199
müxtəlif mövzularda və zamanlarda yazdığı «Şair»
«Şeyx Şamil», «Fətəli xan», «İntizar» (Əsər İlyas
Əfəndiyevlə
birlikdə
yazılmışdır),
«Nizami»,
«Şöhrət», «Cavanşir», «Alov», «Bayram inqilab
əsgəridir» («Səhər» romanının motivləri əsasında
yazılmışdır) və başqaları populyarlıq qazanmışdır.
Ədibin ədəbi-tənqidi görüşlərini də konkret
şəkildə bir-birindən son dərəcə güclü olan monoqrafik
səciyyəli, konseptual, sanballı məqalələri ilə
səciyyələndirmək, illüstrasiya etmək mümkündür.
Bunlara misal olaraq aşağıdakı elmi-nəzəri, ədəbi-
estetik əsərləri göstərmək olar: «Ədəbi düşüncələr»,
«Ədəbi qeydlər», «Bir ay və bir gün», «Səadət və
məhəbbət müğənnisi», «Nizaminin eşq fəlsəfəsi»,
«Füzuli haqqında», «M.F.Axundov haqqında», Sabir
haqqında yazdığı «Sabir-novator», Mirzə Cəlil
haqqında incə, mənalı və sarkastik, öldürücü gülüş
barədə, müharibənin odlu-alovlu illərində xalq
bayatılarının nəşrinə yazdığı konseptual müqəddimə,
«Ədəbi məktublar», «Böyük aşıq» və s.
Mehdi Hüseynin şəxsiyyəti, əsərləri barədə ən
yaxşı, ən tərifli söz deyənlərin deyimlərinin hər
birində çox böyük həqiqətin səslənməsi böyük
yazıçının Azərbaycanın sərhədlərindən uzaqlarda da
müəyyən ədəbi şöhrət qazanmasına inkaredilməz dəlil
və sübutlar kimi səslənir. Məsələn, Böyük fransız
yazıçısı Lui Araqon onu xalqlar dostluğunun
tərənnümçüsü adlandırır. Türkmənistanın xalq
yazıçısı Berdi Kerbabayev yazır: «...Onun bir çox dil-
lərə tərcümə edilmiş «Səhər» epopeyası, ümumittifaq
200
şöhrəti qazanmış «Abşeron» əsəri, habelə başqa
əsərləri ədəbiyyat xəzinəsində həmişə qalacaqdır».
Özbəkistanın xalq yazıçısı Ş.Rəşidov isə belə
demişdir: «Mehdi Hüseynin istedadı ümumxalq
məhəbbəti qazanmışdır. Bu məhəbbət əziz Mehdi
üçün ən böyük abidədir».
Öz qələm dostları olan Azərbaycan yazıçı, şair,
mühəndis, tənqidçi və tərcüməçilərinin də onun
haqqında bir-birindən dəyərli və səmimi fikir və
mülahizələri də qeyd olunmalıdır. Ədibin qələm dostu
Səməd Vurğun «Abşeron» romanı haqqında demişdir:
«Abşeron» romanı yalnız Azərbaycan ədəbiyyatında
deyil, habelə bütün sovet ədəbiyyatında əhəmiyyətli
bir əsərdir.»
Moskva Dövlət Universitetinin kafedra müdiri,
həmyerlimiz, gözəl tərcüməçi və alim Əziz Şərif
ədibin «Nizami» adlı dram əsəri haqqında bu sözləri
söyləmişdir: «Nizami»ni məhəbbət adlanan böyük
insan hissinə həsr edilmiş lirik-dramatik poema
adlandırmaqda haqlı olardıq, çünki əsərin hər bir
səhifəsi sarsıdıcı qüvvəyə malik olan incə və dərin
məhəbbət duyğusu ilə yoğurulmuşdur.
Görkəmli neftçi, Sosialist Əməyi Qəhrəmanı,
ədibin neft və neft adamlarının həyatından bəhs edən
romanlarının diqqətli oxucusu və sərrafi Akif Cəfərov
da öz ürək sözlərini səmimi şəkildə ifadə edərək öz
təəssüratlarını bu cür bildirmişdir: «Abşeronu, onun
dalğalı Xəzərini, cəsur fəhlələrini yaddaqalan,
rəngarəng bədii lövhələrlə qələmə almaq istedadı
mərhum yazıçımız Mehdi Hüseynin «Abşeron»,
«Qara daşlar» romanlarını, «Rəqiblər» hekayəsini və
201
digər əsərlərini biz neftçilərə sevdirən əsas məziy-
yətdir».
