STRATEJİ TƏHLİL | Say 2 (9) • 2014
194
təqdim olunmasını təmin etmək məqsədi ilə Sərəncam imzalamışdır.
Bütün bu qeyd olunanlara onu da əlavə etmək istərdik ki, Azərbaycan Avro-
pa Şurasının 05 noyabr 1992-ci ildə qəbul etdiyi “Regional dillərin və ya azsaylı
xalqların dillərinin Avropa Xartiyası”nın prinsiplərini daim diqqət mərkəzində
saxlayır. 2001-ci ildə Azərbaycan Respublikası Avropa Şurasının Regional və ya
azlıq dilləri haqqında Avropa Xartiyasını imzalamışdır. Dövlət hər bir milli azlığa
ana dilində təhsil almağa şərait yaradır.
YUNESKO-nun 2005-ci il oktyabrın 20-də Parisdə qəbul etdiyi “Mədəni
özünüifadə müxtəlifliyinin qorunması və təşviqi haqqında” Konvensiyaya uy-
ğun olaraq ölkəmizdə yaşayan milli azlıq və etnik qrupların mədəniyyəti
Azərbaycan mədəniyyətinin tərkib hissəsi kimi qorunur və inkişaf edir.
Bundan başqa, Azərbaycan Respublikası Mədəniyyət və Turizm Nazirli-
yi yanında Milli Azlıqların Əlaqələndirmə Şurası, Təhsil Nazirliyi yanında az-
saylı xalqların və etnik qrupların dillərində dərsliklərin hazırlanması və nəşri
Şurası fəaliyyət göstərir. Azərbaycan Milli Elmlər Akademiyasında milli azlıq-
ların dil, mədəniyyət, tarix və etnoqrafiyasının öyrənilməsi üzrə xüsusi şöbə,
İctimai Televiziyada Milli Azlıqlar üçün Verilişlər Departamenti yaradılmışdır.
Departamentin təqdim etdiyi verilişlərdə Azərbaycanda yaşayan etnik və dini
azlıqların, azsaylı xalqların və etnik qrupların tarixi, adət-ənənəsi, dini, dili,
mədəniyyəti, folkloru, mətbəxi haqqında məlumatlar öz əksini tapır. Respub-
likada milli azlıqların dillərində onlarla qəzet və jurnallar nəşr olunur. Hər gün
onların dillərində radio və televiziya proqramları yayımlanır [8].
3.1. Dinlərarası dialoq və dini tolerantlığın
Azərbaycan modeli
Müasir dövrdə bəşəriyyəti narahat edən problemlərin əksəriyyəti daha çox
mənəvi mahiyyət daşıyır: “Dünyanın bir çox ölkələrində insanların yaşayış ye-
rinin müəyyən edilməsində onların dini mənsubiyyəti əsas meyar götürülür.
Din amili bir tərəfdən insan haqları üzrə baza prinsipi olsa da, digər tərəfdən
sosial problem kimi meydana çıxır və bu məsələ beynəlxalq təşkilatların diqqət
mərkəzindədir” [16; 37].
Qeyd edək ki, bir sıra beynəlxalq qurumların Almaniya, İngiltərə, Fransa,
Hollandiya, Belçika, Danimarka, İsveçrə və s. ölkələrdə apardıqları araşdırma-
lardan bəlli olur ki, bu ölkələrdə xüsusilə müsəlmanlar ciddi dini ayrı-seçki-
lik problemi ilə üz-üzədir və güclü nəzarət altındadırlar. Britaniyada dini və
milli ayrı-seçkiliyə köklənmiş onlarla ekstremist qruplaşmalar mövcuddur. On-
lar “islam işğalçıları”nı xristian torpaqlarından təmizləməyin lazım olduğunu
düşünürlər [16]. Bu, heç şübhəsiz, Avropa İttifaqının elan etdiyi ayrı-seçkiliklə
mübarizə haqqında tələblərinə ziddir.
Almaniyanın kansleri Angela Merkelin: “1960-cı illərdə biz xarici işçi
qüvvəsini Almaniyaya dəvət edəndə elə bilirdik ki, onlar qayıdıb gedəcəklər.
