68
yaradılmışdır. Həmçinin, QKDK-nın fəaliyyəti və qiymətli kağızlar bazarındakı
yeniliklər barədə kütləvi informasiya vasitələrinin (KİV) nümayəndələrinin, eləcə də
geniş ictimaiyyət məlumatlandırılması istiqamətində hesabat dövrü ərzində mütəmadi
7 olaraq təlim və seminarlar təşkil olunmuş, eləcə də kapital bazarlarına dair
maarifləndirici materiallar hazırlanaraq elektron və yazılı media ilə yayılması təmin
edilmişdir. Hesabat dövrü ərzində Azərbaycan Respublikasının Qiymətli Kağızlar
üzrə Dövlət Komitəsinin rəhbərliyinin Azərbaycan Banklar Assosiasiyasının üzvləri
ilə görüşü keçirmişdir. Tədbirdə ötən dövr ərzində Azərbaycan iqtisadiyyatının
müxtəlif sahələrində, o cümlədən ölkənin kapital bazarlarında həyata keçirilən
islahatlar barəsində görüş iştirakçılarına məlumat verilmişdir. Belə ki, qiymətli
kağızlarla ticarət proseslərinin sadələşdirilərək avtomatlaşdırılması, maliyyə
vasitəçilərinin institusional potensialının artması, onların bilik və məlumatlılıq
səviyyəsinin yüksəlməsi, bazara yeni maliyyə alətlərinin təklif olunması kimi
tədbirlərin əsas məqsədinin iqtisadiyyatın kapitala olan tələbatını təmin etmək üçün
effektiv kapital bazarı infrastrukturunun formalaşdırılması və maliyyə mənbələrinə
çıxış imkanlarının genişləndirilməsi olduğu tədbir iştirakçılarının diqqətinə
çatdırılmışdır. Hesabat dövründə xarici dövlətlərin qiymətli kağızlar bazarı
tənzimləyiciləri ilə müqavilə- hüquq bazası və əlaqələr genişləndirilmişdir. Belə ki,
Azərbaycan Respublikası və Birləşmiş Ərəb Əmirliyinin qiymətli kağızlar bazarı
tənzimləyiciləri arasında məlumat mübadiləsi vasitəsilə birbirinə tənzimləyici
funksiyalarının həyata keçirilməsi, investorların hüquqlarının qorunması,
tənzimləyici potensialın artırılmasına dəstək göstərilməsi və qarşılıqlı
məsləhətləşmələrin təşkil edilməsi məqsədilə 2 aprel tarixində BƏƏ nümayəndə
heyətinin Bakıya səfəri zamanı ―Azərbaycan Respublikasının Qiymətli Kağızlar üzrə
Dövlət Komitəsi ilə Birləşmiş Ərəb Əmirliyinin Qiymətli Kağızlar və Əmtəə
Agentliyi arasında yardım və qarşılıqlı əməkdaşlıq haqqında‖ Anlaşma
Memorandumu imzalanmışdır. Bununla yanaşı, Azərbaycan və Çin qiymətli kağızlar
bazarında ikitərəfli əlaqələrin qurulması və gücləndirilməsi, maliyyə bazarlarına
səmərəli nəzarət sisteminin təşkili və bu bazarlara dair effektiv məlumat
69
mübadiləsinin həyata keçirilməsi məqsədilə 19 may 2015-ci il tarixində QKDK
nümayəndə heyətinin Çinə səfəri zamanı ―Azərbaycan Respublikasının Qiymətli
Kağızlar üzrə Dövlət Komitəsi ilə Çin Qiymətli Kağızlar üzrə Tənzimləmə
Komissiyası arasında qiymətli kağızlar və fyuçers bazarlarının tənzimlənməsinə dair
əməkdaşlıq haqqında‖ Anlaşma Memorandumu imzalanmışdır. Hesabat dövrü
ərzində QKDK-da növbəti ortamüddətli perspektiv üçün inkişaf strategiyası qəbul
edilmişdir. Belə ki, qeyri-neft sektorunu ucuz, davamlı və rəqabətli maliyyə
resurslarına çıxış ilə təmin edən, daxili və xarici təsirlərə yüksək dayanıqlılıq
nümayiş etdirən qiymətli kağızlar bazarının formalaşdırılması missiyası çərçivəsində
QKDK-nın struktur bölmələri tərəfindən 2016- 2018-ci illəri əhatə edən Strateji Plan
hazırlanaraq təsdiq olunmuşdur. Strateji Planın hazırlanmasında məqsəd əvvəlki
dövrlərdə nail olunmuş uğurları qoruyan və yeni situasiyada hökumətin iqtisadi
diversifikasiya siyasətini dəstəkləyərək real sektorun maliyyə tələbatını davamlı
təmin edən dayanıqlı infrastruktur və yüksək kompitensiyalı bazar institutlarının
formalaşdırılmasıdır.
