B.Hüseynov,
Ə.Salmanov, B.Məhərrəmov
275
1,53%, Miosen çöküntülərində 0,18-1,37% arasında dəyiş-
məsi, Paleosen çöküntüləri istisna olmaqla, bu çöküntülər
üzvi maddələrin zənginliyinə görə bir-birinə yaxın olmuşlar.
Bu maddələrin faizlə miqdarının eyni yaşlı çöküntülərdə
əhəmiyyətli dərəcədə dəyişməsi, çöküntütoplanma prosesi-
nin hövzənin müxtəlif sahələrində paleocoğrafi şəraitinin
dəyişkənliyi ilə əlaqədardır.
Yevlax-
Ağcabədi çökəkliyi daxilində ümumi istilik
impulsunun
Σ
τ-nin Eosen çöküntüləri üzrə 70-110 arasında,
Maykop çöküntüləri üzrə 30-80 arasında dəyişilməsi, bu
çöküntülərin əsas neftəmələgəlmə zonasında olduqlarını
göstərir. Eosen çöküntüləri üzrə ümumi istilik impulsunun
100-
dən atıq olduğu Naftalan, Tərtər, Şirvanlı, Güllücə,
Zərdab sahələrində və çökəkliyin daha çox gömülmüş
mərkəzi hissələrində karbohidrogenlərin generasiyası daha
erkən başlanmış və daha intensiv şəkildə getmişdir.
Maykop çöküntülərində ümumi istilik impulsunun
Eosen çöküntülərinə nisbətən az olması, bu çöküntü kom-
plek
sinin neftəmələgətirmə potensialının az olmasına gətirib
çıxarır. Belə ki,
Σ
τ-nin yalnız 70-80 vahidi arasında yerləşən
ərazidə Maykop lay dəstəsi çöküntüləri əsas neftəmələgəlmə
zonasında olmuşdur. Bu zona çökəkliyin mərkəzi hissəsini,
onun cənub-qərb bortunda yerləşən Naftalan, Tərtər,
Güllücə, Ağcabədi, Ağgöl sahələrini, şimal-şərq bortunda
isə Zərdab, Muradxanlı sahələrini əhatə edir.
Generasiya olunmuş karbohidrogenlər çökəkliyin mər-
kəzi hissələrindən kənar hissələrinə doğru miqrasiya etmiş-
Az
ərbaycanın quru ərazisində neft-qaz-geoloji rayonlaşdırma
276
lər. Bu miqrasiya istiqamətində yerləşən antiklinal struktur-
lar, Paleogen-
Miosen vaxtı konsedimentasion inkişafda
olduqlarından, karbohidrogenlərin toplanması üçün struktur
tələlər olmuşlar. Struktur tələlərdən başqa Orta Eosenin
kollektorlarının pazlaşma zonalarında mövcud litostra-
tiqrafik tələlərdə də karbohidrogen yataqlarının yaranması
üçün əlverişli litostratiqrafik və struktur-tektonik şərait
mövcud olmuşdur. Çökəkliyin şimal-şərq bortunda Maykop
lay dəstəsi çöküntülərinin əsas etibarilə gilli fasiyada olma-
ları, bu nefttörədici ana süxurları, perspektivli bir obyekt
kimi
qiymətləndirməyə imkan vermir. Muradxanlı-Zərdab
zonasında Maykopun alt hissəsində olan az qalınlıqlı alevrit
laylarının neftliliyi nisbətən geniş bir sahəni əhatə etsə də,
böyük potensiala malik deyildir.
Çökəkliyin cənub-qərb bortunda Kiçik Qafqazın yu-
yul
ma zonalarından gətirilən qumlu çöküntülər hesabına
Maykop lay dəstəsi kəsilişində kollektor laylarının sayı və
qalınlıqları xeyli artır. Burada Paleotərtər, Paleokürəkçay,
Paleoqarqarçay və bir sıra kiçik çayların delta zonalarında
yayılmış qumları Qazanbulaq, Acıdərə, Tərtər, Naftalan
sahələrində sənaye əhəmiyyətli neft yataqları əmələ gətir-
mişlər. Bu neft yataqlarında Maykop lay dəstəsinin neftli
horizontlarının kollektor xüsusiyyətlərinin yüksək olmaması
üzündən yataqların əksəriyyəti hal-hazırda konservasi-
yadadırlar. Göstərilən neft yataqlarında, eləcə də onların
qonşuluğunda olan kəşfiyyat sahələrində Maykop lay dəstəsi
çöküntülərinin qumluluğu strukturların şimal-şərq qanadla-
rında daha yüksək dərəcədədir. Bu hal isə şimal-qərbdən
B.Hüseynov,
Ə.Salmanov, B.Məhərrəmov
277
cənub-şərqə istiqamətlənmiş dəniz axınlarının fəaliyyəti ilə
izah oluna bilər. Cənub-şərq istiqamətində dəniz dibi
axınların zəifləməsi, eləcə də Kiçik Qafqazdan axan çayların
fəaliyyətinin çökəkliyin cənub-qərb bortunun cənub-şərq
hissəsində zəifləməsi nəticəsində Maykop lay dəstəsi
çöküntülərinin qumluluq dərəcəsi və onunla əlaqədar olaraq
neftlilik perspektivliyi azalır.
