110
deyildir. Millətin minlərcə övladına heç bir təcrübə və məlumat sahibi olmayan
kimsənin əlinə tapşırmaq olmaz.
Fəqət müstəsna olaraq əlində şəhadətnaməsi olmayanlar da pək eyi xidmət
edə bilərlər. Məəmafiyə hər məktəbin dərəcəsinə görə umumi məlumatları cəm
etmiş, sahibi ixtisa müəllimlər lazımdır. Məsələn, bir müəllim yalnız türk dili dərsi
verir və digər elmlərdən bixəbər olursa təbii, yaxşı uşaqları yetişdirə biləməz. Bu
xüsus üçün hər halda əhliyyət naməyi aramaq, hər halda bir fərq qoymaq lazımdır.
Əgər bu fərq qoyulmazsa, heç bir şey bilməyən bir şəxs də müəllim olar, bu
mövqei əldə edəndən sonra heç çalışmaz və məlumatının da artmasını da arzu
etməz. Bizə pedaqojiyə aşina, yaxşı müəllim lazımdır ki, həmin o şəxslər həm
cocuqları ömrü olduqca dərs öyrənsin, bir tərəfdən də əz məlumatını yüksəltsin.
Ona görə Mehdi bəyin təklifini qəbul edər, beş il qulluq etmiş müəllimlərə zəmm
maaş olmasını qəbul və bu xüsusda şəhadətnamənin pək artıq olduğunu bildirirəm.
Rəis - Muxtar Əfəndizadə.
Muxtar Əfəndizadə - Mən heç danışmaq istəmirdim. Ancaq bircə şeyi
xatirə salmaq üçün buraya çıxdıq. Siz bilirsiniz ki, biz ancaq maaş barəsində
danışdıq, müəllimlərin acınacaqlı hallarından danışmadıq və həmçinin onların
əhəmiyyəti barəsində danışmaq artıqdır. Təyin xüsusunda məarif naziri vardır.
Onların hər bir işi barəsində onların qeydinə qalacaqdır. Əlbəttə bir şəxs ki,
müəllim olur və onu bir dəfə təyin eyləyirlər tamam oldu getdi. Sonra, Ağa Aşurov
deyir ki, hər küçədən gedəni götürüb müəllim eyləmək olmaz, madam ki, müəllim
qəbul edilir, məsuliyyət təmamilə məarif nazirinə düşür. Qısa demək istəyirəm ki,
mən də Mehdi bəyin təklifinə şərikəm.
Rəis - sırada danışan olmadığından son sözü məruzəçi Abduləli bəyə
verirəm.
Abduləli bəy - Mən öylə bilirəm ki, müəllimlikdə qalsalar daha yaxşı olar.
Rəis - Təkliflər necəki vardır, olubdur, öylə səsə qoyuram. Birinci təklif
Mehdi bəy Hacınskinindir ki, təklif edilir 5 illik müəllimlik etdikdən sonra 13-cü
sinfə daxil olsun. Mustafa Mahmudov (yerindən) – Po povodu qolosovaniya.
Mustafa Mahmudov - Əfəndilər. Bu təklif heç gərək səsə qoyulmasın, çünkü səsə o
şeyi qoyarlar ki, onun qabağında qeyri bir təklif olar. Deyirlər ki, 15 il təcrübəsi
olanları sinfə daxil olsunlar. Bəli, bizim məktəbə daxil olanların çoxu senzidə»
çünkü məktəblərimiz tamam 9 aydır ki, milliləşibdir, ona görə bu təklifi 5 il
təcrübəsi oluban deyib qoymaq doğru deyil. Təvəqqe edirəm rədd olunsun.
Rəis - Söz verirəm. Vanseviçə.
Vanseviç - (Rusca).
Rəis - İkinci təklif Mustafa bəy Mahmudovundur. Təklif edir ki, xalq
müəllimləri qeyri müəllimlər ilə müsavi olub, 15-dən 13-cü sinfə keçirilsin.