Qiymətli kağızlarla ticarətin səmərəliliyinin artırılması və risklərin azaldılması
məqsədilə qiymətli kağızların ticarəti üzrə mərkəzləşdirilmiş klirinq sistemin
yaradılması və onun elektron ödəniş sistemlərinə inteqrasiyasının təmin edilməsini
planlaşdırılır.
Bundan başqa, proqramda maliyyə vasitəçiliyi fəaliyyətinin və kollektiv
investisiya sxemlərinin təşkili və təşviqinə diqqət yetirilib. Sənəddə nəzərdə tutulmuş
tədbirlər çərçivəsində müasir maliyyə vasitəçilərinin - investisiya şirkətlərinin,
aktivlərin idarə edilməsi şirkətlərinin və kastodian təsisatlarının formalaşması üçün
zəruri hüquqi və təşkilati mexanizmlər formalaşdırılacaq. Maliyyə vasitəçiləri
tərəfindən broker, diler, investisiya təhlili, anderraytinq və digər əlaqədar
funksiyaların kompleks şəkildə həyata keçirilməsi üzrə fəaliyyət təşviq ediləcək.
Proqramın yeniliyi və ən vacib hissəsi kimi burada qiymətli kağızlar bazarında
tələb və təklifin dəstəklənməsi üzrə müəyyən addımların öz əksinin tapmasını qeyd
etmək olar. Proqramda bildirilir ki, qiymətli kağızlar bazarının səmərəli fəaliyyət
70
göstərməsi üçün fond bazarında ticarətin artırılmalı və bunun üçün əlverişli mühitin
yaradılmali,həmçinin mövcud kapital bazarı alətlərindən istifadə genişləndirilməli ,
yeni maliyyə alətlərinin buraxılışı tələb olunmalıdir.Müasir kapital bazarının
formalaşması ən birinci növbədə dövlət istiqrazlarının likvid və dərin bazarının təmin
edilməsi ilə sıx bağlıdır. Bunun üçün isə müvafiq dövlət orqanlarının fəaliyyətinin
əlaqələndirilməsi, monetar həmçinin fiskal siyasət alət və vasitələrindən optimal
şəkildə istifadə olunması habelə birinci mərhələdə dövlət qiymətli kağızlarının
likvidliyinin təmin edilməsi üçün zəruri tədbirlərin həyata keçirilməsi planlaşdırılır.
Qiymətli kağızlar bazarında ticarətin genişləndirilməsi məqsədilə qiymətli kağızlar
bazarlarından maliyyələşməyə hazır olan bir çox dövlət müəssisələrinin qiymətli
kağızlarının fond birjasında təklif edilməsi nəzərdə tutulur. Bununn üçün müvafiq
hüquqi və təşkilati mexanizmlərin yaradılması nəzərdə tutulur. Habelə özəl sektora
dövlət maliyyə dəstəyinin fond bazarı alətləri ilə göstərilməsi, dövlət xətti ilə
sərmayələrin qoyulmasında fond birjasında kotirovka olunan şirkətlərə üstünlük
verilməsi və sərmayələrin çıxış dəyərinin kapital bazarı alətləri ilə
müəyyənləşdirilməsi həyata keçiriləcək.
