83
olmuşdu. Ona pis, ögey qardaşı Səlimə isə yaxşı münasibətdən narazı qalan
Bayazid ―Mənim padşahım, mənim dövlətim, mənim sultanım‖ deyə müraciət
etdiyi atasına ―Ankaradan məni Çoruma göndərdin vəziyyətim çox pisdir.
İnsafdırmı ki, mən Ankaradan belə bir yerə gəlim, amma Səlim xan Bursada
qalsın?‖ yazaraq tez-tez şikayətlənirdi.
***
Nəhayət, belə vəziyyət böyük narazılığa
səbəb oldu və Konya yaxınlığında baş verən döyüşdə, Sultan Səlim qardaşına qalib
gəldi (h. 966-cı ilin şəban ayı; m. 1559-cu ilin iyunu). Çarəsiz qalan Sultan
Bayazid oğlanları Urxan, Osman, Mahmud
****
və Abdulla ilə Səfəvi dövlətinə üz
tutdu. Onun 10-12 min əsgərdən ibarət böyük ordusu da sərhədi keçərək, onunla
birlikdə Şah Təhmasibin yanına yollandı.
Qeyd etmək lazımdır ki, Sultan Bayazid Osmanlı torpağından qaçmazdan
əvvəl sığınacaq barədə Şah Təhmasibə məktub yazaraq, onun razılığını almışdı.
Belə bir fürsutin ələ düşməyindən sevinən Səfəvi hökmdarı özünün gələcək
planları naminə (əvvəllər qızılbaşların hakimiyyəti altında olan Bağdadın yenidən
onlara qaytarılması, Kərbəlanın şiə məzarları üzərində nəzarətin qızılbaş
seyidlərinə tapşırılması, xüsusilə, bu işdən çoxlu var-dövlət əldə edilməsi) dərhal
Osmanlı şahzadəsinin məktubuna cavab yazır: ―sizin məhəbbətlə dolu naməniz
şadlığımızı artırdı. Gəlişinizlə əlaqədar vilayətdə çaxnaşma olmamasından ötrü
fərman verildi ki, Şahqulu Sultan Ustaclı...Naxçıvana getsin [həmçinin] sizi
qarşılamaq üçün Azərbaycan vəziri Ətaullanın adına bir fərman göndərdim ki, o,
Naxçıvanda zəruri işlərlə məşğul olsun. O, sizinlə və sizin adamlarınızla birlikdə
darüs-səltənəyə (Təbrizə - Ş.F.) gedəcəkdir. Darüs-səltənədə isə, bizim
mehmandarımız sizin xidmətinizə yetəcəkdir. O yerlərin imarət, ev və bağ-bağatını
seyr etdikdən sonra bizim səltənət paytaxtımıza gələcəksiniz. [Təbriz] darüs-
səltənəsindən çıxandan sonra sizi istiqbal etmək üçün dövlət başçıları və əyanlar də
dəstə-dəstə önünüzə çıxacaqlar. İnşallah o həzrət (Sultan Bayazid – Ş. F.) böyük
ehtiramla yanımıza gələcəkdir. Sizə köməklikdə heç nədən heç bir vəchlə
müzayiqə olunmayacaqdır‖.
140
Bu məktubun sonrakı cümləsi Şah Təhmasibin əvvəlcə bu məsələyə
ehtiyatla yanaşdığını göstərir və məlum olur ki, Osmanlı şahzadələri arasında
ixtilafdan xəbərdar olan Səfəvi hökmdarı, Bayaziddən rəsmi rica gözləyirmiş.
―Sizin naməniz gəlməzdən əvvəl bir qədər tərəddüd edirdim. Məktubunuzu
alandan sonar biz də o səltənətpənahı (Sultan Bayazidi - Ş. F.) özümüzün izzətli və
əziz fərzəndi etdik‖.
141
Sultan Bayazidin fərar xəbərinin eşidən Sultan Süleyman dərhal Ərdəhan
sancaqbəyisi Sənanı Səfəvi sarayına yollayaraq ―bədxasiyyət‖ oğlunun ona
***
İstanbulun Topqapı muzeyində Sultan Bayazidin atasına öz əli ilə yazdığı 23 məktub
saxlanılmaqdadır.
****
Urxan-Çorum sancaqbəyisi, Osman-Şərqi Qarahisar sancaq bəyisi, Mahmud-Canik sancaqbəyisi idi.
