Azərbaycan – Türkiyə münasibətləri II beynəlxalq elmi konfransının materialları
361
bir çox ölkələrindən nümayəndələr gəldi, 7 türk ölkəsinin (Türkiyə, Özbəkistan, Qazaxıstan, Qırğızıstan,
Tatarıstan, Başqırdıstan, Xakasiya) nümayəndələri böyük Füzuli sənəti, Azərbaycan xalqı haqqında geniş
məruzələrlə çıxış edərək ürək sözlərinin söylədilər.
Türk cəmiyyəti ilə mədəni əlaqələrin genişlənməsində Azərbaycanda Atatürk mərkəzinin yaradılması
əhəmiyyətli rol oynayır. Son vaxtlar türk və islam ölkələri ilə təmasda Azərbaycanda yüksək səviyyəli bir
sıra tədbirlər - iki zirvə toplantısı, 2008-ci ildə Avropada və qonşu regionlarında mədəniyyət nazirlərinin
konfransı, 2009-cu ildə türkdilli ölkələrin mədəniyyət nazirlərinin və ayrıca islam ölkələri mədəniyyət
nazirlərinin konfransı, 2010-cu ildə dünya dini liderlərinin Sammiti keçirilmişdir. *9+
XXI əsrin birinci ilində TÜRKSOY-un ilk, ümumi sayda 15-ci toplantısı 2001-ci il yanvarın 16-17-də
Bakıda keçirildi. Azərbaycan prezidenti Heydər Əliyev yanvarın 16-da təşkilatın XV toplantısında iştirak
edən türkdilli ölkələrin nümayəndələrini qəbul edərkən təşkilatın fəaliyyətinə yüksək qiymət verərək
demişdir: "… Türkdilli Dövlətlər Birliyi yaranandan indiyə qədər TÜRKSOY təşkilatı hamıdan çox iş görmüş
bir təşkilatdır". O, TÜRKSOY-un fəaliyyətinin necə böyük əhəmiyyət daşıdığına 2000-ci ilin aprelində Bakıda
keçirilmiş "Kitabi-Dədə Qorqud"un 1300 illik yubileyini konkret misal kimi göstərmiş və demişdir ki, "Kitabi-
Dədə Qorqud"un 1300 illik yubileyi keçirilən günlərdə Azərbaycana təkcə türkdilli dövlətlərdən deyil, bir
çox ölkələrdən, o cümlədən Avropa ölkələrindən nümayəndə heyətləri gəlmişdi... "Kitabi-Dədə Qorqud"
hamı üçün ulu babadır”.
2008-ci ilin 8-18 sentyabr tarixlərində Bişkek, Almatı, Ankara və Bakı şəhərlərində TÜRKSOY-un
beynəlxalq layihəsi-Azərbaycan, Qazaxıstan, Qırğızıstan, Türkiyə, Başqırdıstan və Tatarıstanın opera
teatrları solistlərinin iştirakı ilə məşhur Azərbaycan bəstəkarı Üzeyir Hacıbəyovun “Koroğlu” operası
tamaşaya qoyuldu.
Türkdilli dövlətlərin rəhbərliyi tərəfindən TÜRKSOY-un fəaliyyəti daima dəstək və təqdir olunması öz
əksini 2009-cu il oktyabrın 2-3-də Naxçıvan şəhərində keçirilmiş türkdilli dövlətlərin Dövlət Başçılarının IX
Sammitində qəbul edilmiş Naxçıvan Deklarasiyasında öz əksini tapdı.
Türkdilli ölkələrin dövlət başçılarının IX zirvə toplantısında imzalanmış “Türkdilli dövlətlərin əməkdaşlıq
Şurasının yaradılması haqqında Naxçıvan Sazişi” əsasında təsis edilmiş Türkdilli Dövlətlərin Əməkdaşlıq
Şurası türkdilli dövlətlər arasında qarşılıqlı əlaqələrin möhkəmləndirilməsində yeni mərhələnin əsasını
qoydu. Tərəflər ümumi mədəni irsin qorunması, gələcək nəsillərə ötürülməsi və beynəlxalq müstəvidə
təbliğatı sahəsində sıx əməkdaşlığın inkişafı üçün səy göstərəcəklərini bildirdilər.
Naxçıvan zirvəsinin iştirakçılari dünya sivilizasiyasının inkişafına əhəmiyyətli töhfə vermiş zəngin türk
mədəni irsinin qorunması və dəstəklənməsi üzrə “TÜRKSOY Fondu”nun yaradılması barədə Azərbaycan
Respublikası prezidenti İ.Əliyevin təşəbbüsünü yekdilliklə dəstəklədilər. TÜRKSOY Fondunun yaradılması və
fəaliyyəti ilə bağlı təşkilati məsələlərin həlli tərəflərin hökumətlərinə həvalə olundu.
