61
A a
Nümunələrdən göründüyü kimi, mütəfəkkir-şair qeyd olunan
qüvvələri eşqlə müqayisə edir, kainatda hər bir şeyin cazibə
qüvvəsiylə bağlı olduğunu söyləyir.
“Xəmsə”nin tədqiqi və təhlili göstərir ki, eyni zamanda təbiət-
şünas alim olan dahi şair göy cisimləri – planetlər, ulduzlar və s.
haqqında da geniş bilik sahibi olmuş, astronomiya elminin o zaman-
ki nailiyyətlərinə dərindən yiyələnmişdir. O, göy cisimlərini, onların
hərəkət qanunlarını öyrənmək üçün insanlara xəyalən səmalara yük-
səlməyi, göy cisimləri üzərində dəqiq müşahidələr aparmağı tövsiyə
edir:
Göy sənin tabein olmaq istəsən,
Yollan səmalara, yüksəl bu yerdən.
Arxana baxmadan yürü göylərə,
Ta yıxılmayasan bir də bu yerə.
Sənin həmailin ulduz, asiman,
Olmuşdur vəsilən sənin hər zaman.
(yenə orada, səh. 48)
Müəllim astronomiya elminin inkişaf tarixi, göy cisimlərinin
öyrənilməsi üsullarından bəhs edərkən belə misralardan söz əyanili-
yinin bir növü kimi istifadə etdikdə dərsin daha emosional və canlı
keçməsinə nail ola bilir.
Məlumdur ki, dahi şairin dövründə hələ teleskop kəşf olunma-
dığı üçün (teleskop XVII əsrdə Q.Qaliley tərəfindən icad olunub)
gözlə görünməyən üç kiçik planetdən (Uran, Neptun, Platon) başqa
qalanları elmə yaxşı məlum idi. Dahi şair həmin məlum beş planet-
dən (Merkuri – Ytarid; Venera – Zöhrə; Mars – Mərrix; Yupiter –
Müştəri; Saturn – Zühəl) başqa, qədim Şərq astroloqlarının ənənə-
sinə uyğun olaraq Günəşi (Şəms) və Ayı (Qəmər) da səyyarələrin
siyahısına daxil etmişdir. Həmin yeddi səyyarə (planet), onların
səmada vəziyyəti və bir sıra fərqləndirici xüsusiyyətləri haqqında
“Xəmsə”də kifayət qədər elmi-bədii parçalar mövcuddur ki, bu da
62
A a
dərsdə hər bir planet barəsində məlumat verərkən dahi şairin
müvafiq fikirlərindən istifadə imkanı yaradır.
Dahi mütəfəkkir-şair “Yeddi gözəl” poemasında ulduzların və
planetlərin səmada vəziyyətini təsvir edərkən qeyri-adi astronomik
hadisə olan planetlərin cütləşməsi hadisəsini böyük sənətkar qələmi
ilə təsvir etmişdir:
Müştəriylə Zühəl qovuşan zaman,
Günəş daxil oldu Həmalə Hutdan.
Otlar Xızır kimi bütün çöl boyu,
Tapdı hər tərəfdə dirilik suyu...
Novruz havasında olan etidal,
Aləmə bəxş etdi nurani bir hal.
Novruzun nəsimi yeni əhd ilə
Qatdı öz canını çiçəyə, gülə.
Göründü otların baş qaldırması,
Silindi aynadan günəşin pası.
Efir ətəyində şəbnəm oturdu,
Hərarət şaxtaya bir zərbə vurdu...
Səbzəyə baxdıqca nurlandı gözlər,
Hər şey cavanlaşdı oldu təzə - tər (yenə orada, 58).
Burada çəkilən misaldan göründüyü kimi,dahi şair planetlərin
Yupiter (Müştəri) və Saturn (Zühəl) planetlərinin cütləşməsini qeyd
etməklə yanaşı, həmin hadisənin yaz gecə-gündüz bərabərliyi günü,
yəni 21 martda baş veridiyini, bununla əlaqədar yazın gəlişi nəticə-
sində təbiətin canlanmasını, hər tərəfin gül-çiçəyə qərq olmasını
təsvir etmişdir.
Planetlərlə bahəm, dahi mütəfəkkir “Xəmsə”də bürclər haq-
qında çox geniş məlumat vermişdir. Məlum olduğu kimi, ulduzların
müşahidəsini və öyrənilməsini asanlaşdırmaq məqsədilə ulduzlu
göy bürclərə, yəni ulduz qruplarına (topalarına) bölünür. Göy qüb-
bəsi 88 bürcə ayrılmışdır. Həmin bürclərdən ən çox öyrənilənləri
Zodiak (onların əksəriyyəti heyvan adı daşıdığından belə adlanır)
bürcləridir. Ekliptika (göy qübbəsinin böyük dairəsi) ətrafında yer-
63
A a
ləşən bu bürclərdən Günəş sistemi planetləri və Ayın həqiqi yolu
keçdiyi üçün onlar qədimdən daha yaxşı öyrənilmişdir. Qədim ast-
ronomiya elminə dair əsas mənbələri yaxşı mənimsəyən mütəfəkkir-
şair Zodiak bürclərinin hamısını “Xəmsə”də təsvir etmişdir. Həmin
bürclər “Xəmsə”də şərq ədəbiyyatındakı adları ilə öz əksini
tapmışdır:
1. Hut (Qoç); 2. Sur (Öküz); 3. Cövzə (Əkizlər); 4. Tir (Xər-
çəng); 5. Əsəd (Şir); 6. Delvi (Qız); 7. Zənəb (Əqrəb); 8. Həməl
(Oğlaq); 9. Mizan (Tərəzi); 10. Qövs (Oxatan); 11. Dolça (Dolça);
