Azərbaycan xalq cümhuriYYƏTİNİn keçİRİLMƏSİ ÜZRƏ DÖVLƏt komiSSİyasi
Yüklə 5,97 Mb. Pdf görüntüsü
|
112
rusca məruzədə bulunmağın müsaidə edilməsi xüsusunda tədbir buyurmağınızı istirham edirəm. Həmin iclas məzbətəsindən dəxi hüzuri-alilərinə təqdim edirəm əfəndim. Bu məktub xüsusunda kim danışmaq istərdi. Mehdi bəy. Mehdi bəy Hacınski - Mən komisya tərəfindən ərzi-hal etməyə məcburam. Ləvayehi-qanuniyyə komisyonunda türkcə bilən 3 nəfərdir. Bəzi firqə əzası heç gəlmirlər, qanunlara ancaq 2-3 nəfər üzv baxır. Təvəqqe olunur ki, türk dili bilən üzvlər intixabi üçün tədbirlər görəsiniz. Rəis - Divani-rəyasət rica edir, məzkur komisyona tənəffüsdə namizədlər göstərəsiniz. Səslər - Neçə namizəd olacaq. Rəis - 2-3 nəfər, çünkü, deyirlər ki, bəziləri gəlmir. Növbədəki məsələ hökumət məmurlarının məaşı haqqındadır. 15-ci dərəcəni oxuyunuz. Mehdi bəy - 15-ci dərəcəni komisyon əlavəsilə bərabər oxuyur. Rəis - 15-ci dərəcə xüsusunda kim danışmaq istərdi? Kiçikxanov. Kiçikxanov - Danışmaq istəyirəm. Rəis - Keçən dəfə qərar verilmişdir ki, bu cədvəldə olan xalq müəllimləri çıxarılıb, 13-cü dərəcəyə daxil olsunlar, sonra bu cədvəl barəsində Abdulla bəy Əfəndizadə tərəfindən böylə bir təklif varid olmuşdur. "17 və 18-ci dərəcələr ləğv edilib, onlar 15-ci dərəcəyə daxil olsunlar. Təklif xüsusunda kim danışmaq istərdi? Malxazov Arşaq. Malxazov - Rusca. Rəis - Daha kim bu xüsusda danışmaq istərdi? Ağa Aşurov. Ağa Aşurov - Qabaqcadan mən ərz etdim ki, mən bilən bu maaşların artırılmasında iki mülahizə var. Birisi maaşları artırmaq; digəri qulluqları birləşdirmək. Mənə cavab verdilər ki, böylə deyil: Bu layihədən məqsəd o qulluqçular ki, bir yerdə xidmət edirlər, onların maaşlarını bir etməkdir. Amma indi görürük ki, böylə deyildir. Burada bir çox siniflərlə qulluqçuları ayırırlar, deyirlər qulluqçuları 18 sinfə bölmüşük. Hələ 18 sinfin az olduğunu da söylədilər. Çünkü, guya dəmiryolunda 25-26 sinif varmış, ona görə 18 çox deyilmiş; mən bilmirəm bir ay çalışmış olan komisyon hangi əsas ilə 18 sinfə ayırmışdır. Nə üçün 20 ya 16 sinif olmasın? Bir də burada təklif etdilər ki, 17 və 18 siniflər ləğv edilib, məmurları 15 və 16-cı siniflərə daxil edilsinlər, 17 və 18-ci sinif məmurlarının maaşı ostrojkalara felən onlara verilsin. Mən buna da razı deyiləm; madam ki, o halda siz ostrojkaları məmurlar ilə bərabər dərəcəyə qoymuş olarsınız. Bundan böylə çıxır ki, neçə illər zəhmət çəkib oxumuş adamlar ilə heç zəhmət çəkməyənləri də bərabər qoyursunuz. Bir də bilmək istərdim ki, bu iki sinfin əksildilməsi dövlət xəzinəsinə ayda nə qədər nəzarətdən, edər? Bunu bilmədən heç vaxt əksiltmək olmaz. 113
Rəis - sırada natiq olmadığından, son söz məruzəçinindir. Abdulla bəy Əmircanov - Maliyyə-büdcə komisyonu hər nəzarətdən nümayəndələr çağırıb, bu layihəni 15 iclasda müzakirə etmişdir. İclasda bəzi nəzarətlərin nümayəndələri 27-28 sinfə ayırmaq tərəfdarı olmuşlardır. Çünkü bir çox məmuriyyətlər var ki, onları yoğurub bir yerə yığmaq çətin olur. Bu xüsusda bir çox müzakirədən sonra, ümumiyyətlə 18 sinfə qərar verildi. Çünkü idarələrdə xidmətçilərin işi cürbəcürdür. Bu surətdə böylə bilirəm ki, siniflərin əksilməsi təklifi artıqdır. Rəis - Abdulla bəyin təklifini səsə qoyuram. Təklifin məzmunu budur ki, 17 və 18-ci sinif ləğv edilsin. Onlara mənsub olan məmurlar 15 və 16-cı siniflərə daxil edilsin və onların maaşı sinif xaricindəki qulluqçulara verilsin. Kim bu təklifi qəbul edir, rica edirəm əlini qaldırsın. Kim bunun əleyhinədir? Kim səs vermiyir? Lehinə 10, əleyhinə 27, səs verməyən 4. Əksəriyyət rəy ilə təklif rədd edilir. Kim 15-ci cədvəli qəbul edir, rica edirəm əlini qaldırsın. Əksəriyyət rəylə 15-ci cədvəl qəbul edilir. 16-cı cədvəli oxuyunuz. Katib - 16-cı sinfi oxumaqda dəvam edir. Rəis - 16-cı sinif xüsusunda kim danışmaq istərdi? Söz Bayram Niyazi Kiçikxanovundur. Kiçikxanov - Burada belədir ki, məhkəməyi-şəriyyə əzaları 15-ci dərəcədə idi; Parlamanın qərarı ilə onlar 8-ci sinfə yazıldı. Məhkəməyi-şəriyyə kargüzarı 16- cı dərəcədədir. Mən təklif edirəm ki, kargüzarı 10-cuya, katibləri isə 13-cü sinfə gətirəsiniz. Rəis - Daha kim danışmaq istərdi? Son söz məruzəçinindir. Abduləli bəy Əmircanov - Doğrudan da Zaqatala məhkəməyi-şəriyyə üzvləri 15-ci sinifdən 8-ciyə keçirildi; böylə olan surətdə kargüzarlar və katiblərin maaşını artırmaq lazım gəlir. Ancaq komisyon bilmir ki, onların nə qədər işləri vardır.
