7
Qiymətli kağızlar bazarı sərbəst kapitalın qoyula biləcəyi müxtəlif sferalardan
biri olduğuna görə, o digər bazarlarla aşağıdakı şərtlər daxilində rəqabət aparmağa
məcburdur:
-
Bazarın gəlirlik səviyyəsi;
-
Bazarın vergiqoyma səviyyəsi;
-
gözlənilən gəlirin alınmaması və ya kapitalın itirilmə riski səviyyəsi;
-
bazarın təşkil olunması və invetor üçün əlverişli şəratin yaradılması, yəni
bazarda tez girmək və çıxmaq imkanı;
-
bazarın informasiya vermə səviyyəsi və s.
Qiymətli kağızlar bazarı müxtəlif funksiyaları yerinə yetirir. Bu funksiyalar şərti
olaraq 2 qrupa – bütün bazarlara xas olan ümumbazar funksiyalarına və digər
bazarlarda olmayan xüsusi funksiyalara bölünür. Qiymətli kağızlar bazarının
ümumbazar funksiyalarına aşağıdakılar daxildir:
-
kommersiya funksiyası – həmin bazarda aparılan əməliyyatlardan mənfəətin
əldə edilməsi;
-
qiymət funksiyası – bazar qiymətlərinin əmələ gəlməsinin və dəyişməsinin
təmin olunması;
-
informativlik funksiyası – ticarət obyektləri və iştirakçıları haqqında
məlumatların hazırlanması və bütün bazar iştirakçılarına çatdırılması;
-
tənzimləmə funksiyası – ticarət və ticarətdə iştirak qaydalarının
müəyyənləşdirilməsi, iştirakçılar arasında yaranan mübahisəli halların
araşdırılması, prioritetlərin təyin edilməsi, nəzarət və idarəetmənin təşkili.
Qiymətli kağızlar bazarının xüsusi funksiyalar qrupunu yenidənpaylama və
maliyyə risklərinin sığorta funksiyaları təşkil edir. Yenidənpaylanma funksiyaları öz
yerində 3 hissəyə bölünür:
-
müxtəlif sahələr və bazar fəaliyyəti sferaları arasında pul vəsaitlərinin yenidən
paylanması;
-
ehtiyatların qeyri-istehsal sahəsindən istehsal sahəsinə köçürülməsi;
8
-
əlavə pul vasitələrinin dövriyyəyə buraxılmaması şərti ilə dövlət büdcəsi
defesitinin maliyyələşdirilməsi.
Qiymətli kağızlar bazarının maliyyə risklərinin sığortası funksiyasını yerinə
yetirilməsi fyuçers və opsion kimi törəmə qiymətli kağızlar növünün meydana
gəlməsi ilə əlaqədardır.
Qiymətli kağızlar adlı, adsız və orderi qiymətli kağızlara bölünür.
Adlı qiymətli kağızlar müəyyən şəxsin adına verilmiş qiymətli kağız sayılır. Bu
qiymətli kağız üzrə borclu icranı yalnız sənədin sahibi olan və özünün adına verilmiş
şəxs kimi və ya şəxsin hüquq varisi kimi təqdim edən şəxsə həyata keçirilməlidir.
Qiymətli kağız o halda adsız sayılır ki, ona əsasən borclu öhdəliyi bu qiymətli
kağızı təqdim edən istənilən şəxsə icra etməyi öz üzərinə götürür.
Əgər qiymətli kağız üzrə ixtiyarlı şəxs öz sərəncamı ilə öz əvəzinə başqa
ixtiyarlı şəxs təyin edə bilərsə, qiymətli kağız orderi kağız sayılır. Borclu icranı
yalnız adına və ya sərəncamı ilə sənəd yazılmış şəxs və ya şəxsin hüquq varisi
olduğunu sübut edən şəxsə həyata keçirməlidir.[11]
Qiymətli kağızlar bazarının tərkib hissəsinin əsasını bazarda aparılan ticarət
üsulları təşkil edir. Bu baxımdan qiymətli kağızlar bazarının 5 növ müxtəlifliyini
qeyd etmək lazımdır:
1.