Türk dövlət başçılarının zirvə toplantıları. Türkdilli dövlətlər arasında siyasi və iqtisadi əlaqələr, о
cümlədən mədəni əlaqələr Sovetlər Birliyinin dağılmasından sonra daha intensiv oldu. İlk dəfə Türkiyə
Cümhuriyyətinin prezidenti TurqutÖzalın təşəbbüsü və ev sahibliyi ilə 1992-ci ildə Ankarada türkdilli
dövlətlərin başçılarının förümü keçirildi.
Türkdilli dövlətlərin zirvə toplantısı və yaxud тürkdilli dövlətlərin dövlət başçılarının zirvə toplantısı altı
türk dövlətinin başçılarının (yaxud dövlətin yüksək rütbəli nümayəndələrinin) iştirakı ilə həyata keçirilən
zirvələrdir. 1992-ci ildən başlayaraq təşkil edilən bu zirvələrdə türk dünyasının ortaq qayğıları gündəmə
gətirilməkdədir. İndiyə qədər 10 zirvə toplantısı keçirilmişdir. 4-cü zirvəyə qədər“Türk zirvəsi” adlandırılan
tədbirlər bundan sonra “Türk Cümhuriyyətləri dövlət başçılarının zirvəsi”, 5-ci zirvədən sonra “Türkdilli
dövlətlərin dövlət başçılarının zirvəsi” kimi qeyd edilməyə başlandı.
2010-cu ildə İstanbulda Azərbaycan Respublikasının Prezidenti İlham Əliyev, Türkiyə Cümhuriyyətinin
Prezidenti Abdullah Gül, Qazaxıstan prezidenti NursultanNazarbayev, Qırğızıstan prezidenti Roza
Oлtunbayeva, Türkmənistan prezidenti Qurbanqulu Berdımuhəmmədov türkdilli dövlətlərin 10-cu
sammitində iştirak etdilər. Türkdilli dövlətlərin əməkdaşlıq şurasının Katibliyinin, Ağsaqqallar Şurasının,
həmçinin Türk Akademiyasının fəaliyyəti müzakirə olundu, regional sülh və təhlükəsizliyinin saxlanılması,
iqtisadi əməkdaşlığın inkişafı, Qırğızıstandakı vəziyyətin tənzimlənməsi ilə bağlı fikir mübadiləsi aparıldı.
Sammitin gedişində liderlər baş katib vəzifəsinə Türkiyənin Rusiyada səfiri olmuş Xəlil Əkinçinin seçilməsinə
razılıq verdilər. Liderlər Bakıda türkdilli mədəniyyətin dəstəklənməsi və Ttürkdilli irsin qorunub saxlanması
üçün fond yaradılması fikrini dəstəklədilər. Həmçinin 2011-ci ildə Azərbaycan, Qazaxıstan, Qırğızıstan,
Azərbaycan – Türkiyə münasibətləri II beynəlxalq elmi konfransının materialları
362
Özbəkistan, Türkmənistanın müstəqilliyinin 20 illiyinin qeyd olunması və Aşqabadda Türkdilli xalqların
festivalının keçirilməsi qərara alındı.
Türk dövlətləri arasında elm, təhsil və mədəniyyət sahələrindəki əməkdaşlığın inkişafına təkan verən
amillər icərisində Türk dövlət və topluluqları dostluq, qardaşlıq və əməkdaşlıq qurultayları xususi qeyd
edilməlidir. Bu qurultaylar zamanı türkdilli ölkələrin elmi-mədəni əlaqələri baxımından bir sıra problemlər
müzakirə mövzusuna çevrilmiş, təhsil və elm adamları müvafiq sahələr uzrə əməkdaşlığa dair tövsiyə və
təkliflərini vermişlər. *22;23+
Nəticə
TÜRKSOY-un yaradılması, bu təşkilatı yaradan ölkələrin dilləri, xalqları, mədəniyyətləri bir-birinə çox
yaxın olması zərurətindən irəli gəlmişdir. TÜRKSOY-un yaradılmasında türkdilli xalqların əsasən din deyil, dil
prinsiplərinə üstünlük verilmişdir. TÜRKSOY-un əsas üzvləri Qazaxıstan, Türkiyə, Azərbaycan, Özbəkistan,
Qırğızıstan və Türkmənistandır. Qalan 7 üzv (Başqırdıstan və Tatarıstan respublikaları, Şimali Kipr Türk
Respublikası, Xakasiya, Tuva, Çuvaşiya və Qaqauz Yeri respublikaları)əsasən müşahidəçi qismində iştirak
edirlər. Bu üzvlər əsas üzvlər kimi eyni hüquqa və səlahiyyətə malikdilər. Ümumiyyətlə, TÜRKSOY-un
fəaliyyətində demokratik prinsiplər əsas götürülür. Yəni səsvermədə müşahidəçi ölkələr də əsas 6 üzvlər
kimi eyni səsvermə hüququna malikdirlər.
