42
A a
şagirdlər tərəfindən dərk olunmasını asanlaşdırmaq üçün dahi şairin
şəxsiyyəti və poeziyasının məziyyətləri, “Xəmsə”yə daxil olan əsər-
lər haqqında yığcam-lakonik şərh verir. Həmin məlumatı ümumi-
ləşdirən müəllim qeyd edir ki, F.Əmirovun dahi şairin yubileyi
münasibətilə yazdığı simli alətlər üçün “Nizami” simfoniyası bəstə-
karın böyük Nizami dühasına, şəxsiyyətinə və sənətinə olan dərin
məhəbbətin parlaq ifadəsidir. Bu məhəbbətin nəticəsidir ki, o,
ömrünün sonunda “Nizami baletini yazıb tamamlamışdır.
Qeyd olunan imkan və vasitədən, eləcə də Əfrasiyab Bədəl-
bəylinin “Nizami” operası haqqında məlumat verərkən istifadə
etmək mümkün və zəruridir.
Orta məktələrdə tədris olunan humanitar fənlərdən biri də
Təsviri incəsənətdir. Həmin fənnin tədrisi prosesində də dahi şairin
yaradıcılığına istinad edərək onu eyni zamanda təsviri incəsənətin
müxtəlif sahələrinə dərindən bələd olan bir mütəfəkkir kimi şagird-
lərə tanıtmaq baxımından müəyyən imkanlar, vasitə və yollar möv-
cuddur. Onları aşağıdakı kimi qruplaşdırmaq olar:
1.
Təsviri incəsənətin və xalq tətbiqi sənətinin müxtəlif növ-
lərinin tarixinə və xüsusiyyətlərinə dair nəzəri məlumatlar verərkən
N.Gəncəvinin “Xəmsə”sindən elmi mənbə kimi istifadə olunması.
Məlum olduğu kimi, dahi şairin “Xəmsə”sində rəssamlıq, boyakar-
lıq, memarlıq, xalçaçılıq və s. sənətlər haqqında dəyərli fikirlər kifa-
yət qədərdir. Məsələn, “Yeddi gözəl” poemasında N.Gəncəvi rəng-
lərin özünəməxsus xüsusiyyətlərini, rəssamlıq sənətinin əhəmiyyə-
tini, estetik tərbiyədə bu incənət növünün rolunu mahir rəssam kimi
vəsf edir. Bu cəhətdən, “Yeddi gözəl” poemasında Bəhramın yeddi
rəngdə yeddi günbəd tikdirməsi haqqındakı hekayələr daha çox
diqqət çəkəndir.
Burada şair əvvəlcə yeddi rəngli yeddi günbəd tikən Şidənin
rəssamlıq və memarlıq sənətinin incəliklərini vəsf edir, həmin
sənətkar üçün zəruri olan keyfiyyətlərini sadalayır:
Gün kimi parlaqdı, Şidə şöhrəti,
Vurardı qayaya, ağa zinəti.
43
A a
Rəssamdı, mötəbər bir sənətkardı.
Mühəndisdi, böyük hünəri vardı.
Tibb elmi, həndəsə, asiman, nücum,
Şidənin əlində sanki mumdu, mum.
İncə memar idi, bəzək vurandı,
Nəqşlər çəkərək, surət qurandı (64, 129 – 130).
Göstərilən nümunədən aydın görünür ki, N.Gəncəvi rəssamlıq
və memarlıq sənətinin digər sənətlərlə və elmlərlə (mühəndislik,
tibb, astronomiya, həndəsə və s.) sıx əlaqəsini yaxşı bilmişdir. Şidə
məhz qeyd olunan keyfiyyətlərə və qabiliyyətlərə malik olduğu
üçün yeddi iqlimə – təbii şəraitə və rəngə uyğun olaraq bənzərsiz
yeddi günbəd tikir. Şairin təsvir etdiyi həmin rənglər demək olar ki,
spektrin yeddi rənginə tam uyğun gəlir.