Rəis - Bu məzmunda təklif varid olmuşdur. Zaqatala məhkəməyi-şəriyyə kargüzarı 10-cuya, katibləri isə 13-cü sinfə daxil edilsin. Təklifi səsə qoyuram. Kim təklifi qəbul edir, rica edirəm əlini qaldırsın (Əllər qalxır). Kim bunun əleyhinədir? (Əllər qalxır). Kim səs verməyib? (Əllər qalxır). Lehinə 33, əleyhinə 5, səs verməyən 4. Əksəriyyət ilə təklif qəbul edilir. 16-cı sinfi səsə qoyuram. Kim qəbul edirsə, rica edirəm əlin qaldırsın. (Əllər qalxır). Əksəriyyət rəy ilə 16-cı sinif komisyon qərarı üzrə qəbul edilir. 17-ci sinfi oxuyunuz. Katib - 16-cıya prim var. Rəis - Oxuyunuz 16-cı primi. Katib - 16-cı sinif primi oxuyur. 114
Rəis - Bu xüsusda kim danışmaq istərdi? 16-cı prim müəyyən ikinci sırada olanlar. Danışan yoxsa, səsə qoyuram. Etiraz yoxdur? Etiraz yoxdursa, 16-cı sinfin primi qəbul edilir. (Katibə). 17-ci sinfi oxuyunuz. Katib - 17-ci sinfi oxuyur. Katib - Komisyonun əlavəsi 17-ci sinfə aşağıdan yuxarı gəlib (oxuyur). Rəis - 17-ci sinif xüsusda kim danışmaq istərdi? Danışmaq istəyən yoxsa, səsə qoyuram. 17-ci sinfə etiraz yoxdur? Etiraz yoxdursa. 17-ci sinif komisyonun qərarı üzrə qəbul edilir. (Katibə) 17-ci sinfin primini oxuyunuz. Katib - 17-ci sinfin primini oxuyur. Rəis - Bu xüsusda kim danışmaq istərdi? 17-ci maddənin 17-ci primini səsə qoyuram. Etiraz yoxmu? Etiraz yoxsa qəbul edilir. 18-cini oxuyunuz. Katib - 18-cini oxuyur. Rəis - Əlavə yoxmu? Katib - Əlavə yoxdur. Rəis - On səkkizinci sinif cədvəli haqqında kim danışmaq istərdi? Danışmaq istəyən yoxsa, komisyonun qərarı üzrə qəbul edilir. Xırda məmurlara aid cədvəli oxuyunuz. Katib - Oxuyur. Rəis - Kiçik məmurlar üçün tərtib olunan əvvəlinci sinif haqqında kim danışmaq istər? Danışmaq istəyən yoxdur. Etiraz yox isə qəbul edilir. Əvvəlinci sinfin əvvəlinci primini oxuyunuz. Katib - Oxuyur. Rəis - Əvvəlinci prim xüsusunda kim danışmaq istərdi? Danışmaq istəyən yoxsa səsə qoyuram. Etiraz yoxmu? Yoxsa, qəbul edilir. İkinci sinfi oxuyunuz. Katib - İkinci sinfi oxuyur. Rəis - İkinci sinif xüsusunda kim danışmaq istərdi. Danışmaq istəyən yoxsa səsə qoyuram. Etiraz yoxmu? Yoxsa, qəbul edilir. İkinci sinfin ikinci primini oxuyunuz. Katib - Oxuyur. Rəis - Danışmaq istəyən yoxmu? Etiraz yoxmu? Etiraz yox isə ikinci prim qəbul olur. Üçüncü sinfi oxuyunuz. Katib - Oxuyur. Rəis - Üçüncü prim xüsusunda kim danışmaq istərdi. Səsə qoyuram. Etiraz yoxmu? Üçüncü prim qəbul olunur. Üçüncü sinfin üçüncü primini oxuyunuz. Katib - Oxuyur. Rəis - Üçüncü prim xüsusunda kim danışmaq istəyir, danışmaq istəyən yoxsa səsə qoyuram. Etiraz yoxmu? Üçüncü prim qəbul olunur. Orada qeyd vardır, onu da oxuyunuz. Yüklə 5,97 Mb. Dostları ilə paylaş:
|