Ottisklərin səthinə plyonkanın preslənməsi prosesi ottisk üzərində hazır plyonkaların preslənməsi hesabına şəffaf polimer təbəqənin yaradılmasıdır. Bu təbəqə termoplastik materialın əsas üzərindən köçürülməsi və ya polimer ərintisinin çəkilməsidir. Bu proses bəzən laminasiya prosesi də adlanır. Ottisk üzərinə hazır plyonkaların yapışqan vasitəsi ilə çəkilərək preslənməsi üsulu daha çox yayılmışdır. Bu məqsəd üçün lavsan və polipropilen plyonkalardan (qalınlığı ~ 20 mkm) daha çox istifadə olunur.
Vərəqli çap məhsullarına plyonkanın preslənməsi ixtisaslaşdırılmış maşınlarda (şəkil 12) yerinə yetirilir. Bu maşınlara rulon şəkilli plyonka, yapışqan məhlulu və ottisklər yüklənir. Maşın işləyən zaman plyonkanın 1 bir tərəfinə qurğu 2 vasitəsi ilə nazik yapışqan qatı çəkilir. Sonra plyonka quruducu kameradan 3 keçərək presləmə bölməsinə keçir. Bu bölmənin əsas hissəsi kalandr 4 adlanır. Eyni zamanda plyonka ilə birlikdə ottisklər kalandrın silindrlərinin arasından keçir. Ottisklər samonaklad 5 vasitəsi ilə ötürülür. Təzyiq və temperaturun təsiri altında (kalandrın bir silindri qızdırılır) ottisklər plyonka ilə möhkəm şəkildə birləşir. Səthinə plyonka preslənmiş məhsul kəsilməz lent şəklində rulona 6 sarılır. Xüsusi vərəqkəsmə avtomatında ottisklər bir-birindən ayrılır. Lazım olduqda bu avtomat plyonka presləyən maşınla aqreqatlaşdırılır.
Şəkil 12. Plyonkanın vərəq məhsula preslənməsi sxemi
Digər maşınlarda bu üsulla plyonkanı rulon çap məhsullarına presləmək olar.
Ottisklərin əks tərəfinə yapışqanlı plyonkanın çəkilməsi (məsələn, poçt markaları, etiketlər və s.) onların gələcəkdə hər hansı bir səthə yapışdırılması üçündür. Məhsulun təyinatından asılı olaraq yapışqanlı plyonkalar quruyan və ya yapışan ola bilərlər. Yapışqan plyonkalara laklama maşınlarına analoji olan maşınlarla çəkirlər.
Dostları ilə paylaş: |