152
Sual: 235. Kiçik qeyb dövrünün böyük qeyb dövründən hansı
üstünlüyü var?
Cavab: Bir xəbərə görə kiçik qeyb dövrü imam Әsgərinin (ə)
şəhadəti zamanından başlamışdır və həzrət Mehdi (ə) həmin vaxtdan
imamət məqamına təyin olunmuşdur. Həzrət xilafətə Qum əhli ilə
qarşılaşma zamanı ilkin vəkilini təyin etməklə başlamışdır. Kiçik qeyb
dövrünün bir sıra imtiyazları var. Onlardan bəzilərini yada salaq:
1. Kiçik qeyb dövründə həzrət Mehdi (ə) imamət və xilafət
məqamına çatdı.
2. Bu dövrdə imam tam məxfi həyat keçirməmiş, ümumi fayda
baxımından öz xüsusi yardımçıları ilə görüşmüşdür.
3. Həmin dövrdə 4 səfir olmuşdur. Bu dörd səfir həzrətin xüsusi
göstərişlərini yerinə yetirmiş, onunla xalq arasında rabitə yaratmışdır.
Sual: 236. Allah-təala həzrət Mehdinin (ə) imaməti üçün zəmin
yaratmışdırmı?
Cavab: Bəli, imam Mehdinin (ə) mövludundan öncə baş vermiş
hadisələri onun gəlişi üçün zəmin saymaq olar. İmam Cavad (ə) və
imam Hadinin (ə) dünyaya gəlişi bu zəminlərdəndir. Çünki imam
Cavad (ə) 8 ya 7, imam Hadi (ə) isə 6 yaşında imamətə çatmışdı. Bu
iki məsumun imamətinə etiqad həzrət Mehdinin (ə) imamətinə etiqad
üçün zəmin yaradırdı və 5 yaşlı məsumun imamət məqamına çatması
ilə bağlı şübhələri aradan qaldırırdı.
Sual: 237. Digər imamlar həzrət Mehdinin (ə) qeybi üçün hansı
şərаiti hazırlamışdı?
Cavab: Qeyb mövzusu ümmət üçün yeni bir hadisə idi. Bu sayaq
uzunmüddətli qeyblə heç bir ümmət rastlaşmamışdı. Bu səbəbdən də
şiə cəmiyyətinin hansısa hazırlığa ehtiyacı vardı. Әhli-beyt (ə), hətta
həzrət Peyğəmbər (s) ardıcıl şəkildə 12-ci imamın qeybinə işarə
etmişdir. Böyük qeyb dövründən öncə kiçik qeyb dövrünün gəlməsi
də cəmiyyəti böyük qeyb dövrünə hazırlayan zəmin idi.
Sual: 238. Həzrət Peyğəmbər (s) həzrət Mehdinin (ə) qeybini
xəbər vermişdirmi?
Cavab: Bəli, bir çox rəvayətlərdə bu mövzuya işarə olunmuşdur.
İbn-Abbas həzrət Peyğəmbərin (s) dilindən belə nəql edir:
“Hüseyndən (ə), mənim məqsədim yolunda qiyam qaldırıb
vəsiyyətimi hifz edəcək imamlar qərar verilmişdir. Onların Hüseyndən
153
sonra 9-cusu Әhli-beytimin (ə) qaimi, ümmətimin Mehdisidir (ə).
İnsanlar arasında görünüş, hərəkət və danışıq baxımından mənə ən çox
oxşayan da odur. O uzun qeyb və azdırıcı heyrətdən sonra zühur
edəcək. O, Allahın əmrini elan edib, onun dinini aşkarlayacaq...”
1
Həzrət Әli (ə) həzrət Peyğəmbərdən (s) belə rəvayət edir: “Bir
vaxt onların imamı Allah istəyi ilə qeybə çəkiləcək. Onun üçün iki
qeyb dövrü müəyyənləşmişdir. Qeybin biri o birindən uzundur...”
2
Cabir ibn Әbdüllah Әnsari Peyğəmbərdən (s) soruşmuşdur:
“Övladlarınızdan qaim olan üçün qeyb varmı?” Həzrət buyurmuşdur:
“Bəli, and olsun Allaha!” Sonra “Ali-İmran” surəsinin 141-ci ayəsini
oxumuşdur.
Sual: 239. Həzrət Әli (ə) imam Mehdinin (ə) qeyb dövrünə işarə
etmişdirmi?
Cavab: Bəli, bir çox rəvayətlərdə belə bir xəbərlə rastlaşırıq.
Məsələn, Şeyx Səduq Әmirəl-mömininin (ə) özünə istinadən nəql edir:
“Bizdən olan qaim üçün qeyb dövrü var. Onun (qeybin) müddəti uzun
olacaq. Şiəni otlaq gəzən, amma tapa bilməyən çaşqın qoyunlar kimi
görürəm. Agah olun! Həmin vaxt hər kəs öz dinində sabitqədəm olsa,
qeybin uzunluğu onun qəlbini bərkitməsə, o, qiyamət günü
mənimlədir və mənim mərtəbəmdədir.”
