41
Yeni Rum sultanı II Bayazid ilə Sultan Yaqub arasında bir neçə il yazışma
davam etmiş, onlar bir-birlərinə əldə etdikləri qələbələr barədə vaxtaşırı məlumat
vermişlər. Məsələn, rumluların 1484-cü ildə Ağkirman
*
üzərində qələbəsi
məktubunu sultandan alan Yaqub dərhal cavab yazaraq sevindiyini bildirmiş,
116
Ağqoyunluların Şeyx Heydər Səfəvini qətlə yetirməsi barədə isə Yaqubun
göndərdiyi məktuba cavab olaraq Sultan Bayazid öz təbrikini yollayaraq yazmışdı:
―Ümid edirəm ki, hər iki tərəf arasında belə [xoş] xəbərlərin təbliği üçün
yazışma(lar) davam edəcəkdir‖.
117
Müəyyən vaxtlarda Ağqoyunlu və Osmanlı hökmdarları bir-birilərini fəth
xəbərləri ilə sevindirməklə kifayətlənmir, öz şəxsi xahişləri barədə də
məktublaşırdılar. Sultan Bayazidin Ağqoyunlu hökmdarından şahin (alıcı quş)
xahiş etməsilə əlaqədar Sulatn Yaqub ona bildirmişdi ki, sizə bu günlərdə üç şahin
göndərmişdim, lakin onların ikisi yolda uçmuşdur. ―Qış yaxınlaşdığı üçün quşları
qışlamağa göndərmişəm. İndi isə sizə iki şahin yollayıram. Qışlaqlarımdan yenə də
layiqli şahinləri tutub ―həmin quşxanaya‖ göndərəcəyəm‖.
118
Firidun bəyin ―Münşəat‖ında Yaqub Ağqoyunlu və Sultan Bayazid arasında
əlaqə yaradan başqa məktublar da dərc edilmişdir. Lakin bu məktublarda ümumi
sözlər və bir tərəfin başqa bir tərəfə yazdığı tərifli kəlamlardan başqa heç nə
yoxdur. Görünür, məktubları aparıb-gətirən elçilər öz hökmdarlarının sözlərini
şifahi olaraq çatdırmış, məktubların başqa ələ düşə bilmək ehtimalını nəzərdə
tutmuşlar. Məsələn, bir yazımşada Yaqub olduqca yığcam və rəsmi şəkildə öz
elçisi Tacəddin İbrahimi Rum məmləkətinə göndərdiyini yazmış, Rum sultanı
Bayazid isə artıq həmin elçisinin gəlib çatdığını bildirmişdir.
119
1485-ci ildə Ağqoyunlu əmiri Bayandur xan sultan Yaquba qarşı üsyan etdi.
Ağqoyunlu hökmdarı tərəfindən onun ―bəzi mülki və dini işlərinə nəzarət etmək
üçün İraq ölkələrinə‖ göndərilməsi xüsusunda əmr alan Bayandur xan
120
tezliklə
Həmədana gəlmiş, orada Ağqoyunlulara qarşı ―müxalifət taxtına‖ əyləşmiş,
tezliklə İsfahan darüğəsi Hacı bəy Əlpavut və Qum darüğəsi Mənsur bəy Zöhrab
da ona qoşulmuşdular. Tezliklə Savə yaxınlığında baş verən döyüşdə üsyançılar
məğlub edilmiş, Bayandur xan öldürülmüşdür. Sultan Yaqub bu hadisə barədə
Rum sultanına belə məlumat verir: ―Bu xanədanın yetişdirdiyi və bu dumanın bəzi
mülk və din işlərinə nəzarət etmək üçün bir sıra İraq ölkələrinə göndərdim. O,
özündə qüdrət və ixtiyar görüb itaət yolundan çıxdı, hakimlik etmək xəyalına
düşdü. Azərbaycan diyarının da bəzi idbar qüruhunu özünə rəfiq edən Bayandur
müsəlmanların mallarını qaərət başladı. Bayandur bir dağa tərəf qaçdı. Hər iki tərəf
döyüşı başladı. O, qaçan vaxt öldürüldü. Xəlil bəy Sufi onun başını dərhal kəsib
bizə gətirdi. Biz bu fəthnaməni sizə göndərdik ki, qoy sizin sevincinizə səbəb
olsun‖.
121
*
Ağkirmanın əsl adı ―Beldorod-Dnestrovski‖ idi ki, Osmanlılar oranı ―Ağakirman‖ adlandırırdılar.
(Bax: Ə. Nəvai, Teymur və şah İsmayıla qədər, səh. 594).
