12
A a
bariz nümunəsidir. Bu məhəbbətin nəticəsidir ki, Nizami İsgəndəri
qədim türk – xəzər şəhəri olan Dərbəndə gətirir, bu şəhəri çöllülərin
hücumundan qorumaq üçün dindar bir türk zahidindən məsləhət alır
və öz xoş niyyətini yerinə yetirir. Çöllülərin hücumundan xilas ol-
maq üçün türklər – xəzərlər İsgəndərlə birlikdə mübarizə aparırlar.
4.
Əslində türk xaqanı olan "Çin xaqanı"
öz ordusunu döyüşə
hazırlamaq üçün adlı-sanlı pəhləvanları məhz Türküstan – Turan
ərazisindən toplayır. Türk hökmdarı Nüşabə kimi, Türk xaqanı da
öz ağlı və fərasəti ilə nəinki İsgəndərə "dərs" verir, həm də onunla
dost olur. Isgəndər xaqanın dəvətini qəbul edib ona qonaq gələrkən
böyük hörmət əlaməti olaraq xaqanı öz yanında taxta əyləşdirir:
Şah onu çağırdı
hörmətdir deyə,
Oturdu şah kimi qızıl kürsüyə.
Başqa
tacidarla hörmətə görə,
Isgəndər yanında diz çokdü yerə.
(37, 304)
5.
İsgəndərin xilaskarlıq missiyasını təsvir edərkən Nizami
onu hər zaman türklərin tərəfində göstərir ki, bu da şairin öz doğma
xalqına məhəbbətdən irəli gəlir. Poemada rusların dağıdıcı orduları-
na mənfi münasibəti tədqiqatçılar Nizamidən 2 əsr əvvəl rus qoşun-
larının Bərdəyə hücum edib onu dağıtması ilə bağlayırlar. Nizami
həmin tarixi hadisəni İsgəndərin dövrünə keçirir və beləliklə, ona öz
mənfi münasibətini bildirir. Həddini aşmış rusları cəzalandırmaq
üçün qəzəblənmiş İsgəndəri onların ardınca göndərən Nizami, onu
daha böyük türk toplumunun içərisindən – Qıpçaq çölündən keçirir
və türklərlə yaxın əlaqədə təsvir edir. Poemanın bu parçası Niza-
minin türkün gözəlliyinə, sərbəstliyinə, azadlığına və hazırcavablı-
ğına oxuduğu himn kimi səslənir. İsgəndər ruslara qarşı müharibədə
ən çox türklərə arxalanır, onları özünə müttəfiq və silahdaş sayır.
6.
Bir insan və hökmdar kimi Nizami İsgəndəri türk milli –
mənəvi mentalitetinə uyğun təsvir etmiş, onun cəngavərliyini, təd-
birliliyini, səxavət və alicənablığını ətrafında görüb – müşahidə
etdiyi, haqqında tarixi-bədii məlumata malik olduğu türk hökmdar-
13
A a
larına bənzətmişdir. İsgəndərdəki türk mentalitetinin bədii təqdimini
daha qabarıq göstərmək üçün onun İran şahı Dara ilə qarşılaş-
dırılması zəngin bədii materialdır. İsgəndər hər cəhətdən bir insan
və hökmdar kimi Daraya üstün gəlir. Yalnız türk mentalitetinə xas
olan bir alicənablığın
("Kişi yıxdığını kəsməz") nəticəsidir ki,
İsgəndər ağır yaralanmış, ölümcül halda olan Daranın başını dizləri
üstə alır, onun faciəsinə göz yaşı tökür:
İsgəndər ağladı:
Aman tacidar,
Nökərin İsgəndər mənəm, şəhriyar.
İstəməzdim görüm
torpaqda səni,
Öz qanına qəltan bədəni.
(37, 154)
Onu da xüsusi qeyd etmək lazımdır ki, Nizaminin türklüyü
sevə-sevə tərənnüm etməsinə dair belə faktlar onun digər poemala-
rında kifayət qədərdir. Həmin faktlardan hər bir əsərin təhlili za-
manı tərbiyələndirici faktor kimi istifadə etmək məqsədəuyğun və
zəruridir.
Nizaminin həyat və yaradıcılığını tədris prosesində şagirdlərə
dərindən öyrətməyin və sevdirməyin yollarından biri də dahi şair və
mütəfəkkir haqqında görkəmli şəxsiyyətlərin dəyərli fikirlərindən
istifadə etməkdir. Belə kəlamlardan bir neçəsinə nümunə üçün
diqqət yetirək :
"Əgər dünyanın bütün dövrlərdə yaşamış şairlərini bir cərgəyə
düzmək lazım gəlsə, mən birinci yeri tərəddüd etmədən Nizami
Gəncəviyə verərdim" (
38) Bu sözlərin müəllifi görkəmli şərqşünas
alim akademik Yevgeni Eduardoviç Bertelsdir. N.Gəncəvinin şəx-
siyyətin və sənətini çox yüksək qiymətləndirən Y.E.Bertels onu
Firdovsi ilə müqayisə edir və bu tutuşdurmada heç bir tərəddüd etmə-
dən üstünlüyü dahi Azərbaycan şairinə verir: "Nizami öz zamanının
ən qabaqcıl adamlarını belə ötüb keçmişdir. Onu bədii söz sahəsində
dünya epopeyası yaradıcısı Firdovsi ilə tutuşduraraq deyə bilərik ki,
bütün əzəmətinə baxmayaraq, Firdovsinin üzü keçmişə çevrilmişdir.
O keçmişi diriltmək istəyirdi. Elə fərq bundadır ki, keçmişi diriltmək