36
АZƏRBAYCANDA İNŞAAT və MEMARLIQ
№2. 2017
Çin məscidi (1375-ci il), Molla Əhməd məscidi (XIV əsr), Şeyx İbrahim məscidi (1415-ci il),
Mirzə Əhməd məscidi (1347-ci il) aiddir. Bakı ətrafındakı kəndlərdə də bir çox məscidlər
(8 tikili) I mərhələyə aiddir.
Bunlardan əlavə öz qruruluşu və obrazları, dekorativ tərtibatı ilə fərqlənən məscidlər də var
ki, onlara aşağıdakıları aid etmək olar:
Hacı Banu məscidi - Şirvanşahlar kompleksində yerləşir və o, İçəri Şəhərin qoruq zonasına
daxildir.
Hacı-Heybət məscidi - memar Hacı Heybət tərəfindən tikilib (1206-cı il). O, İçəri Şəhərin
sıravi yaşayış kvartalları tikilisinə aiddir. Məscid XVIII əsr abidələrinə aid olub, özündə İçəri
Şəhərin dini tikililərinin inkişafını əks etdirir.
Bəy məscidi 1895-ci ildə tikilib. Onun tikintisində Bakı milyonçusu Murtuza Muxtarov,
İbrahim Şirvani, inşaatçı Mirəli-ən-Naki Seyid Hüseyn iştirak etmişlər. O, qədim bir məscidin
yerində tikilsə də, küçə planının xarakterinə çox əlverişli şəkildə uyğunlaşdırılmışdır. Onun
kompozisiyasını tamamlayan çox incə gövdəli minarəsidir. Uzunsov planlıdır, girişi dar
dalandandır, ibadət zalı yay tağlar vasitəsilə üç seksiyaya bölünür, damı mərkəzdən barabanlı
günbəzlə, yanlardan isə yarıgünbəz örtüklərlə tamamlanmışdır.
Molla Nəsrullah məscidi (1375-ci il). Bu məscidin üzərində olan Qazi əl Qüzzatın adı
pozulmuşdur, həkkanın adı Əl Arifdir.
Şirvanşahlar kompleksinin aşağı həyətində, türbənin yanında 2 otaqdan ibarət kiçik köhnə
məscidin xaçvari formalı planı var. Məscidin şimal-şərq küncündə daş məhəccəri saxlayan
stalaktit qurşaqlı minarə ucalır və minarə qurşağının altında «nəxş» xəttilə yazılan kitabə var
(1441-42-ci illər). Ola bilsin ki, bu Sultan Xəlilullaha mənsub olan məsciddir. Bu məscid uçulub,
onun yalnız özülü qalıb.
Ləzgi məscidi (şək.1). Məscidin içərisində, mehrabın
üstündə (1171-1172-ci il) bədii oyma və ustad rəssam Aşır İbn
İbrahim Bakuvi yazılmış daş kitabə var. O, XIII əsr abidəsi
olaraq dövrümüzə qədər gəlib çatmışdır.
Bəzzaz məscidi. Zərduştlük dövründən qalmış alban
kilsəsidir. Sonradan müsəlman məscidi olmuşdur.
Bu dövrün ilk tikilisi Məhəmməd İbn Əbu Bəkr (“Sınıq
Qala”) məscididir (şək. 2). O, qədim atəşpərəstlik məbədinin
yerində tikilmişdir. Məscidin dəhliz hissəsi ən böyük sahəyə
malik olub şimal tərəfdən bir kameralı baş ibadət zalına bitişir.
İbadət zalı çox möhkəm bir çatma günbəzlə örtülmüş, qərb və
şərq tərəfdən pəncərələrlə təmin edilmişdir. Məhəmməd
məscidi də Cümə məscidi kimi bir neçə dəfə sökülüb-tikilmiş
və bu gün bir hissəsi bərpa edilmişdir. Hesab edilir ki, bu
məscid də odpərəst - atəşgah məbədinin yerində tikilmişdir.
İkinci dövr məscidləri qeyd olunduğu kimi, şəhərin tarixi inkişafının yeni mərhələsinin
yaranmasında önəmli yer tutur. Məsələn, Hacı Heybət məscidi (1791-ci il) Kiçik Qala
döngəsinin aksentinə çevrilərək, öz günbəzi və ondan bir az aralı olan əzəmətli, hündür minarəsi
ilə şəhərin siluetinə yeni çalarlar əlavə etmişdir “Bəylər” məscidi isə (XIX əsr) Məmmədyarov
küçəsinin yaddaşına yeni nəfəs gətirmişdir. Orta əsrlərdə İçəri Şəhərə gələn bir çox səyahətçi,
Şəkil 1. Ləzgi məscidi
№2. 2017
АZƏRBAYCANDA İNŞAAT və MEMARLIQ
37
tacir, alimlər (Övliya Çələbi, İ.Berezi, Q.Sarabski, O.Foster, İ.Zabaloski) öz qeydlərində məhəllə
məscidlərinin xüsusiyyətləri haqqında yazırdılar ki, onlar şəhər ərazisinə səpələnərək ictimai-dini
mahiyyət daşıyırlar [2].
Şəkil 2. Məhəmməd ibn Əbu Bəkr (“Sınıq Qala”) məscidi
İçəri Şəhər məscidlərinin qorunma və bərpa yollarını müəyyən etmək üçün ilk növbədə
onların müasir problemlərinin həlli zəruriliyini isbat etmək lazımdır. Beləki, Bakının coğrafi
mövqeyinə Xəzər dənizinin təsirinin, Azərbaycanın xarici dövlətlərlə iqtisadi əlaqələrinin,
yarımadada olan yeraltı sərvətlərin və qədim dövrlərdən zəvvarların sitaiş etdiyi dini ocaqların
memarlıqda mühüm rolu olmuş və müasir dövrdə bu tarixi abidələrin qorunub saxlanılması
vacibdir. İçəri Şəhərin əsas tikililəri orta əsr abidələrinə aiddir. Onların bəziləri ənənəvi
konstruksiyalara söykənsə də, zaman keçdikcə nisbətən yararsız hala düşmüş və deformasiyaya
uğramışlar. Digərlərinin isə, müasir memarlıq həlləri - rekonstruksiya zamanı iç məkan
elementləri dəyişdirilərək, tam başqa bir formada yenidən istifadəyə verilmişdir
(məs. Cümə
məscidi (şək.3)) [3].
Şəkil 3. Cümə məscidi (rekonstruksiyadan sonra)
Hər halda, hesab edirik ki, İçəri Şəhərin ən qədim məscidi sayılan “Sınıx qala”
(Məhəmməd) məscidinin (XI əsr), Cümə məscidinin (XIX əsr) və digər məscidlərin xalqımızın
mədəni irsi kimi qorunub saxlanılması və onların fəaliyyətinin davam etdirilməsi yollarının
müəyyən edilməsi bu gün çox aktual məsələdir.
Mövcud dini tikililərin memarlıq irsi kimi qorunub saxlanılması üçün analitik təhlillərin
aparılması, qala abidələrinin fiziki və mənəvi cəhətdən qorunması, konservasiya və ya
rekonstruksiya yolları ilə onların bərpası vacibdir. Məsələn, Avstriya kompaniyası “Atelier Erich