313
dövlət orqanlarının borcu kimi təsbit edildi. Dövlət və cəmiyyət
həyatının hüquqi prinsipləri öz təsbitini tapdı, hüququn bir çox
sahələrinin, o cümlədən də, inzibati hüququn inkişafının əsas
istiqamətləri müəyyənləşdirildi.
Hüquqi dövlətin əsas prinsipi olan hakimiyyətin bölgüsü
prinsipi də konstitusiyon qaydada öz təsbitini tapdı. Konsti-
tusiyanın 7-ci maddəsinin 4-cü hissəsinə əsasən, qanunvericilik,
icra və məhkəmə hakimiyyətlərinin qarşılıqlı fəaliyyət gös-
tərdiyi və öz səlahiyyətləri çərçivəsində müstəqil olduğu müəy-
yən olundu. Hakimiyyətin hər bir qolunun dövlət hakimiyyətinin
ümumi sistemində öz yeri var və yalnız onlara xas olan vəzifə
və funksiyaları yerinə yetirirlər. Hakimiyyətlərin tarazlığı xüsusi
təşkilati-hüquqi vasitələrlə saxlanılır ki, bu da təkcə qarşılıqlı
fəaliyyəti deyil, həm də müəyyən edilmiş həddə səlahiyyətlərin
qarşılıqlı məhdudlaşdırılmasını təmin edir. Ədəbiyyatda haqlı
qeyd olunur ki, vahid dövlət hakimiyyətinin üç nisbətən sərbəst
və müstəqil sahələrə ayrılması hakimiyyətdən sui-istifadəni və
dövlət tərəfindən hüquqla əlaqəsi olmayan totalitar idarəçiliyin
yaranmasının qarşısını alır.
529
Hakimiyyətin bölgüsü prinsipi – dövlət daxilində haki-
miyyətin qarşılıqlı nisbət prinsipidir.
530
Onu da qeyd edək ki,
hələ Cümhuriyyət dövründə bu prinsipə mühüm əhəmiyyət
verilirdi. S.Mirzəyevin yazdığı kimi, hakimiyyət bölgüsü və
hakimiyyət qolları arasında nəzarət mexanizmləri Azərbaycanın
hüquq sistemində hələ ilk demokratik dövrdə formalaşmağa
başlamışdı
531
. Demokratik prinsiplərə əsaslanan Azərbaycan
529
Xrapanyuk V.N. Dövlət və hüquq nəzəriyyəsi. Bakı: Qanun, 2007, s. 55
530
Atakişiyev B.S. İnzibati hüquq və terminlər. Bakı: Elm, 2008, s. 50
531
Mirzəyev S. Azərbaycan parlamentinin inkişafı və müasir funksiyalar // Bakı Universitetinin
xəbərləri, Sosial-siyasi elmlər seriyası, 2009, № 3, s. 41
314
Parlamentinin 25 yanvar 1919-cu ildə qəbul etdiyi “Hakimiyyət
bölgüsü haqqında” qanun qanunverici hakimiyyətin icra
hakimiyyətindən ayrılmasını və deputatın dövlət qulluqçusu
vəzifəsini icra etməyə məhdudiyyətini nəzərdə tuturdu.
532
Məlumdur ki, demokratik dövlətin inkişafının vacib
elementi olan hakimiyyətin bölünməsi prinsipi, hakimiyyətin
funksional cəhətdən bölünməsi ilə yanaşı, hakimiyyət qollarının
bir-birinə nəzarətini də nəzərdə tutur. Bununla əlaqədar olaraq,
inzibati məhkəmələrin fəaliyyət sahəsi də müvafiq hüdudlarla
məhdudlaşır. Bu məhdudiyyət demokratik idarəetmənin özünün
mahiyyətindən irəli gəlir. Belə ki, demokratik idarəetmənin
fundamental prinsiplərindən birini də heç kimə qanundan yu-
xarıda durma icazəsinin verilməməsi təşkil edir.