12. Mahi (Balıq).
Qeyd olunan bürclərin xüsusiyyətləri, səmada vəziyyətləri,
Günəş sistemi planetlərinin nə vaxt hansı bürcdə göründüyü haqqın-
da daha geniş məlumatlara “Yeddi gözəl” poemasında rast gəlirik.
Məsələn:
O gün ki, Bəhramın sübhü açıldı,
Qaranlıq gecəyə işıq saçıldı.
Kimya kürəsini göyün yandıran,
GünəĢdən, Qəmərdən daim dəm vuran.
Münəccimlər düşdü dərin heyrətə,
Baxdıqca göyləri ölçən alətə...
Yəqin etdilər ki, təzə doğulan,
Olacaq hünərli, şöhrətli insan.
Taleyi Hut idi, MüĢtəri Hutda,
Zöhrə bir ləl idi sanki yaqutda.
Ay Surda, Cövzədə Tir tutmuş qərar
Mərrix də, Əsəd də oldu aşikar.
Möhkəm idarəylə Delvidən Zühəl,
Düşmənə hə verib qovdu əlbəəl.
Gəlib Zühəlinə Zənəb yanaşdı,
Günəş Həməlinə yaxın dolaşdı.
Bir müştəri kimi hər parlaq Ülkər
O xoşbəxtdir deyib verdi xoş xəbər
(yenə orada, səh.50).
64
A a
Göstərilən misaldan göründüyü kimi dahi şair kiçik bir şeir
parçasında 15 göy cisminin və hər bürcün (Günəş, Ay, Hut, Müştəri,
Zöhrə, Sur, Cövzə, Tir, Mərrix, Əsəd, Delvi, Zühəl, Zənəb, Həməl,
Ülkər) adını çəkmiş, Bəhram Gurun anadan olduğu gün onların sə-
madakı vəziyyətini, parlaqlıq dərəcəsini astronomik dəqiqliklə təs-
vir etmişdir. Yuxarıda qeyd olunan nümunələri və digər faktları
araşdırıb təhlil edən H.Abdullayev və L.Vəliyev belə bir düzgün qə-
naətə gəlmişlər ki: “Bütün bunlar göstərir ki, böyük şair-filosof
qədim Şumer, Misir və Yunan astronomlarının elmi əsərləri, kata-
loqları və cədvəlləri ilə tanış olmuş və onları öyrənmişdir” (yenə
orada, səh.51). Bu haqlı qənaətə onu da əlavə etmək istəyərik ki,
fikrimizcə, dahi Nizami qeyd olunan elmi mənbələri nəzəri cəhət-
dən mənimsəməklə kifayətlənməmiş, göy cisimləri üzərində uzun-
müddətli və məqsədyönlü müşahidələr aparmaqla onları praktiki
olaraq da öyrənmişdir.
Astronomiya müəllimi müvafiq mövzuların tədrisi zamanı
dahi şairin göy cisimləri haqqındakı dəyərli misralarından söz əya-
niliyinin bir növü kimi yararlanmaqla bərabər, şagirdlərə belə bir
əla informasiyanı çatdırmalıdır ki, Azərbaycan astronomlarının qa-
zandığı uğurlar nəticəsində Beynəlxalq Astronomiya İttifaqı 8 kiçik
planetə, həmçinin, Marsda və Ayda üç kraterə Azərbaycanla bağlı
ad vermişdir (77). Heç də təsadüfi deyildir ki,həmin planetlərdən bi-
rinə məhz dahi şairin adı (“Nizami Gəncəvi”) verilmişdir. Bu fakt
belə bir həqiqəti bir daha təsdiqləyir ki, dahi şair olan Nizami Gən-
cəvi eyni zamanda Azərbaycanın dünyada tanınan görkəmli astro-
nom-alimidir.
Müəllimin belə dəyərli informasiyanı öz şərhinə əlavə etməsi
həm dərsi müasir həyatla əlaqələndirməklə onun maraqlı keçməsinə,
biliklərin möhkəmləndirilməsinə səbəb olur, həm də şagirdlərin
qəlbini böyük fəxarət hissləri ilə dolduraraq vətənpərvərlik tərbiyə-
sinin inkişafına zəmin yaradır.
Fizika, astronomiya, riyaziyyat, kimya, biologiya və s.fənlərin
tədrisi prosesində dahi şairin təbiətlə, kainatla bağlı müvafiq fikir-
Dostları ilə paylaş: |