128
Əlim yetmədi sənə
(Esse)
N
ə qədər çalışsam da əlim sənə yetmir. Çünki indi sən
məndən çox-çox uzaqlardasan. Elə bir yerdəsən ki, istəsəm də
oraya gələ bilmərəm. Amma hər axşam yuxularıma gəlirsən.
Nə yaxşı ki, yuxular var. Bu yuxularla təsəlli tapıram yenə...
Son dəfə səninlə telefonda danışanda dedim ki, sənə bir
sürprizim var, görüşəndə özün görəcəksən. Dedin ki, indi
görüşməmiz hələlik mümkün deyil. Səbəbini sordum. “Qismət
olsa, görüşəndə söylərəm” dedin. “Bəs nə vaxt görüşəcəyik
biz? Səsində bir qəribəlik var, sanki öz səsin deyilmiş kimi,”
deyə nigaran halda soruşdum. “Bu görüşün tarixi - günü, saatı
bəlli deyildir hələ. O ki qaldı səsimə, səsim həmin səsdi, ancaq
avazım dəyişib” gülərək dedin. “Amma ömrümdə ilk dəfədir ki,
səni görməyə daha çox tələsirəm. Bu tələskənlik nədənsə
əvvəlkilərə heç bənzəmir. İçimdə bir narahatlıq, bir sıxıntı, bir
qorxu var” dedim.
“Qorxu?! Sən ki heç nədən, heç kimdən heç bir zaman
qorxmazdın. İndi bu qorxu hardan çıxdı belə?!” deyə soruşdun.
“Səni həmişəlik itirəcəyimdən qorxuram!” dedim. “Yaxşı,
deyəsən o, gəlir. Qapatmam lazımdır. Onu da deyim ki, bir aya
kimi zəngimi gözləmə! Buralarda olmayacağam. Öpürəm,
salamat qal!” dedin.
“Əllərim əllərinə toxunmamışdı heç. İndi hardan çıxdı
birdən-birə “öpürəm” kəlməsi deyə düşündüm...
Bəli, bizi bir-birimizdən ayıran, bizim bir yerdə olmağımıza
mane olan onun əri idi. O, Çin Səddi kimi aramızda
dayanmışdı. İki sevən könül arasında çəkilən keçilməz bir
sədd!
Qovuşmağımızın mümkünsüz olduğunu bilə-bilə, yenə də
nəyəsə ümid bəsləyirdik. Sən indi sevmədiyin birisiylə ailə
129
həyatı yaşamağa məhkum olunmuş bir sevdalı, mən isə
sevdiyi uğrunda canını fəda etməyə hazır olan bir aşiq...
Bir ay tamam olan kimi, sənə zəng etdim. “Bu nömrəyə
zəng çatmır” deyə operator bildirdi. Həmin gün axşama qədər
hər yarım saatdan bir sənə zəng vurdum. Amma operatorun
eyni cavabını eşitdim. Təlaşlandım. Axşam da zəng etdim.
Amma yenə də eyni cavab...
Ertəsi gün iş yerinə getdim. İş yoldaşından səni soruşdum.
Qızın bir anda sifət rənginin necə dəyişdiyini gördüm.
Təəccüblə üzümə baxıb: “Siz Arzunun nəyi olursunuz?”
soruşdu. Heç bilmədim nə cavab verim. Qız bu sualdan
tutulduğumu görüb dedi: “ Demək, xəbəriniz yoxdur!”
- Nədən?! - həyəcanla soruşdum.
- Arzunu on gün bundan öncə Türkiyədən gətirdilər.
- Necə yəni Türkiyədən gətirdilər? Arzunun Türkiyədə nə işi
vardı?!
- Arzu boğazından “rak” olmuşdu. Burada əlac olmadı, ona
görə də valideynləri onu Türkiyəyə apardılar. Ancaq təəssüf
ki...
- Siz nə danışırsınız?! Bu ola bilməz! - bərkdən qışqırdım.
