75
A a
Şahanə taxt
keçər əlinə, hamar,
Qızılağac kimi düyünsüz olar
(57, 61).
Şair ayrı-ayrı bitkilərin səciyyəvi əlamətlərini dərindən öyrən-
məklə yanaşı, onların hər birinin müalicə əhəmiyyəti ilə maraqlan-
mış və bu cəhəti öz əsərlərində xüsusi qeyd etmişdir. Bu fikri “Xalq
təbabətinin tarixi” adlı məqalənin müəllifi də təsdiq edərək yazır:
“XI-XII əsrlərdə Azərbaycanda elmin və mədəniyyətin inkişafında
böyük əməkləri olan bir sıra alimlər, şairlər, filosoflar və həkimlər
zahir oldular. Bunların içində görkəmli şəxsiyyət Azərbaycan şairi
Nizami Gəncəvi də var idi. Hərtərəfli biliyə malik olan Nizaminin
“Xəmsə”sində dərmanlar barəsində yazılar görürük. “İsgəndərna-
mə”də isə Nizami yazır: Baş ağrısı üçün mütləq qızılgül suyu
(gülab) vacibdir”
(87).
Müəllifin gəldiyi bu doğru qənaətini təsdiqləyərək onu da əla-
və etməyi məqsədəuyun hesab edirik ki, N.Gəncəvi əsərlərində
təkcə qızılgülün deyil, onlarla bitkinin müalicəvi əhəmiyyətinə diq-
qət yetirmiş və poetik ifadələrlə xüsusi qeyd etmişdir. Məsələn, sü-
sənbər çiçəyini indi çoxları heç də tanımır, lakin dahi Nizami onun
bütün xüsusiyyətlərini dərindən bildiyi üçün “Sirlər xəzinəsi” poe-
masında yazır:
Zanbaqtək
quyruğuna zəhər dolub əqrəbin,
Süsənbər zəhərini kəsən olub Əqrəbin
(75, 30).
Göründüyü kimi, şair süsənbər çiçəyindən alınan şirənin əq-
rəb zəhərinə qarşı dərman olduğunu çox yaxşı blirmiş
(bax: 75,
157). Qeyd olunan fikrə arqument olan başqa bir misal:
Yasəmən də,
tikan da çölə, düzə sancılar,
Biri gözə məlhəmdir, biri gözə sancılar
(yenə orada, səh.133).
76
A a
Yasəməni indi çoxları tanıyır, lakin onun “gözə məlhəm” ol-
duğunu az adam bilir. Sabir Həsənzadəni bu baxımdan belə bir sual
düşündürür: Görəsən göz həkimlərimiz yasəmən çiçəyinin gözə
təsirini bilirlərmi?
(78, 234). Belə misalların sayı kifayət qədərdir.
Burada bir cəhəti də xüsusi qeyd etmək lazımdır ki, dahi şair
təkcə Azərbaycanın florası deyil, dünyanın ən uzaq ölkələrinin,
hətta, ekvatorial və tropik qurşaqların bitki örtüyü haqqında
da dərin
bilik sahibi olmuşdur. Bu fikri ekvatorial və tropik qurşaqlarda bitən
bəzi bitkilərin xarakterik əlamətləri haqqında “Xəmsə”də rast gəldi-
yimiz dəqiq poetik ifadələr sübut edir. Məsələn, Azərbaycandan çox
uzaqlarda – Çinin cənubunda və Cənubi Yaponiyada bitən kafur
(kamfora ağacı; kamfora dəfnəsi də deyilir) bitkisi haqqında çoxları
elmi informasiyanın sürətlə yayıldığı indiki zamanda demək olar ki,
heç nə bilmir. Lakin dahi Nizami hələ XII əsrdə bu bitkinin bütün
xarakterik cəhətlərini (hündür ağac olmasını, ondan kafur adlı ağ
dərman maddəsinin alındığını və s.) yaxşı bildiyi üçün “Xosrov və
Şirin” poemasında hovuzda çimən Şirinin
boyunu hündür kafur ağa-
cına, bədəninin rəngini bu ağacdan alınan ağappaq kafur maddəsinə
bənzətmişdir:
Nar sütunu kimi bir ağac bitdi,
Suda kafur kimi əridi getdi
(yenə orada, 154).