Bütün bunlar sübut edir ki, Hüseyn fenomeni
çox geniş bir coğrafi ərazidə tanınmış, özünə ad-san
qazandırmışdır. Onun elmi-nəzəri axtarışları bədii
yaradıcılığını heç də həmişə üstələyə bilmirdi; bəlkə
də onu tamamlayır, elmi-nəzəri əsaslarını daha da
şərtləndirirdi. Ondakı bu müxtəlifliyin birliyini,
vəhdətini şərtləndirən başlıca amil, bizcə ədibin
zəngin mütaliə bacarığı, intellektual səviyyəsi ilə
ölçülməlidir. Qətiyyətlə deməliyik ki, bizim yazıçı-
larımızdan heç biri Mehdi Hüseyn qədər oxumağa,
öyrənməyə, mütaliəyə təşnəlik etməmişdir; xüsusilə
tarixi onun qədər öyrənən, tədqiq edən ikinci şəxs
çətin ki, tapılsın.
Mehdi Hüseynin hekayə və romanlarında, eləcə
də dramatik əsərlərində əsas istiqamət, başlıca üslub
realizmə əsaslanır. Ədibin özü də həmişə bu məram
və məqsədə arxalanırdı. O, həyat həqiqətlərinin təbii,
realist boyalarla əks etdirilməsinin nəinki tərəfdarı,
bəlkə də təbliğatçısı idi. O, bədii əsərlərində həmin
tələblərə artıqlaması ilə əməl edirdi. Məsələn, məşhur
«Abşeron» romanını yazarkən Sovet rejiminin kəskin
zamanlarında belə realizmə sədaqəti ilə seçilirdi. O
zamanlar istehsalatda baş verən təhlükəli qəzalar,
ölüm-itim məsələləri, insan tələfatı barəsində adicə
söz demək belə qəti qadağan idi, xüsusilə, belə
halların böyük tirajlarla çap olunan romanlarda bədii
şəkildə ifadəsi müəllif üçün olduqca təhlükəli idi.
Lakin Mehdi Hüseyn müharibədən sonra yazdığı
həmin «Abşeron» romanında Mehman adlı bir
202
neftçinin iş başında, bilavasitə istehsal zamanı həlak
olmasını gizlətməmişdi. Eləcə də, «Qara daşlar»da
neqativ halların heç birini unutmayan yazıçı onların
hamısını tam çılpaqlığı ilə təsvir etmiş, hətta
respublikanın hakimi- mütləqi 1- ci katibin özünü belə
cəsarətlə tənqid edib, onu necə deyərlər, rüsvayçılıq
dirəyinə bağlamışdır. Ədibin xüsusilə, «Yeraltı çaylar
dənizə axır» romanında 37-ci illərdə baş vermiş qanlı
Stalin repressiyaları, xalqımızın düçar olduğu qeyri-
insani təqib və təzyiqlər konkret bədii obrazlarla,
qanlı hadisə və əhvalatlar tam çılpaqlığı ilə, necə
deyərlər, az qala bütün dürüstlüyü ilə, bəlkə də
naturalistcəsinə öz bədii əksini tapmışdır. Qeyd etmək
lazımdır ki, eyni təsvir üsullarına digər əsərlərində də
ayrıca önəm vermişdir. Məsələn, ədibin «Alov» dra-
mında: saxtakarlıq, yalan, xalq malını mənimsəyən
adamlar haqqında ittihamnamə kimi səslənən hüquq-
mühafizə orqanlarının hökmləri daha kəsərli olmuş-
dur.
Yazıldığı dövrə görə çox aktual və müasir
səpgidə qələmə alınmış bu əsərin ədibin dramaturji
yaradıcılığında müəyyən mənada ədəbi hadisəyə
çevrilməsi müəllifin bir dramaturq kimi həm fikri-
nəzəri baxımdan, həm də sənətkarlıq cəhətdən inkişaf
dinamikasını sübut edən yeni bir amil kimi ədəbi
ictimaiyyətin diqqətini özünə cəlb edə bildi. Təsadüfi
deyildir ki, məşhur teatr tənqidçisi Cəfər Cəfərov
həmin illərdə əsərin geniş filoloji təhlilini verərkən
bəzi vacib cəhətləri qeyd etmişdi. Xüsusi müqavimət
gücünə malik olan tənqidçi, hər halda «Alov»da bir
sıra müsbət xüsusiyyətlər görərək onları dəyərincə
Dostları ilə paylaş: |