Qulaqlarımda uğultu yarandı, beynimdə sanki ildırım çaxdı,
ürəyim şiddətlə döyünməyə başladı, gözlərim önündə nəhəng
dalğalar sal qayalara çırpılaraq çilik-çilik olurdu...
Ayılanda başımın üzərində ağ xalatlı həkimi gördüm.
- Qorxulu bir şey yoxdur. Sadəcə həyəcandan bayılmısınız.
İstəsəniz, durub gedə bilərs
i
niz. Keçmiş olsun, - deyə həkim
mənə təskinlik verdi.
Demək, xəstə olduğunu məndən gizlədirmişsən. Hər şey
yarımçıq qaldı. Nə acı taleyin varmış sənin! Ölüm üçün
heyfsilənməzlər deyirlər. Amma mən sənin son gedişinə çox
heyfsilənirəm. İlk dəfə səninlə görüşəndə
,
baxışlarında nədən
bu qədər dalğınlıq, kədər, həsrət, intizar, məsumluq olduğunun
səbəbini soruşdum. Sən cavabında: “Bu baxışlar nakam
məhəbbətimin intizar, həsrət dolu baxışlarıdır” dedin. Elə o
130
zaman da mən sənin o, dalğın, kədərli, intizar dolu, məsum
baxışlarına vuruldum. O gündən bəri sənin o qara gözlərinin
əsirinə çevrildim. O, məsum, qara gözlərə bilmədən aşiq
oldum. Amma bunu uzun zaman səndən gizlətdim. Bunu sənə
söyləyə bilməzdim, çünki sən ərli bir qadın idin. Talelərlə bağlı
yazılarımı oxuyandan sonra özün məni axtarıb tapmışdın.
Sonra sən qovuşa bilmədiyin nakam sevgindən söz açdın
mənə. Dedin ki, bunu nə vaxtsa qələmə alarsan. Mən də
həmin gün sənin vüsalına yetmədiyin nakam məhəbbətin
barədə yazacağıma söz vermişdim. Üstündən illər keçsə də,
mən sözümə əməl edib, sənin nakam eşqini əbədiləşdirdim.
Onu yazılı tarixə çevirdim. Əfsuslar olsun ki, sən bunu görə
bilmədin. Amma narahat olma. Mən bu kitabı sənin məzarın
üstünə qoyacağam...
Sənin yoxluğuna heç cür inana bilmirəm. Bəs içimdəki
boşluğu indi kim dolduracaq?! Səni belə tez itirdiyim üçün
yanıb-yaxılıram. Özümə yer tapa bilmirəm. Bu geniş dünya dar
gəlir mənə. Özümü məngənə arasında hiss edirəm. Sanki hər
tərəfdən məni sıxırlar, nəfəsim çatmır, ürəyim çırpınır...
Bəs bu sevginin adı nə? Səni sevdiyim üçün günahmı
etdim?! “Ərli qadını sevmək günahdır” dedilər. Demək,
sevgimizin adı “günah.” Sevmək, birisinə aşiq olmaq nə
vaxtdan bəri günah hesab olundu?! Heç günah iş tutmaq
istəmədim həyatda. Amma bu günahı etdim, bilərəkdən
günaha batdım. Və sənə Məcnun tək aşiq oldum.
Bir dəfə: “Daha dözə bilmirəm. Yalan sevgidən, saxta
davranışdan, riyakar səmimiyyətdən, saxta gülüşlərdən, saxta
yaşamaqdan bezdim. Artıq özümü öldürmək istəyirəm. İnsanın
bütün ömrü boyu maska ilə, sevmədiyi birisiylə, səni başa
düşməyən, anlayış göstərməyən, məqsəd və məramı bəlli
olmayan, duyğusuz, hissiyyatsız, kobud təbiətli birisiylə
məcburi ömür sürməsi doğrudan da cəhənnəm əzabıdır!!!”
dedin.
Dostları ilə paylaş: |