Acınohur neftli-qazlı rayonun Paleogen-Miosen çökün-
tü
lərinin perspektivliyini əsaslandırmaq üçün, bu rayon
ərazisində aparılan geoloji-geofiziki işlər nəticəsində alınan
məlumatlar kifayət deyildir. Məlum olduğu kimi, Acınohur
çökəkliyində böyük qalınlığa malik olan Dördüncü dövr və
Pliosen çöküntüləri toplanmışdır. Daha qədim çöküntülər isə
yalnız, çökəkliyin cənub-şərqində Girdiman çayının sağ
sahilində yer səthinə çıxırlar. Paleogen-Miosen çöküntüləri
bu rayonda parametrik quyularla da öyrənilməmişdir. Belə
olan halda, Acınohur çökəkliyində Paleogen-Miosen çökün-
tülərinin neft-qazlılıq perspektivliyini, rayonun geoloji
quruluşunu qonşuluqda yerləşən Kür-Qabırrı və Qabırrı-
Alazan çaylararası rayonların geoloji quruluşları ilə müqa-
yisə yolu ilə qiymətləndirmək olar.
Məlum olduğu kimi, Acınohur neftli-qazlı rayonu geo-
tektonik cəhətdən Böyük Qafqazın cənub yamacından Kür
çökəkliyinin şimal bortuna keçid zonasında yerləşir. Alazan
çayının meridional istiqamətində olan aşağı axınından şimal-
qərbdə Acınohur çökəkliyi Şərqi Gürcüstanın Mirzaani
çökəkliyi ilə əlaqələnir. Mirzaani çökəkliyi şimal-şərqdən
Az
ərbaycanın quru ərazisində neft-qaz-geoloji rayonlaşdırma
278
Kaxetiya-
Daşyüz antiklinoriumu ilə Alazan-Əyriçay çökək-
liyin
dən, cənub-şərqdə isə Çatma-Göyçay antiklinoriumu ilə
Ceyrançöl çökəkliyindən ayrılır. Mirzaani çökəkliyində
Mirzaani, Patara-
Şiraki, Qaribani neft yataqları istismar
olunurlar ki, bunlarda da əsas neftli horizontlar Şirak lay
dəstəsinə və Üst Sarmat yarımmərtəbəsinə aiddirlər.
Çökəkliyin cənub-qərb bortunda Çatma antiklinoriumunun
şimal-şərq qanadında Maykop lay dəstəsi və orta-üst Miosen
yaşlı çöküntülərlə əlaqədar olan çoxsaylı neft-qaz çıxışları
və Gürcüstan ərazisində yerləşən Çatma-Bayda rayonunda
16 saylı quyuda Sarmat mərtəbəsinin üst horizontlarından
alınan 200 t/gün hasilatlı neft axını Paleogen-Miosen
çöküntülərinin neft-qazlılıq perspektivliklərini göstərir.
Acınohur rayonunda Paleogen-Miosen çöküntüləri bö-
yük dərinliklərdə yatdıqları üçün, onlarla əlaqədar olan neft-
qazlılıq əlamətləri qeydə alınmayıb. Lakin, bu çöküntülərin
neft və qazın generasiyası üçün əlverişli paleotektonik və
paleocoğrafi şəraitdə əmələ gəlmələri və onların böyük
qalınlıqlı Pliosen-Antropogen çöküntü qatı ilə örtülmələri,
bu çöküntülərin perspektivli olduğunu deməyə imkan verir.
Bu imkan isə çökəkliyin şimal-qərb hissəsində və cənub-
qərb bortunda Paleogen-Miosen çöküntülərinin qumlu-gilli
litofasiyada yayıldığı sahələrdə daha çoxdur. Bu cəhətdən
Mingəçevir su anbarının şimalında yerləşən Qərbi, Mərkəzi
və Şərqi Qocəşən antiklinallarını göstərmək olar.
Saatlı-Lənkəran və Talışqarşısı (Cəlilabad) mümkün
NQR-
lərində Paleogen-Miosen çöküntülərinin litofasial və
struktur-
tektonik xüsusiyyətləri qazıma ilə kifayət qədər
|