3
Sual: 240. İmam Həsən (ə) imam Mehdinin (ə) qeybi haqqında
xəbər vermişdirmi?
Cavab: Şeyx Səduq nəql edir ki, imam Həsən (ə) Müaviyə ilə
sülhdən və bəzilərinin ona qarşı etirazından sonra buyurdu: “Vay
olsun sizə! Bilirsinizmi mən nə etdim? And olsun Allaha, mənim
gördüyüm bu iş şiələr üçün günəşin tülu və qürubundan üstündür.
Məgər bilmirsiniz ki, mən sizin imamınızam və mənə itaət etməyiniz
vacibdir? Məgər mən peyğəmbərin buyurduğu kimi behişt əhli
cavanlarının iki ağasından biri deyiləmmi? Bilmirsinizmi ki, Xızır
gəmini deşdiyi, divarı uçurduğu vaxt həzrət Musa bu işlərin hikmətini
bilmədiyindən qəzəbləndi? Әslində isə bu işlərin Allah yanında savabı
vardı. Bilmirsinizmi ki, hər birimiz dövrümüzün zalım hakiminə beyət
etmişik? Yalnız arxasında İsanın namaz qılacağı qaim belə deyil.
1
“Kəmalud-din”,s.236; “Biharül-Әnvar”, c. 36, s. 227.
2
“Bihar”, c. 52, s. 380.
3
“Kəmalud-din”,s.303; Elamul-Vəri”, s. 426; “Bihar”, c. 51, s.109.
154
Allah-təala onun dünyaya gəlişini gizlədəcək, qiyamınadək kimsəyə
beyət etməsin deyə, onu qeybdə saxlayacaq. O, qardaşımın 9-cu
övladı, ən üstün qadınlardan birinin оğludur. Allah qeyb dövründə
onun ömrünü uzadacaq. Öz qüdrəti ilə onu 40 yaşından aşağı gənc
surətində zahir edəcək. Qoy bilsinlər ki, Allah hər şeyə qadirdir.”
1
Sual: 241. İmam Hüseyn (ə) övladı Mehdinin (ə) qeybi haqqında
xəbər vermişdirmi?
Cavab: Səduq imam Hüseynin (ə) dilindən belə nəql edir:
“Övladlarımdan 9-cusunda Yusifin və Musanın sünnəsi var. O, biz
Әhli-beytin (ə) qaimidir. Allah onun qiyamını bir gecədə
gerçəkləşdirəcək.”
2
Başqa bir rəvayətdə imam Hüseyn (ə) buyurur: “Bu ümmətin
qaimi mənim 9-cu övladımdır. O, qeybə çəkilər...”
3
Başqa bir məqamda imam buyurur: “Onun üçün bir qövmün
mürtəd olacağı, digər bir qövmün öz dinində sabit dayanacağı qeyb
dövrü var...”
4
Sual: 242. İmam Səccad (ə) imam Mehdinin (ə) qeybi haqqında
xəbər vermişdirmi?
Cavab: Şeyx Səduq imam Zeynəl-Abidinin (ə) (imam Səccadın)
belə buyurduğunu nəql edir: “Həmin vaxt Allah-təalanın vəlisinin,
peyğəmbərin 12-ci vəsisinin qeybi başlayar. Ey Әba-Xalid! Həqiqətən,
onun imamətinə iman gətirilən və intizarı çəkilən qeyb dövrü bütün
dövrlərdən fəzilətlidir. Çünki, Allah-təala onlara elə bir ağıl və
düşüncə verər ki, qeybi hüzur kimi dərk edərlər...”
5
Sual: 243. İmam Baqir (ə) imam Mehdinin (ə) qeybini xəbər
vermişdirmi?
Cavab: Şeyx Səduq nəql edir ki, imam Baqir (ə) buyurmuşdur:
Xalq üçün elə bir dövr gələr ki, onların imamı qeybə çəkilər. Xoş o
insanların halına ki, həmin vaxt əmrimizdə sabitqədəm qalarlar.
Həqiqətən, onlar üçün nəzərdə tutulmuş ən kiçik savab budur ki,
Allah-təala buyurar: “Ey mənim bəndələrim və kənizlərim! Mənim
1
“Kəmalud-din”,s.315; “Bihar”, c. 51, s. 132.
2
“Kəmalud-din”, s.316; “Bihar”, c. 51, s. 132.
3
Həmin mənbə, s. 317.
4
Həmin mənbə.
5
“Kəmalud-din”, s.319; “Bihar”, c. 36, s. 386.
Dostları ilə paylaş: |