Müəllim, rəssamlıq sənəti, onun xüsusiyyətləri və əhəmiyyəti;
rənglər, onların xüsusiyyətləri, rəssamlıqda rolu və s.haqqında nəzə-
ri biliklər verərkən yuxarıda qeyd etdiyimiz faktlardan istifadə edə
bilər. Məsələn, qara rəngdən bəhs edərkən dahi şairin bu rəngə necə
böyük əhəmiyyət verdiyini qeyd edərək, şagirdlərin diqqətini
aşağıdakı misralara yönəltmək olar :
Göz, qarası ilə görər cahanı,
Kim görmüş ləkələr örtsün qaranı?
Gecə örtməsəydi qara ipəklər
Ayın beşiyinə yarardı məgər?
Yeddi rəng tanıyır geniş asiman
Qaradır rənglərə üstün hər zaman. (64, 163)
Dahi şairin yaşıl rəng haqqındakı fikirləri də maraqlıdır:
Əkinə rövnəqdir yalnız yaşıl rəng,
Odur mələklərə verən min bəzək.
Yaşıllıq hər şeyin təravətidir,
Yaşıl rəng gözləri işıqlı edir.
44
A a
Bitki yaşıllıqla həmahəng olar,
Cavanlıq hər zaman yaşıl rəng olar
(yenə orada, səh.191).
Məlum olduğu kimi, xalq tətbiqi sənət növü olan xalçaçılıq
Azərbaycanda qədim zamanlardan mövcud olmuş və orta əsrlərdə, o
cümlədən, N.Gəncəvinin yaşadığı dövrdə özünün yüksək inkişaf
mərhələsinə çatmışdır. Bunu bir çox digər elmi mənbələrlə yanaşı,
dahi Nizaminin “Xəmsə”si də sübut edir. Belə ki, xalq sənətinin
bütün sahələrinə dərindən bələd olan və onları öz əsərlərində parlaq
səhifələrlə əks etdirən N.Gəncəvi xalçaçılıq sənətini də yaddan çı-
xarmamış, bu barədə “Xəmsə”də dəyərli məlumatlar vermişdir. Mə-
sələn, fikrimizi təsdiqləyən faktlardan bir neçəsi Azərbaycan Xal-
çası və Xalq Tətbiqi Sənəti Dövlət Muzeyinin direktoru Röya Tağı-
yevanın aşağıdakı sözlərində arqumental ifadəsini tapmışdır: “Bu
gün biz Nizami yaradıcılığına yeni nəzərlə – xalq tətbiqi sənətində
yeri və dəyəri nəzərindən baxacağıq. Nizami Gəncəvinin ölməz
poemalarında xalq sənətlərinə və xüsusən xalçaçılıq sənətinə, saray-
lar bəzəyən gözəl xalça təsvirlərinə geniş yer verilib. “İsgəndərna-
mə” əsərinin “Şərəfnamə” hissəsində İsgəndərin Bərdə şəhərinə Nü-
şabənin sarayına qonaq getməsi səhnəsini, “Xosrov və Şirin”də
Xosrovun Şirinin qəsrinə getməsi səhnəsini təsvir edərkən müxtəlif
xalça növlərinə və yenə də “Xosrov və Şirin” poemasında Xosrovun
ova çıxmasını təsvir edərkən məfrəşin və “Yeddi gözəl” əsərində
Azərbaycanda çox geniş yayılmış xalça məlumatı olan heybənin
təsvirini verib. Bu məlumatlar Azərbaycanda yüksək keyfiyyətli
xalça məmulatları istehsal edildiyini tam göstərir” (65).
Təsviri incəsənət dərslərində xalçaçılıq sənətinin inkişaf tari-
xindən və xalça məmulatlarının müxtəlif növlərindən bəhs edərkən
qeyd olunan faktlardan bir dəlil kimi istifadə olunması həm şagird-
lərin bu barədə biliklərini genişləndirir, həm də N.Gəncəvini xalça
sənətinin bilicisi kimi də onlara sevdirir.
2.
Miniatür janrı ilə bağlı biliklər verərkən dahi Nizaminin
“Xəmsə”sinə çəkilmiş miniatürlərin nümunə göstərilməsi.
Dostları ilə paylaş: |