Bağırov Əlisalam başlanğICDAN başlanğica və ya ruhun keçDİYİ yol
Yüklə 2,64 Kb. Pdf görüntüsü
|
82 Bu səbəbdən səmalılar Yer kürəsində həmişə yaxşı qarşılanmırlar. Üstəlik onlar nəzərə alırlar ki, öz məkanlarında olmayan viruslar- la yoluxa və ya onlardan daha az dərkə malik olan yerlilərin qəfil hücumlarına məruz qala bilərlər. Bütün bunlardan başqa, səmalılar yerliləri öz texnologiyaları ilə də mümkün qədər tanış etmək istə- mirlər. Onların yerlilərə bildirdiyi elmi sirlər yalnız yerlilərin dərk səviyyəsində olur. Çünki elm həmişə insanların düşüncə tərzi ilə ayaqlaşmalıdır. Əks təqdirdə güclü elmi nəzəriyyə ilə silahlanmış barbarlıq əlində silah olan ağılsız ölüm mənbəyi olduğu kimi, çox böyük dağıntılar törədə bilər. Səmalılar yerlilərin səviyyəsini çox yaxşı bilirlər və düşünmürlər ki, yerlilər onlardan əldə etdiyi bilik- lərdən bəşəriyyətin yalnız faydalılığı üçün istifadə edəcəklər. Əgər belə olardısa, səmalılar bizimlə çox yaxşı ünsiyyətdə olardılar. Çün- ki Yer kürəsində həyatın inkişafı haradasa kainatın ümumi inkişa- fına bir təkandır. Lakin insanlar haradasa kainatın ümumi inkişafı haqqında bir düşünürlərmi, onların gündəlik güzəranları, daha çox maddi rahatlıq əldə etmək imkanı cəlb etmirmi? Belə olan təqdirdə səmalılar yerlilərdən hər vəchlə uzaq olmağa çalışırlar. Çünki onlar- la əlaqə bir çox lüzumsuz əlaqələrə başlanğıc ola bilər. Səmalıların müəyyən qrupu, maddiliklə bağlı olanlar, yalnız öz formalarında və uyğun robotlarla peyda olurlar. Onların gəlişi, əsasən tədqiqat xa- rakterli olur. Onların gəlişinin ilk təzahürləri haradasa müəyyən hündürlük- lərdə uçan qəribə, bizim üçün qeyri adi cihazların görünməsi ilə müşahidə olunur. Səmalılar torpağa enəndə bəzən onların ucan obyektləri hava- dan asılı da qalır, çox vaxt özləri yerə enmir, robotları torpaqda ilk müşahidələr aparmağa göndərirlər. Bəzənsə birbaşa özləri torpağa enirlər. Onların bir çoxu öz şəkillərini dəyişmək qabiliyyətinə ma- likdirlər. Bəziləri isə demək olar ki, insana çox oxşardırlar. Onla- rın bədən quruluşlarının insana oxşarlıqları mənəviyyatlarına dair bir yaxınlıq yaradır. Belələri öz formalarını dəyişmək imkanından məhrumdurlar və onlarda bir az təcavüzkarlıq meyilləri də hiss olunur. Özləri də insanlara məlum olmayan silahlarla silahlanır- 83 lar. Bəzən bu silahdan hər hansı hücum təhlükəsinin qarşısını al- maq üçün istifadə edirlər. Onların bizə təcavüzkarlıq kimi görünən cəhəti bir də insan, heyvan və sairə cinslərdən eksperiment kimi öz məkanlarına aparmaları olur. Düzdür, bəzi hallarda apardıqlarını qaytarırlar, lakin əksər hallarda bu belə olmur. Səmalıların daha mükəmməlləri öz formalarını dəyişmək qabi- liyyətinə malikdirlər. Onların bədənlərində bizim maddiliklə bağlı sıxlıq azdır. Onlar qaz şırnağı halında nazilib, istədikləri yerdən keçə bilərlər, kiçilib çox böyük sıxlıqda haradasa daldalana bilərlər. Onların silahı, çox vaxt baş verəcək təhlükəli səbəblərin, özlərinə qarşı olan istiqamətini dəyişmək və ya daha yumşaq hala salmaq- dır. Çox vaxt baş verəcək səbəblərin qarşısını almaq üçün, əlbəttə canlı varlıqlarda təhrik üsulundan istifadə edirlər. Belə səmalılarda adətən təcavüzkarlığa meyil az olur. Ancaq müəyyən qrup səmalı- lar da vardır ki, öz formalarını dəyişə bilmək qabiliyyətindən başqa gözə görünməmək xüsusiyyətlərinə də malikdirlər. Əslində onlar