Say 7-8 • 2014 | STRATEJİ TƏHLİL
131
Lizinqin (ingiliscə “ lease” – icarəyə vermək) iqtisadi termin kimi formalaşması
isə “Bell” telefon şirkəti rəhbərliyinin 1877-ci ildə öz telefonlarını satmaq
əvəzinə onları icarəyə vermək qərarına gəlməsi ilə bağlıdır. Lakin fəaliyyəti
lizinq əməliyyatları olan ilk cəmiyyət 1952-ci ildə San-Fransisko şəhərində
yaradılmış “United States Leasing Corporation”-dır (hazırkı adı “United
States Leasing International Inc”) [2]. Beləliklə, Amerika Birləşmiş Ştatları yeni
bir biznes növünün vətəni olmuşdur. Lizinq əməliyyatları ötən əsrin 50-ci
illərinin sonlarında Avropada
1
, 1962-ci ildən isə Yaponiyada istehsalın texniki
təchizatında geniş istifadə edilmişdir. Hal-hazırda İEÖ-də kapital yatırımlarının
30-40%-i lizinq yolu ilə həyata keçirilir.
Lizinq- lizinq verənlə lizinq alan arasında imzalanan maliyyə sazişidir və
həmin sazişin obyektiv əsasını aşağıdakılar təşkil edir:
- Lizinq subyektləri;
- Lizinq obyekti;
- Lizinq müqaviləsinin müddəti;
- Lizinq ödənişləri;
- Lizinq üzrə təklif olunan xidmətlər.
Lizinq subyektləri lizinq alan, lizinq verən, satıcı (birbaşa iştirakçılar), lizinq
verəni kreditləşdirən və müqavilənin zamini rolunda çıxış edən kommersiya
və investisiya bankları, sığorta şirkətləri, broker və digər vasitəçi şirkətlərdir
(dolayı iştirakçılar).
Lizinq obyektləri isə sərbəst dövriyyə qabiliyyətinə malik olan əsas
vəsaitlərdir (daşınan və daşınmaz).
Bəzi ədəbiyyatlarda lizinqi icarənin bir növü kimi qiymətləndirirlər. Belə olan
halda icarə müddətindən asılı olaraq müqavilələrin 3 növü müəyyənləşdirilir:
1. İcarə müddəti 1 gündən 1 ilə qədər olan qısamüddətli icarə (ing.: renting);
2. İcarə müddəti 1 ildən 3 ilə qədər olan ortamüddətli icarə (ing.: hiring);
3. İcarə müddəti 3 ildən 20 ilə qədər olan uzunmüddətli icarə (ing.: leasing).
Göründüyü kimi, icarə müqaviləsinin müddətinə görə uzunmüddətli
icarə (3-20 il) real olaraq lizinq adlanır.
Lizinq ödəmələrinin iqtisadi strukturunu aşağıdakılar təşkil edir:
-
Lizinq obyektinin dəyəri;
-
Normativ istismar müddəti;
-
Amortizasiya norması;
-
Ssuda faizi;
-
Fəaliyyət növü;
-
Vergi güzəştləri;
-
Lizinq şərti (lizinq müddəti başa çatdıqda obyektin alışı və ya qaytarılması);
-
Lizinq xidmətlərinin tələb və təklifi.
Lizinq ödənişinin məcmu məbləğinin tərkibinə onun aşağıdakı əsas elementləri
daxil olmalıdır [3]:
1 Amerika maliyyə lizinqinin yaradıcısı Henri Şonfeld olub. O, bu fəaliyyəti ancaq dəmiryolu nəqliyyatı sahəsinə tətbiq edib,
daha sonra “United States Leasing Corporation” lizinq şirkətini yaradıb.
STRATEJİ TƏHLİL | Say 7-8 • 2014
132
- cari ildə amortizasiya ayırmalarının dəyəri (beynəlxalq təcrübədə lizinqin
müddəti, adətən, amortizasiya müddətindən az olur və bu, aşağıdakı
cədvəldə (1) öz əksini tapır);
Cədvəl 1.
Amortizasiya müddəti
3
4
5
6-7
8
9-10
Lizinqin minimal müddəti
3
3
4
5
6
7
- müqavilənin lizinq verən tərəfindən həyata keçirilməsi üçün istifadə olunan
resursların ödənişi;
- lizinq marjası- bura lizinq verənin göstərdiyi xidmətlərə görə əldə etdiyi
gəlir daxildir (1-3%);
- riskin mükafatı- bu məbləğ lizinq verənin aid olduğu müxtəlif risklərin
səviyyəsindən asılıdır.
Resursların qiymətini Q, lizinq marjasını M və risk məbləğini R ilə işarə
etsək, onda lizinq faizinin mahiyyəti aşağıdakı formulda öz ifadəsini tapacaq:
LF= Q+M+R
Lizinq ödəmələrinin məbləğinin hesablanması üçün daha çox annuitet
(konkret borc üzrə illik məcburi ödəmələr) düsturundan istifadə olunur ki, bu
da lizinq müqaviləsinin bütün şərtləri üzrə lizinq ödəmələrinin faktiki qiymətini,
xüsusilə də müqavilənin məbləğini, müddətini, ödəmələrin dövriliyini və
borcların verilməsini daha aydın əks etdirir.
