Azərbaycan xalq cümhuriYYƏTİNİn keçİRİLMƏSİ ÜZRƏ DÖVLƏt komiSSİyasi
Yüklə 5,97 Mb. Pdf görüntüsü
|
118
Əbdüləli bəy Əmircanov - Mən Parlamana ərz eylədim ki, ayda xəzinəyə 20 milyon təfavüt eyləyir. Martdan verilsə 80 milyon, maydan verilsə 40 milyon edir. Bunu qəbul edə bilərik. Xəzinəmiz bu qədər pulu verə bilməz. Bu məsələ komisyonda müzakirə edildikdə maliyyə nazirinin nümayəndəsi də var idi. Maliyyə naziri nümayəndəsi razı olmamağı rica eylədi. Rəis - Təkliflər qəbul edilmədiyi üçün ayrı-ayrı səsə qoyacağam. Əvvəl Kravçenkonun təklifi martın birindən, kim qəbul edirsə, rica edirəm əlini qaldırsın. (Əllər qalxır). Kim bunun əleyhinədir? (Əllər qalxır). Səs verməyənlər? (Əllər qalxır). Rica edirəm? Hamı səs versin, səsdə iştirak eyləməyənlər vardır. Təkrarən səsə qoyuram. Kim təklifə tərəfdardırsa, rica edirəm əlini qaldırsın? (Əllər qalxır). Kim bunun əleyhinədir? (Əllər qalxır). Kim səs verməyib? (Əllər qalxır). Lehinə 13, əleyhinə-27, səs verməyən-2. Əksəriyyət ilə təklif qəbul edilmir. İkinci Xocayevin təklifini səsə qoyuram. Mayın birindən. Kim bu təklifi qəbul edirsə, rica edirəm əlin qaldırsın. (Əllər qalxır). Kim bunun əleyhinədir? (Əllər qalxır). Kim səs verməyib? (Əllər qalxır). Lehinə-14, əleyhinə-27, səs verməyən-2. Əksəriyyət rəylə bu təklif də qəbul edilmir. Rəis - 10-cu maddəni komisyonun tərtibi üzərinə səsə qoyuram. Kim qəbul edir, rica edirəm əllərini qaldırsın, kim əleyhinədir? Kim səs verməyir? 30 ləhinə, 6 əleyhinə, 4 səs verməyən. Əksəriyyət rəylə 10-cu bab komisyonun qərarilə qəbul edilir. On birinci maddəni oxuyunuz. Katib Bayram Niyazi - Oxuyur. Rəis - 2-ci bab xüsusunda kim danışmaq istərdi. Danışmaq istəyən yoxsa, səsə qoyuram. Etiraz edən yoxdur ki? Etiraz edən olmadığı üçün qəbul edilir. Şimdi layiheyi-qanuniyyənin üçüncü babına keçirəm. Bunu da qurtaram, sonra tənəffüs elan edəcəyəm, rica edirəm çıxmayasınız, səsə qoyuram, oxuyunuz. Katib - Oxuyur. Rəis - (Zəngi çalır). Rica edirəm danışmayasınız, xüsusi söhbətləri buraxasanız. Şəfi bəy, rica edirəm əyləşəsiniz, əksəriyyət olmayır. (Kyüsterə) Get çağır, əvvəlinci babın üçüncü qiraətini səsə qoyuram. Etiraz yoxmudur. Əvvəlinci bab qəbul edilir. İkinci babı oxuyunuz. Katib - İkinci babı oxuyur. Rəis - İkinci babı səsə qoyuram. Etiraz yoxmu? İkinci bab qəbul edilir. Üçüncü babı oxuyunuz. Katib - Üçüncü babı oxuyur. Rəis - Üçüncü baba etiraz yoxmu? Üçüncü bab etiraz olmadığından qəbul olunur. Dördüncü babı oxuyunuz. Katib - Oxuyur. Rəis - Dördüncü baba etiraz yoxmudur? Dördüncü bab əksəriyyət rəylə qəbul edilir. Beşinci babı oxuyunuz. 119
Katib - Oxuyur. Rəis - Beşinci baba etiraz yoxmu? Etiraz olmadığından beşinci bab bərabər qəbul olunur. Rəis - Altıncı babı oxuyunuz. Katib - Altıncı babı oxuyur. Rəis - Altıncı baba etiraz yoxdur ki? Etiraz olmadığından altıncı bab qəbul edilir. Yeddinci babı oxuyunuz. Katib - Oxuyur 7-ci babı. Rois - Yeddinci baba etiraz yoxdur ki, etiraz olmadığından 7-ci bab qəbul edilir. Səkkizinci babı oxuyun. Katib - Səkkizinci babı oxuyur. Rəis - 8-ci maddəyə etiraz yoxsa, qəbul edilir. 9-cunu oxuyunuz. Katib - 9-cu maddəni oxuyur. Rəis - 9-cu maddəyə etiraz yoxsa, qəbul olunur. 10-cunu oxuyunuz. Katib - 10-cu maddəni oxuyur. Rəis - 10-cu maddəyə etiraz yoxsa, qəbul olunur. 