Kiçik və orta sahibkarlığın kapital bazarlarından maliyyələşməsi imkanlarının
artırılması məqsədilə Bakı Fond Birjasında alternativ ticarət platforması yaradılması
nəzərdə tutulur. Bütün bunlarla bərabər, fond birjasında təqdim edilən investisiya
alətlərinin çeşidinin artırılması və fərdi investorların bazara marağının təmin edilməsi
məqsədilə xarici fond bazarlarında ticarət olunan qiymətli kağızların yerli bazarda,
habelə yerli qiymətli kağızların xarici kapital bazarlarında təklif edilməsi, bunun üçün
müvafiq hüquqi və təşkilati tədbirlərin həyata keçirilməsiplanlaşdırılır.
Qiymətli kağızlar bazarında yüksək rəqabət gücünə malik maliyyə alətlərinin
təklifinin genişləndirilməsi üçün həmçinin xarici investorların Azərbaycanın qiymətli
kağızlar bazarına marağının artırılması üçün infrastruktur layihələrinin fond bazarı
alətləri ilə maliyyələşdirilməsi təcrübəsinin tətbiq olunması, müxtəlif borc
kağızlarının və müddətli kontraktların ticarəti mexanizmlərinin də yaradılması
nəzərdə tutulur. Kapital bazarlarının səmərəli fəaliyyəti, özəl sektorun kapital
71
bazarlarından maliyyələşmə və bütövlükdə investisiya imkanlarının genişlənməsi
məqsədilə əlverişli vergi mühitinin mövcudluğu çox vacib rol oynayır. Bunu nəzərdə
tutaraq , qiymətli kağızlar bazarında vergiyə cəlb olunma şərtlərinin qabaqcıl
beynəlxalq təcrübə əsasında təkmilləşdirilməsi, həmçinin qiymətli kağızlardan əldə
edilən investisiya gəlirlərinə, qiymətli kağızların alqı-satqısından əldə olunan
gəlirlərə vergi güzəştlərinin tətbiq olunması gündəlikdə olacaq. Habelə investisiya
fondlarının fəaliyyətini, şirkətlərin fond birjasının listinqinə çıxmasını təşviq edən
əlverişli fiskal şəraitin yaradılması nəzərdə tutulur.
Xatırladaq ki, "2011-2020-ci illərdə Azərbaycan Respublikasında qiymətli
kağızlar bazarının inkişafı" Dövlət Proqramı ölkə başçısı tərəfindən mayın 16-da
təsdiqlənib. 2011-2020-ci illərdə Azərbaycan Respublikasında qiymətli kağızlar
bazarının inkişafı‖ Dövlət Proqramının yəni Dövlət Proqramı ən mühim məqsədi
müasir, beynəlxalq standartlara uyğun, iqtisadiyyata geniş kapitalizasiya imkanları
təqdim etmək və risklərin etibarlı idarə edilməsini təmin edən, yüksək səmərə ilə
fəaliyyət göstərən qiymətli kağızlar bazarının formalaşdırılmasıdır.[11]
72
NƏTİCƏ VƏ TƏKLİFLƏR
Buraxılış mövzusunun tədqiqi aşağıdakı nəzəri və praktiki xarakterli nəticə və
təkliflərin əsaslandırılmasına imkan vermişdir:
Qeyd etdiyim kimi qiymətli kağızlar bazarı dövlətin maliyyə və pul-kredit siyasətinin
əsas aləti kimi çıxış etmək maliyyə resurslarının hərəkətini təşkil etmək, onların
düzgün istiqamətləndirilməsini təmin etmək və baxımından iqtisadiyyatın
inkişafinda çox vacib rol oynayır.
