdə vasitəçiliyin gücləndirilməsi missiyasını göstərmək olar. İKT-nin dövlət başçılarının konfransı hər il bir dəfə keçirilir. Xarici işlər nazirlərinin görüşləri də ildə bir dəfə, yaxud vəziyyət tələb edərsə daha tez keçirilir. Müxtəlif beynəlxalq təşkilatlar vasitəsilə İqtisadi əlaqələr komitəsi qarşılıqlı iqtisadi əməkdaşlığı inkişaf etdirir və müsəlman ölkələri arasında həmrəyliyi möhkəmlədir. Təşkilatın katibliyi Ciddədə yerləşir.
4) Fars körfəzi ölkələrinin əməkdaşlıq şurası (Cooperation Council for the Arab States of the Gulf, CCASG) altı ərəb ölkəsindən ibarət iqtisadi və ictimai birlik olan inteqrasiya qurumudur. Birlikdə əməkdaşlıq edən Ərəb ölkələri vahid iqtisadi, ticari, maliyyə məkanını formalaşdırmaq istəyini bildirmişdilər.
25 may 1981-ci il tarixində yaranan əməkdaşlıq şurası birliyi Küveyt, Bəhreyn, Səudiyyə Ərəbistanı, Qətər, Birləşmiş Ərəb Əmirlikləri və Oman dövlətlərindən ibarətdir. Bu dövlətlər arasındakı iqtisadi razılaşma 11 noyabr 1981-ci il tarixində Ər-Riyadda imzalanmışdır. Yəmən 2006-cı ildən üzvlük üçün müraciət edir. Fars körfəzi ölkələrinin əməkdaşlıq şurasının məqsədləri bu bölgədə inteqrasiya proseslərini sürətləndirmək və genişləndirməkdir. Bu istiqamətlərdə əməkdaşlıq əlaqələrini möhkəmləndirirlər.
İqtisadiyyat, maliyyə, ticarət, gömrük, turizm, qanunvericilik sosial və humanitar sahələrdə ümumi tənzimləmə və əlaqələndirmə siyasəti aparmaq;
Sənaye, mədənçilik, əkinçilik, su təchizatı, heyvandarlıq və aqrar sahələrində elmi-texniki naliyyətlərdən birgə istifadəsinin reallaşmasını təmin etmək.
Elmi-tədqiqat mərkəzləri qurmaq və bu sahədə əməkdaşlıq etmək;
Müştərək müəssisələr üçün ticarət ərazilərinin genişləndirilməsi;
Xüsusi və sahibkarlıq sektorlarında fəaliyyəti üçün bərabərlik şəraiti yaratmaq;
Fars körfəzi ölkələri üçün maliyyə məkanını yaratmaq, ortaq pul vahidi təşkil etmək kimi vacib məsələlər önə çəkilir.
Milli təsərrüfatların əlaqələndirilməsi region və daxili məkan iqtisadi sabitliyi möhkəmləndirilməsi. İnteqrasiya prosesində əsas istiqamətləri qarşılıqlı ticarətin inkişafı, investisiya sahəsində əməkdaşlıq, maliyyə-valyuta siyasətinin əlaqələndirilməsi, birgə layihələrin reallaşdırılması. FKOƏŞ-nın idarəetmə orqanı dövlət başçılarının ildə bir dəfə yığılan Ali şurasıdır. 2003-ci ildə Fars Körfəzi Ərəb Dövlətlərinin Əməkdaşlıq Şurası gömrük ittifaqının yaradılmasını elan etdilər. Bu inteqrasiya birliyi ərəb dövlətlərinin iqtisadi ticari vahid infrastrukturu inkişaf etdirərək sosial və elmi-tədqiqat sahələrinə də maliyyə vəsaitləri ayırırlar.
Dostları ilə paylaş: |