8
A a
Məlum həqiqətdir ki, orta məktəblərdə humanitar fənlər içəri-
sində Nizami irsinin öyrədilməsi baxımından birinci yeri ədəbiyyat
tutur. Lakin müşahidələr göstərir ki, bəzi qabaqcıl təcrübəyə malik
olanlar istisna olmaqla ədəbiyyat müəllimləri öz dərslərində N.Gən-
cəvini yalnız bir şair kimi öyrədir və onun haqqında ancaq mövcud
bilikləri verməyə çalışırlar. Halbuki Nizami dahi şair olmaqla ya-
naşı böyük mütəfəkkir-filosof, ensiklopedik biliyə malik alimdir.
Onun əsərlərində həm humanitar (ədəbiyyat, dilçilik, tarix, musiqi,
təsviri incəsənət və s.), həm də təbiət-riyaziyyat elmləri (fizika, hən-
dəsə, kimya, biologiya, coğrafiya və s.) ilə bağlı çox dəyərli fikirlər,
zamanı qabaqlayan ideyalar kifayət qədərdir.
Ədəbiyyat müəllimi dahi şairin əsərləri haqqında proqram
tələbləri əsasında biliklər verməklə kifayətlənməməli, onun poezi-
yasındakı qüdrətli tərbiyəvi təsir gücündən istifadə etməyə çalışma-
lı, şagirdləri şairin müsbət qəhrəmanlarından örnək almağa alışdır-
malıdır. Məsələn, VI sinifdə şairin “Oğlum Məhəmmədə nəsihət”
şeirini öyrədərkən müəllim dərslikdə verilmiş tapşırıq və suallarla
(7, 79 – 80) kifayətlənməməli, əqli hücum, klasster (şaxələndirmə),
qruplarla iş və s. interaktiv təlim metodları və iş formalarından
istifadə etməyə çalışmalıdır.
Müxtəlif üsullar əsasında şeirin tərbiyəvi cəhətlərini aşkara çı-
xaran müəllim alınan nəticələri ümumiləşdirməli və aşağıdakı xüla-
səni hasil etməlidir:
- uşaqlar, gördüyünüz kimi dahi şairi və böyük tərbiyəçi olan
N.Gəncəvi öz oğlunun timsalında gənc nəslə tövsiyə edir ki:
1) insan cavanlıq yaşından qeyrətlə çalışmalı, hünər göstərməlidir;
atasının səbəbinə deyil, öz hünəri ilə uğurlar azanmağa çalışmalıdır;
2) cəmiyyətdə öz yerini tutmaq üçün ağıllı-kamallı olmaq, xalqa
hörmətlə yanaşmaq lazımdır; 3) insan hisslərini cilovlamağı bacar-
malı, Allah yolundan kənara çıxmamalıdır; 4) insan bir elmi və ya
peşəni öyrənmək istədikdə onu dərindən öyrənməli, öz peşəsinin
kamil ustası olmalıdır; 5) hər bir cavan atanın öyüd-nəsihətinə qulaq
asmalı, onlara əməl etməli, veyil-veyil gəzməməlidir.
9
A a
Aparılan müşahidələr və anket sorğuları göstərir ki, dahi şai-
rin ayrı-ayrı əsərlərinin dərindən öryənilməsi, həmin əsərlərdəki tər-
biyəvi cəhətlərin tam üzə çıxarılması baxımından müasir təlim
vasitələri və texnologiyaları əsasında hazırlanan təqdimatlar böyük
təlim-tərbiyə əhəmiyyəti kəsb etməklə yanaşı, şagirdlərdə yaradı-
cılıq qabiliyyətlərinin, müstəqil düşünmək və işləmək bacarıqlarının
inkişafına güclü təkan verir. Məsələn, Bakı şəhəri Nəsimi rayonu 42
saylı orta məktəbin Azərbaycan dili və ədəbiyyatı müəllimi Gülər
Asif qızı Şahbaza bu sahədə maraqlı iş təcrübəsinə yiyələnmişdir.