84
sığınacağı təqdirdə, bu hadisənin ―məmləkət rəiyyətinə əzab-əziyyət
verməməsindən ötrü‖ geri qaytarılmasını xahiş edir. Zahirən xahiş kimi görünən
həmin məktub tələbi xatırladır. Orada 1555-ci il ―əhdnamə‖si də yada salınır
(―aramızda bağlanmış məhəbbət və sədaqət sazişi‖), aradakı sülhün pozula biləcəyi
ehtimalına işarə edilir.
Sultan Bayazidin Səfəvi dövlətinə sığınması və üç ilə yaxın orada yaşaması
barədə o dövrün müəllifləri Qazi Əhməd Qəffari, Qazi Əhməd Qumi, Həsən bəy
Rumlu, İsgəndər bəy Münşi, Mustafa Ali, Sarı Abdulla Əfəndi, Busbeq, Hammer
və başqaları ətraflı məlumat vermişlər. Elə Şah Təhmasibin özü də ―Təzkirə‖
əsərində bu məsələnin baş verməsini və ona münasibətini belə bildirir: ―Sultan
Bayazid Amasyada qoşun toplayır ki, qardaşı Sultan Səlimlə döyüşsün. Öz-özümə
deyirdim ki, onların nə həddi var ki, həzrət xandgar sağ-salamat taxtda əyləşdiyi
halda bir-birləri ilə [taxt üstündə] döyüşələr? Yadigar bəy Pazukinin yanına adam
yollayıb, sərhədlərdə bunun öyrənilməsini tapşırdım. Onun casus və mülazimləri
gəlib, Sultan Bayazidlə birlikdə olan Əlqasın iki mülazimini də özləri ilə
gətirdilər‖.
142
Sonra qardaşlar arasında Konyada baş vermiş döyüş və Bayazidin
məğlubiyyətindən bəhs edən Şah Təhmasib məğlubiyyətə uğrayan şahzadənin
onun yanına adam yollayaraq, 1500 tümən qızıl pul istədiyini və həmin borsu
―atasının taxtını tutandan sonra qaytaracağını‖ vəd etdiyini bildirir: ―Mən bu
sözlərdən təəccüblənib dedim ki, bu adam Əlqasdan da ağılsızdır. Əvvəla, ona görə
ki, mən həzrət xandgarla uzun müddətdir ki, sülh etmişəm. Niyə sənə borc qızıl
verim? Bundan başqa, sən məgər 1500 tümənlə xandgarla düşmənçilik edə
bilərsənmi?‖.
143
Sonra Şah Təhmasib şahzadə Bayazidə öz ölkəsində sığınacaq verdiyini
əsaslandırmağa çalışır. O, Sultan Süleymana göndərdiyi bir məktubda Sultan
Bayazidi hələlik Osmanlı sarayına göndərə bilməyəcəyini açıq-aşkar bildirir və
şahzadə Mustafanın Sultan Süleyman tərəfindən öldürüldüyünü bir daha xatırladır:
―O şahzadə (yəni Sultan Bayazid - Ş. F.) torpaqlarımızın yaxınlığına görə
özünü bu diyara atmış və məhəbbət və dostluğumuzun möhkəmlənməsi qayda-
qanunu əsasında bizi (yəni Şah Təhmasibi - Ş. F.) tövbə etmək və üzr istəmək üçün
bir vasitə bilmişdir. O şahzadənin vəziyyət [kitabının] səhifələrindən peşmançılıq
oxunmaqdadır. Amma o deyir ki, əgər məni o tərəfə yollasanız, [atam] məni də
Sultan Mustafa kimi qətlə yetirəcək və mənim qanım sizin boynunuzda qalacaqdır.
Məhz buna görə də, bu sədaqətli dost onun geri göndərilməsini dayandırdı‖.
144
Beləliklə, ―sədaqətli dost‖un naməsindən bilinir ki, Şah Təhmasib Osmanlı
sarayında baş verən hadisələrdən vaxtaşırı hali olmuşdur. ―Təzkirə‖sində Şah
Təhmasib Osmanlı şahzadəsinə öz ölkəsində yer verməyəcəyi təqdirdə, onun qaçıb
başqa bir ölkəyə getmək ehtimalına işarə edib yazır: ―Mən əmirlərə dedim ki, o,
bizim ölkəyə gəldiyi üçün onu başqa yerə getməyə qoymaq olmaz. Əgər belə olsa,
xandgar buna pis baxa bilər‖.
145
Demək, Şah Təhmasib şahzadəyə sığınacaq
Dostları ilə paylaş: |