Böyük Azərbaycan yolçusu
101
aktivləşdiyi zamanlar isə Naxçıvan Muxtar Respublikasına
qayıdıb, bu bölgədə öndə gələn hərəkat nümayəndəsinə
çevrilmişdir. Qoşulduğu mübarizə ona xeyli fürsətlər verməsinə
baxmayaraq heç vaxt şəxsi mənfəətini milli maraqlardan önə
çıxarmamış, həmişə öz məfkurəsinə sədaqət nümayiş
etdirmişdir.
Təəssüf ki, öz amalına sadiq qalan insanların qədrinin
bilinmədiyi zamanımızda Bünyamin bəy də öz layiqli qiymətini
ala bilməyib. Xalq hərəkatı dövründə proseslərin
mərkəzində
yer alan, torpaqlarımızın müdafiəsi yolunda əlindən gələni
əsirgəməyən, yaşadığı Nehrəm kəndindən Naxçıvan Muxtar
Respublikasına deputat seçilən bu adam indi idman müəllimi
işləyir. Sözsüz ki, müəllimlik gözəl peşədir və dostumun
xarakteri böyük təhsil işçisi olmasına təminat verir, Yəqin ki,
özü də bu işin tələblərini sevərək yerinə yetirir. Necə olsa,
istənilən vətənpərvər üçün gənc nəslin
yetişdirilməsindən daha
böyük, ülvü, müqəddəs dəyər ola bilməz. Ümidvaram ki,
Bünyamin bəy də bu müqəddəs vəzifəsini yerinə yetirərkən
mənəvi rahatlıq tapır. Bununla belə dövlətimizin perspektivi,
gənc nəslin vətənpərvər böyüməsi naminə həyatlarını
müstəqillik uğrunda mübarizəyə həsr edən insanların daha
yüksək vəzifələrə gətirilmələri, könüllərində daşıdığı amalları
reallaşdırmaları üçün onlara daha münbit şəraitlər yaradılması
dövlətçiliyimizin maraqları baxımından vacibdir.
Bu il uşaqlıq dostum həyatının ən əlamətdar günlərin-
dən birini qeyd edəcək. Yazda onun 50 yaşı tamam olacaq. 50
yaş insanın müdriklik, kamillik dövrüdür. Yarıməsrlik şərəfli
bir ömür yolunun yolçusu olan Bünyamin bəyə əsri tamamla-
mağı və ömrünün sonuna qədər sükanı bu cür saxlamağı arzula-
yıram.
Böyük Azərbaycan yolçusu
102
HACI SƏYAVUŞ
MUSTAFAYEV
HƏYATIMIZIN ÇOX
HİSSƏSİ OXŞAR OLUB
Həyatda elə adamlar var ki, onlarla görüşmək həmişə
yeni bir təəssürat yaradır. Bünyamin bəy də belələrindəndir.
Bizim tanışlığımız yetmişinci illərdən başlasa da tale elə gətirib
ki, həyatımızın cox hissəsini demək olar ki, paralel olaraq
yaşamışıq.
Biz Naxcivan şəhər dinamo cəmiyyətində güləşlə
məşğul olurduq. Həm də ikimiz də Babək rayonundan
olduğumuzdan (o
məşhur Nehrəm kəndindən, mən isə şəhərə
bitişik olan Qaraxanbəyli kəndindən) rayon və Muxtar
Respublika yarişlarinda da tez tez görüşürdük. Onlar bizdən
yaşlı qrup olduğu ücün biz onlardan öyrənməyə calışırdıq.
Sonra Bünyamin bəy Azərbaycan Dövlət Bədən Tərbiyəsi
İnstitutuna qəbul olub Bakıya oxumağa getdi. Tətillərdə
Naxçıvana gələndə görüşurduk. Mən də idman institutuna
getmək istədiyimdən ondan qəbul qaydalarını və institut
Böyük Azərbaycan yolçusu
103
haqqında danışmağını istəyirdim.
Sonralar mən də bu instituta
qəbul oldum və mən əsgərliyə gedənə kimi Bakıda bir yerdə
oxuduq. Mən qayıdandan sonra milli hərəkata qoşuldum.
Bünyamin bəy də hərəkatın ilk günlərindən hərəkatın
öncüllərindən idi. Mən institutu bitirib Naxçıvana dönəndə
Bünyamin bəy artıq Babək rayon Xalq Cəbhəsinin və Naxçıvan
Muxtar Respublika Xalq Cəbhəsinin rəhbərlərindən idi. Beləcə
biz milli hərəkatda da bərabər fəaliyyət göstərməyə başladıq.
1989 - cu il sərhəd hərəkatını indi kimlərsə öz adına cıxmaq
istəsə də bu hərəkatın üc dörd rəhbərindən biri bilavasitə
Bünyamin bəy özü idi. Belə ki, 21 Azər günündə (dekabrın 12-
də) sərhəd boyu insan zənciri yaratmaqdan, sonra çadır
qurmaqdan tutmuş 31 dekabrda sərhəddin sökülməsinə qədər
bu iş bir neçə nəfərlə bərabər Bünyamin bəyin çiyinlərində idi.
Sərhəd sökülən gün isə mən və bir qrup iştirakçı cəbhədaşımız
əynimizə kəfən geyib ölümü gözümüzə almağımız da onun
təşəbbüsü idi. Sonrakı görüşlərimiz əsasən
dağlarda ermənilərlə
döyüşlərdə olurdu. Belə ki, Ordubadın Kotan, Kilid
kəndlərindən tutmuş, Şahbuzun Batabat, Şada ətrafinda,
Babəkin Aşağı - Yuxarı Buzqov, Kərməçataq, Şərurun,
Sədərəyin bütün sərhəd boyu kəndlərinə və yüksəklilklərinə
( Mil,Ucubiz,Qırmızı torpaq, Beşbarmaq, Əjdəkan, Əlquluşağı)
qədər bütun döyüş meydanlarında bərabər döyüşmüşük.
Baxmayaraq ki, həmin vaxtlar Bünyamin bəy millət vəkili idi,
demək olar ki, o vaxtının çoxunu Ali Məclisdən çox döyüş
meydanında olurdu. Daha sonra isə milli hökumət devrildikdən
sonra biz ikimiz də həbsxanaya düşdük. Həbsxana divarları
arxasında görüşə bilməsək də bilirdim ki, Bünyamin bəy də
başqa hərəkat yoldaşlarımız kimi bu ağır
imtahandan üzü ağ
çıxacaq və çıxdı da. Bünyamin bəy gözəl ailə başçısı, layiqli
dost olmaqla bərabər həm də əsil vətəndaş, vətənpərvər
insandır. Həmişə böyük kiçik yeri bilən Bünyamin bəy bu gün
də Bütöv və Böyük Azərbaycan uğrunda milli hərəkatda iştirak
Böyük Azərbaycan yolçusu
104
etməklə bərabər həm də pedaqoji fəaliyyətini davam etdirərək
Azərbaycan Turizm İnstitutunda dərs deyir.
Mən çox vaxt Azərbaycandan kənarda olmağıma
baxmayaraq Bakıya qayıdanda
mütləq Bünyamin bəylə
görüşüb yenilikləri bölüşür, ciddi müzakirələr aparır və səmimi
söhbət edirik. Mən Bünyamin bəyə bu əlli illik yubileyi
münasibəti ilə can sağlığı, ailə xoşbəxtliyi və çəkdiyi
əziyyətlərə görə ideya və arzularının reallaşmasını, eyni
zamanda şəxsi həyatında isə haqq etdiyi yeri tutmasını
arzulayiram.
11. 12. 2013 Aktau, Qazaxstan