39
amirəyə çatdırsın ki, başqa şahzadələr də mürəxxəs ola bilsinlər. Əgər [göstərilən
məbləği] tez göndərməsə, qardaşlarına zərər dəyəcək‖.
104
Osmanlı sultanının sonrakı cümləsindən məlum olur ki, Ruqiyyə xatunun
Osmanlı sarayına göndərdiyi töhfələr içərisində kitablar da olmuşdur. Lakin, onlar
sultanı təmin etməmiş (―həmin kitablardan burada da çoxdur. Az tapılanlardan
göndərin‖), o, əsirlikdə qalan Yusif bəy və Ömər bəy üçün göndəriləcək xunbəha
pulunun miqdarını bir daha xatırlatmışdır: ―Yusif bəy üçün 200 tüməne-Təbrizi və
Ömər bəy üçün 150 tüməne-Təbrizi müqərrərdir‖.
105
Çox keçəndən Ruqiyyə xatun sultanın ikinci məktubunu da alır. Bu
məktubdan aydın olur ki, yuxarıda adları çəkilən üç şahzadədən başqa, Osmanlı
sultanından daha iki əmirzadə (Məhəmməd Bağır və Müzəffər bəy) xüsusunda
xahiş edilibmiş. Sultan Ruqiyyə xatuna Məhəmməd Bağırın vəfat etdiyini
bildirdikdən sonra yazır: ―Zeynal bəy və Müzəffər bəy üçün müqərrər olan
məbləğə göndərsin. Yollandığınız töhfə və hədiyyələrin dəyəri hesablanacaq. Əgər
həmin məbləği göndərə bilməsəniz əmirzadə Zeynalı geri qaytarın, yoxsa əlimizdə
olan qardaş(lar)ına zərər dəyəcək‖.
106
Sultan Məhəmməd Fateh və Ruqiyyə xatun arasında baş verən və
imperiyanın maddi marağının xeyrinə yönələn bu yazışmadan Osmanlı sarayında
əsir alınan şahzadələr üçün təyin olnumuş xunbəha və onun miqdarı məlum olur.
Uzun Həsən Otluqbel məğlubiyyətindən sonra Ağqoyunlu döyüşçülərini
ətraf yerlərə hücumları azalmış, onlar əsasən qonşu xırda dövlətlər üzərinə yürüş
etməklə kifayətlənmişdilər. Uzun Həsənin son yürüşü Gürcüstana 1476-cı ildə (h.
881) etdiyi qəzavat
*
olmuşdur.
Uzun Həsən, mənbələrin məlumatına görə, rəiyyətin qayğısına qalan bir
padşah olmuşdur. O, ―Qanunnamə‖ adlı bir sənəd hazırlamış, rəiyyətdən vergi
yığılarkən feodal və dövlət məmurları tərəfindən sui-istifadə hallarının qarşısını ala
bilməmiş.
107
Uzun Həsənin qanunları Şərqi Anadoluda ―Həsən padşah qanunu‖ adı
ilə məşhur olmuş, oranı ələ keçirən Osmanlılar çox-çox sonralar da həmin
qanunları oralarda tətbiq etmişlər. Bu fakt həmin vilayətlərə aid ola təhrir
dəftərlərinə edilən qeydlərə aid ―müfəssəl təhrir və ovqaf dəftərləri‖ndə ―səbt
olunan‖ qanunlar məhz Uzun Həsənin ―Qanunnamə‖sinə əsasən yazılmışdır.
Fəxrəddin Kırzıoğlunun Türkiyə Baş Vəlakət Arxivi sənədlərinə əsasən nəzərə
çatdırılan qeydində məlum olur ki, Xv əsrin II yarısında Diyarbəkir vilayətində də
yerli xalqın çoxdan bəri alışdığı ―bacü-tamğa‖ vergiləri Uzun Həsəndən qalma,
―Həsən padşah yasaları‖na əsasən toplanırdı. İlk Osmanlı təhrir dəftərinə (h. 924-m.
1518) yazılmışdır. ―Məhsulati-qürra bər movcibe-qanune-osmani və bacü-tamğa
bər mövcibi Həsən padşah‖.
**
Uzun Həsən hakimiyyətə çıxmağa hazır olan beş
*
Müqəddəs yürüş, müharibə.
**
―Şəhər və kəndlərdən yığılan vergilər Osmanlı qanunları bac və tamğa isə Həsən padşah qanunları
əsasında (yığılırdı)‖.
