68
A a
Göründüyü kimi, şair burada şahın səxavətli əlini səpələnən
civəyə bənzətmiş, həm də səpələnən civənin bir yerə yığmağın qey-
ri-mümkün olduğunu açıq-aydın yazmışdır. Həqiqətən də, dağılan –
səpələnən civəni bir yerə yığmaq – toplamaq qeyri-mümkündür.
“Xosrov və Şirin” poemasında şair civənin başqa bir əlaməti-
nə (qızılı rənginə) diqqəti yönəldir:
O mahtap üçünsə Xosrovun qəlbi,
Əsirdi qızıllı civələr kimi (57, 91).
Yenə həmin poemada şair civəni gümüşlə müqayisə edərək
yazır:
Bir başa ki, civə tökə fələklər,
O, gümüş bütlərdən civətək hürkər (yenə orada, səh.318)
Göstərilən misallardan aydın olur ki, şair civənin demək olar
ki, bütün əlamət və xassələrini dərindən bilmiş və onları öz poema-
larında bənzətmə yolu ilə böyük ustalıqla ifadə etmişdir. Kimya
dərsində müvafiq növzuların tədrisi prosesində civə haqqında daha
ətraflı bilik vermək, dərsdə verilən məlumatları genişləndirmək və
əyaniləşdirmək məqsədilə dahi şairin yuxarıda qeyd olunan misrala-
rından istifadə səmərəli ola bilər və məqsədəuyğundur.
Şairin xüsusi diqqət verdiyi kimyəvi maddələrdən biri kükürd-
dür. “Xəmsə”də şair tez-tez bu kimyəvi maddənin saciyyəvi əlamət
və xassələrinə toxunur, onu digər maddələrlə müqayisə edir. Məsə-
lən, “Sirlər xəzinəsi”ndə oxuyuruq:
Kükürd saçan məhşərdir, göz qaraldar bu səhra,
Tez keçməyən yolçunu tez saraldar bu səhra (75, 144).
Nümunədən göründüyü kimi, şair cəmi iki misrada kükürdün
həm gözyaşardıcı xassəsini, həm də sarı rəngdə olmasını bədii usta-
69
A a
lıqla təsvir etmişdir. Başqa poemalarında şair kükürdün növləri və
digər xassələri haqqında da maraqlı məlumatlar vermişdir. Məsələn,
“Xosrov və Şirin” poemasında ağ kükürd və onun səciyyəvi
xüsusiyyətləri haqqında şair poetik dillə deyir :
Şaha dal çevirdi uymadı dilə,
Odu söndürürdü bir ağ kükürdlə (57, 137).
Misaldan aydın görünür ki, şair ağ rəngli kükürdün odu sön-
dürməsi xassəsinə yaxşı bələd olduğu üçün yuxarıdakı bənzətməni
işlətmişdir. “İsgəndərnamə” poemasında şair ağ və qırmızı kükür-
dün az tapıldığı üçün ağ ləl qədər qiymətli olduğuna işarə edərək
yazır:
Ağ kükürd deyilsən, ağ ləl deyilsən,
Arayan ümidsiz qayıtsın səndən (37, 33).
“Yeddi gözəl” poemasında isə şair qırmızı kükürdü alov rən-
ginə bənzədir, Zərdüşt ocağı ilə müqayisə edir:
Alovdur nəşənin keyfin dayağı,
Zərdüştün qırmızı kükürd ocağı (64, 127).
Şair Afrika səhralarının cəhənnəm odu səpələyən quru sahələ-
rini sarı kükürd tozu ilə müqayisə edərək yazır:
Kükürdün tozutək qupquru çöllər,
Cəhənnəm kimiydi, yanırdı ciyər (37, 75).
