307
öyrənilməsi işinin təşkil edilməsi və onun məhkəmə təcrü-
bəsində nəzərə alınması tövsiyə edildi.
524
Məlum olduğu kimi, hüquq və azadlıqların, qanunla qoru-
nan mənafelərin təminat mexanizminin növlərindən birini və
faktiki olaraq ən əsasını məhkəmə vasitəsilə müdafiə mexanizmi
təşkil edir. Tarixi təcrübə göstərir ki, mübahisələrin həll
olunmasında, həqiqətin üzə çıxmasında hərtərəfli tənzim edilmiş
prosessual qaydalar əsasında məhkəmə baxışının müəyyən
edilməsi ən yaxşı üsuldur.
525
Avropa Məhkəməsinin qərarında
göstərilir ki, icra hakimiyyəti orqanları tərəfindən fərdin hüquq-
larına müdaxilə ən azı son mərhələdə, məhkəmə hakimiyyəti
tərəfindən keçirilməsi güman olunan səmərəli nəzarətə məruz
qalmalıdır, ona görə ki, məhkəmə nəzarəti müstəqilliyin, qərəz-
sizliyin və düzgün prosedurun ən yaxşı təminatçısıdır.
526
Məlumdur ki, dünya təcrübəsində məhkəmə orqanları
sisteminin hüquq sahələri üzrə ixtisaslaşdırılması prosesi uzun
müddətdir ki, davam etməkdədir. İnzibati, vergi, sosial təminat,
ailə, iqtisadi, maliyyə və digər sahələr üzrə münasibətlərin
getdikcə mürəkkəbləşməsi, inzibati hüquqla qorunan münasi-
bətlərin dairəsinin genişlənməsi müvafiq hüquqi bazanın təkmil-
ləşdirilməsi və inzibati mübahisələrin peşəkarlıqla həll olunması
üçün ixtisaslaşdırılmış məhkəmələrin yaradılması zərurətini üzə
çıxardı. İnzibati mübahisələrlə bağlı münasibətlərin spesifikliyi,
yəni onların həm məzmun, həm də subyektiv tərkib baxımından
524
Azərbaycan Respublikasında məhkəmə sisteminin müasirləşdirilməsi və «Azərbaycan
Respublikasının bəzi qanunvericilik aktlarına dəyişikliklər və əlavələr edilməsi haqqında»
qanunun tətbiq edilməsi barədə» Prezidentin 19 yanvar 2006-cı il tarixli Fərmanının 6-cı bəndi.
http://eqanun.az/print.php?internal=view&target=1&docid=11357&doctype=0
525
Cəfərov İ.M. Azərbaycan Respublikası Konstitusiyasının şərhi. Bakı: Hüquq ədəbiyyatı,
2003, s. 81
526
İnsan hüquqları üzrə Avropa Məhkəməsinin bülleteni. Bakı, 2008, № 4, s. 16
308
fərqli xarakterə malik olması da bu sahəyə xüsusi və ixtisas-
laşmış yanaşmanın müəyyən edilməsini tələb edirdi.
Hazırda inzibati icraat qaydalarının, inzibati məhkəmə
icraatının, ixtisaslaşdırılmış inzibati məhkəmələrin formalaş-
dırılması ölkədə aparılan məhkəmə-hüquq islahatlarının əsas
istiqamətləri kimi çıxış edir. Təqdirəlayiq haldır ki, aparılan
islahatlar nəticəsində insanların hüquq və azadlıqlarının mü-
dafiəsi sahəsində məhkəmə mühüm və təsirli vasitəyə, inzibati
orqanların fəaliyyətində qanunçuluğa riayət olunmasına nəzarəti
real şəkildə təmin edən orqana çevrilmişdir.
İxtisaslaşdırılmış məhkəmələrin yaradılması hakimlərin
müvafiq sahələr üzrə ixtisaslaşmasına, inzibati mübahisələrə
adekvat və ədalətli hüquqi qiymətin verilməsinə səbəb olmaqla
yanaşı, həm də mükəmməl məhkəmə təcrübəsinin formalaş-
masına da öz təsirini göstərir.
