STRATEJİ TƏHLİL | Say 7-8 • 2014
138
Lakin buna baxmayaraq, son zamanlar xüsusilə avtolizinq bazarında
avtomobillərin daha çox 5 illik lizinq yolu ilə əldə edilməsi, avtomobilə lizinq
şirkətləri tərəfindən xidmətlərin (sığorta, texniki servis və s.) göstərilməsi
operativ lizinqin az da olsa fəaliyyətini sübut edir.
Mülki Məcəllənin lizinq haqqında 747-1.2-ci maddəsində qeyd olunur: “Lizinq
verən lizinq müqaviləsinə əsasən cəlb edilmiş və ya özünə məxsus maliyyə vəsaiti
hesabına əldə etdiyi və mülkiyyətində olan əşyanı lizinq obyekti kimi lizinq alana
müəyyən haqla, müəyyən müddətə və şərtlərlə (mülkiyyət hüququnun lizinq
alana keçməsi və ya keçməməsi şərti də daxil olmaqla) müvəqqəti sahibliyə və
ya istifadəyə verən hüquqi və ya fiziki şəxsdir” [15]. Mülki Məcəlləyə (152.3,
159-cu maddələri) əsasən, sahiblik hüququ əşyaya faktiki sahib olmağı
nəzərdə tutur və buna görə də istifadə hüququndan təcrid olunmuş halda
lizinq obyektinin lizinq alanın yalnız sahibliyinə verilməsi lizinq müqaviləsinin
mahiyyətini əks etdirmir. Bu anlaşılmazlığın aradan qaldırılması üçün bir sıra
xarici ölkələrin mülki qanunvericiliyində, məsələn, Rusiya Federasiyasının Mülki
Məcəlləsinin 576-cı maddəsində olduğu kimi, “sahibliyə və ya istifadəyə”
sözləri “sahibliyə və istifadəyə” sözləri ilə əvəz olunsa, daha yaxşı olar. Mülki
Məcəllənin 747-1.3 müddəasında lizinq obyektinin lizinq müqaviləsinə uyğun
olaraq müəyyən müddətə, müəyyən haqla lizinq alana müvəqqəti sahibliyə
və istifadəyə verilməsinin qeyd olunması da lizinq verənin hüquqi vəziyyətinin
Mülki Məcəllədə düzgün göstərilmədiyini təsdiq edir.
Bundan başqa, Mülki Məcəllədə lizinq verənin əsas vəzifələrindən biri təkcə
lizinq obyektini əldə etmək deyil, həm də onu hazırlamaqdır. Düzdür, bəzi
ölkələrdə bunu “birbaşa lizinq” adı altında həyata keçirirlər, belə olan halda
özlərinin broker şirkətlərini yaradırlar. Lakin Mülki Məcəllədə lizinq verən lizinq
obyektini özü hazırladığı halda o, satıcı olacaqdır ki, bu da lizinq münasibətlərinə
ziddir. Çünki lizinq verən sadəcə əmlakın əldə edilməsini maliyyələşdirən
şəxsdir. Lizinq verənin üzərinə lizinq obyektini əldə etmək vəzifəsinin qoyulması
747-5.1 maddəsinə əsasən, lizinq münasibətlərinin hüquqi formasını pozur.
Ona görə ki, lizinq üçtərəfli münasibətdir (747-1.1, 747-5.1 maddələrinə uyğun
olaraq) və lizinq subyektlərindən biri olmadığı halda onu lizinq münasibətləri
adlandırmaq olmaz. Buradan ümumi şəkildə sual yarana bilər ki, bəs onda
nəyə görə “qaytarılan lizinq”də ikitərəfli münasibət mövcud olduğu halda onu
lizinq münasibətlərinə daxil edirik? Çünki qaytarılan lizinq növündə lizinq alan
həm də satıcı qismində çıxış edir və sanki üçüncü tərəf olur.
Qərbi Avropanın bəzi ölkələrində də (Böyük Britaniya, Almaniya,
Danimarka) lizinq üzrə xüsusi qanun yoxdur. Lakin Fransa, Portuqaliya, İsveçrə
kimi ölkələrdə isə lizinq alan və lizinq verənin hüquqlarını, onların arasında baş
vermiş münasibəti müəyyən edən qanun mövcuddur.
Ölkədə lizinq münasibətlərinin növbəti problemi lizinqin mühasibat uçotu
ilə bağlıdır. Milli mühasibat uçotu standartlarında lizinq üçün xüsusi standart
yoxdur və lizinq uzunmüddətli icarə kimi qeydə alınaraq lizinq alanın balansında
Say 7-8 • 2014 | STRATEJİ TƏHLİL
139
əks olunur. Bu isə Mülki Məcəllə ilə uyğunlaşmır. Çünki Mülki Məcəllədə lizinq
obyekti əsas vəsait kimi tərəflərin qarşılıqlı razılığı əsasında lizinq verənin və ya
lizinq alanın balansında qeydə alınmalıdır.
Əvvəllər tətbiq olunan sürətli amortizasiyanın (əvvəllər bu, 2 əmsalla
hesablanırdı) ləğv edilməsi lizinq sektorunda əsas vəsaitlərin yenilənməsinin
qarşısını alır. Qeyd edək ki, Rusiyada lizinq münasibətlərində sürətləndirilmiş
amortizasiya (bu, Rusiyada 3 əmsalla hesablanır) tətbiq olunur və onlar xərclər
kimi çıxılır, bu da vergi bəyannaməsi zamanı nəzərə alınmır [16].
Lizinq obyektinə vergi qanunvericiliyinə əsasən qoyulan ƏDV (18%) əmlakın
qiymətinə daxil edilir, nəticədə əmlakın maya dəyəri artır. Belə olan halda
müştəri lizinq şirkətlərinin rəqibi olan banklara kredit götürməyə üz tutur.
Əsas etibarilə operativ lizinq şirkətlərinin gəlirləri tam şəkildə lizinq
müqaviləsinin müddəti bitdikdən sonra geri qaytarılan əmlakın ikinci dəfə
lizinqə verilməsi və satılması zamanı formalaşır və bu zaman ƏDV-nin
tətbiqi operativ lizinq sövdələşməsinin qiymətini bahalaşdırır. Ona görə də
Azərbaycanda operativ lizinq inkişaf edə bilmir.
Qeyd olunan səbəblərə görə Azərbaycan malik olduğu lizinq potensialından
tam istifadə edə bilmir. Məsələn, Qərbdə şirkətlər əsas vəsaitlərin yenilənməsini,
demək olar ki, 80 %-ni, Avstraliya sənaye kapital qoyuluşunun 33%-ni,
Qazaxıstan isə 6%-ni lizinq yolu ilə həyata keçirdiyi halda, Azərbaycanda bu
göstərici 1%-dən bir qədər çoxdur.
Qrafik 1.
Mənbə: Azərbaycan Lizinq Şirkətləri Assosiasiyası
Yuxarıdakı qrafikdə (1) göründüyü kimi, 2003-2008-ci illərdə ölkədə lizinq
portfelinin həcmi ilbəil artmışdır. Lakin 2008-ci ildən sonra lizinq bazarında
azalma müşahidə olunur ki, bunun da əsas səbəbi həmin ildən etibarən vergi
qanunvericiliyinə əsasən lizinq obyektlərinə ƏDV-nin qoyulmasıdır.
Azalma anoloji olaraq ümumi investisiya qoyuluşunun tərkibində də əks
olunur. 2010-cu ildə ölkəyə 17,6 mlrd. ABŞ dolları ümumi investisiya qoyuluşu
Dostları ilə paylaş: |