533
Qanun-
çuluğun mühüm təminatlarından biri olan inzibati məhkəmə
icraatının normativ-hüquqi bazasının formalaşdırılmasında bu
prinsipi nəzərə alan qanunverici hakimiyyətin bölgüsü prin-
sipinə əsaslanaraq inzibati məhkəmələrin səlahiyyətlərini inzi-
bati orqanların qanun çərçivəsində fəaliyyət göstərməsini təmin
etməklə məhdudlaşdırmışdır. İnzibati məhkəmə inzibati orqanın
qanun çərçivəsində fəaliyyətini təmin etməklə vətəndaşların
hüquq və azadlıqlarının, maraqlarının qorunmasına və müda-
fiəsinə xidmət etsə də, qeyri-məhdud səlahiyyətə malik deyil.
İnzibati məhkəmə icraatında inzibati orqanın diskresiyon səla-
hiyyətlərinə hörmətlə yanaşma prinsipinə riayət olunmalıdır.
Diskresiyon o deməkdir ki, inzibati orqanların fəaliyyətləri
532
Mirzəyev S. Azərbaycan parlamentinin inkişafı və müasir funksiyaları // Bakı Universitetinin
xəbərləri, Sosial-siyasi elmlər seriyası, 2009, № 3, s.41
533
Greco Dəyərləndirmə I-II Məruzə (2005) 5E (P2). Birgə birinci və ikinci dəyərləndirmə
raundları. Azərbaycan Respublikası üzrə dəyərləndirmə Məruzəsi. 29-cu plenar iclasında
GRECO tərəfindən qəbul edilmişdir (Strasburq, 19-23 iyun 2006). GRECO Katiblik. Avropa
Şurası. Strasburq, 2006, s. 21
315
qanunla birmənalı və dəqiq müəyyən edilmir və inzibati
orqanlara öz mülahizəsi əsasında hərəkət etmək imkanı
verilir.
534
Lakin, bu cür səlahiyyət inzibati orqanların
özbaşınalığı deyil, qanunla ona səlahiyyət verildiyi təqdirdə əsas
dəyərləri rəhbər tutaraq öz mülahizəsinə əsasən hərəkətinin
növünü seçməsini nəzərdə tutur. Müvafiq olaraq, inzibati
prosessual qanunvericilik inzibati aktın qanuna zidd olduğu və
bunun nəticəsində iddiaçının hüquqlarını pozduğu hallarda,
məhkəməyə həmin inzibati aktın (şikayət instansiyasına inzibati
şikayət verildiyi hallarda isə, habelə şikayət instansiyasının
müvafiq qərarının) ləğv edilməsi barədə qərar qəbul etmək
səlahiyyəti verir (İPM-in 70.1.-ci maddəsi). Məhkəmə, bir qayda
olaraq inzibati orqan tərəfindən diskresion səlahiyyət əsasında
qərar qəbul edildikdə, inzibati aktın qəbulu zamanı inzibati
orqanın istinad etdiyi maddi hüquq normasının tətbiqi şərtləri
həmin orqanın özünün qiymətləndirməsinə əsasən müəyyən
olunduqda və ya hər hansı hüquq normasının tətbiqi ilə bağlı
inzibati orqana qiymətləndirmə azadlığı verildikdə və ya inzibati
aktın qəbul edilməsi üçün araşdırmanın davam etdirilməsi zəruri
olduqda və məhkəmə tərəfindən müstəqil şəkildə, məhkəmə
baxışı çərçivəsində belə araşdırmanın həyata keçirilməsi
mümkün olmadıqda iddiaçının tələbinə uyğun qərar qəbul edə
bilməz
535
.
Məhkəmə inzibati orqanın mübahisələndirilən aktını
hüquqauyğunluq baxımından qiymətləndirsə də, onun əvəzinə
qərar qəbul edə, həmçinin aktı məqsədəuyğunluq baxımından
534
Kərimov S., Vəliyeva G. «İnzibati icraat haqqında» Azərbaycan Respublikası Qanunu.
Kommentariya. Bakı: Hüquq ədəbiyyatı, 2006, s. 86
535
Azərbaycan Respublikasının İnzibati Prosessual Məcəlləsi.Bakı: Qanun, 2013,c.55
Dostları ilə paylaş: |