TÜRKSOY digər beynəlxalq təşkilatlar kimi dövlətlərin müqaviləsi, razılaşdırılmış nizamnamə əsasında
yaradılmışdır. Beynəlxalq təşkilat kimi qərargahı, bayrağı, katibliyi, üzvluk haqqı, Mədəniyyət Nazirlərinin
Daimi Şurası, dövlət başçıları səviyyəsində sammiti, bayram edilən günü vardır.
Türk xalqlarının YUNESKO-su adlanan TÜRKSOY təşkilatı türk mədəniyyəti və dilinin daşıyıcı olan
ölkələrın və xalqların birləşməsi prinsipi əsasında bu ölkələrin dövlət strüktürlarının siyasi mövqelərindən,
daxili və xarici siyasətindən asılı olmayaraq mədəniyyət və incəsənət sahəsində əməkdaşlığı
müvəffəqiyyətlə həyаta keçirir.
Ümummilli lider Heydər Əliyev türkdilli xalqların öz milli tarixlərini, doğma dillərini, ədəbiyyatlarını,
mədəniyyət və incəsənətini, adət-ənənələrini qorumağı və onları zənginləşdirməyi həmişə dəstəkləmişdir.
Çox qısa bir müddət ərzində Azərbaycan Respublikası mədəniyyət sahəsində YUNESKO, Avropa Şurası,
İSESKO, TÜRKSOY və başqa beynəlxalq qurum və təşkilatlarla sıx əlaqələr qura bilmişdir.
Azərbaycan Respublikasının Prezidenti İlham Əliyev TÜRKSOY-un fəaliyyətini diqqət mərkəzində
saxlamışdır. TÜRKSOY-un indiyədək keçirilmiş toplantılarının nəticələri bir daha sübut edir ki, onun
fəaliyyəti türkdilli xalqların dünya mədəniyyətinə inteqrasiya olmaq səylərini artırır, öz mənəvi dəyərlərini
tanıtmalarına kömək edir.
Görülmüş işlərlə yanaşı TÜRKSOY-un işində çatışmazlıqlar da qalmaqdadır. TÜRKSOY fəaliyyət
istiqamətləri kimi müəyyənləşdirdiyi vəzifələri tam həyata keçırəbilməmişdir. Xüsusi ilə türk dünyasının
tarixinin yazılması, ortaq türk əlifbasının yaradılmasına dair fikirlər reallaşmamışdır. Türkdilli dövlətlərin
başçılarının zirvə görüşlərinin keçirilməsində yaranan fasilələr türk dünyasında süstlük yaratmışdır.
Türk respublikaları arasında yaranan soyuqluq, xüsusi ilə Mərkəzi Asiya respublikalarının xarici
siyasətlərində baş verən dəyişikliklər türk birliyi üçün yaxşı gələcək vəd etmir. Mədəni əməkdaşliq
sahəsində keçırilən tədbirlərin həcmi və keyfiyyəti azalmışdir. Türk respublikalarinda mövcud olan
münaqişələrin, xüsusu ilə Ermənistan-Azərbaycan, Dağlıq Qarabağ münaqişəsinin həlli istiqamətində türk
respublikalarinin dəstəyi qənaətbəxş hesab etmək olmaz.
Ədəbiyyat
Azərbaycan dilində
1.
Abbasov N. Türk dünyasının mədəni inteqrasiyası məsələləri haqqında. // Mədəniyyət dünyası, IV
buraxılış, Bakı, 2002, s.146-148
2.
Azərbaycan Milli Elmlər Akademiyası Folklor İnstitutu “Ortaq türk keçmişindən ortaq türk
gələcəyinə” /III Uluslararası Folklor Konfransının materialları. Bakı: “Səda”, 2005, 584 s.
3.
Cəfərov N. Türk Dünyasının birliyi strategiyası: Heydər Əliyevdən İlham Əliyevə //Dircəliş – XXI əsr,
2004 (aprel-may), № 4-5 (74-75), s. 235-243
4.
Əliyev İlham. Dünyada türk aləmi güclənir, türk aləmi böyük coğrafiyanı əhatə edir. “Səs”
qəzeti,2007, 22 noyabr
5.
Əliyeva S, Türkdilli dövlətlərin mədəni inteqrasiyası. “Ədalət” qəzeti, 2010, 21 sentyabr