17
A a
etmək, beləliklə dahi şairin təkcə Azərbaycanda deyil, bütün dünya-
da məşhur olduğu qənaətini formalaşdırmaqdır.
N.Gəncəvinin böyüklüyü və əzəmətini şagirdlərə anlatmağın
vasitə və yollarından biri də onun həyatı və yaradıcılığı, ədəbi – fəl-
səfi, pedaqoji-psixoloji irsi haqqında son dövrlərin elmi axtarışları-
nın nəticələri kimi meydana çıxan yenilikləri şagirdlərə çatdırmaq-
dır. Nümunə üçün belə yeniliklərdən bir neçəsini nəzərdən keçirək.
Məlum ədəbiyyatların və dərsliklərin demək olar ki, hamısında
N.Gəncəvinin 1141-ci ildə anadan olması və 1209-cu ildə vəfat
etməsi göstərilmişdir. Lakin görkəmli şərqşünas alim prof. Rüstəm
Əliyev apardığı elmi araşdırmalar nəticəsində sübut edir ki, N.Gən-
cəvi 1140-cı ilin avqust ayının 17-si ilə 22-si arasında dünyaya
gəlmiş və 1202-ci ilin aprelində vəfat etmişdir (42, 146, 150).
Yeni araşdırmalar nəticəsində o da sübut olunmuşdur ki, Dər-
bənd hakiminin Nizamiyə göndərdiyi Afaq (Appaq) heç də qulluqçu
olmamışdır. Buradakı kəniz sözü ərəb dilindəki "xəzinə" sözündə-
dir. "Şairin ilham məşəli" adlı məqalənin müəllifi bu haqda elmi
məntiqə söykənən belə bir qənəaətə gəlir ki : "əgər Dərbənd hakimi
Dara Müzəffərəddin Afaqı (Appaqı) Nizamiyə, həqiqətən, qulluqçu
göndərsəydi, yazardı ki, cariyə göndərirəm. Ərəb dilində qulluqçu
mənasını daşıyan "cariyə" sözü lap qədimdən indiyədək mövcud-
dur. Dara Müzəffərəddin gənc Nizamiyə Afaqı "qulluqçu" kimi de-
yil, əvəzsiz gözəllik xəzinəsi olan ömür yoldaşı kimi göndərmişdi"
(41). N.Gəncəvinin aşağıdakı sözləri də bu fikrin doğruluğuna
dəlalət edir:
O, Dərbənd şahının bir töhfəsidi,
Ağıllı, saf, gözəl gül qönçəsiydi (42, 147).
Şairin həyatı haqqında maraqlı yeniliklərdən biri də onun han-
sı sənətlə – nə işlə məşğul olması ilə bağlıdır. İndiyədək belə bir
fikir hakim olmuşdur ki, dahi Nizami ancaq şairliklə məşğul olmuş,
yazdığı “Xəmsə”nin müqabilində hökmdarların ona bağışladığı "qo-
norar" hesabına yaşamışdır. Lakin yeni axtarışlar nəticəsində müəy-
18
A a
yən edilmişdir ki, o, gecələr şeir yazmaq, gündüzlər isə müəllimlik
fəaliyyətilə məşğul olmuşdur. "Xəmsə" hikmət xəzinəsi”dir adlı
məqalədə oxuyuruq: "Şair XII əsr Gəncə mədrəsələrində dərs de-
mişdir. Şahlara öyüd-nəsihət verən, elm və ürfanı yüksək qiymət-
ləndirən Nizami, söz yox ki, gənc nəslin təlim-tərbiyəsindən kənar-
da qala bilməzdi. Nizami gündüzlər müəllimlik edir, gecələr yazıb-
yaradırmış. Şair "Sirlər xəzinəsi" əsərində buna işarə edərək yazır:
Odlu düşüncələrdən şama dönəsən gərək,
Gecə alovlanasan, gündüz sönəsən gərək.
Etsə Nizamiyə paxıllıq hər kəs,
Nəmsiz bir göz görsün, ahsız bir nəfəs.
Gecə gəl, gör necə qazıram mədən,
Mədən yox, bəlkə də can qazıram mən.
"Xosrov və Şirin"dən götürülmüş bu misralardan aydın olur ki,
Nizami Gəncəvi ancaq gecələr yazıb-yaratmışdır. Hətta, "Xəm-
sə"nin bir yerində o, gündüzlər başqa işdə işləməsinə işarə edir və
bunun yaradıcılığına mane olmasından şikayətlənir". (43)
Fikrimizcə, dahi şairin öz "Xəmsə"sində təlim-tərbiyə məsələ-
lərinə geniş yer ayırması müəllimə, tərbiyəçiyə yüksək qiymət ver-
məsi faktının özü də onun bu peşənin sirlərinə dərindən bələd
olmasına və müəllimlik fəaliyyəti ilə məşğul olmasına dəlalət edir.