bizim maddilikdən kənarda olan mövcudluqlardır. Bizim maddiliklə bağlı mövcudluqlar bizim maddilikdən kə- nara çıxmaq üçün hökmən hər hansı bir cihazdan, özü də bizim maddiliyin qanunlarına tabe olmayan materialdan hazırlanmış ci- hazdan istifadə etməlidirlər. Lakin bizim maddilikdən qıraqda olan varlıqlar üçün bizim maddi aləmə gəlmək elə də çətin deyildir. Heç onlar istəməsələr bizim maddi aləmdə onların mövcudluğu haqqın- da bir xəbər öyrənmək mümkün deyildir. Biz onları o zaman görə bilirik ki, onlar bizi əhatə edən maddi aləmin hər hansı bir mate- riya növündən örtük kimi istifadə etsinlər. Bizim maddi, aləmdən qıraqda mövcud olan, yəni yekcins bəsitlikdən təşkil olunan səma- lılar, ancaq intuisiya ilə hərəkət edirlər. Onlar öz təhlükəsizliklərini intuitivlikləri vasitəsi ilə qoruyurlar. Məqsədlərini yalnız yaxşı və xeyirxah işlərə yönəldirlər. Çox nadir hallarda hissiyyata uyurlar ki, bu da ən ali varlıq tərəfindən bağışlanılmazdır. Bu qrup səmalı- lar əsasən insanla əlaqə yaratmaq üçün insan cildində zühur olurlar. Yalnız belə hallarda insanlar heç bir şey hiss etmədən, sərbəst şə- kildə onlarla münasibət yaradırlar. Bu növ səmalılarla qarşılaşan- 84 lar ən çox hallarda yaranma səbəbləri hələlik bizə məlum olmayan bəzi qabiliyyətlər qazanırlar. Ən çox xeyirxahlıqla məşğul olan bu növ səmalılar ən ali varlığa daha yaxın olanlardır. Həm də bəzən onlar ən ali varlığın nüfuzu ilə bizi əhatə edən maddi aləmdə hər hansı bir varlığın müdafiəçisi və ittiham edəni rolunda çıxış edir- lər. İnsanlarla münasibət yaratmaq istəyən belə səmalılar, adətən, istədikləri şəxslərlə tənhalıqda qarşılaşır və onlarda heç bir təhlükə meyli oyatmadan münasibət göstəriləsi bir şəxs kimi yanaşırlar. Ən ali varlığa daha sadiq olan insanlar, əsasən, çətinə düşəndə özləri də hiss etmədən insan cildinə düşmüş belə kəslərin məsləhə- tindən və ya hər hansı bir vasitə ilə köməyindən istifadə edirlər. İn- sana xas ədalət yolundan çıxmış, ən ali varlığın qanunlarına məhəl qoymayanlar isə bəlalara düçar olanda səmalıların bu qrupu onla- rın müdafiəçiləri olmurlar. Ən ağır müsibətlərlə tək tənha qalan öz yolunu azmışlar, ədalətin bu cür təntənəsi qarşısında aciz olurlar. Onlar başa düşürlər ki, ən ali varlıqdır bütün varlıqların ən nüfuz- lusudur. Ən ali varlığın qoyduğu qanunlara əməl etməyənləri amansız cəza gözləyir. Haradasa ən müxtəlif sahələrdə müəyyən nüfuza ma- lik olan adamlar bəzən səmalıların nəzarəti altında olurlar. Bu nə üçün belədir? Əslində səmalılar sanki öz nümayəndələrini yerdə seçirlər. Yer kürəsi ümumi kainatın kiçik bir hissəsi olsa da yerdə ge- dən hər hansı proses ümumi kainatda az çox, əvvəl axır öz təsirini göstərir. Yer kürəsində gedən proseslər isə təkcə təbiətin təbiətə təsiri ilə bağlı deyildir. Kürəmizdə sayca müəyyən çoxluq təşkil edən insan öz əməlləri ilə Yer kürəsində müəyyən dəyişikliklərin səbəbkarlarıdırlar. Ancaq insan bir səbəb kimi heç də həmişə yaxşı səbəblərin yaradıcısı deyildir. Öz zəruri ehtiyaclarını və müəyyən tələbatını Ümumi təbiətdən hazır şəkildə mənimsəyən insan ekolo- ji tarazlığın pozulmasının mühüm iştirakçısıdır. Ona görə də səmalılar ümumi kainata xələl gətirə biləcək sə- bəblərdən birini də bəzən düzgün yol seçməkdə hər hansı bir məs- ləhətçiyə ehtiyacı olan insanların simasında görürlər. Odur ki, sə- Yüklə 2,64 Kb. Dostları ilə paylaş:
|