Namiq Abbasov, Rəhim Həsənov
~ ~
72
yə görə mürəkkəb cisimlərin tərkib ünsürü olan odlu hissə-
ciklər efirdən enməyərək Yer üzərində mövcud olmuşdur.
Tusi bu barədə antik yunan fəlsəfəsində iki fikrin
olmasını göstərərək Anaksaqorun fikirlərinin izahına diqqət
yetirmişdir. Cismin keyfiyyətinin özündə mövcud olması
və ya xaricdən daxil olması haqqındakı mülahizələrdə
problemin dürüst izahını məzacda görürüdü. Anaksaqorun
və ona zidd olan filosofların düşüncələrindəki oxşar və
fərqli cəhətləri izah edərkən Tusi barışdırıcı mövqedən
çıxış etmişdir.
Çevrilmənin nəticəsində istiliyin yarandığını və bu
yaranmanın izahına aid beş sübut gətirən Tusi bu fikrin də
isbatına yer ayırmışdır. Sürtünmədən qızışan cismin od
olmadan yanması, müxtəlif cismdən düzəldilmiş qablarda
suyun eyni vaxtda qızması, ağzı tıxanmış qabın qızması,
səhəngin suyunun oda çevriləndən sonra partlaması, buzun
üstünə qoyulmuş cismin soyuq olması Tusinin çevrilməyə
dair gətirdiyi dəlillərdir.
Maddi substansiyaların tədqiqindən sonra qeyri-maddi
substansiyaların haqqında məlumat verən Tusi nəfs və əql
barədə öz şəxsi mülahizələrini peripatetizm və işraqilik
fəlsəfəsi cəhətdən mülahizə edir. Mücərrəd substansiyalar
olan nəfs və əql, maddi substansiyalar olan materiya, forma
və cisim kimi geniş izah edilmişdir. Nəsirəddin Tusiyə görə
göyə və yerə aid olan nəfslərdən fəaliyyətin yaranması
mümkündür. İdrak və hərəkətə malik olan göy nəfsi təbii
hərəkətlə dövr edərək kainatın əqli fəaliyyətini izləyir. Göy
nəfslərinin əgər məqsədi olsaydı, o, öz məqsədinə çatdıqda
fəaliyyətini dayandırar, yaxud da məhdud bir hədəfə
çatmağa can atardı. Bütün bu proseslər göy nəfsində
mövcud olmadığı üçün o, ümumi bir əqlə məxsusdur.