13
Təlim nəticəsi 2: Rəngləmə prosesini və ona uyğun tamamlama işlərini həyata keçirməyi bacarır
2.1.1. Səthin rəngləməsi zamanı qurğulardan istifadə edərkən təhlükəsizlik qaydalarını təsvir
edir
Rəngləmə işi haqqında ümumi məlumat
Avtomobilin rənglənməsi işi - bir çox texnoloji mərhələləri özündə birləşdirən
çətin və təhlükəli iş prosesidir. Effektli, möhkəm, keyfiyyətli nəticəyə nail olmaq üçün
texnoloji
proseslərə, texnoloji normativlərə və iş ardıcıllıqlarına
ciddi riayət
olunmalıdır. Rəngləmə dedikdə yalnız boyanın səthə vurulması deyil,
bu işə qədər
görülən hazırlıq prosesləri də başa düşülməlidir. Boyanın səthə vurulması bu proseslərin yalnız bir
mərhələsidir. Bu günümüzdə hələ elə bir universal rəngləmə materialı yoxdur ki, səthə vurulan malanı,
qrunt boyan və son hamarlamada lak-rəng boyanı əvəz etsin. Təmir müəssisələrində görülən bu işlər
istehsalçı zavodun gördüyü işlərlə müqayisəli aparılır və uyğunlaşdırılır ki, müştəri işin nəticəsindən razı
qalsın. Bu səbəbdən rəngləmə müəssisələrində
istifadə olunan aqreqatlar, alətlər,
qurğular və
materiallar zavod şəraitinə uyğun olmalıdır.
Səthi rəngləmə zamanı qurğulardan istifadə etmə üsulları
Yüksək nəticə əldə etmək üçün boya püskürən tapança əldə elə tutulmalıdır ki, püskürülən toz
şüaları səthə perpendikulyar yönəlsin. Əks halda boya səthin bəzi hissələrinə qalın, bəzi hissələrinə isə
nazik yayılacaqdır.
Şəkil 2.1. Boya tapançasının əldə saxlanılma qaydası
Boya püskürən tapança ilə səth arasında olan məsafə tapançanın markasından asılıdır. Bu məsafə
yüksəktəzyiqli tapançalardan istifadə zamanı 20-25 sm, HVLP markalı tapançalardan istifadə zamanı 10-
15 sm, LVLP/RP markalı tapançalardan istifadə zamanı15-20 sm nəzərdə tutulur.
Dostları ilə paylaş: 