O, öz dərsində təqdimatların hazırlanması və istifadəsinə xüsusi
diqqət yetirir. Onun VII sinifdə tədris olunan “N.Gəncəvinin “Xeyir
və Şər” əsərinin məzmunu” mövzusuna aid hazırladığı təqdimat
pedaqoji ictimaiyyətdə böyük maraq doğurmuş və Təhsil Nazirliyi-
nin təşkil etdiyi “Elektron təhsil müsabiqəsi”nə “İKT-dən istifadə
edilməklə qurulan tədris prosesinin ən yaxşı modeli” nominasiyası
üzrə təqdim edilmişdir. Həmin təqdimatda Nizami Gəncəvinin hə-
yatı və yaradıcılığı haqqında məlumatı əks etdirən sxemlər, “Yeddi
gözəl” əsəri ilə bağlı sorğu xarakterli slaydlar və həmin əsərdən
olan “Xeyir və Şər” mənzum hekayəsi əsasında çəkilmiş cizgi filmi
nümayiş etdirilir (bax: 8)
Fikrimizcə, belə təqdimatları dahi Nizaminin digər əsərləri,
xüsusilə “Sirlər xəzinəsi”ndəki hekayətlər əsasında hazırlamaq və
onlardan tədris prosesində müvafiq mövzuların öyrədilməsi zamanı
istifadə etmək olar və faydalıdır. Çünki həm müasir təlim texnologi-
yalarının, həm də interaktiv təlim metodlarının tətbiqini nəzərdə
tutan belə təqdimatlar dahi şairin həyat və yaradıcılığı haqqında
şagirdlərin biliyini dərinləşdirir və möhkəmləndirir, eyni zamanda
onun sevilməsinə psixoloji zəmin yaradır.
Qeyd olunan təqdimatın daha geniş formasını 10-cu sinifdə
“Nizami Gəncəvi. Həyatı və yaradıcılığı” mövzusunun tədrisi zama-
nı hazırlamaq və şagirdlərin müzakirəsinə vermək daha səmərəli nə-
ticə verə bilər. Həmin təqdimata aşağıdakıları daxil etmək məqsədə-
uyğun olar: 1) Qədim və orta əsrlərdə Gəncənin təsvirinə aid slayd-
lar; 2) “Nizami” bədii və sənədli filmlərindən fraqmentlər; 3) Niza-
10
A a
minin qəzəllərindən seçmələr; 4) “Xəmsə”yə daxil olan poemaların
("Sirlər xəzinəsi", - 1174; "Xosrov və Şirin", - 1181; "Leyli və Məc-
nun", - 1188; "Yeddi gözəl", - 1197; İsgəndərnamə, - 1203) yaran-
ma tarixini və başlıca ideyalarını əks etdirən sxemlər, klassterlər və
miniatürlər; 5) N.Gəncəvinin məqbərəsinə həsr olunmuş sənədli
filmdən və televiziya verilişlərindən fraqmentlər; 6) N.Gəncəvinin
870 illik yubileyinə həsr olunmuş tədbirlərdən fraqmentlər.
Qeyd olunan materialları internetdəki çoxsaylı saytlardan (9,
10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27,
28, 29, 30, 31, 32, 33, 34 ) və hazır səhifələrdən əldə etmək müm-
kündür. Bir sıra qabaqcıl məktəblərdə belə təqdimatlar məktəbin öz
saytında yerləşdirilib ki, bu da vaxtaşırı onlardan istifadəni asanlaş-
dırır.
Onuncu sinfin ədəbiyyat dərsliyində dahi şairin yaradıcılığı-
nın zirvəsi olan “İsgəndərnamə” əsərinə geniş yer verilmişdir (bax:
35, səh. 56 - 61). Bu imkandan bacarıqla istifadə edən müəllim hə-
min poemanın öyrədilməsinin güclü tərbiyə vasitəsinə çevrilməsinə
nail ola bilər. Burada başlıca diqqət Nizami yaradıcılığında türk-
çülüyün tərənnümü məsələsinə yönəldilməlidir. Dahi Azərbaycan
şairinin farsca yazması faktından sui-istifadə edən bir çox bədxahla-
rımız, hətta, bəzi sapı özümüzdən olan baltalar onun fars şairi olma-
sından, türkçülüklə heç bir əlaqəsinin olmamasından dəm vurur,
çoxsaylı cızma-qaralarla oxucuları aldatmaq istəyirlər.
Gənc alim Xədicə İsgəndərlinin apardığı elmi-tədqiqat işi (35)
və həmin işin nəticəsi olaraq nəşr etdirdiyi "Nizami və türklük" adlı
monoqrafiya (36) bədxahlarımıza tutarlı elmi cavabdır. Müəllifin
çoxsaylı elmi dəlillər əsasında gəldiyi qənaət bir daha təsdiq edir ki,
N.Gəncəvi farsca yazdığına baxmayaraq türk oğlu türk olaraq bütün
poemalarında, xüsusilə "İsgəndərnamə"də türk ruhuna və əqidəsinə
sadiq qalmış, türklüyü parlaq boyalarla tərənnüm etmişdir. Müəlli-
fin bu əsərinin elmi yeniliyi və əhəmiyyəti aşağıdakılardan ibarət-
dir:
1)
Dahi şairin yaşayıb-yaratdığı ictimai-mədəni mühitin türk
plastının tarixi qaynaqlar və ədəbi əsərlər əsasında açıqlanması və
Dostları ilə paylaş: |