242
Xatirən yadimdan cıxaydı barı
Payizda xəzanı, qışda qari
Baharda gulləri unudam gərək!
De necə unudum mən səni necə?
Sevgi durna deyil payizda koçə
Yuxuma gəlirsen mənim hər gecə
Aylari,illəri unudam gərək!
Sənin xəyalındır həsrətlə baxan
Adındır hər saat qarşıma cıxan
Qarışıb səklinə gözumdən baxan
Yagışıi,selləri unudam gərək!
Unudam gərək!
Oxucuların ürəyində silinməz iz qoyan Nüsrət Kəsəmənli poezi-
yası bugün də sevilir və oxunur.
Bakı Slavyan Universitetində tanınmış şair Nüsrət Kəsəmənlinin
anım gecəsi keçirilmişdir.(2016)
Günay Novruz-yazır:
Biri milli qəhrəmanım, o biri ədəbiyyat öncülü. Hər ikisi də xalqın
qəhrəman obrazları. Amma mənə və mənim kimi neçə-neçə gəncə də
maraqlı olan təkcə onların ortaq cəhətləri deyil. Bəli, onlar hər ikisi də şair
idi. Birinin ömür yolu yetimlikdən şairliyə, o birinin isə fəhləlikdən
mətbuata ünvanlanırdı. Alı Mustafayevin tərcümeyi-halına nəzər
yetirəndə onun fəhlə ailəsində doğulub, ilk olaraq Bakı Elektrik Ma-
şınqayırma zavodunda çilingər olaraq çalışdığına şahid oluruq.
Nüsrət Kəsəmənli isə “Əvvəlindən biri vardı, biri yox…” deyib,
yetim böyüyən, xalqının şair övladı idi. Bəlkə də çoxarına indi maraqlı
gəldi ki, ilin- günün bu vaxtında biz niyə bu iki şairi qarşı-qarşıya
gətiririk. Bəlkə də çoxlarınız indi özlüyünüzdə mənə deyirsiniz: “Əşi,
biz onları yaxşı tanıyırıq”.
Məncə bəziləriniz elə də yaxşı tanımırsız, əzizlərim. Bu günlər
ən çox maraq dairəsi sosial şəbəkələrdədi, xalqımızın bu halından biz
jurnalistlər heç də narazı deyilik. Sizin sosiallaşmağınız bizə həqiqətən
də kömək olur. Misal üçün, bir neçə gün bundan öncə “Dəli bir
243
ağlamaq keçir könlümdən” misrasını öz Feysbuk dostlarımla müzakirə
etdim. Mən sadəcə sual etdim ki, əziz dostlar, sizcə bu misranın
müəllifi kimd?
Dostluğumda olan yaşlı nəsil nümayəndələri Nüsrət Kəsəmənli,
gənclər isə Alı Müstafayev dedi. Sözün düzünü desəm, biz müharibə
illərini yaşayan uşaqlığın gəncləriyik. İndiki uşaqlar hər gün səhər
hansı xəbərə oyanır, bu başqa yazının mövzusudu. Biz isə hər səhər
oyananda biri-birimizə “xəbərin var bu gün də filan rayonumuzu işğal
etdilər” deyirdik. Hətta yadımdadı, on ya on birinci sinifdə oxuyurdum,
məktəbimizdə sirkə dəvətnamə satmışdılar. Biz biləndə ki, həmin
dəvətnamədə tarix olaraq 20 noyabrdı, etiraz etmişdik. Yəni biz
uşaqlığımızı müharibəyə qurban verib, gəncliyi-mizi də onun
qəhrəmanlarına sayğı ilə yaşamışıq.
Beləcə uşağlığı keçən bir gənc kimi, mənim də fikir, xəyalımda
“Dəli bir ağlamaq keçir könlümdən” ifadəsi misra olaraq Qarakənd
faciəsində itirdiyimiz xalqın dəyərli oğlu Alı Mustafayevindi.
Alı Mustafayev:
Torpaqda haqqı var axan qanın da.
Bir nərin qolları düşüb yanında.
Müqəddəs Şəhidlər Xiyabanında.
Dəli bir ağlamaq keçir könlümdən.
Nüsrət Kəsəmənli:
Yüyürüb-yüyürüb dərə boyunca
Düşüm çəmən üstə qoy üzü quylu
Öpüm bu torpağı, öpüm doyunca
Üzümə üz qoysun hər soyuq daşı
Qoy şehə qarışsın gözümün yaşı
Qurumuş bulaqlar içir könlümdən
Dəli bir ağlamaq keçir könlümdən…
Məncə arif oxucularımız artıq başa düşdülər ki, xalqımızın iki
qəhrəman obrazını niyə bir araya gətirmişik. Yazımın əvvəlində də
244
qeyd etdim ki, onlar hər ikisi bizə əzizdi. Və onu da söylədim ki, mən
müharibə yaşamış uşaqlığın nümayəndəsiyəm. İndiyə kimi yadımdadı,
milli vətənpərvərlik ruhunda böyüyüm deyə, atam evə ancaq və ancaq
milli qəhrəmanları xatirladan kitablar alırdı.
