48
BP Azərbaycanda Davamlı inkişaf haqqında hesabat 2011
İcmalarla işimiz
Əməliyyat obyektlərimizə yaxın ərazilərdə
davamlı inkişafa nail olmaq 2011-ci ildə də icmaların inkişafı
proqramımızın əsas diqqət mərkəzində olub
İl ərzində həyata keçirdiyimiz müxtəlif inkişaf
təşəbbüsləri Azərbaycanın 117 icmasını əhatə
edib. Əvvəl olduğu kimi, burada əsas diqqətimiz
icmalar üçün gəlir və daha geniş iqtisadi imkanlar
yaratmağa yönəlib. Tərəfdaşlarımızla birlikdə
İcmaların İnkişafı Təşəbbüsünə 800 min dollara
yaxın vəsait ayırdıq və bir çox layihələrə dəstək
verdik. Bu layihələrə aşağıdakılar daxil idi:
Goranboy rayonunda istixana təsərrüfatı
layihəsi
Layihənin əsas məqsədi Goranboy rayonunda
istixana təsərrüfatı yaratmaqla kənd yerlərinin
inkişafına dəstək vermək idi. Gəncə Aqrobiznes
Assosiasiyası (GABA) tərəfindən 2010-cu ilin
iyun ayından həyata keçirilən layihə 2011-ci
ilin noyabrında başa çatdı. Layihə müddətində
27 istixana quraşdırıldı. Proqram çərçivəsində
gəmirici, həşərat və xəstəliklərə nəzarət, gübrə
verilməsi, tərəvəzlərin və şitillərin yetişdirilməsi
üzrə kənd təsərrüfatı təlimləri keçirildi. Bu
fəaliyyətlər üçün ayrılan ümumi büdcə 171 255
dollar idi ki, bunun 34 071 dolları 2011-ci ildə
xərcləndi.
İqtisadi imkanların genişləndirilməsi
proqramı
Layihənin məqsədi Kürdəmir, Ucar və Ağdaş
rayonlarında sahibkarlığın inkişafı üçün
əlverişli mühit və gənclər üçün iş imkanlarının
yaradılmasına dəstək vermək idi. “Ümid” sosial
inkişafa dəstək (SİD) təşkilatı tərəfindən həyata
keçirilən proqram 2009-cu ilin oktyabrında
başlayıb 2011-ci ilin mayında başa çatdı. 2011-ci
ildə layihə çərçivəsində səkkiz müəssisə öz
səriştələrini təkmilləşdirdi, 13 icmaya biznes
planı hazırlamaqda dəstək verildi.
Paralel olaraq 44 gənc biznes sahəsində
bilik və bacarığını gücləndirdi, 42 gənc usta
yanında şagirdlik proqramını uğurla bitirdi, 14-ü
isə öz biznesini yaratmaq üçün qrant əldə etdi.
Layihənin büdcəsi 326 155 dolları idi ki, bunun
58 270 dolları 2011-ci ildə xərcləndi.
Süd və süd məhsulları istehsalçılarına icma
əsaslı dəstək
Layihənin məqsədi kiçik və orta fermer
təsərrüfatları tərəfindən süd məhsulları
istehsalını genişləndirmək və regional süd
toplama mərkəzləri ilə Azərbaycandakı
kommersiya emalçıları arasında əlaqələri
möhkəmləndirmək idi. Layihənin əsas donoru
ABŞ-ın Beynəlxalq İnkişaf Agentliyi (USAID) ilə
birgə Azərbaycanda BP və onun tərəfdaşlarıdır.
Layihə Ümid SİD tərəfindən yerinə yetirildi
və 2012-ci ilin iyulunda başa çatdı. 2011-ci il
ərzində Samux, Yevlax və Goranboy rayonlarının
üç kəndində süd toplama məntəqəsi açıldı.
Nəzərdə tutulan icmalardan 125 nəfər qadın
da daxil olmaqla 460 nəfər süd istehsalçısı
süd sağımı, mal-qaraya qulluq üzrə 29 təlim
məşğələsində iştirak etdi. Layihənin büdcəsi
106 835 dolları idi ki, bunun 39 998 dolları
2011-ci ildə xərcləndi.
Davamlı gəlir imkanları, bacarıq və
vərdişlərin yaradılması
İkiillik layihəni GABA, Gəncədəki Azərbaycan
Dövlət Aqrar Universiteti ilə əməkdaşlıq
şəraitində həyata keçirir. Layihənin məqsədi
kənd təsərrüfatı sektorunda çalışan icma üzvləri
üçün davamlı gəlir imkanları yaratmaq, onları
lazımi bacarıq və vərdişlərlə təmin etməkdir.