Həmçinin qiymətli kağızar bazarı borcların və ödəmələr problemlərini həll edərək
istehsal və digər iqtisadi münasibətlərin fasiləsizliyinin təmin olunmasında da vacib
əhəmiyyətə malikdir. Qeyd etdiyim sahədə isə əsas alətlər, artıq bildiyimiz kimi
qiymətli kağızlar bazarının tərkibinə daxil olan veksel və istiqrazla keçirilən
əməliyyatlardır. Beləliklə müəyyən bir təsərrüfat subyektinin hər hansı tələbatlarını
ödəmək üçün müvəqqəti olaraq maliyyə vəsaitlərinə ehtiyacı varsa, qiymətli kağızlar
bazarı ona veksel və ya istiqrazlar buraxmaq yolu ilə bu ehtiyacı ödəmək və cari
öhdəlikləri yerinə yetirməklə həmin subyektin fəaliyyətinin fasiləsizliyini təmin
etmək kimi bir çox imkanlar verir. Dövlət üçündə bu bazarın mövcudluğu xüsusi
əhəmiyyətə malikdir. Bu,ən çox dövlət borcu ilə bağlı yaranan münasibətləri əhatə
edir. Dövlətin öz funksiyalarını yerinə yetirməsi zamanı büdcə vəsaitləri və digər
vasitələr kifayət etmədikdə dövlət dövriyyəyə müxtəlif qiymətli kağızlar məsələn
xəzinə vekselləri, qısamüddətli istiqrazlar və digərlərini buraxmaqla bu resurslara
olan tələbatını ödəyir. Bunlardan başqa qeyd etməliyəm ki, qiymətli kağızlar
bazarındakı vəziyyəti öyrənməklə hər hansı bir ölkədə istehsal-iqtisadi şəritin nə
vəziyyətdə olduğunu müəyyən etmək olar.
Yaxın illər ərzində iqtisadiyyatda bazar münasibətlərinə keçilməsi istiqamətində
görülən işlər nəticəsində ölkənin iqtisadiyyatında müxtəlif sahələr üzrə böyük inkişaf
müşahidə olunur ki bunlara məsələn ildən-ilə ümumi daxili məhsulun artması
inflyasiyanın templərinin azalması və sənaye istehsalının göstəricilərinin artması,
milli valyutanın sabitliyinin əldə edilməsi, kiçik və orta müəssisələrin
73
özəlləşdirilməsinin keçirilməsi, xarici investisiyaların axımının çoxalması, milli bank
sisteminin yaradılması və digərləri aiddir.Həmçinin tədavülə dövlət qısamüddətli
istiqrazları, dövlət özəlləşdirmə payları dövlət özəlləşdirmə opsionları, səhmdar
cəmiyyətlərinin səhmləri, kredit təşkilatlarının depozit sertifikatları və veksellər
buraxılmışdır.
Qiymətli kağızlar üzrə Dövlət komitəsinin fəaliyyəti qiymətli kağızlar bazarının
dövlət tənzimlənməsi sisteminin təkmilləşdirilməsi yolu ilə Azərbaycanda həmin
bazarın inkişafına şərait yaratmiş iqtisadi problemlərin həll olunması üçün zəmin
yaratmış və beynəlxalq maliyyə bazarları sisteminə inteqrasiya olunmağa
yönəlmişdir.
Azərbaycanda qiymətli kağızlar bazarının inkişaf etdirilməsinin əsas şərtlərindən biri
yerli şirkətlərin ticarət markalarının bir brend kimi formalaşdırılmasıdır. Qiymətli
kağızlar bazarında yüksək rəqabət gücünə malik maliyyə alətlərinin təklifinin
genişləndirilməsi, xarici investorların Azərbaycanın qiymətli kağızlar bazarına
marağının artırılması məqsədilə infrastruktur layihələrinin fond bazarı alətləri ilə
maliyyələşdirilməsi təcrübəsinin tətbiq olunması, müxtəlif borc kağızlarının və
müddətli kontraktların ticarəti mexanizmlərinin də yaradılması nəzərdə tutulur.