Sinifdənxaric olaraq ilk oxuduğum kitablardan biri də Alı
Mustafayevin “Dəli bir ağlamaq keçir könlümdən” kitabı olmuşdu. Alı
Mustafayev Nüsrət Kəsəmənlidən bir köynək mənə yaxın idi. Çünki,
mən böyüyəndə jurnalist olacaqdım və həm də uşaq ikən ara-sıra şeirlər
yazırdım. Yəqin elə ona görə də ömrümün düz otuz yaşında bildim ki,
Alı Mustafayev “Dəli bir ağlamaq keçir könlümdən” şeirini nəzirə
yazıbmış. Bu şeir məhşur misrası ilə Nüsrət Kəsəmənlinin ən gözəl
şeirlərindən biri olmasına baxmayaraq, məna etibarilə Alı Mustafa-
yevin taleyini əks etdirirmiş.
Misal üçün:
Yanmadım ömrümdən keçən illərə,
Baxıb məzarımda solan güllərə,
Söykəyib üzümü qərənfillərə
Dəli bir ağlamaq keçir könlümdən.
Milli.Az publika.az - 8 Dekabr 2014.
Nüsrət Kəsəmənlinin nəvəsindən babası haqda maraqlı
açıqlamalar.
Babanla bağlı ən yaddaqalan nə olub?
- Xatirələrim çoxdur.
- Onun son günü yadındadır?
- Yox, çünki onun vəfat etdiyini sonradan bildim. Mən, babam,
nənəm babamın müalicəsi üçün İrana getmişdik. Onda mən ikinci sinfə
gedirdim. Elə alındı ki, 1-2 ay məktəbə gedə bilmədim, orada qaldıq.
Babamın müalicələri çox idi. Sonra məni nənəm sərhəddən
Bakıya göndərdi. Qohumlarımızın evində qalırdım. Mən bura gələndən
sonra əmim də İrana getdi. Bir müddət sonra məni öz evimizə apardılar.
Sonra gördüm ki, evdə yas məclisi var.
Məndən gizlətmişdilər. Nənəm də bilirdi ki, babama həddən artıq
çox bağlıyam. Həm də onun ilk nəvəsiydim. İndi də onun haqqında
245
danışanda kövrəlirəm (gözləri dolur). Uşaq olsam da, hər şeyi yaxşı
xatırlayıram. O günlər mənə çox əzizdir. O, baba kimi çox gözəl baba
idi.
Milli.Az kulis.lent.az-a istinadən "Atamın xatirəsi" layihəsindən
tanınmış şair Nüsrət Kəsəmənlinin oğlu, şair-aktyor Rəşad Kəsəmənli
ilə müsahibəni təqdim edir.
Bir dəfə gözəllik yarışmasında Nüsrət müəllimə kimsə dedi ki,
sizin qızınız olsa, onun səhnəyə çıxmasını istərdinizmi? Nüsrət
müəllim hirsləndi, adamın üstünə yeridi, efiri bağladılar.
Vurmuşdu onu?
Vurmuşdu. Gözəllik yarışmasında olmuşdu, hə, xatırlayıram.
Bilirsən, sualın tonu yaxşı deyildi. İroniya ilə verilmişdi. Atam ona
görə hirslənmişdi. Mən özüm də bu gün biznes maraqları naminə
gözəllik yarışması keçirərəm, nə gizlədim, amma həm də istəyərəm ki,
valideynlər öz övladlarını bu yarışmaya buraxmasınlar. Ən yaxşısı,
qızlar özləri buna həvəs göstərməsin.
Könülsüz olanda
İnciyib odlara salma konlumu,
Qəzəb duyğulardan bir tonqal qalar.
Gördün fikirliyəm alma konlumu.
Əllərin havadan asılı qalar.
Burax fıkirlərin qoynuna məni,
Gozləmə əlacsız təbəssumləri.
Axsam gorərsən ki, guldurub səni,
Yeni bir seirlə donmusəm geri.
Min gucun dizini bir hiylə bukər,
Bir baglı qoncədə min hikmət yatar.
Bir gulə konulsuz toxunsam əgər,
Ləcəklər tikan tək əlimə batar.
Yenə baxısların niyə yol cəkər?
Bir istək, bir duygu qəlbimi doyər.
Konulsuz telini oxsasam əgər,
Dostları ilə paylaş: |