Məlum olduğu kimi, kükürd kimyəvi cəhətdən aktiv element-
lərdən biri hesab olunur. O, təsirsiz qazlardan başqa bütün element-
lərlə reaksiyaya girir. Kükürd qızdırıldıqda metallarla reaksiyaya
girərək sulfidlər yaradır. “İsgəndərnamə”də kükürdün bu xassəsinə
işarə edən N.Gəncəvi yanan quyunun sirrini belə açıqlayır:
70
A a
O igid belinə bağladı kəndir,
Bilsin ki, quyuda bu atəş nədir?
Parlayan günəşdən tapdı bir nişan,
Anladı od necə çıxır quyudan.
Toplu bir alovdur, deyil dağınıq,
Gördü ki, kükürddür bir yanan işıq.
Kükürd mədənidir bu, alovlanır,
Kükürddən dörd yanı alışıb yanır.
Bu sirri bilirmiş könüldə yatan.
Özünü kükürdlə məhv etmiş inan
(yenə orada, səh.250).
Dahi şair poemalarında almazın xassələri haqqında da tez-tez
müqayisələr verir, onun bərkliyinə xüsusi diqqət yetirir. Məsələn:
Bir ovuc daş verib dedilər: “Bir bax,
Bu daşlar minikdə qomayıb dırnaq.
Nallardan əzabla çıxarmışıq biz,
Bunlardan dad çəkib miniklərimiz.
Polad çəkiclərlə döydük o ki var,
Polad sındı, amma sınmadı daşlar.
Şah daşa zəhm ilə qılınc çaldı,
Qılınc parçalandı, daş bütöv qaldı.
Hansı bir maddəyə onu sürtdülər,
Qalaydan başqa şey etmədi əsər.
Doğrudan bu daşlar bərkdi, itiydi,
Odur ki, bunlara şah “almaz” dedi
(yenə orada, səh.545).
“İsgəndərnamə” poemasının “İsgəndərin daşa sitayiş edənlər
kəndinə yetişməsi” adlı parçadan götürülmüş bu misralardan aydın
olur ki, dahi şair almazın möhkəmlik xassəsi ilə yanaşı, onun qalay-
la reaksiyaya girərək kövrəlməsini də yaxşı bilmiş, həm də dünyada
71
A a
ən çox almaz yataqlarının cənubda, yəni Afrikada olması faktı da
ona məlum olmuşdur. Almazın ən bərk daşlardan biri olduğuna bax-
mayaraq, qalaya qarşı davamsız olduğunu şair həmin poemanın
başqa bir yerində obrazlı şəkildə belə ifadə etmişdir:
Gəl burax bu kimi islaha yanaş,
Qalaydan pozulur almaz kimi daş
(yenə orada, səh.138).
BaĢqa misal:
Etmə tabeinlə çox yumşaq rəftar,
Məlumdur: almazı qalay sındırar
(yenə orada, səh.523).
“Xəmsə”də şairin ən çox diqqət yetirdiyi kimyəvi elementlər-
dən biri – qiymətli metallardan olan gümüşdür. Dahi şairin əksər
poemalarında, xüsusilə “İsgəndərnamə”də gümüşün kimyəvi xassə-
ləri, fərqləndirici xüsusiyyətləri, başqa elementlərlə müqayisəsi haq-
qında geniş məlumatlara rast gəlirik. Məsələn, “İsgəndərnamə” poe-
masında gümüşün digər metallarla müqayisədə qatışıqlardan (xılt-
dan) daha tez ayrılma xassəsini yüksək qiymətləndirən dahi Nizami
insanları gümüşdən nümunə götürməyə, yəni mənəvi təmizliyə,
saflığa çağırır:
Xıltdan ayrılmağı öyrən gümüşdən,
Çalış gümüş kimi saf, təmiz ol sən
(yenə orada, səh.462).
Dahi şair “Yeddi gözəl” poemasında çeşmə suyunda üzən ba-
lıqları civədə üzən dirhəmə – çəkisi 3,12 qram olan qədim gümüş
pula bənzədir:
Çeşmənin suyunda üzən balıqlar,
Civədəki gümüş dirhəmə oxşar (64, 145).
Dostları ilə paylaş: |