65
A a
lərini müəllimlər görkəmli nizamişünas Sabir Həsənzadənin “Dün-
yadan əziz dünya (Nizaminin təbii-elmi görüşləri)” adlı çox dəyərli
monoqrafiyasından əxz edə bilərlər (bax : 78, səh.29 – 230). Elmi-
fəlsəfi aspektdə yazılmış və dahi şairin təbiət elmləri ilə bağlı
qiymətli fikirlərini sistemli və mükəmməl şərh edən bu monoqrafi-
yadan tədris prosesində – müvafiq mövzuların öyrədilməsi zamanı
səmərəli istifadə, əlbəttə ki, hər bir müəllimdən pedaqoji ustalıq
tələb edir. Dərsə əvvəlcədən yaxşı hazırlaşan müəllim, hansı
mövzuda dahi şairin hansı fikrinə aid müvafiq misraları məzmuna
uyğun seçməli, həmin poetik parçanın şagirdlərə təqdim olunması
formasını (əzbər söyləmək; kitabdan oxumaq; ekranda canlandır-
maq; disk vasitəsilə səsləndirmək və s.) müəyyənləşdirməli; təhlil
və əqli nəticənin çıxarılması üçün axtarış xarakterli düşündürücü
suallar hazırlamalıdır. Məsələn, fizika dərsində işığın xassələrindən
bəhs edərkən, müəllim, dahi şairin “Sirlər xəzinəsi” poemasında
aşağıdakı misraları əvvəlcə proyektor vasitəsilə ekranda (lövhədə)
işıqlandırır və bu misraları diqqətlə oxumağı şagirdlərə tapşırır :
Kəhrəba zərrə yağdı sübhün camı günəşdən,
Daşlar yağan zərrəni təşnətək uddu dən-dən (75, 23).
Şagirdlər həmin misralarla yaxından tanış olub mənimsədikdən
sonra müəllim əvvəlcədən seçdiyi suallarla onlara müraciət edir:
– Uşaqlar, bu misralar Azərbaycanın hansı dahi şairinə məx
susdur?
–
N.Gəncəvinin hansı poemalarını oxumusunuz?
–
Bu misralar hansı poemadandır?
–
Həmin misraları bir daha diqqətlə oxuyun və deyin:
burada işığın hansı xassəsinə aid işarə vardır?
Şagirdlərin müxtəlif cavablarını ümumiləşdirən müəllim qeyd
edir ki, dahi Azərbaycan şairi N.Gəncəvi ensiklopedik biliyə malik
olduğu üçün işığın əsas xassələrindən birini – zərrəciklər selindən
(korpuskullar) ibarət olmasını İ.Nyutondan təxminən 500 il əvvəl
söyləmişdir. Dahi şair işığın zərrəciklər selindən ibarət olması xas-
66
A a
səsinə digər poemalarında da toxunmuşdur. Məsələn, “Leyli və
Məcnun” poemasında oxuyuruq:
Bir-iki rind ilə get müsahib ol,
Axtar bu dünyada qüsursuz bir yol.
Zərrəylə dur, otur gün iĢığıtək,
Cəmşid sarayının fikrindən əl çək (48, 40).
Bu misrada da işığın zərrəciklər selindən ibarət olmasının
aydın əks olunduğunu vurğulayan müəllim, əlavə edir ki, dahi şair
işığın rəngi barədə də zamanı təxminən 500 il qabaqlayan fikir söy-
ləmişdir. Belə ki: “Nyutona qədər işığı yalnız ağ, bəsit şəkildə tə-
səvvür etmişlər. Onun mürəkkəb olmasını, yəni yeddi rəngin birləş-
məsindən əmələ gəlməsini bilməmişlər. Indi isə dahi şairin XII
əsrdə işıq haqqındakı fikirləri ilə bağlı beytlərini nəzərdən keçirək:
Narıncı rəngli asiman oyadanda günəşi,
Əlində turunc kimi oynadanda günəşi.