11-vini oxuyunuz. Katib - 11-ci maddəni oxuyur. Rəis - 11-ci maddəyə etiraz yoxsa qəbul edilir. Layihəyi-qanuniyyə Parlaman tərəfindən qəbul edildiyini səsə qoyuram, Etiraz yoxmu? Qanun layihəsi müttəhidül-rəy qəbul edilir. Bir arzu da varid olmuşdur. Məzmunu böylədir. hökumət məmurlarına birinci zəruri şeyləri imdikindən daha ucuz qiymətlə vermək üçün, hökumət lazım gələn tədbirat əxz etməlidir. Əgər etiraz yoxsa, qəbul edilir. 5 dəqiqə tənəffüs elan edirəm. Tənəffüsdən sonra Sədr - Həsən bəy Ağayev. Katib - Məmməd Niyazi Kiçikxanov. Rəis - İclas dəvam edir, növbədəki məsələ keçən şənbə günü qəbul edilən qanun layihəsidir, 6 dənədir. Əvvəlinci tövcü vergisini artırmaq ilə bərabər topraq vergisi qeydi xüsusunda olan qanun layihəsinin 3-cü qiraət var. Oxuyunuz. Katib - Oxuyur. Rəis - Birinci maddə xüsusunda etiraz yoxdurmu? Etiraz olmadığından qəbul olunur. 2-ci maddəni oxuyunuz. Katib - 2-ci maddəni oxuyur. . Rəis - 2-ci maddə xüsusunda kim danışmaq istəyir? Etiraz yoxdur, 2-ci maddə qəbul olunur. 3-cünü oxuyunuz. Katib - 3-cü maddəni oxuyur. Rəis - 3-cü maddə xüsusunda kim danışmaq istəyir. Etiraz yoxsa qəbul olunur. 4-cünü oxuyunuz. Katib - Oxuyur.
120
Rəis - 4-cü maddə xüsusunda kim danışmaq istəyir. Etiraz yoxdursa, səsə qoyuram. 4-cü maddə qəbul olunur. Qanun layihəsini tamamilə səsə qoyuram, etiraz yoxdur? Qanun layihəsi təmamilə qəbul olunur. Növbədəki məsələ əyləncə yerlərindən alınan vergi barəsindədir. (Rusca). Oxuyunuz. Katib - Oxuyur. Rəis - Oxunan maddəyə etiraz yoxdur? Etiraz olmadığından 1 maddədən ibarət qanun layihəsi qəbul olunur. (Rusca). Bu layihə münasibətilə Parlaman üzvü Malxazov tərəfindən böylə bir arzu edilibdir. Əyləncə yerlərindən alınan naloq artıq olmağı cəhətindən, bunun az olmağı üçün hökumətə Parlaman təklif edir ki, bu yaxınlarda yeni bir qanun layihəsi düzəltsin. Etiraz yoxdur. Arzu qəbul edilir. Layiheyi-qanuniyyəni təmamilə səsə qoyuram. Etiraz yoxdur, qəbul edilir. Növbədəki məsələ Bakı xəzinə müdir müavininin vəzifəsinin ləğvi xüsusundakı qanun layihəsinin 3-cü qiraəti (Rusca) oxuyunuz. Katib - Oxuyur. Rəis - Buna etiraz yoxdurmu. Etiraz olmadığından 1 maddədən ibarət qanun layihəsi qəbul olunur. Qanun layihəsini təmamilə səsə qoyuram. Etiraz yoxdur. Qanun layihəsi təmamilə qəbul edilir. Rəis - Növbədəki məsələ dövləti gəlir vergisinin xüsusunda qəvaidin 45- 46 maddələrinin təğyir və təbdili haqqında qanun layihəsidir. Kiçikxanov - Oxuyur. Rəis - 45-46-cı maddələrin təğyiri və təbdili xüsusunda etiraz yoxdur ki, 45-46 maddələr etiraz olmadığından qəbul edilir. Layihəyi-qaiuniyyəyi təmamən səsə qoyuram. Buna etiraz yoxdur ki? Etiraz olmadığından layiheyi-qanuniyyə təmamən qəbul edilir. Növbədəki məhkəmeyi-hərbiyyə qanununun 15-ci maddəsi təğyir və təbdili haqqında layiheyi-qanuniyyə 3-cü qiraəti, oxuyunuz. Kiçikxanov - Oxuyur. Rəis – Məhkəməyi-hərbiyyə qanununun 15-ci maddəsinə komisyon təklif edən kimi etiraz yoxdur ki? Etiraz olmadığından qəbul olunur. Qanunu təmamən səsə qoyuram. Buna etiraz yoxdur ki? Etiraz olmadığından qəbul olunur. Növbədəki dövlət varidatı alınmaq üçün əhali malını siyahi edib satılmaqdan ötrü qanun layihəsini oxuyunuz. Kiçikxanov - Oxuyur. Rəis - Birinci maddə xüsusunda kim danışmaq istərdi? Danışmaq istəyən olmadığından səsə qoyuram. Birinci maddəyə etiraz yoxdur ki? Etiraz olmadığından birinci maddə qəbul edilir, 2-cini oxuyunuz. Kiçikxanov - 2-ci maddəni oxuyur. Rəis - 2-ci maddəyə etiraz yoxdur ki? Etiraz olmadığından qəbul olunur. 3-cünü oxuyunuz. Kiçikxanov - 3-cünü oxuyur.
Yüklə 5,97 Mb. Dostları ilə paylaş:
|