40
oğlu vardı. Böyük oğlu Sultan Xəlil şahlığa ilk namizəd, ikincisi – Maqsud, üçüncü
və bir sıra tarixçilərin yazdığına görə ən layiqlisi Yaqub idi. Dördüncü və beşinci
şahzadələrin adları Yusif və Məsih idi. Fəzlullah ibn Ruzbehan Xuncinin
məlumatına görə, ölüm yatağında olan Uzun Həsən, bu xəbəri eşidib Şirazdan
gələn böyük oğlu Xəlilə taxta əyləşməyi məsləhət bilməmiş, bu yüksək vəzifəni
Yaquba vəsiyyət etmişdir.
108
Amma Uzun Həsən vəfat edən kimi Təbriz taxtına
məhz Sultan Xəlil əyləşmiş, Uzun Həsənin ölümün və özünün Ağqoyunlu taxtına
əyləşmə xəbərini rəsmən bildirmək üçün Qazi Əlaəddin Beyhəqini İstanbula – II
Qazi Məhəmməd Ruminin (Sultan Məhəmməd Fatehin – Ş.F.) yanına
yollamışdı.
109
Amma hadisələr Yaqubun xeyrinə cərəyan etməkdi idi. Çünki şahzadələrin
bəziləri (Yusif, Murad ibn Cahangir, İbrahim ibn Cahangir) və ən əsası isə əlində
böyük imkan və qüdrəti olan məlikül-üməra Süleyman bəy ibn Bicən Sultan Xəlilə
qarşı idilər.
110
Fəzlullah ibn Ruzbehan Xuncinin məlumatına görə, Uzun Həsənin
vəfatından sonra (5 yanvar 1478) şahzadə və əmirlər hakimiyyətin Sultan Yaquba
veriləcəyini gözləyir və Xəlilə etimad etmirdilər.
111
lakin bu belə deyildi.
Uzun Həsən vəfatı ilə əlaqədar dövlət daxilində bir-birinə əks olan
qüvvələrin qruplaşması başlandı, amma özünə tərəfdar olan əmirlərin və dövlət
başçılarının fəal köməyi sayəsində, məlum olduğu kimi, səltənət taxtına böyük
şahzadə Sultan Xəlil əyləşdi.
112
O, Diyarbəkiri qardaşı Yaquba verib, həbsdə olan
digər qardaşı Maqsud bəyi qətlə yetirdikdən sonra, Türkiyə ilə münasibətləri
yaxınlaşdırmaq məqsədi ilə oraya elçi heyəti göndərmişdi.
113
15 iyul 1478-ci ildə (14 rəbius-sani 883) Mərənd yaxınlığında iki şahzadə
arasında həlledici döyüş başladı. Xəlil məğlub edildi və Ağqoyunlu taxtına Sultan
Yaqub əyləşdi.
114
Yeni Ağqoyunlu hökmdarının 12 illik hakimiyyəti dövründə Osmanlılarla
açıq-aşkar düşmənçilik etmək, onlara pis münasibəti nümayiş etdirmək meyli
aradan çıxmış, Sultan Yaqub və Fateh arasında yazışmalar və elçi get-gəli normal
vəziyyətə düşmüşdü. Lakin bir sıra başqa ölkələrin dövlət başçıları Ağqoyunlu-
Osmanlı münasibətlərində uzun illərdən bəri yaranmış soyuqluğu istifadə etməyə
cəhd göstərirdilər. Öz məlum əsərində 1486 (h. 891)-ci il hadisələrini şərh edən
Fəzlullah ibn Ruzbehan Xuncinin məlumatına görə həmin il sultan Yaqub rəcəb
ayının ortalarında (iyul) Təbriz yaxınlığında, Səhənd dağında istirahət edərkən,
onun yanına Misir Sultanı Qayıtbəyin elçisi Qanum Şərbətdar gəlmiş və ona bir
―dostluq məktubu‖ gətirmişdi. Həmin məktubda rumlular üzərinə çalınan ―xoş
Misir xəbəri‖ndən söhbət gedir. Sultan Yaqub məktubda verilən xəbərdən çox
sevinmiş, məhşur vəziri Qazi Səfiəddin İsa Savəci vasitəsilə Qayıtbəyə dərhal
cavab məktubu yazdırmışdı. Sultan Yaqub Misir sultanına vəd etmişdi ki, gələn il
öz səfirini Misirə yollayacaq.
115
Dostları ilə paylaş: |