Son nəticə olaraq aşağıdakı təklifləri yazmaq olar:
a)İlk öncə Qiymətli kağızlara olan təlabatın və ona uyğun olan təklifin yaranması
üçün şəraitin yaradılmasi yaxıi olar;
b)Emitentlər tərəfindən investorların qanuni hüquqlarının yəni özəlliklə qiymətli
kağızların və qiymətli kağızlar üzrə gəlirlərin vaxtında ödənilməsi müdafiəsi və
korporativ idarəetmə və məlumatın açıqlanması normalarına riayət edilməsinin təmin
edilməsi yolu ilə qiymətli kağızlara olan təlabatın stimullaşdırılması və dəstəklənməsi
lazımdır
c)Son olaraq vəsaitlərin cəlb edilməsi üçün təsərrufat subyektlərinin qiymətli
kağızlar bazarından istifadə etməyə stimullaşdıran mexanizimlərin tətbiq edilməsi.
74
Deyilənlərin ümumiləşdirərək bele bir nəticəni gördük ki, bazar iqtisadiyyatı ölkəsi
olaraq Azərbaycanda da bu bazarın formalaşması çox vacib hadisələrdəndir.Ona görə
ki, ölkədə geniş miqyasda dövlət mülkiyyətinin özəlləşdirilməsi prosesinin həyata
keçirilməsi, sahibkarlığın inkişafı, səhmdar cəmiyyətlərinin qurulması, borc
münasibətlərinin inkişafı həmçinin digər iqtisadi proseslər qiymətli kağızlar bazarının
mövcudluğunu lazım edir. Həmçinin özəlləşdirmə çekləri və opsionlarının buraxılışı
bazar iqtisadiyyatına keçidlə əlaqədar dövlət mülkiyyətinin özəlləşdirilməsində çox
vacib rol oynamışdır. Respublikamız tərəfindən müstəqilliyimizin müxtəlif
dövrlərində həyata keçirilən tədbirlərin nəticəsində ölkəmizdə artıq qiymətli kağızlar
bazarı formalaşmışdır.
75
İstifadə edilmiş ədəbiyyat
1.
Azərbaycan Respublikasının (AR) Mülki Məcəlləsi. Bakı 2000.
2.
Musayev A., Vəliyev N. ― Qiymətli kağızlar bazarı.‖ Dərslik. Bakı 1999.
3.
Cəbiyev R.M. ―Azərbaycanda bazar infrastrukturunun formalaşması və inkişafı‖. Bakı
2000.
4.
A.Kərimov, A.Babayev.‖ Qiymətli kağızlar bazarı‖. Dərslik. Bakı 2003.
5.
A.Abbasov. ―Azərbaycanda maliyyə bazarının formalaşması və bazar iqtisadiyyatında
maliyyə-kredit sisteminin problemləri‖. Bakı 2003
6.
A.Abbasov. ―Qiymətli kağızlar bazarının formalaşması və inkişaf perspektivləri‖.Bakı
2005.
7.
A.Abbasov. ―Qiymətli kağızlar və onlarla əməliyyatlar‖.Dərslik.Bakı 2007
8.
N.Novruzov, X.Hüseynov.‖Maliyyə‖. Dərslik. Bakı 2007.
9.
E.Sadıqov ―Azərbaycanın qiymətli kağız bazarı və onun inkişaf perspektivləri‖. Sankt-
Peterburq – 2003.
10.
R.Əsgərova. ―Pul, kredit və banklar‖. Dərslik. Bakı 2007.
11.
www.scs.gov.az – Qiymətli Kağızlar üzrə Dövlət Komitəsinin saytı.
12.
www.economy.gov.az – İqtisadi İnkişaf Nazirliyinin saytı.
13.
www.maliyye.gov.az – Maliyyə Nazirliyinin saytı.
14.
www.stateproperty.gov.az – Dövlət Əmlakının İdarə Edilməsi üzrə Dövlət Komitəsinin
saytı.
15.
www.bse.az – Bakı Fond Birjasının saytı.
16.
Day.az
17.
Referat.az
Dostları ilə paylaş: |