Dövlət hakimiyyətinin heç bir qolundan asılı olmayıb, müs-
təqil fəaliyyət göstərən məhkəmənin baxdığı şikayətə görə heç
bir idarə xarakterli marağının olmaması, məhkəmə baxışının
prosessual tənzimi və rəhbər prinsipləri, iddiaçının prosesdə
cavabdehlə bərabər prosessual statusa malik olması, inzibati
orqanın öz hərəkətinin və ya aktının qanuniliyini sübut etmək
vəzifəsini daşıması, məhkəmənin iddiaçıya yardım etmək vəzi-
fəsinin qanunda öz əksini tapması və s. inzibati mübahisələrə
inzibati məhkəmə prosesində baxılmasının ümumən qəbul
olunmuş üstünlükləri kimi çıxış edir.
2011-ci il yanvarın 1-dən qüvvəyə minən Ar İPM-si inzibati
hüquq münasibətləri ilə bağlı mübahisələrin məhkəmə aidiy-
yətini, baxılmasının prinsip və qaydalarını müəyyən etdi. 2012-
ci ildən etibarən artıq inzibati məhkəmə icraatı ixtisaslaşdırılmış
309
məhkəmələrdə inzibati prosessual qanunvericiliyə uyğun qay-
dada həyata keçirilir. Qeyd edək ki, inzibati məhkəmələrin yara-
dılması milli məhkəmə sisteminin məntiqi təkamülünün nəticəsi
oldu.
Bəzi elmi ədəbiyyatda səslənən fikirlərə görə inzibati məh-
kəmələrin səlahiyyətlərinin genişləndirilməsi bu fəaliyyətdən
idarəetmə orqanlarının kənarlaşmasına səbəb ola bilər. Lakin,
təcrübə göstərir ki, məhkəmə orqanlarının səlahiyyətlərinin
genişləndirilməsi heç də inzibati tabeçilik xətti üzrə şikayət
imkanının məhdudlaşdırılması ilə müşayiət olunmur. Bununla
yanaşı onu da qeyd etmək lazımdır ki, nəzəriyyədə hələ də
inzibati yurisdiksiya ilə məhkəmə yurisdiksiyasının qarşılıqlı
münasibətləri barədə məsələ aktual olaraq qalmaqdadır. Əksər
avropa ölkələrində hökm sürən hüquqi doktrinaya əsasən,
hazırda qanunçuluğun təmini və vətəndaşların hüquqlarına daha
ciddi hörmət edilməsi təminat xarakterli prosessual hüququn
müddəalarının genişləndirilməsini, vətəndaşla inzibati orqan
arasında yaranan və məhkəmə yurisdiksiyasına aid edilən
mübahisələr üzrə işlərin əhatə dairəsinin genişləndirilməsini,
müvafiq şərtlər daxilində iştirakçılar arasında yaranan
mübahisələr məhkəmələrin səlahiyyətinə aid ediləcək hüquq
münasibətlərinin müəyyənləşdirilməsini tələb edir.
Beləliklə, inzibati məhkəmələrin yaradılmasını hüquqi
dövlətdə məhkəmə hakimiyyətinin nüfuzunun möhkəmlən-
dirilməsinin təbii davamı olaraq qiymətləndirmək olar. İnzibati-
iqtisadi məhkəmələrinin formalaşdırılması ölkəmizdə məhkəmə
icraatının təşkilinə ixtisaslaşdırılmış yanaşma ideyasına qismən
uyğun gəlsə də fikrimizcə, hələ onların işinin təkmilləşdirilməsi
üçün görüləcək işlər çoxdur. Fikrimizcə, ilk növbədə Konsti-
tusiyada inzibati məhkəmə icraatının məhkəmə icraatının
Dostları ilə paylaş: |