Üçüncü təklif Muxtar Əfəndizadənindir ki, xalq müəllimləri təyin olunan gündən
111
hüquq və maaşları müsavi olsun. Hüququ səsə qoya bilmərəm, əvvəl Mehdi bəy
Hacınskinin təklifini səsə qoyuram. Kim səs verir, təvəqqe edirəm əl qaldırsın.
Kim əleyhinə? Kim səs verməyibdir? Lehinə 8, əleyhinə 28, səs verməyən 5.
Əksəriyyət rəy ilə təklif qəbul edilmir.
Mustafa Mahmudovun təklifini səsə qoyuram. Kim səs verir, təvəqqe
edirəm əlini qaldırsın. Lehinə 29, əleyhinə 9, səs verməyən 5. Əksəriyyət rəy ilə
qəbul edilir. Xalq müəllimləri maaşca müsavi olaraq 13-cü sinfə daxil olurlar. 13-
cü dərəcəni tamamilə səsə qoyuram. 13-cü dərəcə təshihi ilə qəbul edilir.
Katib - Oxuyur.
Rəis - Etiraz yoxdur. Qəbul edilir.
Mehdi bəy - 14-cü dərəcəni oxuyur.
Rəis - 14-cü dərəcə xüsusunda kim danışmaq istərdi? Danışmaq istəyən
yoxsa səsə qoyuram. 14-cü dərəcəyə komisyonun təshihi bərabər etiraz yoxdur ki?
Etiraz olmadığından 14-cü maddə təshih ilə qəbul olunur. Müsaidə ediniz bu gün,
bununla iclası qapayaq. Gələcək iclas sabah yoxdur, o biri gün olacaq, sabah cümə
olduğundan məmurların tətil etdiyinə görə dəvətnamə göndərilməyəcəkdir. Nakaz
üzrə gələcək yomiyyə müzakiratını oxuyuram. Oxuyacağım yomiyyəyi müzakirat
eynilə bu gün oxunan yomiyyəyi müzakiratdır. Bu şərtlə ki, bu günkü məsələ
gələcək iclasda birinci iclasda olsun. Buna etiraz yoxdur, qəbul olunur.
İclas qapanır saat 3 06 dəqiqədə. Arxiv, f. 895, siy. I, iş 112, vər 1-10.
№78
Yetmiş səkkizinci iclas
27 sentyabr 1919-cu il
Rəis - Həsən bəy Ağayev. Katib - Mehdi bəy Hacınski.
Rəis - İclas açılır. Bu günkü yomiyyəyi-müzakirat necə ki, fikrinizdədir,
keçən dəfə qəbul olmuşdu, ancaq bir para daxil olmuş kağızlar var ki, onları
oxuyacağam. Bir də keçən şənbə qəbul olduğu kimi bir para natamam qalmış
xırda-para qanunların 3-cü qiraətinə şüru olunacaq. Daxil olan kağızlardan birincisi
Cavad uyezdindən Müseyyib Axisanovun Parlamana üzv intixab olması
barəsindədir, verilir mandat komisyonuna, bir də maliyyə naziri tərəfindən tənbəki
aksız vergisinin təğyiri haqqında qanun layihəsidir, verilir lavəyehi-qanuniyyə
komisyonuna; 3-cüsü ləvayehi-qanuniyyə komisyonundan böylə bir məktub
gəlmişdir. (Oxuyur).
"Azərbaycan Məclisi-Məbusan rəisi həzrətlərinə, ləvayehi-qanuniyyə
komisyonunun həmin sənə 19 sentyabr tarixli iclasının qərarına istinadən ləvayehi-
qanuniyyə komisyonunun türkcə bilən yeni əza ilə təşkil edilməsi və yaxud
komisyonun mövcud əzasına məclisi-məbusanın ləyiheyi-qanuniyyə haqqında