103
Nərəy dərəsində qanlı döyüş
(hekayə)
P
olkovnik Yevgeni Alekseyeviç azərbaycanlı tərcüməçisi
Akif Zeynalovu yanına çağırıb dedi:
- Zeynalov, bilirəm, bu sizin vəzifəniz deyil, ancaq bu işi sizə
tapşırmaq məcburiyyətində qaldım. Bizim Keşlak*dakı
xəbərçimiz ötən həftə mücahidlər tərəfindən öldürülüb. İndi biz
məlumatsız qalmışıq. Mərkəzdən bizə verilən xəbərə görə, bu
günlərdə Pakistandan mücahidlər üçün yeni silah karvanı
gələcək. Nəyin bahasına olursa - olsun biz bu silahların
mücahidlərin əlinə keçməsinə yol verməməliyik.
- Mən nə etməliyəm, yoldaş polkovnik? - Akif soruşdu.
- Yenə deyirəm, bu bir kəşfiyyatçı işidir. Amma siz Puştu dilini
daha yaxşı bilirsiniz, həm də zahiri görnüşünüz heç də
əfqanlardan seçilmir. Onların libaslarını da əyninə geyinəndən
sonra kimsə sənin sovet əsgəri olduğunu qətiyyən hiss etməz.
Ona görə bu əməliyyata həyata keçirmək üçün sizi seçdim.
İnanıram ki, siz bu işin öhdəsindən gələcəksiniz. İndi keçək
əsas məsələyə. Keşlakda bir dükançı var. Bizdə olan
məlumata görə, həmin dükançı mücahidlərlə əlbirdir. Silah
karvanı barədə o, hökmən məlumatlıdır. Sən Keşlakdakı
həmin dükana girib inandırıcı çıxsın deyə, bir az alış-veriş
edərsən. Bizə sadəcə, silah karvanının Pakistan sərhəddindən
keçəcəyi dəqiq vaxt lazımdır. İnandırıcı çıxsın deyə, sizə hər
iki heybəsi qarpızla dolu olan bir eşşək də verəcəyik. Hər
ehtimala qarşı, bu ratsiyanı da özünlə götürərsiniz. Bir şey
------------------------------------------
*Keşlak (Qışlaq) – Əfqanlar aulu, kəndi belə adlandırırlar.
104
olarsa, dərhal bizimlə əlaqə yaradarsınız. Amma çox ehtiyatlı
olmalısınız.
- Demək, Qışlağa kəşfiyyata gedirəm, yoldaş polkovnik? - Akif
təbəssüm etdi.
- Tamamilə elədir, yoldaş Zeynalov. Siz indi tərcüməçi deyil,
əsl kəşfiyyatçı vəzifəsini yerinə yetirirsiniz, - deyə Polkovnik də
gülümsədi.
- Nə vaxt yola düşməliyəm, yoldaş polkovnik?
- Bir saatdan sonra. Uğur olsun, Zeynalov! - Polkovnik ayağa
qalxıb Akifin əlini sıxdı.
- Tapşırığınızı yerinə yetirmək üçün əlimdən gələni edəcəyəm,
yoldaş polkovnik! - Akif farağat vəziyyəti aldı.
- Gedə bilərsən! - Polkovnik dedi.
- Oldu, yoldaş polkovnuk! - deyə “kəşfiyyatçı” otağı tərk etdi.
Günorta namazından sonra “kəşfiyyatçı” Akif Zeynalov
həmin Qışlağa çatdı. O, eşşəyi dükanın qarşısındakı tənha
ağaca bağlayıb dükana girdi. “Kəşfiyyatçı” təmiz puştu dilində
dükançıya salam verdikdən sonra, ondan bir kiloqram qənd,
bir kiloqram xurma, bir kiloqram şəkər tozu və bir ədəd quru
çay istədi. Dükançı Akifin dediyi şeyləri tərəzidə çəkə-çəkə
gözaltı ona baxırdı və dözə bilməyib soruşdu:
- Deyəsən, siz bizim Qışlaqdan deyilsiniz, eləmi? Çünki mən
Qışlaqdakılarımızı tanıyıram.
- Düz deyirsiniz, qonşu Qışlaqdanam. - Akif sakit halda dedi.
- Qarpızları satırsınız?
- Alan olarsa, sataram.
- Neçəyə satırsınız?
- Bir kiloqramı 10 əfqaniyə. - Akif dedi.
- Elə isə o qarpızlardan ikisini mənə ver, aldığın şeylərlə
hesablaşarıq. - Dükançı dedi.
- Yaxşı, siz deyən olsun, - deyə Akif bayıra çıxaraq, eşşəyin
heybəsindən iki qarpız götürərək, gətirib dükançıya verdi.
Bu vaxt içəri naməlum bir adam daxil oldu. O, dükançıya
yaxınlaşıb kef-əhval tutduqdan sonra soruşdu:
105
- Yeni nə xəbər var?
- Sabah axşam yeni mal alacağam. Bu dəfəki mallar
Pakistandan gələcək. - Dükançı təzə gələn adama bildirdi.
“Bu paroldur. Demək, silah karvanı sabah axşam Pakistan
sərhəddindən keçəcək”, deyə Akif düşündü. Akif məlumatın bu
qədər tez əldə etməyinə heç cür inana bilmirdi. Sanki
“kəşfiyyatçı”nın bəxti gətirmişdi. O, tez aldığı şeylərlə dükançı
arasındakı haqq-hesabını bitirib bayıra çıxdı. Akif ağaca
bağladığı eşşəyi açaraq, birbaş hərbi hissəyə tələsdi. O,
sevincindən sanki quş kimi qanad açıb uçurdu. “Kəşfiyyatçı”
dükançıdan əldə etdiyi məlumatı polkovnikə çatdıranda,
Alekseyeviç oturduğu yerdən ayağa qalxıb Akifi qucaqladı və:
- Zeynalov, siz böyük bir iş bacardınız. Təşəkkür edirəm. -
sevincək dedi.
Ertəsi gün axşam Sovet əsgərlərinin keçirdikləri gizli
əməliyyat nəticəsində Pakistandan mücahidlər üçün gələn
silah karvanı ələ keçirildi. Bu uğurlu əməliyyata görə
tərcüməçi-kəşfiyyatçı Akif Zeynalov “İgidliyə görə” Əfqan
medalı ilə təltif olundu...
***
1984-cü ilin yay ayı idi. Əfqanıstanın Pakistanla həmsərhəd
olan Paktiya vilayətində qanlı döyüşlər gedirdi. Həmin
vilayətdə mücahidlər daha fəal hərəkət edərək, həm Əfqan
qoşunlarının, həm də Sovet qoşunlarının xeyli sayda döyüş
texnikasını məhv etmişdilər. Bu qanlı döyüşdə hətta, bir Sovet
generalı da həlak olmuşdu.
Bir gün səhər yeməyindən sonra Əfqanıstandakı Sovet
polkuna xəbər gəldi ki, onların bir polku mücahidlər tərəfindən
pusquya düşüb və xeyli sayda əsgər həlak olub. Yuxarıdan
tapşırıq gəldi ki, təcili olaraq həmin polka köməyə
tələsmək
lazımdır. Ona görə də, vaxt itirmədən həmin əraziyə yaxın olan
Sovet polkunun komandiri polkovnik Yevgeni Alekseyeviç
Dostları ilə paylaş: |