Annuitet borcun aylıq bərabər hissələrdə ödənilməsidir. Annuitet ödəniş
zamanı lizinq alan, qalıq məbləğdən asılı olmayaraq, hər ay bərabər miqdarda
məbləğ ödəyir. Bu ödənişlər aylar üzrə elə hesablanır ki, lizinqin ödəniş
müddətinin sonunda borc tamamilə ödənilmiş olsun. Lizinq şirkətləri üçün
annuitet ödənişinin tətbiq edilməsi daha sərfəlidir. Çünki bu zaman onlar
faizlərdə daha çox mənfəət qazanırlar. Borcalanlar üçün isə annuitetin təqdim
etdiyi yeganə üstünlük aylıq ödənişlərin bərabər olmasıdır, yəni onlar konkret
olaraq hər ay nə qədər pul ödəməli olduqlarını bilirlər. Bu, hər ay fərqli məbləğ
ödəməkdən daha asandır [4].
Annuitet formuluna əsasən, mütəmadi aylıq ödənişlərin miqdarı aşağıdakı
kimi müəyyən olunur:
Burada,
A
ö
- aylıq annuitet ödəniş,
K m - kredit məbləği,
Say 7-8 • 2014 | STRATEJİ TƏHLİL
133
A ə
- annuitet əmsalıdır.
Annuitet əmsalı aşağıdakı düstura uyğun müəyyən edilir [5]:
Burada,
i - faiz məbləği, aylıq paylar üzrə, məsələn, illik nominal faiz dərəcəsi 24%
olarsa, i = 0,24/12,
n - kreditin götürüldüyü ayların sayıdır.
Bu
metoddan
Almaniya,
Avstriya,
Yaponiya, Fransa, İtaliya və Rusiyanın lizinq
kampaniyalarında istifadə olunur [6].
Beynəlxalq səviyyədə lizinqin əsas 2 növü
fərqləndirilir: maliyyə lizinqi və operativ lizinq.
Belə bölünmə üçün meyarlar bunlardır [7]:
- avadanlığın istismar müddəti;
- lizinq verənin vəzifələrinin həcmi.
Maliyyə
lizinqində
avadanlığın
uzunmüddətli icarəyə verilməsi və müqavilə
müddətinin sonunda bu avadanlığın müqavilədə
əvvəlcədən nəzərdə tutulmuş simvolik bir
dəyərlə lizinq alana satılması nəzərdə tutulur.
Maliyyə lizinqinin və ya tam ödənilən lizinqin
mahiyyəti ondadır ki, müqavilə müddəti
ərzində əmlak tamamilə amortizasiyaya uğrayır
və lizinq verən lizinq tədiyyələri hesabına əmlakın dəyərini və onun əsas
hissəsini geri qaytarır. Adətən, maliyyə lizinqinə yüksək texnoloji avadanlıq
verilir. Maliyyə lizinqində icarə müddəti, bir qayda olaraq, avadanlığın xidmət
müddətinə (amortizasiya müddətinə) bərabər olur. Maliyyə lizinqi daha çox
bir maliyyələşdirmə növüdür və müştəri tərəfindən seçilən avadanlığın lizinq
şirkəti tərəfindən yalnız satın alınmasından ibarətdir. Lizinq şirkəti alınacaq
avadanlıq haqqında heç bir məlumata sahib deyil. Hətta çox zaman alınan
avadanlıq satıcı tərəfindən birbaşa müştəriyə (lizinq alana) təqdim edildiyi üçün
lizinq şirkəti avadanlığı görmür. Maliyyə lizinqində avadanlığın cari və əsaslı
təmiri lizinq alan tərəfindən öz vəsaiti hesabına həyata keçirilir. Müqavilənin
müddəti bitdikdə, operativ lizinqdə olduğu kimi, lizinq alan sövdə obyektini
qalan bazar qiyməti ilə ala, bir qədər az müddətə və daha güzəştli dərəcələrlə
yeni müqavilə imzalaya, obyekti lizinq verənə qaytara bilər [8].
Operativ (istismar) lizinqdə avadanlıq lizinq şirkəti tərəfindən müştərinin
(lizinq alanın) əvvəlcədən razılığı olmadan alınır və bununla bağlı bütün riskləri
(avadanlığın saxlanılması, təmiri və xidməti üzrə öhdəlikləri və bu xərclər lizinq
ödənişlərinə əlavə edilir) lizinq şirkəti öz üzərinə götürür. Buna görə də, operativ
Maliyyə lizinqi
sazişindən fərqli
olaraq operativ lizinq
sazişləri kreditin
alınması vasitəsi deyil,
investisiya edilməsi
yolu ilə problemin
həllini nəzərdə tutur.
Bu, tam amortizasiya-
nı və mülkiyyət hüqu-
qu ilə bağlı risklərin
lizinq alanın hesabına
yazılmasını nəzərdə
tutmur.
Dostları ilə paylaş: |