STRATEJİ TƏHLİL | Say 7-8 • 2014
140
olub ki, onun tərkibində lizinq yolu ilə investisiya qoyuluşu 0,17 mlrd. ABŞ
dollarına bərabər olmuşdur. 2011-ci ildə isə ümumi investisiya qoyuluşunun
həcmi artaraq 21,66 mlrd. ABŞ dolları olub, lakin belə artımın tərkibində lizinq
yolu ilə investisiya qoyuluşunun həcmi 2010-cu ilə nisbətən azalaraq 0,15 mlrd.
ABŞ dolları olmuşdur. Bunu aşağıdakı qrafikdə (2) daha aydın görmək olur.
Lizinq münasibətlərini tənzimləyən xüsusi orqanın yoxluğu bu sektorun
zəif inkişaf etməsinin səbəblərindən biri kimi qiymətləndirilir. Hətta Beynəlxalq
Maliyyə Korporasiyası (İFC) Azərbaycanın lizinq bazarının inkişafı üçün belə
bir orqana ehtiyacı olduğunu müəyyən etmişdir [17]. Çünki ölkənin lizinq
bazarı hələ də tam formalaşmadığından inkişaf üçün dövlət tərəfindən gələn
dəstək və tənzimləyici tədbirlər geniş imkanlar aça bilər. Məhz tənzimləyici
orqanın olmamasının nəticəsi idi ki, 2009-cu ildən tətbiq edilən kapitallaşmaya
yönəldilmiş gəlirə edilən vergi güzəştləri yalnız banklara və sığorta şirkətlərinə
aid edilmiş və lizinq şirkətləri burada nəzərə alınmamışdır. Lizinq bazarları üçün
tənzimləyici orqan kimi ideal seçim müxtəlif qurumlar ola bilər.
Ümumiyyətlə, hər bir ölkədə lizinq münasibətlərinin dövlət tərəfindən
tənzimlənməsinin özünəməxsus xüsusiyyətləri vardır. Lizinqin bankların spe-
sifik xidməti kimi fəaliyyət göstərdiyi ölkələrdə (İtaliya, Fransa) dövlət yalnız
bankları deyil, həm də lizinq münasibətlərini tənzimləyir. Böyük Britaniya və Al-
maniyada banklar yalnız lizinq əməliyyatlarının o hissəsini tənzimləyir ki, həmin
hissə onların strukturlarına tabe olsun. Fransada isə lizinq fəaliyyəti banklar
kimi çox ciddi şəkildə dövlət tərəfindən tənzimlənir. İtaliya, ABŞ və Fransa qa-
nunvericiliyi lizinq mexanizminə xüsusi tələb irəli sürür. Belə ki, lizinq müqaviləsi
məhkəmə orqanlarından qeydiyyatdan keçməlidir. Böyük Britaniya, Almaniya,
Danimarka və Niderlandda, bir qayda olaraq, lizinq fəaliyyəti tənzimlənmir və
məhdudlaşdırılmır. Lakin belə ölkələrdə lizinqə dövlət tərəfindən investisiya
fəaliyyətinin mühüm forması kimi dəstək verilir. Məsələn, İrlandiyada lizinq
kampaniyalarının stimullaşdırılması məqsədilə dövlət tərəfindən subsidiyalar
təqdim edilir, sürətləndirilmiş amortizasiya tətbiq edilir və s. imtiyazlar verilir.
Nəticədə, İrlandiya dünyada təyyarələrin lizinqi üzrə mərkəz olmuşdur [18].
Qrafik 2.
Mənbə: www.stat.gov.az
2010
2011
Lizinq yolu ilə investisiya
qoyuluşu (mlrd. dollar)
0.17
0.15
Ümumi investisiya
qoyuluşu (mlrd. dollar)
17.6
21.66
Say 7-8 • 2014 | STRATEJİ TƏHLİL
141
Cədvəl 4-ə nəzər salsaq görərik ki, ölkəmizdə fəaliyyət göstərən bir çox
lizinq şirkətlərinin təsisçiləri yerli banklar və xarici şirkətlərdir. Bu, onu göstərir
ki, ölkənin lizinq bazarında problemli məsələlərdən biri də maliyyələşdirmə
mənbələridir. Hal-hazırda lizinq şirkətlərinin güclü maliyyələşdirmə mənbələrinə
ehtiyacı vardır. Belə ki, son maliyyə böhranı ilə əlaqədar olaraq xarici kapitalın
yerli lizinq bazarına cəlb edilməsi çətin məsələdir. Yerli bankların maliyyələşdirmə
mənbəyi kimi çıxış etməsinin əsas səbəbi isə onların pul kapitalına malik olması
və lizinq xidmətinin bu pul kapitalına olan tələbatı ilə bağlıdır.
Bəzi yerli bankların lizinq xidməti göstərməsi lizinq şirkətlərinin inkişafına
mane olur. Bankların daha çox pul kapitalına malik olması onları bazarda liz-
inq şirkətlərinin güclü rəqiblərinə çevirir. Zəif inkişaf edən lizinq şirkətləri isə
bu rəqabət mühitində tab gətirə bilmirlər. Nəticədə, ölkədə lizinq portfelinin
həcmi aşağı olur.
Bu gün kənd təsərrüfatı sektorunda rəqibsiz lider lizinq şirkəti “Aqrolizinq
ASC”-dir. Kənd təsərrüfatının inkişafı ilə bağlı olan dövlət sifarişləri yalnız bu
şirkətə verilir. Aqrolizinq ASC-yə həvalə edilmiş tədbirlərin yerinə yetirilməsi
üçün 2005-2012-ci illər üzrə dövlət büdcəsindən və digər mənbələrdən 370,63
milyon manat maliyyə vəsaiti ayrılmışdır (Cədvəl 5).