Yaxud:
Göz yaşını görəndə, halına ağlardı sübh,
Şəfəqə gözlərindən qızıl qan çağlardı sübh.
Nizami bu misralarda günəş şüalarının rəngi ilə günün nə vaxt
olduğunu bildirmiş, səhərlər isə maneəni aşma qabiliyyəti çox olan,
yəni dalğa uzunluğu uzun olan şüaların (qırmızı, qan rəngində)
görünməsinə işarə etmişdir” (78, 33 – 34)
Dərsin sonunda müəllim tövsiyə edir ki, dahi şairin fizika, o
cümlədən, işığın xassələri ilə bağlı dəyərli fikirləri ilə daha dərindən
tanış olmaq üçün görkəmli nizamişünas alim S.Həsənzadənin adı
çəkilən kitabını (78, səh.29 – 105) oxusunlar.
Fizika fənni üzrə tədris proqramında öz əksini tapmış bir çox
təbiət hadisələri, qanunları və qanunauyğunluqları (enerjinin kütləyə
çevrilməsi, işığın dispersiyası, sınması, səs dalğalarının interferen-
siyası, rezonans – əks-səda, kütlə ilə ətalət arasında əlaqə, mad-
67
A a
dələrin keçirici və dielektrik xassələrə malik olması, buxarlanma və
istilik hadisələri, diffuziya, radioaktivlik, fotoeffetkt, maddələrin sıx-
lığı, Nyutonun qanunları, Eynşteynin nisbilik nəzəriyyəsi və s.) ilə
bağlı dahi şairin dərin elmi fikirləri mövcuddur. Həmin fikirlərin
xeyli qismi nizamişünas fizik-filosof və şair Sabir Həsənzadə
tərəfindən tədqiq və təhlil edilmişdir (yenə orada). Müvafiq mövzu-
ların tədrisi zamanı yuxarıda qeyd olunan məsələləri şərh edərkən
dahi Nizaminin elmi-bədii təfəkkürünün məhsulu olan hikmətli mis-
ralarına istinad etmək faydalı və zəruridir.
Orta məktəblərdə tədris olunan təbiət fənlərindən biri də kim-
yadır. Doğrudur, N.Gəncəvinin dövründə kimya elmi, fizika, riya-
ziyyat, astronomiya, təbabət və s.təbiət elmləri ilə müqayisədə o
qədər də inkişaf etməmişdi. Buna baxmayaraq, dahi şair öz dövrün-
də kimya sahəsində mövcud olan elmi bilikləri dərindən mənimsə-
miş, bədii yaradıcılığında onlardan yararlanmışdır. Belə ki, “Xəm-
sə”də kimyaya dair, daha dəqiq desək, kimyəvi maddələr, onların
xassələri haqqında elmi fikirlərdən bir neçəsinə diqqət yetirək.
Dahi şairin öz poemalarında tez-tez adını çəkdiyi kimyəvi
maddələrdən biri civədir. “Sirlər xəzinəsi”ndə oxuyuruq:
Civətək qaynasa da daim yağı beyninin,
Sincab rəngli fındıqlı var donmağı beyninin (75, 101).
Nizamişünas alim S.Həsənzadə bu misralara maraqlı və elmi
məntiqə söykənən belə bir şərh vermişdir: “Məlumdur ki, civə -39
0
C-də əriyir. Onu da demək olar ki, civə həmişə maye halında olur.
Şair bu bənzətməni təsadüfi işlətməmişdir. Çünki civənin ərimə
temperaturunun çox aşağı olması Nizamiyə məlum olmasaydı o, bu
bənzətməni, bu elmi fikri deyə bilməzdi” (78, 213 – 214).
“Sirlər xəzinəsi”nin başqa bir yerində şair civənin digər xassə-
sinə – səpələnməsinə işarə edərək yazır:
Səxavət çeşməsindən əli civə səpibdir,
Bir yerə yığmaq olmaz, bəlli, civə səpibdir (75, 42).
Dostları ilə paylaş: |