Lakin bu baş vermədi və bizim multikulturalizm siyasətimiz isə iflasa uğradı”,
– etirafı da bu məsələnin ciddiliyindən xəbər verir [36]. Fransanın keçmiş Prezi-
denti Nikola Sarkozi də multikulturalizmin məğlubiyyətə uğramasında aparılan
Say 2 (9) • 2014 |
STRATEJİ TƏHLİL
195
yanlış siyasəti deyil, fərqli mədəniyyət daşıyıcılarını, xüsusən də islam həyat
tərzini ittiham etmişdir [39].
“Amnesty International”-ın diskriminasiya üzrə eksperti Marko Perolini
qeyd etmişdir ki, “Maliyyə böhranından sonra Avropa ölkələrini, deyəsən, in-
sani dəyərlərin parçalanması böhranı gözləyir. Bunun əlamətlərindən biri də
müsəlmanlara qarşı dözümsüzlükdür” [16].
Bu, bir həqiqətdir ki, müasir qloballaşan dünyada heç bir ölkə multikul-
turalizmin təsirindən kənarda qala bilməz: “Tarix sübut edib ki, multikultu-
ral dəyərlər olmasaydı, heç böyük bəşər mədəniyyəti də ola bilməzdi. Çün-
ki müəyyən sərhədlər daxilində təcrid
olunmuş və özünə qapanmış hər hansı bir
mədəniyyət tənəzzülə məhkumdur” [18].
Qərb dəyərlərinin dominantlığı üzərində
qurulan multikulturalizmdən fərqli ola-
raq min illərdir yanaşı yaşayan sivilizasi-
ya təmsilçilərinin çoxmədəniyyətli həyat
tərzində bu gün böhran müşahidə olun-
mur: “Müxtəlif mədəniyyətlərin paralel
mövcudiyyətinə tolerant yanaşmanı həyat
tərzi olaraq qəbul edənlər üçün multikultu-
ralizm bəşəri ideya kimi qəbul olunur” [18].
Azərbaycan bu gün bunun bariz
nümunəsini öz tarixi inkişaf yolu və dövlət
siyasəti ilə dünyaya təqdim edir. 2012-ci ildə
Bakıda keçirilən İkinci Beynəlxalq Humanitar
Forumun açılış mərasimindəki çıxışında mul-
tikulturalizmin alternativinin özünütəcrid ol-
duğunu bəyan edən Azərbaycan Prezidenti
İlham Əliyev demişdir: “Azərbaycanda multi-
kulturalizm sahəsində əldə edilmiş təcrübə,
hesab edirəm ki, hamımız üçün çox maraq-
lıdır... Mulltikulturalizmin müsbət gələcəyi
haqqında fikirlər çox vacibdir və lazımdır.
Azərbaycanın təcrübəsi, hesab edirəm ki, əslində, multikulturalizm ideyaları-
nın təbliği üçün çox dəyərli və qiymətlidir. Çünki bir daha demək istəyirəm ki,
multikulturalizm bizim həyat tərzimizdir. Nisbətən yeni anlayış olmasına bax-
mayaraq, multikulturalizm əsrlər boyu xalqımıza xas olan bir anlayışdır. Əsrlər
boyu müxtəlif dinlərin, millətlərin nümayəndələri Azərbaycanda bir ailə kimi
yaşamışlar. Azərbaycanda heç vaxt dini, yaxud da ki, milli zəmində qarşıdurma,
anlaşılmazlıq olmamışdır və əminəm ki, olmayacaqdır” [1].
Qeyd edək ki, 1993-cü ildə ümummilli lider Heydər Əliyevin xalqın təkidli
tələbi ilə hakimiyyətə qayıdışından sonra xalqlar və dinlərarası münasibətlər,
dialoqlar müasir dövrün tələblərinə uyğunlaşdırıldı. Vaxtilə ümummili lider
Heydər Əliyev milli azlıqların nümayəndələri ilə keçirdiyi görüşlərinin birində
Ümummili lider Heydər
Əliyev milli azlıqların
nümayəndələri ilə keçirdiyi
görüşlərinin birində demişdi:
“Biz Azərbaycan deyəndə
onun sərvətini, onun gözəl
təbiətini nəzərdə tuturuq.
Lakin bütün bunlarla
yanaşı, respublikanın ən
başlıca sərvəti əsrlərdən
bu torpaqda yaşayan, öz
taleyini, öz həyatını bu
torpağa bağlayan, müxtəlif
millətlərdən olan, müxtəlif
dinlərə etiqad edən
adamlardır. Ölkə nə qədər
çox xalqı birləşdirsə, bir o
qədər də zəngin olar…”.