Bundan başqa, “Azərbaycan Respublikasında heyvandarlığın inkişafı ilə
bağlı əlavə tədbirlər haqqında” Prezident Sərəncamına (11 fevral 2013-cü il)
əsasən, xaricdən damazlıq heyvanların idxal olunmasının və heyvandarlıqla
məşğul olan kənd təsərrüfatı məhsulları istehsalçılarına 50% güzəştlə lizinq
yolu ilə satılmasının təmin edilməsi üçün dövlət büdcəsində nəzərdə tutulmuş
Azərbaycan Respublikası Prezidentinin ehtiyat fondundan “Aqrolizinq” Açıq
Səhmdar Cəmiyyətinə 10 milyon manat vəsait ayrılmışdır [19].
Cədvəl 4.
Şirkətin adı
Təsisçilər
Ansar Leasing
Özəl Sektorun İnkişafı üzrə İslam Korporasiyası (100%)
Qafqaz Lizinq MMC
Türkiyənin NAB şirkətlər qrupu (100%)
Joint Leasing Company
BB-nın DH Leasing LTD (52,4%)
Azərbaycan Beynəlxalq Bankı (47,6%)
AG Leasing
AG Bank (35%)
İngilis şirkəti - Hiperion Capital Managemnet (30%)
Amerikan şirkəti - Delta Trans LTC (25%)
İngilis firması – Milio Leasing Limited (10%)
Unileasing QSC
Unibank (66,67%) AYİB (33,33%)
Parex
Leasing&Factoring
Latviyanın Parex Bankı (əvvəl)
Hollandiyanın SWITLAR Investments (indi)
MCB Lizinq QSC
Pakistanın MCB Bank Limited, Yerli rezident
Mənbə: Şirkətlərin rəsmi saytları
STRATEJİ TƏHLİL | Say 7-8 • 2014
142
Dövlət tərəfindən güzəştli imtiyazların “Aqrolizinq”ə verilməsi kənd təsərrüfatı
sektorunun inkişafına səbəb olmuşdur. Belə ki, ayrılmış və təkrar istifadə olunan
vəsait hesabına 2005-2012-ci illər ərzində müxtəlif markalı 1033 ədəd taxılbiçən
kombayn, 4252 ədəd traktor, 164 ədəd ekskavator, 8960 ədəd traktora qoşulan
kənd təsərrüfatı texnikaları (kotanlar, kultivatorlar, ot biçən texnika, ot və küləş
presləyən, malalar, taxıl səpən, gübrə səpən, çiləyicilər, traktor qoşquları və s.), 9
dəst süd zavodu avadanlıqları, 23 dəst soyuducu kameraları, 8 dəst qarışıq yem
istehsal zavodu avadanlıqları, kənd təsərrüfatı texnikalarına lazım olan ehtiyat
hissələri, dəzgahlar alınmışdır. Nəticədə, kənd təsərrüfatı müəssisələrində əsas
istehsal fondlarının strukturunda maşın və avadanlıqların payı 2003-cü ildə
10,2% olduğu halda, 2011-ci ildə bu göstərici artaraq 17,2% olmuşdur. Kənd
təsərrüfatının inkişafına baxmayaraq, “Aqrolizinq” ASC-nin 2012-ci il maliyyə
hesabatına əsasən, cəmiyyət 2012-ci ili 1 mln. 340 min 905 manat zərərlə başa
vurmuşdur. Qeyd edək ki, 2011-ci il üçün zərər 801 min 148 manata bərabər
olmuşdur [20]. Buna görə də digər lizinq şirkətlərinin də bu istiqamətdə
fəaliyyətinin artırılması məqsədəuyğundur. Kənd təsərrüfatı sektorunda lizinq
xidmətinin daha da geniş yayılması, digər lizinq şirkətlərinin də potensial
müştərilərinin reallaşdırılması, eyni zamanda “Aqrolizinq” şirkətinin sağlam
rəqabət mühitində daha da inkişaf etməsi üçün, yaxşı olardı ki, Prezidentin ehtiyat
fondundan ayrılan vəsait bərabər səviyyədə olmasa da, müəyyən hissələrlə digər
lizinq şirkətləri arasında da bölüşdürülsün. Təbii ki, vəsaitin bölüşdürülməsi
zamanı həmin lizinq şirkətlərinin fəaliyyətinin hansı səviyyədə olmasını nəzərə
almaq məqsədəuyğun olardı. Belə olan halda sağlam rəqabət mühiti formalaşar,
nəticədə, lizinq şirkətləri güclü rəqabət şəraitində kənd təsərrüfatı sektorunda
daha da inkişaf edərlər. Belə ki, lizinq şirkətlərinin daha çox müştəri qazanmaq
həvəsi onların əlavə xidmətlər göstərməsinə gətirib çıxaracaq ki, bu da birbaşa
operativ lizinqin inkişafı deməkdir.
Cədvəl 5.
İllər
Dövlət büdcəsi və digər mənbələrdən ayrılmış vəsaitlər (mln., AZN)
2005
25,0
2006
41,0
2007
37,5
2008
72,5
2009
48,23
2010
44,6
2011
46,8
2012
55,0
Mənbə: Aqrolizinq.com
Azərbaycanda lizinq şirkətlərinin lisenziya verilmədən yaradılması, mini-
mum nizamnamə kapitalının tələb olunmaması, bankların da lizinq xidməti
göstərməsi lizinq bazarına istənilən şəxsin daxil olmasına səbəb olur. Bu məsələ
Dostları ilə paylaş: |