42
Az sonra Gürcüstan vilayətinin özü tərəfindən fəth edilməsi xəbərini də
Rum sultanına bildirən Sultan Yaqub, onun sevincini bir qədər də ―artırdı‖. O, bu
hücumu ―cahad‖ adlandırıdb, gürcülərin ona qarşı müxalifətdə olduqlarını xüsusilə
qeyd edir.
122
Osmanlı sultanları kimi, o da apardığı işğalçılır siyasətinə cahad adı
ilə bir növ bəraət qazandırırdı. Sultan Bayazid dərhal ona cavab məktubu
göndərərək (h. 991-ci il səfər ayının əvvəlləri‖ bu fəth münasibətilə onu təbrik
edir.
123
Sultan Yaqub yalnız II Bayazidlə deyil, onun oğlanlarından ən döyüşkən
Səlimlə də əlaqə saxlayır, onunla məktublaşır. Belə ki, bir müddət Trabzon hakimi
olan şahzadə Səlim özünün təşəbbüsü və təkidi ilə Kəfədə hakim olduqdan dərhal
sonra Sultan Yaqubdan məktub aldı. Məktubda şahzadə Səlimin yeni iş yeri
(təyinatı) ilə əlaqədar yazılmışdır: ―Sultan Səlim şah (halbuki o, hələ şah deyildi –
Ş.F.). Səlim alicənab bizim diyarın yaxınlığında yerləşən əyalətə namizəd təyin
edilmişdir. Yəqin ki, sülh şəraitində yaşayacayıq‖.
124
Məktubu aparan Ağqoyunlu
elçisi Xızır bəyin artıq onun yanına gəlib çatdığını bildirən Səlim Ağqoyunlu
hökmdarını arxayın edir:
―Əbunəsr Sultan Yaqub! Bu tərəf sizə qarşı heç bir naqisliyə yol
verməyəcəkdir. Qoy yazışma qapıları həmişə üzümüzə açıq olsun‖.
125
Doğrudan da
hər iki tərəf yazışmanı davam etdirmiş, Sultan Yaqubla Səlim məktubların birində
göstərildiyi kimi öz ―həqiqi məhəbbətlərini‖ bir-birinə izhar etmişdilər.
126
1490-cı ilin dekabr ayının 24-də (11 səfər 896-cı il) 12 il ağqoyunlu
dövlətinə başçılıq edən Sultan Yaqub gözlənilmədən öldü. Onun vəfatının
təfərrüatı ilə təsvir edən Fəzlullah Xunci bu gözlənilməz ölümün səbəbini qızdırma
xəstəliyində görür.
127
Lakin ondan sonrakı tarixçilər (Həsən bəy Rumlu, Təbrizli
Arakel və başqaları) Sultan Yaqubun sui-qəsd nəticəsində zəhərlənərək ölmüş
olduğunu yazmışlar.
128
Doğrudan da, Həsən bəy Rumlu həmin ölümün səbəbini
aşağıdakı kimi təsvir edir: Yaqubun anası Səlcuqşah bəyim ögey oğlu Məsih
Mirzəni zəhərləmək istəmiş, təsadüfən zəhrə Yaqubun və qardaşı Yusif bəyin
nəsibi olmuş, vəziyyəti belə görən ananın özü də intihar etmişdir.
129
Yaqubun vəfatı və onun yerinə azyaşlı Baysunqur Mirzənin şah olması
Ağqoyunlu – Osmanlı münasibətlərinin davam etməsinə heç bir mənfi təsir
göstərmədi. Yaqub şahın təziyəsi və Baysunqur culusu münasibətilə Rum sultanı
Bayazid dərhal elçi Şeyx Hüseyn ağa vasitəsilə Ağqoyunlu sarayəna məktub
yollayaraq, yeni hökmdarı ―səadətqübab, məmalekpənah, fələkdəstgah,
səltənətşüar, nəticeyi-səlatine-namdar, calese-məsnəde-padşahi...Sultan Baysunqur‖
kimi ibarəli ifadələrlə salamlamış, onun culusunu təbrik etmişdi. Onun həmin
məktubunda gələcəkdə də iki dövlət arasında gediş-gəlişin davam etməsinin
zərurəti xüsusilə qeyd olunurdu.
130
―İndi Həzrət fərzənd gərək bizim atalıq
şəvqətimizin olduqca güclü olduğunu təsəvvür etsin. Vəziyyəti barədə və zəruri
məsələlər haqda yazışma qapılarını açıq saxlasın‖.
131
Tezliklə Sultan Bayazidin
Dostları ilə paylaş: |