Onun məqsədlərinə 132 istixana təsərrüfatı,
bir çörəkbişirmə müəssisəsi, 96 arıçılıq
təsərrüfatının yaradılması və üstəlik bu təsərrüfat
və biznesləri idarə etmək üçün təlimlərin
keçirilməsi daxildir. 2011-ci ilin noyabrında həyata
keçirilməyə başlayan layihənin büdcəsi 787
629 dolları idi ki, bunun 4 974 dolları 2011-ci ildə
xərcləndi.
Gənclərin səriştə və bacarıqlarının
artırılması
Layihənin məqsədi beş qərb rayonunda –
Goranboy, Samux, Şəmkir, Tovuz və Ağstafada
Bakı-Tbilisi-Ceyhan və Cənubi Qafqaz boru
kəməri boyunca yerləşən 30 icmada və Bakının
Qaradağ rayonunda üç icmada – Ümid, Sahil
və Səngəçalda gənclərin səriştə və sahibkarlıq
bacarıqlarını inkişaf etdirməkdir. “Ümid” SİD
tərəfindən həyata keçirilən layihənin 2012-ci ildə
başa çatması gözlənilir. 500 min dollarlıq ümumi
büdcənin 490 203 dolları 2011-ci ildə xərcləndi.
Ümumilikdə, 200 gənc usta yanında şagirdlik
proqramına cəlb edildi və 2011-ci ildə 20 nəfər
məzun 9 192 dollar məbləğində qrant aldı.
Səngəçal qəsəbəsində dəyəri 11 216 dollar
olan Tullantıların toplanması məntəqələri tikildi.
Biznes planının yazılması üzrə keçirilən on təlim
məşğələsində usta yanında şagirdlik edən 96
nəfər iştirak etdi. Marketinq və işdə təhlükəsizlik
üzrə də təlimlər keçirildi və 17 sosial tədbir
keçirildi.
Gənclərin iqtisadi inkişafı layihəsi
Avrasiya Tərəfdaşlıq Fondu tərəfindən həyata
keçirilən bu layihə 2011-ci ilin fevralında başa
çatdı. Şəmkir, Samux, Tovuz, Ağstafa və
Goranboy rayonlarında gənc icma üzvlərinin
sahibkarlıq bacarıqlarını təkmilləşdirmək
məqsədilə həyata keçirilən layihənin niyyəti
gənclərə öz şəxsi bizneslərini qurmaq üçün
Peşə təlimi gəlir əldə etmək imkanı
yaradır
Aytən Qasımovanın 26 yaşı var və o,
valideynləri ilə birlikdə Azərbaycanın
şimal-qərbində yerləşən Şəmkir şəhəri
yaxınlığındakı Bayramlı kəndində yaşayır.
Onun üç qardaşı var. Biri orduda xidmət edir,
ikisi isə Rusiyada işləyir. Aytən orta məktəbi
2002-ci ildə bitirib.
Bir gün Aytən dostundan eşitdi ki, BP öz
tərəfdaşları ilə birlikdə Gəncə Peşə Təlimi
Mərkəzində təlimlərə sponsorluq edir.
Rəfiqələr bu təlim kurslarında birlikdə iştirak
etmək qərarına gəlirlər, axı kəndlərində subay
qızlar adətən yola tək çıxmır.
Az sonra hər iki gənc xanım toxuma
kursuna yazıldı. Aytən tezliklə öyrəndiyi
peşənin dərinliklərinə yiyələndi və həm
özü, həm də kənd sakinləri üçün paltar
toxumağa başladı. O, tacirlik “sənəti”nin də
incəliklərinə vardı, belə ki, 0,80 dollara ip alır,
iki saat ərzində papaq toxuyaraq onu 5 dollara
satırdı. Bir azdan o, günün səkkiz saatını
paltar toxumaq, həmçinin rəfiqələrinin saçını
kəsməklə məşğul idi. Aytənin müəlliməsi
Zita Qordina deyir: ”Aytən qrupda ən yaxşı
tələbələrdən biridir. O, hər şeyi tez öyrənir və
hər şüyə çox yaradıcı yanaşır”.
BP-nin maliyyələşdirdiyi bu təlim kursunu
bitirdikdən sonra, Aytən Gəncə Peşə Təlimi
Mərkəzində daha mürəkkəb toxuma və
kosmetologiya üzrə iki əlavə təlim kursuna
daxil oldu. Təhsil haqqı və yol xərclərini
toxumaqla əldə etdiyi pulla ödəyir. İndi o,
Bayramlı kəndində toxuculuq dərnəyi açmaq
istəyir və kəndlərindəki digər gənc xanımları
da ondan nümunə götürməyə həvəsləndirir.