Elmi ədəbiyyatdan məlumdur ki, dəfnəkimilər fəsiləsindən
olan kafur
(kamfora) ağacının hündürlüyü 20 - 50 metrədək olur.
Yarpağı ətirli olan kafurun çiçəkləri ağımtıldır. Bütün hissələrində
efir
(kamfora) yağı var. Oksidləşmə nəticəsində ondan kamfora yağı
alınır
(84, 238).
Yuxarıda qeyd olunan fikrimizə arqument kimi ikinci bir
misalı nəzərdən keçirək. Məlum olduğu kimi, bambuk dünyada ən
hündür
(40 metr) ot bitkisi olub əsasən Cənub-Şərqi Asiyanın tro-
pikləri və subtropiklərində, Mallaya arxipelaqlarında bitir
(85, 15).
“Nəhəng bambuk meşələrinin əslində otluqlar olduğunu az adam
bilir”
(86). Lakin hələ XII əsrdə dahi N.Gəncəvi bunu çox yaxşı
77
A a
bilirdi və bu bitkinin digər əlamətlərinə də bələd idi. Ona görə də
“Leyli və Məcnun” poemasında – “Məcnunun ahuları azad etməsi”
parçasında ahunun zərif, incə ayaqlarını bambuk “ağacının”
gövdəsinə bənzədərək, şair yazır:
O zərif ayaqlar bir xəyzərandır,
Onları incitmə, qıyma, amandır!
(74, 139).
N.Gəncəvinin dövründə Şərq ədəbiyyatında bambuk xəyzəran
adlanırdı
(bax: 74, səh.297). Qeyd olunan nümunələrdən, eləcə də
şairin əzrəq
(göy gül), mərdümgiyah
(adamotu, jenşen), hənut
(ətirli
göyərti), siçanqulağı, inəkgüzü və s.az tanınan bitkilər haqqında
yazdığı obrazlı ifadələrdən botanika dərslərində müvafiq mövzula-
rın tədrisi zamanı əyani vasitə kimi istifadə etmək həm bitkilər
haqqında şagirdlərin biliyinin genişləndirilməsini və möhkəmləndi-
rilməsini təmin edir, həm də dahi şairin eyni zamanda təbiətşünas
alim, bitkilər aləminin dərin bilicisi olmasına inamı gücləndirir.
“Xəmsə”də adı çəkilən heyvan növlərinin tədqiqi göstərir ki,
şair bitki aləmi kimi heyvanlar aləmini də dərindən öyrənmiş, ayrı –
ayrı heyvan növləri, onların xarakterik əlamətləri və fərqləndirici
xüsusiyyətləri haqqında dəyərli məlumatlar vermişdir. Şairin öz ya-
radıcılığında diqqət yetirdiyi heyvanlar aşağıdakılardır: bülbül, me-
şə xoruzu, faxtə
(şanapipik), qumru, kəklik, turac, qırqovul, alabax-
ta, qırğı, şahin, qartal, tərlan, leylək, qaranquş, göyərçin, tovuz quşu,
sərçə, tutuquşu, ilan, kərtənkələ, su ilanı, tısbağa, tülkü, canavar, pə-
ləng, kərgədan, şir, bəbir, dovşan, yarasa, qara samur, sincab, vaşaq,
qaban, dələ, qunduz, maral, ceyran, cüyür, fil, dəvə, arı, qarışqa,
çəyirtkə, atəşli böcək,
hörümçək, milçək, balıq, ipəkqurdu və s.
Siyahıdan göründüyü kimi, şair, heyvanların demək olar ki,
bütün tip və siniflərinin
(həşəratlar, balıqlar, suda-quruda yaşayan-
lar, sürünənlər, quşlar, məməlilər) xarakterik nümayəndələrini diq-
qətlə öyrənmiş, onların səciyyəvi xüsusiyyətlərini müqayisəli şə-
kildə və obrazlı ifadələrlə öz əsərlərində əks etdirmişdir ki, bu da