İlkin və təkrar qiymətli kağızlar bazarı.
İlk növbədə ilkin bazarı nəzərdən keçirək.Bu zaman qiymətli kağızlar öz qəbul
qaydaları tələbləri ilə ilk dəfə satışa çıxarılır və realizə olunma prosesinin ilk
mərhələsində ilk dəfə olaraq alıcılar tərəfindən alınır. Təkrar bazarda isə öncələr
buraxılmış qiymətli kağızlar dövriyyə müddəti daxilində alqı-satqı və ya digər
köçürmə formalarında öz sahibini dəyişir.
2.
Mütəşəkkil və qeyri-metəşəkkil qiymətli kağızlar bazarı.
Mütəşəkkil qiymətli kağızlar bazarında qiymətli kağızların yicarəti bazar
istirakçıları arasında, onların zəmanəti ilə digər bazar iştirakçıları – lisenziyaya malik
peşakar vasitəçilər tərəfindən sərt qaydalar əsasında təşkil edilir. Qeyri-mütəşəkkil
bazarda vəziyyət fərqlidir.Bu zaman qiymətli kağızların dövriyyəsi zamanı bazar
9
iştirakçılarının hamı tərəfindən qəbul edilmiş qaydalara riayət etməsinə heç bir tələb
qoyulmur.
3.
Birja və birjadankənar qiymətli kağızlar bazarı.
Birja bazarında qiymətli kağızların ticarəti yalnız bütün bazar iştirakçıları
arasından ciddi surətdə seçilmiş birja vasitəçiləri tərəfindən fond birjasında və birja
qaydaları əsasında təşkil edilir. Birjadankənar bazarda qiymətli kağızların ticarəti
fond birjasından kənara həyata keçirilir.
4.
Ənənəvi və kompyuterləşdirilmiş qiymətli kağızlar bazarı.
Bazar iştirakçılarının arasında qiymətli kağızların ticarəti ənənəvi və
kompyuterləşmiş bazarda həyata keçirilə bilər. Sonuncu halda ticarət fond vasitələrini
birləşdirən vahid kompyuter şəbəkəsi vasitəsilə aparılır. Bu zaman iştirakçıların
yerləşdiyi fiziki yerə heç bir məhdudiyyət qoyulmur və onlarla ticarət əlaqələrini
yaradıb həyata keçirmək üçün ticarət sisteminə qiymətli kağızların alışı və satışı
haqqında öz sifarişlərini daxil etmək kifayət edir.
5.
Kassa və müddətli qiymətli kağızlar bazarı.
Kassa qiymətli kağızlar bazarında əqdlər 1-2 iş günü ərzində icra olunur.
Müddətli qiymətli kağızlar bazarında isə müxtəlif növ əqdlərin icra müddəti 2 işçi
günündən çox olub, adətən 3 ayadək davam edir.
Qiymətli kağızlar bazarının alqı – satqı obyekti kimi qiymətli kağızlar çıxış edir.
Onlar kağız formasında və yaxudda elektron formada olur və öz dəyəri olmayan
əmtəədir.
Qiymətli kağız müəyyən olunmuş formaya riayət olunmaqla hər hansı hüququ
təsdiqləyən sənəddir.Həmin hüquq bu sənəd olmadan həyata keçirilə bilməz.
Qiymətli kağız başqasına verdikdə onun təstiqlədiyi bütün hüquqlar da keçir.
Qiymətli kağızla təstiqlənən hüquqların, qiymətli kağızların məcburi rekvizitləri,
qiymətli kağızın formasına aid tələblər və digər zəruri tələblər qiymətli kağızlar
haqqında qanunlarla və ya onların müəyənləşdirdiyi qaydada təyin edilir.
Dostları ilə paylaş: |