Dahi şair haqqında kütləvi informasiya vasitələrindən, dövri
mətbuatdan son yeniliklərin və maraqlı məlumatların toplanılması
və dərsdə onlardan maraqlı fakt kimi istifadə olunması, həm də bu
işə şagirdlərin də geniş cəlb edilməsi olduqca əhəmiyyətli və zəruri-
dir. Məsələn, N.Gəncəvinin əlyazmalarından dərsdə bəhs edərkən
müəllim dərslikdə olmayan aşağıdakı məlumatı öz şərhinə əlavə edə
bilər. Azərbaycanın Avstriyadakı səfirliyi axtarışlar nəticəsində dahi
şairin “Xəmsə”sinin bu ölkədə saxlanılan nüsxələrini Azərbaycana
gətirmək üçün Azərbaycan Mədəniyyət və Turizm Nazirliyi bu
ölkənin Milli Kitabxanasına müraciət etmişdir. Həmin kitabxananın
baş direktoru Yohanna Ralinger bildirib ki, Azərbaycanın 17 nadir
19
A a
incisindən biri olan “Xəmsə”də “İsgəndərnamə”nin 2-ci hissəsi
istisna olmaqla beş poema tam təsnifatı ilə əks olunur və ölkə
mədəniyyətini təbliğ edən bu əlyazma uzun illərdir burada qorunub
saxlanılır.
Mədəniyyət və incəsənətə daim qayğı və diqqət göstərən
ümummilli liderimiz H.Əliyev 2000-ci ildə Avstriyaya rəsmi səfər
edən zaman əsərin bərpası barədə tapşırıq vermişdi. 2002-ci ildən
bərpa olunan “Xəmsə”nin əlyazması əsasında multimedia diskinin
təqdimatı 2008-ci ilin aprelində keçirilib. Bu XII əsrin şeirlər toplu-
su olan “Xəmsə”nin tam əlayazmasıdır. Əlyazmanın üzü XVII əsrdə
Dust Məhəmməd ibn Dərviş Dərəxtiçi tərəfindən köçürülüb. Mətn
XV əsrdə geniş yayılan yazı üslubu olan nəstəliq xətti ilə yazılıb.
“Xəmsə”yə çəkilən ilkin miniatürlər də bu əsrə təsadüf edir (44).
Məlum olduğu kimi, 2011-ci ildə dahi şairin anadan olmasının
870 illiyi tamam olmuşdur. Həmin yubileyi dövlət səviyyəsində
qeyd etmək üçün Azərbaycan Respublikasının prezidenti İ.Əliyev
30 dekabr 2011-ci il tarixdə xüsusi sərəncam vermişdir. Həmin
sərəncamda N.Gəncəvinin yaradıcılığı “bəşər bədii fikrinin nadir
hadisəsi” kimi qiymətləndirilmiş, onun 870 illik yubileyini ölkə
miqyasında geniş qeyd etmək üçün əlaqədar nazirlik və təşkilatlara,
Gəncə şəhər icra hakimiyyətinə tapşırıq verilmişdir.
Təbii olaraq, şairin yubileyi ilə əlaqədar ən genişmiqyaslı
tədbirlər onun vətəni Gəncə şəhərində həyata keçirilmişdir. Şairin
xatirəsinə ehtiram və məhəbbətin bariz nümunəsi olan işlər bu gün
də onun doğma vətənində görülməkdə və getdikcə geniş vüsət al-
maqdadır. Həmin işlərdən bir neçəsini nümunə üçün qeyd edək. İlk
növbədə dahi Nizaminin məqbərə kompleksi yenidən təmir edilmiş,
ətrafında geniş park salınmış (əvvəllər bu yerlər qumlu, kollu-koslu
çöllük idi), burada “Nizami Gəncəvi Mərkəzi”nin bünövrəsi qoyul-
muş, açıq havada muzey yaradılmış, Azərbaycan Milli Elmlər Aka-
demiyasının Gəncə Regional Mərkəzində “Nizami İnstitutu” təsis
olunmuş, “Nizami Gəncəvi” adlı jurnal nəşrə başlamış, silsilə elmi-
praktik konfranslar keçirilmiş, şəhərin ali və orta məktəblərində
dahi şairin poeziyasına həsr olunmuş bədii qiraət və inşa yazıları
Dostları ilə paylaş: |